韓家韓國料理 (已結業)

本來今日係經外賣速遞APP ORDER食物的但等了近2小時仍未送達, 最後還取消了我的訂單就黎餓到暈之際打去餐廳查問一下原來餐廳早於我下單後20分鐘便預備好我的訂單食物等待U爸來收貨經老闆貼心安排下, 預備了一份新煮的食物給我到餐廳自取不用吃放置了近2小時的冷食物而且價錢也只收取餐廳MENU的價格(因用APP訂單收費是較餐廳MENU為高)良心餐廳食物質素也很美味尤其是無骨韓式炸雞我最喜歡它帶有甜甜的味道而老公就很喜歡牛肋骨湯, 帶有微微的藥材味道韓式烤肉粉絲就是一般韓式粉絲的水準慶幸在家附近有間韓式餐廳, 可以外賣在家慢慢品嚐韓式風味美食

朋友生日，去呢間餐廳道試下。平日lunch time 見到都幾多人，晚市比較靜，好似包左場咁😂人手亦唔多，但野食都未至於等得太耐。我地叫左甜辣味炸雞，估唔到呢間鋪新新地無乜宣傳，有咁ok 嘅炸雞！喜出望外左。之後有泡菜餅，韓式飯卷，豆腐麻醬沙律都係正常貨式。無影到相。熱愛芝士嘅我地，叫左個芝士拉絲農夫包。啲拉絲超勁，我地玩左勁耐😂拉絲配合泡菜豬肉嘅辣，用麵包夾住食，出奇地夾。仲有個鐵板春川雞，我地加左芝士同麵，又係拉晒絲！呢個都係辣，但味同泡菜豬有啲唔同，不過咁多辣味都幾濃。。。環境都ok, 一路播住韓國kpop, 慶祝朋友生日，仲免切餅費，感覺良好！

收工經過觀塘就去試下, 地點唔太方便, 係幢大廈入面既1/F, 一行四個人, 叫左芝士年糕, 牛肋骨湯, 炸雞, 泡菜豬肉農夫包芝士年糕熱辣辣, 芝士夠多, 年糕都幾堅韌牛肋骨湯味道有d淡, 重有碗飯送炸雞好好味!!!!! 仲要係冇骨, 份量都幾多下, 四個人食半份都夠哂重點係個農夫包可以拉絲!!! 勁多多多芝士, 配泡菜豬肉好好味, 推介! 對於一個芝士控黎講, 絕對係大滿足, 仲要價錢唔算貴 👍🏻 下次要試下其他味既炸雞同埋辣雞味農夫包 😋

個日要去觀塘個邊做嘢，諗住去到觀塘嗰邊食埋個晏先上去開會，平時好少來觀塘，估唔到周圍啲食肆都好多人排曬長龍，我哋唔係得好多時間食 ，見到呢間冇乜人排隊 ，就諗住試下。等咗一陣就有位，我哋兩個人 叫咗一個部隊鍋 同埋炒粉絲，估唔到咁好食，呢個價錢嚟講，算係幾抵 。之後上openrice 睇下呢間嘢，我估可能係開咗冇耐，冇乜食評 ，仲有啲負評，見到啲員工咁勤力又有心機做，所以想畀返個正平鼓勵下佢哋。我平時係極少留言 最後個set lunch有個糯米糍，我地加左$10 upgrade轉做雪糕，原來係牛奶味好正，仲有紅豆係上面!兩個人埋單total大概 150 左右

見門面幾好, 都多人食, 第一次去試下呢間韓式食肆, 因為觀塘韓式餐廳唔多, 而本身又唔係好肚餓, 諗住食個部隊鍋就算。落單之後等左30分鐘杯特飲終於到 (當時已經有一半位冇人坐), 15分鐘後有侍應問我個係咪叫左個鍋未到, 10分鐘後個鍋到左。期間見到有最少5檯客投訴d野食未到 (有d話等左大半個鐘), 落錯左2張單, 1杯野飲。見到入面得一個女侍應好勤力咁道歉同工作, 其他都係懶洋洋的。食物質素好普通, 唔算太好食。如果係趕番工既, 建議唔好去。

Lunch time 同同事 黎左食 等左大約20min 入座了我地6個都好齊心點左食拌飯好正宗 撈埋辣醬 野味！！食番之前係韓國的味道 如果D飯冇咁硬 同個蛋生小小 就very good !!

呢間野超級大問題叫左2個餐，中午食飯一個鐘一個部隊鍋，一個燒肉飯等左半個鐘都無黎，原來係無落單好喇，等左40分鐘終於黎喇得番5分鐘食都唔緊要！個麵係好咸之餘！我個鍋係無餐肉無腸，我問個waitress 入面應該係有咩，係有腸有芝士有餐肉有年糕，4樣野漏左部隊鍋2樣最重要既野。我真係覺得好過份，去到一個點係好笑。我想問個廚房係發生咩事，但明明成堆人係入面。其實平時我都唔會寫野話人地，可能一單半單，但呢個真係好癲喪。食完要即寫我諗啲waitress 都日日比人鬧到無曬引🙄好嬲 食個方便麵都搞成咁，用番辛辣粉好過⋯ 要不不如試下味先比人食好嗎，大佬都反映曬呢啲問題，收錢真心夠面皮厚收足全數⋯⋯⋯⋯我食左2啖就放低左了 終極。

觀塘午餐時間人多，因為樓下川味坊滿座上樓上試下呢間新開韓國餐廳，一行5 人叫左兩個韓式伴飯， 3 個韓式餃子拉麵，等左20 分鐘，見到隔離遲過我地黎的有野飲，追下先送左 4 杯野飲，30 分鐘後兩個韓式伴飯終於黎到，o個兩個飯只係暖，加埋啲配菜啱啱好變成凍等左40mins 終於有第一個餃子拉麵黎到，可惜個麵係硬的，啱啱放落湯到，追追單之後，等多5 分鐘終於黎多一個餃子拉麵，再等多陣終於黎埋最後一個... 部隊鍋，黎錯左都已經唔想再改，因為前後等左45mins lunch 時間都用晒，同埋成間餐廳都等緊啲餐出，再問應該要等多廿分鐘，最後部隊鍋一樣啲麵係未煮過，仲係硬，而且因為有pat 芝士，啲麵浸諗左之後鍋變成左糊狀，但啲麵中間依然未熟，仲係硬，就算餓住等左咁耐結果都真係食唔落食完，再追終於出埋最後一杯野飲，餐牌上面有寫甜品"糯米糍" 埋單叫佢比埋，佢係話未有... 落單個時唔講，唔問都唔會講聲一個半生熟都無的辛辣麵加幾粒餃子/ 餐肉，等左40mins，仲要收左 $55 之後話無糯米糍，認同 $30 都比多

係官塘新開餐聽打算lunch同同事去試下   1220到 1230已經落單我地叫左拌飯同韓國拉面 等20分鐘野飲都未到差唔多半個鐘拌飯先到 牛肉都係得一小篤 亦只係微暖  同事都表示係唔好食最誇張係個拉面 等40分鐘先到 已經燥到爆 兜野個賣相好差 一泥到輕輕撈兩撈 原來已經撈散左一粒餃子幾粒餃子淋到好似煮左3個鐘咁 一夾就散到同兜面融為一體自己煮都好食過佢好多唔明點解公仔麵都可以煮得咁難食 同埋要等40 分鐘咁耐 仲收$55 $20都比多個lunch set 落單紙有得tick 甜品送雪米糍 到埋單問先話送完無貨 無就應該要人地落單個時講聲啦 又無係落單紙都mark唔問都唔講 咁唔好叫lunchset 啦lunch一個鐘 等都等差唔多一個鐘 仲要咁難食 食完都好燥！

今天和朋友來觀塘， openrice見到開左一間新gei 韓國餐廳，見到個menu 都好啱食而又有set lunch，就入左去試。個set lunch 包前菜、主食、野食同甜品。前菜有泡菜，薯仔同大荳芽，味道清新，唔錯。我叫左個八色伴飯，個賣相好靚，同好多料呀，最緊要d牛肉好新鮮同夠腍😍😍 口感好豐富，加上特製的醬汁！真係一流！😋😋我叫左杯紅醋養下顏😉 甜和酸味調較得剛剛好。甜品我選左佢地gei招牌雪糕，香滑gei 雲呢拿雪糕配紅豆同黃豆粉，正好俾我消暑下。埋單都係$60 左右， 有咁豐富的野食，真係覺得好抵食好滿足☺️☺️ waiter 姐姐重話我知佢地會做埋下午茶， 真係好期待呀！我一定會再來幫襯😋😋！

有乜野驅使一個人打200 字食評去俾個負評？？ 係無聊？定係悶？係難食呀！！！！！！！前菜還好，所以期望有點高。但主菜個部隊鍋，一上枱有塊未溶芝士放喺面，心感不妙。食完個麵，覺得主菜極其量只可以係快餐，最多俾$30。我同朋友一邊食一邊估計呢間野唔會捱到好耐。（如果大家食過，中過伏，一定唔會覺得我地心腸歹毒，而係性價比實在奇低！）味道同food court 韓國屋比，韓國屋可以俾5星。祝各位好運！（包括店主）

黎呢頭食晏原本去樓下龍城食,但因官塘放飯時間真的好多人排隊排到好顛，唯有上一層𥄫下有乜食,呢間原本係一間食日本丼嘅飯店巳結業，現在食韓國食品又唔駛等位，咁咪入去law，我和朋友點了烤豬肉飯.雞肉炒粉絲.同追加雞。第一個飯真的好快到5分鐘都唔駛但開始食時個侍應先走個走問介唔介意你食緊個飯其實係牛肉🤬咁我當然話介意叫他攞走，之後一等就等左成20分鐘左右先到但就..........我個豬肉飯啲肥膏多到驚，個炸雞窿到好似雞肉乾咁，仲有個炒粉絲炒到好似糊仔咁諗，唉一定冇下次😑