韓家韓國料理 (已結業)

朋友生日，去呢間餐廳道試下。平日lunch time 見到都幾多人，晚市比較靜，好似包左場咁😂人手亦唔多，但野食都未至於等得太耐。我地叫左甜辣味炸雞，估唔到呢間鋪新新地無乜宣傳，有咁ok 嘅炸雞！喜出望外左。之後有泡菜餅，韓式飯卷，豆腐麻醬沙律都係正常貨式。無影到相。熱愛芝士嘅我地，叫左個芝士拉絲農夫包。啲拉絲超勁，我地玩左勁耐😂拉絲配合泡菜豬肉嘅辣，用麵包夾住食，出奇地夾。仲有個鐵板春川雞，我地加左芝士同麵，又係拉晒絲！呢個都係辣，但味同泡菜豬有啲唔同，不過咁多辣味都幾濃。。。環境都ok, 一路播住韓國kpop, 慶祝朋友生日，仲免切餅費，感覺良好！