韓板燒肉專門店 (已結業)

跟老公和一對朋友，叫了一個四人餐，跟四杯基本野飲。 之後店員拿了一點前菜比我地，可無限補充的。 有沙律，這菜好新鮮，爽口！ 仲有牙菜這個麻麻地，黃蘿白同海帶都好食，最重要係泡菜（老公起碼叫左人拎三次） 首先來的是剪薄餅，香脆可口 再來就係主菜，放得好靚 佢個剪pan 是新返的，好好用不黏底。一次過放哂都無問題。每一樣野都幾新鮮，基本都夠味，不過不失。 肉類四人餐其實好多，我地兩男兩女未食哂都覺得超飽。

今日去到元朗食韓燒，入到去店員提示我地可以將外套放在櫈內又比左橡筋我地紮頭髮仲有電話套比我地保護個電話，真係細心。叫左個四人餐，主食四選二，我地點左牛五花肉同牛肋骨，牛五花肉一層肥一層瘦有好幾層，燒出黎香口，肥肉部分煙韌有咬口，不覺油膩，牛肋骨香軟肉稔。韓醬牛護心肉及蒜鹽一囗牛，牛肉味香濃。甜醬油梅豚肉，甜甜的醬油味跟梅豚肉非常夾。香草雞腿肉肉質嫰滑。海鮮拼盒新鮮還附上牛油同青檸檬。波蘿片燒完後非常稔甜醒胃。泡菜煎餅外脆內軟泡菜味香。小食，沙律同生菜可以無限refill，小食質素不錯頗有韓式風味，沙律超級新鮮，我食左好多，哈哈！食到一半店員主動幫我地清潔烤板，我見佢攞住個生菜頭黎潔，佢解釋話：咁樣清潔好乾淨又唔使嘥左個菜頭，環保又衛生，佢洗烤板時仲不時提醒我地小心會彈油，真係好細心。雖然已經食到好飽，但我地都好想食甜品，叫左綠野仙蹤雪糕香香甜甜加埋脆脆既朱古力曲奇。而熱戀趣味係益力多百香果雪糕酸酸甜甜，食完烤肉食一杯就最好不過。

本身都好想試下醬油蟹，但見到平時岀面食都要300蚊左右一隻，然後咁岩經過見到元朗呢間醬油蟹做緊推廣，只系148蚊一隻，就即刻去左試下醬油蟹黎到唔算話大隻，但啲蟹肉加埋啲醬油夾埋既味道一啲都唔腥仲好有鮮味佢有送埋碗白飯，加埋一齊食都好好味配菜食完仲可以任添佢地員工仲非常貼心，有個員工見到我地食醬油蟹食到成手都系，就隨即俾左包濕紙巾俾我地，仲幫我地開埋添我地仲叫左個蜜糖炸雞，佢有一隻雞脾同一啲雞粒，價錢黎講系貴左啲，不過真系好味既需然呢間系主打韓燒，不過我地就冇食到，下次可以試下

早前去首爾，未有時間帶爸媽一嚐當地的八色烤肉，幸好元朗韓板有八味小豬豬供應，今次爸爸生日，一於帶他去品嚐一下。桌上早已準備好一瓶去油膩、助消化又有美顏功效的室溫韓國麥茶，還有三小碟可續加的泡菜以及用作包烤肉用的生菜。我實在挺喜歡這裡供應的麥茶，茶味獨特而且不含咖啡因，晚上喝也不會影響睡眠。韓板送的爐邊蛋一邊是原味，另一邊是芝士粟米，有些韓燒店是加泡菜碎的，而我個人則較喜歡這裡配上香甜粟米粒及半溶芝士的口味。賣相誘人的八味小豬豬出場永遠都是焦點所在，今次，且容許本人封它做八味小豬豬"升級版”，何解？因為韓板的五花肉，每件都是超～長～的，每一卷打直舖平都比烤盤直徑還要長，於是每一片我們都得把它弄成彎彎的形狀才能確保每一部份都能完整放在烤盤上（確保衞生安全，我們桌上的剪刀只剪熟食）。貪婪的我看著這比烤爐還要長的五花肉，不知何解，心裡有一種莫明的滿足。八味小豬豬不論厚度和肥瘦比例都很適宜作烤肉，烤好的豬五花油香縈繞，豬皮脆卜卜，加上用上八種不同醃料醃製，不用沾醬都已經十分美味。依照慣例，我們由人蔘味開始，依序為人蔘、味噌、香草、酒味、辛辣、海鹽、咖喱，最後一件沒有中文名牌，但根㯫它上面的蒜茸得

韓食在元朗不算很多, 但也漸多了. 這間開了不久, 閒日去食, 客不算太多, 可能韓食都算中價, 一般不會太平的. 店面不大, 座位間空間很少, 但都體諒明白舖租勁貴的難題. 叫了牛, 六種味道的豬, 都多汁有肉味. 醬汁也豐富. 多款什菜如白磨菇, 粟米等必叫, 以減輕燥熱的燒肉. 都鮮甜可口, 香草豬肉腸有確有香草的香味, 燒起來混什了肉香, 更吸引.  店員友善, 見過太多趕客的店員, 招呼好也是回頭再吃的重要因素.

終於試到你哋個8味豬，8味豬好簡單即係有種味，經理推介必食，我本人向來勁鍾意食五花肉今次仲要有8種味我梗係唔會執輸啦，D肉調得啱啱好，又唔會將五花肉本身肉嘅鮮味遮晒，好怕有時食韓燒嗰陣有啲鋪頭會將啲肉姑勿論豬牛雞都同一隻味當你食烤肉嗰陣完全冇任何嘅分別好似食緊同一種肉咁，不過如果人少就可以叫三味豬再加其他嘢，同埋蒜蓉味最好放喺最後先烤，咁樣就唔使烤濃晒啲蒜蓉搞到其他肉影響口感緊記！～😋😋😋

終於試到你哋個8味豬，8味豬好簡單即係有種味，經理推介必食，我本人向來勁鍾意食五花肉今次仲要有8種味我梗係唔會執輸啦，D肉調得啱啱好，又唔會將五花肉本身肉嘅鮮味遮晒，好怕有時食韓燒嗰陣有啲鋪頭會將啲肉姑勿論豬牛雞都同一隻味當你食烤肉嗰陣完全冇任何嘅分別好似食緊同一種肉咁，不過如果人少就可以叫三味豬再加其他嘢，同埋蒜蓉味最好放喺最後先烤，咁樣就唔使烤濃晒啲蒜蓉搞到其他肉影響口感緊記！😋😋😋

平時燒烤燒肉就叫得多，今次我就特登揀咗呢幾款同大家講⋯⋯我見食韓國烤肉，比較少人叫牛肉，今次就變咗叫個和牛肉片。牛肉片切得好薄，肥肉同瘦肉好均勻，肉顏色好靚，不過放落去嗰時，可能本身個煎pan唔多油，所以有少少痴，但是由於好薄身，食落都好有口感，好軟熟！特別係有一種肥牛嘅油香味！感覺好特別！未食過嘅人可以試一試！呢碟扇貝係送的！因為我哋都有打卡影相。一送到見到佢冰鮮，大大隻咁，都幾期待！由於係冰鮮，所以放落去都需要一段時間去緊佢地冰融解，但至少咁樣確保佢新鮮，唔會話變壞左！所以食嗰時佢嘅肉汁都好豐富，好有鮮味！終於都個博餅出場啦！賣相都OK，不過就細左小小...味道適中, 唔會話太鹹或太淡，口感不錯，都算煙勡！其實呢個話有啲建議，餐廳可以準備薄餅汁，同埋特別嘅煎pan，比客人自己煎黎食，令到成件事更加有趣味同埋互動性高，正所謂自己煮啲嘢都特別好食ma！ 

元朗又新街係出名嘅特色食街，但以傳統小食為主😊😊收到風最近開咗間韓風潮店，即管一試！竟然試出新意，韓板睇黎可以使又新街年輕化😃😃我唔熟悉韓潮，但一入門已感到年輕的韓風氣息！搶眼嘅人氣MV肯定令你精神為之一振😃😃我唔算係挑剔食家，但食物一擺放喺眼前，賣相肯定花過心思！已覺店東係有誠意經營呢盤生意😊😊爐端粟米蛋漿不甜不膩, 綿綿的口感中滲透著粟米清香。午餐肉算是伴著我成長的一款食物，烤後油份減少，香脆口感相對增强！海洋盛盆嘅帶子、生蠔鮮味十足；但燒烤時卻要注意加点牛油，燒焦了就太浪費！三味小豬豬嘅香草味最正；烤肉時間寧長莫短，筆者較喜歡烤至近乎肉乾口感😄和牛一睇就知係靚野。最有驚喜同最值得推介係牛胸油👍👍比起以前食開嘅白灼更脆及更能散發牛騷味👍👍最顯韓國人擅長包裝功力係反斗特飲，一樽韓國啤酒, 竟然化身為華麗邂逅😃😃更要我重溫中三物理科教嘅力學, 睇嚟我哋唔好再話讀嘅數、理、化冇用。  

今日係元朗收工，見到呢間韓國燒肉，門口裝修幾韓喎，一於入去試試，我呢個牛魔王，叫咗和牛粒同牛肉片, 仲有海鹽梅豚肉，D和牛粒size 啱啱好，一啖入口，不過四四方方，都幾厚身，所以燒個陣要燒耐啲，好多肉汁，又唔un ,估唔到海鹽豚肉又幾好食，好大塊，燒完冇柴皮又冇咬唔開，另外試咗個韓國shake shake飯，其實係飯盒，D餸同飯Shake完之後就食得，冇咩特別，如果熱D就好，鬼咁多野食，只得90分鐘用餐時間，似乎有D趕呢，唯有再等下次

同一班朋友再食韓燒，見鋪頭門口推介牛胸油既廣告？？？心想會唔會好肥架！唔想試！！但係經過 朋友話，曾經食過好味架，食過一次就愛上了。於是，我放膽地食，竟然有意外驚喜！ 口感一流，食落又唔係咁肥！好好味呀！呢個一定要推介！口感竟然係爽口而不韌 ，不膩不沾，冇想象中咁肥！營養好豐富，有好多骨膠原！講到八味小豬豬，有紅酒、人參、香草、海鹽、味噌、咖喱、蒜頭、辛辣。但係我比較鐘意香草同海鹽，呢兩個的味道較為香口，又唔會太搶味，又突顯到豬肉嘅香味！而且每一片都係厚厚的，食落亦好有口感，外脆內軟，可以供六個人食就幾滿足了！另外，有新啲好得意既飲料，好似叫做叫做反斗韓式特飲，我就叫左個士多啤梨味道(甜心小兵兵)大大杯，甜甜又幾fresh！原來係來自澳州架，馬來西亞入口，真係超值 ，都好少見餐廳有，唔係周圍可以飲到架  ! 鋪頭的雖然面積不大，但係都坐得舒舒服服架！不侷促！適合我呢啲放工後想休息既人士。有生菜俾我地包住啲肉食，中和返啲又冇咁肥，感覺上健康一點！門口都有特色

一大班人食飯， 韓燒都係一個好選擇， 可以試多幾款。。。今次嚟KPan, 之前食過荃灣分店， 元朗店比較細， 圓台坐位比較迫， 但梳化位就唔錯， 舒服啲， 同樣熱播kpop mv...一坐低店員先奉上大壺玄米茶，三款前菜(泡菜， 芽菜，醃蘿蔔)同落蛋槳， 重頭戲嚟喇， 成班餓鬼開始點菜牛牛併盤: 好豐富， 有牛舌， 牛助骨， 一口牛同雪花牛， 好香仲好有牛味， 咬落又唔會乾爭爭， 正牛肉眼: 又係好正， 最緊要就係有牛味又有肉汁， 牛比豬好味6味小豬: 分別用6種醃料醃成既， 但我本人麻麻地豬肉， 而且要燒得熟點， 相對會乾身， 同埋我個人覺得好似味道分別唔多大除左味噌味銀雪魚: 肉滑又香，好味香草豬肉腸: 其實有啲膩， 但有香草味， 燒到皮脆脆地， 都好味既白磨菇: 香香既菇味， 搽啲牛油一齊燒， 唔錯什菜併盤: 茄子， 南瓜， 粟米， 翠玉瓜， 南瓜同粟米都好甜，另外兩樣就正路野韓板湯面: 原來係餐蛋韓國泡面， 但又幾好味喎韓式豬皮: 都正路， 無話特別好食另外牛， 豬， 銀雪魚都有唔同既醬汁配食， 夠晒體貼生菜: 可以配肉類一齊食， 仲可以免費添加!雖然店子不大， 但服務算係貼心

諗住食少少野去睇戲, 次次返屋企行過都見到呢間KPAN好多人食, 今日未到食飯時間見唔算多人, 一於食完先去睇戲.而家D韓食鋪頭多數都保留油罐型坐位, 不過呢度以白色為主, 比我平時去開果D光猛好多.電子化落單, 快捷又方便, 唔洗等侍應, 揀好晒按個掣就自動落左單, 仲計埋total幾錢.有前菜, 包肉用既生菜, 同埋醬料無限供應.爐既兩邊坑位分別倒左蛋醬, 食落蛋好滑, 其中一邊仲有栗米粒.要左個豬豬盛盆$298, 有四款不同豬既部位.豬腩肉, 肥瘦一層一層, 煎落非常香口, 肉幾厚, 食落有咬口, 好味.梅豚肉, 呢個似豬扒, 肉質結實D, 口感豐富, 包埋生菜食梗加一流.豬頸肉, 薄薄地好易熟, 醬汁好入味, 肉質嫩滑. 豬排骨, 肉與骨分配平均, 煎完好香口, 好似燒排骨咁.煎到金黃色, D肉好惹味.肥瘦平均, 食落唔好乾爭爭.除左食肉, 仲要多個田園盛盒$58, 有栗米, 茄子, 南瓜, 翠肉瓜, 每款蔬菜好新鮮, 食完可以中和下食肉既肥膩感.

明天係假期, 所以今晚約D 朋友出嚟食飯, 近近地就响返我地頭-->元朗, 今晚大家都同意去食韓燒, 就去咗好熱鬧o既又新街k-pan, 因為本人第一次食呢間, 初初唔知食乜好, 但見好多人都叫咗一條好多細碟o既肉類, 一問之下, 原來係豬肉, 有好多唔同味, 咁我地就叫咗一個6味豬 (包括蒜味, 香草 咖哩, 味僧, 海鹽, 辛辣) 可以試多d 味, 但最好味係味僧 & 蒜味, 其他普普通通. 再叫咗豬皮, 另外叫咗個牛牛盛盆 & 雪花牛肉, 仲有腸腸 & 什菜, 仲有白磨菇, 雞比菇同埋銀雪魚. 仲叫多一個麵添. 唔覺唔覺原來叫咗咁多,  .. 總括嚟講, 個人覺得牛好味過豬好多, 因為d 牛好靚,  牛味重, 夠滑, 又大件, 尤其係個牛拼盤, 配埋佢個牛汁, 真係無得頂, 另外, 豬皮係值得推薦, 因為無肥膩感 而且有好重膠質 (有黏口感), 仲有就係銀雪魚, 好香口, 而蔬菜同菇類都好好味, 可以平衡下d (因為肉類太多了). 腸都唔錯, 但唔係太突出. 另外, 除非你好中意食豬, 或者好多人, 否則可以叫3味豬就得, 今晚我地就算有5個人 (有男有女), 都食得飽得

慶祝中秋，其中一個小圈子嘅家庭飯聚，就係去食韓燒。其實本身係想去BBQ, 但個個都懶得準備嘢… 我提意真接韓燒算～講咩都假，影相最實際，門口真係好光好型格…我企係度都已經覺得好「韓」。又黃又紅又白，完全係行過都會停低望兩眼～門口仲有好多張好得意嘅櫈俾等位坐tim...算係幾貼心，唔洗企先嘛至少。好彩book左枱同早到，唔係遲少少都冇位！鋪頭環境唔算好大，不過都算係用盡左啲位，但最養眼嘅莫過於牆上面嘅大電視，好多kpop呀MV呀一坐低已經有姐姐好快咁黎倒蛋漿，仲要用銅茶壺倒，雖然第一下感覺有啲奇怪，茶壺有蛋漿😂 不過anyway, 無可否認係好有新鮮感！Menu 中俾呢個特色飲品吸引左，反斗特飲！之前一直睇Facebook見到有 frd post 飲呢啲架喇，因為見到佢反轉左都唔會掉，覺得好神奇好有新鮮感！估唔到呢間嘢都好潮，嘢飲仲要唔貴！都係40幾！好大杯！我呢～就無酒不歡嘅～叫左韓國啤酒特飲「華麗邂逅」，諗起汪呀姐tim... 呢杯嘢好有驚喜～初頭我仲以為佢係純啤酒，會係苦，但原來我錯了…一飲落去好甜，好啱女仔口味！係落左啲我估係波羅汁，果然好反斗！易入口，好fresh!! 我勁中意