韓板燒肉專門店 (已結業)

近日行過見有下午茶餐食，價錢唔貴，食得茶記多又黎試下韓國菜嘅下午茶吖。下午茶時段一樣可以燒，但是日想食下其他野，點幾個餐算了。一坐低就會送上茶同水，嘩嘩，兩樣都有又幾好喎，水同茶都是熱的，這個膠樽得唔得㗎？！前菜三款，醬油菠菜，大荳芽菜同泡菜，雖然簡單，但三碟都好好味，encore了不少。都已經有麥茶同水了，所以飲品只點了一壺水果茶，清甜帶柚子香，淡淡紅茶味。壺下有小蠟燭煲住，飲到尾都係暖嘅，正。點了呢個板燒雞肉飯($50)，雖不是石窩飯但一樣香味甚強，大量紫菜加上韓式辣醬，搞伴後可食了。飯粒軟綿帶飯香，珍珠米一流，雞肉嫩滑，整體不錯，若辣醬可再辣一點更刺激。另一個點了醬烤牛肉飯($56)，基本上味道同上，多了點牛肉汁，牛肉燒得剛好不過韌，牛肉跟韓式辣醬十分夾，好味。仲點左卡邦尼年糕粉絲($62)，嘩嘩，好大份量呀！賣相不怎樣好香，但味道ok，只是略咸了點。其實年糕同醬汁唔咸，個粉絲先咸，可能係煮粉絲時下鹽太多了。勁多粉絲好飽呀～年糕煙韌，點汁食好好味，多啲年糕就好了其實仲點左窩夫，不過等左三十分鐘都不見蹤影，最後取消了，看餐牌的賣相好吸引呢，下次再黎試過吧。

早幾日放假，約左幾個朋友去玩，咁岩肚餓行經見到就入走試，我自己就叫左煎餅同凍既香蜜柚子茶。香蜜柚子茶，清甜得黎又唔會太過膩，兼夾帶點清新既感覺，有好柚子香味，飲左一啖就好想繼續飲第落去!海鮮泡菜煎餅，因為係即叫即整，所以需要一啲時間， 但唔算好耐，比我預期中快左。 一碟其實唔係好大碟，細細碟，趁熱快啲食哂一流！ 入面都幾多蠔仔，凍左擺耐左就會有腥味架啦！ 熱食果時，好煙靭又足料，但又唔會太大泡菜既味道，有清淡既鮮味。 可惜我地人唔多，食唔到咁多新出既野，同一班朋友去就可以叫多幾款食。

35知己入元朗遊，去到咁上下就睇下附近有咩好食，有個韓粉又話好想食韓菜，於是就揀左呢間「韓板」我地叫左韓式炸薯條，香蒜蜜糖炸雞，辛辣炸雞同韓板醬油蟹。 呢個韓式炸薯條比想像中好食，薯條熱辣辣外脆內軟不在話，見到個笑哈哈真係笑出嚟好有創意，最正係佢自家特制海鹽調味，認真食唔停口。 之後就係香蒜蜜糖炸雞 炸雞好大香蒜味 而且一食入口就好香好甜蜜糖味 啖啖肉 唔會好乾辛辣炸雞就偏辣 又係啖啖肉 雖然炸嘢係油啲 但整體都唔錯 呢個醬油蟹食得好特別，係將啲醬油蟹膏拆哂出嚟撈落啲飯度食，好特別。撈埋一齊食既感覺好新鮮，食到好濃蟹既鮮味。整體嚟講，係好正，一定會再黎食！

有冇人話比我知呢間韓燒點解可以冇質素?等我話比大家知點解咁之前聽人講話呢間韓板服務貼心又好味, 咁就唸住泥試下 點知...說好的紮頭髮橡筋呢?電話套呢?圍巾呢?不過算啦, 橫店入左泥就試試佢, 睇下有冇D人講到咁好味最後我地決定叫韓板豬豬之選二人套餐落單之後店員好快就拎左d前菜黎有雜菜沙律啦, 大荳芽啦, 芝麻昆布啦, 泡菜啦, 仲有醃蘿蔔醃蘿蔔醃蘿蔔呢??冇ge細問店員之下..佢話冇喎..個人認為醃蘿蔔係韓國餐最幾重要ge前菜, 又醒胃又好味..點知佢冇 不過算啦, 到套餐食物黎左, 店員都主動地過黎加爐邊蛋比我地, 裡面仲有芝士同粟米粒, 都好似幾吸引喎一路燒一路飲啤酒(套餐已包)d肉熟喇! 熟喇!    UM..點解咁咸ge又咁咸連個醬都好咸..護心肉ge味道仲衰過街市買個d, 仲有個泡菜餅冇泡菜味, 咁學咩人叫做泡菜餅不過算啦, 好彩都仲有d茄子,翠肉瓜同粟米係好吃ge 好唔愉快地終於食完。唔該埋單! 個員工望左我一眼冇理我再叫多2次終於都理我喇!睇睇張單發現..EEE 我個餐包2碗嫁..我問個店員咁我個2碗呢?佢話要叫先有但個餐唔係包埋ge咩?前菜都寫住係個餐包埋嫁, 我夠冇

谷友問元朗那裡有韓燒，不計任食那些偽韓燒，我只想起新麻浦和K-Pan韓板。今次一班朋友試一試韓板，下午茶時段來到，發現除了燒肉外還有不少其他選擇，一於點了下午茶試試。比較特別有這裡提供的水和麥茶均是熱的。雞肉飯餐，上桌熱辣辣又如石窩，有一塊雞扒，泡菜，大豆芽菜，紫菜配料。個人覺得甜多於辣，是港式調味過的韓菜，老公啱食，我覺得不差，就是欠一點辣。卡邦尼年糕，好大盤，原來年糕下有不少韓式粉絲，幾驚喜的。卡邦尼汁，似忌廉多於卡邦尼，其實是不少餐廳的通病，將貨就價是中國人本色吧。汁有點過咸了，我個人覺得還可以，但朋友卻說太咸而吃不下。芝士炸雞鐵板拼盤，鐵板能保持熱度，芝士依然能拉絲的，但當然不持久，數分鐘後芝士全部變得硬硬的。拼盤除了炸雞外還有薯條，實不相暪，雞塊最上面的是一大塊雞肉，而下面的卻是麵粉…比麥樂雞更不似雞的雞，失望度直達五星級。小食的麥糠粟米我幾喜歡的，粟米外圍包滿著麥片，感覺很raw，很多纖維似的。粟米本身用料一般，無汁亦無甜味。點了一壺熱柚子茶，服務員細心預備了四隻杯子讓我們分享，柚味什濃，沒過甜，還有臘燭加熱的，甚有誠意。我認為韓燒餐廳多做晚市，午市要推出韓式食物無可厚非，

朝早去左元朗搵朋友，3點幾見餓就去左搵野食，見到呢間kpan竟然有下午茶，決定試下。坐低睇睇個餐牌都唔算好多款式揀，但勝在價錢唔係好貴，點左個部隊鍋湯麵 同埋 日落微風。先講下個麵先，佢比我既感覺係好傳統既部隊鍋湯底，有辣白菜，午餐肉，腸仔同洋蔥，湯底味道好濃郁，聞落去已經好香，仲帶點辣味。個飲品就更加好味，類似士多啤梨梳打，酸酸甜甜又涼颼颼，夏天飲一杯，好消暑，仲要好開胃。整體黎講真係唔錯，下次有機會會再黎試其他野。

呢間我食過荃灣分店晚市韓燒，今日同朋友入開元朗，見到lunch餐牌唔貴，就一於試下！由於唔太肚餓，天口仲有尐熱，所以叫左個小食，炸雞，同飲品就算啦。元朗午市同荃灣晚市一樣，前菜任添，呢間舖頭的前菜真係好好味，我自己都食左四碟😂酥炸香蕉，入面係香蕉蓉，一尐都唔油，幾清新，類似將香蕉糕攞去炸咁，但係唔會太甜，剛剛好！建議可以當甜品最後食👍"正餐"炸雞，呢個係職員推薦的香蒜蜜糖炸雞，我一向都我怕濕lup lup的炸嘢，不過呢個唔係落左好多汁，我覺得恰到好處！仲有炸雞通常(好鞋)，但係呢個又唔鞋wo,算一驚喜。天口熱，識飲一定飲凍嘢！叫左呢個“藍天微風”！係藍莓蘇打，分量一級棒！不太甜，夠凍！推介大家配炸雞食！一流！

每次來也是必定點韓燒, 真的有點悶了! 新年又吃得太多年糕, 實在不能再吃熱氣嘢!好, 今次試吓點餸食飯呀!嘩! 真係估唔到, 原來點餸仲好味! 尤其是呢碟韓板醬油蟹撈飯, 唔食真係對唔住自己! 原來真係堅好味! d鮮味出晒嚟, 仲有羔ga wor! 真係好想再encore! 但係要留返個肚試埋其他! 特濃蕃茄年糕粉絲, 簡直可以用個搶字嚟形容, 侍應把碟年糕放下, 已經搶到空空, 有無搞錯呀, 唔留d嚟試吓, 好彩亞仔比兩粒我試! 試完之後, 我終於明白點解佢哋咁快手呀! Mm.... 值得一提嘅, 就係呢碟韓皮紅粉麻麻撈飯, 都幾好玩, 自己落手落腳搞搞佢, 味道都唔錯!較為遜色一點就係麥麥粟米棒, 油多咗d, 兼乾乾硬硬咁..... 口感麻麻地..... 我梗係飲返藍天微風, 好清香, 夏天飲仲正!

聽聞出了新既韓式午餐，我特别同朋友去嘗試下！睇下同一般既韓式午餐有乜分别？！我哋叫做韓式卡邦尼年糕粉絲拼餃子，感覺很特别，令我想起西餐，估唔到可以放在韓國餐上？！睇起嚟很美味，濃濃郁郁，一絲絲的黏在年糕, 年糕又煙煙韌韌，粉絲又在濃郁的汁內，融合一匯！我又叫了一個鮮士多啤梨味茶，味道非常清新，顏色很美！如果加入蜜糖更美味！真係意想不到，原來韓式的午餐會咁特别

朋友約入元朗食飯,記得呢間除咗韓燒仲有其他選擇.店長推介醬油蟹,唔係貴一隻$168,當然要試下,中size-,店長好好人用佢熟練手法幫我整埋👍蟹糕加落白飯再撈埋D醬油一齊食都幾新鮮,唔腥喎!蜜糖炸雞肉質外脆內嫩.再加個韓板粉紅撈飯幾得意啊!戴住手套張調味料自己撈勻食😉有得玩有得食,今晚冇㨂錯.正👍

今日返工起元朗做野，太多野做趕唔到午餐咁就搵間餐廳食個下午茶，於是就黎左呢間餐廳，一座低氣氛好好，好彩去到唔洗等位，同埋D侍應服務好细心，本身感覺韓國菜好貴，因為香港興食韓國料理，但係價錢合理

難得一日放假，走左入元朗行下食嘢。呢頭少見有新式嘅韓國餐廳，仲要有做午市，反正行到肚子餓，即管一試！細就細左啲，不過裝修都好骨致，仲有幾部電視有kpot睇tim~一坐底就揀左個特別推薦嘅蜜糖炸雞啲醬一睇就覺得好吸引，原來仲有辣味tim, 啱哂我份量就ok, 如果可以再多d就緊係更好啦呢個炸雞令我有意外驚喜，就係唔會炸到乾身之餘，一咬著去仲有好多雞汁，好鬆軟嘅感覺。平時食親啲炸雞都好乾，又瘦，呢間絕對唔會有呢個問題！蜜糖味亦令肉汁增添不少香甜另外我亦叫左呢個雞肉飯，感覺係將傳統石頭鍋飯加左d創新，又帶點日式感覺，最緊要係雞肉帶啲肥肉，好鬆軟同埋份量同飯嘅比例恰好，簡單啲講即係足料！最後亦點左一杯鮮果茶，嘩，大杯到呢…啲生果又多，味道好fresh又有濃嘅檸檬香，唔會太甜！

今日難得一家都放假，專程入元朗行街。香港吹韓風，我都唔例外，一講到食，當然都要有韓國風味所以我就上網search下，揾到一間叫韓板，係有韓燒，韓國野食。所以就一行幾人咁入去試試。

之前黎親韓板都係食韓燒，今次就決定同朋友黎試下其他熟食。果然冇令我失望！嗌左2碟芝士熔岩炸雞，一碟辣，另一碟就唔辣。2碟ge炸雞都係外脆內軟，d肉好嫩滑，溶左ge芝士再配合炸雞，好好味！而辣個碟炸雞好入味，食唔到辣ge都係食番唔辣會好d。另外嗌左個海鮮泡菜煎餅同薯條，海鮮泡菜煎餅好有泡菜味，食落去仲食到泡菜，雖然係泡菜但都唔算好辣，岩晒食唔到辣ge人。而個薯條入面仲有薯格等等，薯條個d係新鮮即炸，又脆又熱，再配上調味料，一試難忘！有嘢食當然要有埋飲品，嗌左杯特飲，一黎到以為佢地落錯單落左做凍檸水，但原來冇錯，係我杯芒果特飲，芒果味好重，味道好特別非常好味！下次想食炸雞又多一個地方比我選擇啦！

今晚又想食韓國菜，但又唔想燒烤，過年食咗好多煎糕喇，記得呢間除咗韓燒，仲有其他選擇，我地七人被安排坐單邊位置，D枱都唔算太迫，環顧四週都係燒緊，但又冇太大油煙味，至怕一入餐廳就大陣油煙味，店員放低五種配菜, 有醃蘿蔔，雜菜沙律，kimchi , 芝麻海帶，大荳芽，wow 好味道，食到唔停口，店員不停加添，原來係任添食到飽飽地添，叫咩食好呢？咦，有醬油蟹，唔貴喎，$168 一隻，梗要試下，雖然價錢平過出面一半，但唔算細隻，中size , 店員幫我地開埋，D蟹糕加落白飯連埋醬油食，一D都唔腥仲好鮮味添！仲叫咗蜜糖炸雞，不過不失，炸得唔乾，仲好有肉汁，好鮮嫩；仲有韓板紅粉嫲嫲撈飯，有驚喜，賣相好吸引，戴住手套將D配料同飯撈勻，朋友仲淘氣咁擠出一個個飯團食，好玩又好食，韓菜唔係只韓燒既，今晚選擇冇錯，下次必再encore