韓家韓國料理 (已結業)

見門面幾好, 都多人食, 第一次去試下呢間韓式食肆, 因為觀塘韓式餐廳唔多, 而本身又唔係好肚餓, 諗住食個部隊鍋就算。落單之後等左30分鐘杯特飲終於到 (當時已經有一半位冇人坐), 15分鐘後有侍應問我個係咪叫左個鍋未到, 10分鐘後個鍋到左。期間見到有最少5檯客投訴d野食未到 (有d話等左大半個鐘), 落錯左2張單, 1杯野飲。見到入面得一個女侍應好勤力咁道歉同工作, 其他都係懶洋洋的。食物質素好普通, 唔算太好食。如果係趕番工既, 建議唔好去。