韓家韓國料理 (已結業)

中午同同事諗住去附近餐廳，但冇位就唯有上去兜個圈，見到有位咪入去點餐就只有一張紙，想睇下圖參考都冇🙄最後叫咗「豆腐牛肉湯鍋」，味道真係好差！👎🏻辣味水滾熟一堆洋蔥甘筍牛肉+豆腐+牛肉，冇咸味冇肉味👎🏻豆腐個心係凍嘅，洋蔥甘筍仲爽爽地，好似係滾兩滾就上檯，唔明點解呢煲野仲要等15分鐘！😡同事表示杯柚子蜜係唔甜，仲要帶酸！而我個餐杯麥茶亦漏單，不過已經唔想再追！唯一可取嘅就係前菜舊薯仔，呢度真係不可一不可再！

我同朋友都在剛剛的星期六當日去食~其實我一早左OPENRICE買左炸雞任食COUPON 兼且一早電話BOOK左位~當日去到門口已經相當多人~我地想同有關職員講返我地到左~都要在門外等左5-10分鐘先有個女職員理我地~佢話我地遲左~但事實係我地到左但因為冇人理~所以同佢講O既時候已經係過左時~咁佢最後都叫我地等第二張枱~ 我諗等左10分鐘左右~我地已經有枱~一坐低已經ORDER 定炸雞 (因為限時90分鐘)~咁女職員同我地講因為D雞你即叫即做~會耐少少~咁我地都了解~諗住應該耐極頂盡15分鐘咩都有啦~點知一坐坐左成個鍾~都完全冇野食~唔止我地O個枱~係枱枱都只來了沙律同飲品~完全未見過有炸雞~我地已經不停咁催佢地~但佢只係同我地講任食唔計時間~請再等下~最後因為我同朋友趕時間~等多半個鍾之後就退錢走人~最後係咩都冇食過~去左附近食茶記算啦~呢間野真係呃人GA~千萬唔好去~根本唔係做生意~D職員行來行去都唔知做咩咁~廚房D人好得閒咁~但又冇餐出~就算佢有雞食~10年先出得一碟~點都唔值88蚊~

一個人點咗個沙律，三份炸雞，一件薄餅就八九成飽啦，仲可以免費揀一款飲料添。可能中午啱啱開市上菜比較快，唯一插曲就係果分牛油蜜糖同埋豉油香蒜味道太過相似，結果叫老闆幫我換咗幾次先知原來唔系上錯菜。個人偏好柚子蜜糖，豉油牛油都整的太鹹味道唔系好夾，份量夠大建議炸雞最多三分就好，飽得黎會比較膩，不過咁便就唔好要求甘高啦！環境比較好，空間雖然唔大但佈置得當，放埋k pop 氣氛夠曬好。得閒會再考慮黎試埋其他味道。

今日去觀塘拎印刷品，拎完順便約起觀塘返工既朋友晚餐，佢就推薦韓家。好彩早上到去，如果唔係要等位。我地點左4樣野，每個都不錯。凱撒沙律生菜爽脆，附有好多脆脆ham，鋪上滿滿的芝士粉，芝士控的我一定鍾意。韓式雞蛋卷夠大份，好有蛋味，中間夾有紅蘿蔔粒。另有炒粉絲雞蛋卷選擇，不過怕飽無揀到。如果雞蛋卷可選擇加芝士就更加正喇。川炒辣雞呢個係我最愛的，雞球係無炸過，無咁油膩。我覺得佢有少少似酸辣雞球，夠晒大件之餘，個汁都好惹味，結果成碟清晒。韓式烤牛配生菜牛肉炒得好好味，剛剛熟好嫩滑，連埋洋蔥配合埋生菜包住食，所有油膩嘅感覺都冇晒。食飽時先發現佢有炸雞放題，下次一於再黎試多次。

我都好少會打食評但呢鑊真係劣到唔出聲都唔得。係ulifestyle見到呢間韓家做緊星期六日下晝98蚊炸雞放題即刻約個frd weekend去試下。去到門口已經有好多人排緊隊，咁諗住咁平多人等都正常所以都冇乜所謂。等左40分鐘多d終於入到去，點知坐低先係等待既開始。一坐低就即刻係張放題紙到落左每人一杯贈送既飲品同剔左五隻味既炸雞各一碟。因為佢寫住每碟有6隻，諗住試下味先睇下邊隻味好食先叫多幾碟唔好浪費食物。野飲好多快就到左，但等佢第一碟黎既炸雞就等到我慢慢咁飲晒杯野都仲未到。到第一碟炸雞黎到果陣已經過左差唔多一個鐘。 因為頭40分鐘過左果陣問左個侍應，佢話啲炸雞係跟單做所以會耐啲，咁我見間舖頭坐滿晒都情有可原，仲滿心期待咁以為係第一碟雞黎左之後就會陸續上，點知係第一碟雞黎左之後又再等左40分鐘先有第二碟。佢個炸雞任食本身寫住限時90分鐘，但我等左100分鐘先有12件細細舊既炸雞食。你以為得我地枱先咁慘？先唔好講果段時間基本上每一枱都得啲空碟，全部人等緊啲炸雞。坐我地隔離枱果2個女仔早過我地到，但我地坐左差唔多75分鐘佢地都仲係乜都冇黎過，佢地枱面由始至終都淨係得2罐汽水。佢地等等下我已經

因為做任食所以就諗住黎試下但真估唔到可以等咁耐12點9入座，等到2點鐘都係黎左一碟(6件雞)個泡菜煎餅都等左9個字先上到.....見到基本餐廳其他人到等到不斷碎碎念之後等左一排頂唔順同間餐廳講佢竟然話叫我再寫話要乜味，可能唔知張單去左邊..呢個經歷我諗真係冇下次食物水準不過不失，即炸係不錯，但同出面其他店都係相同，冇太大特別都要咁等法...所以基本都冇下次！Ps芝士辣味勁難食，唔係落真正既芝士，係落芝士粉，真心好難食，其他味都ok既。

一碟雞等一個幾鐘 唔係下話 邊有人想再黎 同樣價錢 不如去其他連鎖炸雞店食 呢間個廚房太細 跟本應付唔到基本需求（唔係講任食） 咁樣自然d人幫親一次就唔會再黎 邊個幫到你等到無野好做 只好放呢個評論等大家唔好再中蕉重點一味道：唔算好好價錢： 百幾蚊位洗咩係到食時間： 我book左位都叫我 半個鐘後再黎之後食一碟雞係係一個鐘後 你唔發老皮去問係唔會上之後個waiter 係同我講d單無晒 想我比咩反應晒時間 買難受 邊個想黎？最基本都買多d炸爐出快d雞啦

平時都好少打食評，今日第一次打😭因為今次好深刻嘅經歷，令我覺得非打評價不可今日去咗食，因為喺網上見到有90分鐘放題優惠，跟住就同埋朋友仔一齊去。順便用下OpenRice Ge 優惠券，可惜冇睇清楚購買時㗎🙈不過好彩最後都俾我用到，雖然最後加加埋埋要在收返108，但已經平過原價🙈🙈下次去要小心啲呀👍🏻👍🏻ps 牛油蜜糖炸雞其實唔錯，泡菜餅都唔錯🤔🤔不過啱啱食嗰陣可能有啲多人，都等左半個鐘左右先有嘢送上嚟

炸雞放題炸雞味道一般 芝士味只有芝士粉 醬油味好鹹 炒年糕無味 好似煮完先落辣醬 泡菜煎餅淡而無味 食要提早訂位 否則會摸門釘 第一日去到先知話無曬位要訂 6點去話九點都未必會有

星期六諗住同朋友食韓國lunch🤪平時都鍾意幫襯啲小店，又比我發現觀塘開咗間新嘅韓國餐廳，12點半未夠就已經同朋友去到餐廳，當時已經有兩台客人，而我一入到去就見到個男職員喺度調教緊個moon，咁我就同佢講，兩位呀唔該，點知佢既回應我真係好嬲，佢話:我整緊野呀！！原來哩度啲服務係咁架！因為朋友想食韓國野，所以照食啦。我地由落單到有得食要超過一個鐘，但都係得碟唔好食既飯捲！然後我就問嗰女職員👩‍💼問下我地啲食物進度如何，如果未整既話我地想cancel ！點知真係未整！點解可以成嗰鐘都未整到？太離譜！眼見好多抬既客人都好炆，因為真係無野食，但又見廚房可以安排到外賣，最後我同朋友只好離開，食其他！好嬲！

伏到爆炸 打電話想問洗唔洗book枱，打左兩日都話唔得閒住，叫人遲啲再打，再打就唔再聽電話。好啦，我想食於是我wall in...好似唔想做生意咁，又唔係好理人。啲落單紙要問佢攞，但職員就唔係好理人,加上出餐好慢，基本上90分鐘你只可以落到一轉嘢食。牛油蜜糖味炸雞超咸，柚子蜜糖出晒水，醬油香蒜似咕嚕雞球，芝士香草味只見芝士粉未見有香草味，傳統甜辣醬就係淋普通甜辣醬。啲雞唔似炸雞，因為林嘅，一啲都唔脆。泡菜煎餅就幾新奇，酸酸地咁，可以一試。辣炒年糕就係自己喺屋企都整到。可能有人會話138任食，你仲想點？但係我想話138你可以有更好嘅選擇。呢度真係有待改善嘅空間實在太大。去圖：

10月16日，下雨天，下午去同媽咪食飯，媽咪話想食韓國野，就見到這間韓國菜，我地就試下，不過叫外賣，叫左豆腐湯，再加個桃汁，首先講左豆腐湯，太多水，令到入面材料不足，得幾塊小的碎了豆腐和四至五塊牛肉，其他大部份是红羅白條。辣度適中，白飯一個人份量都夠飽！值得一贊豆腐湯内的流心蛋黄做得好好！

呢間韓式餐廳好犀利, 星期六6點半去到已經爆滿!好難得有2個位俾我地攝到入去食物種類都算豐富.... 好多傳統韓式食物除左散叫, 都有套餐選擇....餐前小食, 每人都有一碟共3格....3格分別係薯仔, 泡菜同芽菜平時睇韓劇成日見韓國人飲燒酒, 今日終於有機會試下喇叫左支13%既青提子味燒酒...青提味幾濃, 都易入口韓式拉絲農夫包 (炒辣雞)呢個包好正! 最值得推介!農夫包外皮超脆!! 芝士亦都好多, 但一D都唔膩炒辣雞個汁好惹味, 配麵包食冇得頂!!韓式烤豬肉配生菜份量都唔少, 豬肉配生菜肉食冇咁膩韓式牛肋骨湯配白飯個湯甜甜地, 肉味唔算話好濃有2塊大大既牛肋骨......不過如果淋少少會好D

今日與家姐到觀塘行商場，來到駿業街中海日升中心，見到一間食韓國食物的韓家，有無骨韓式炸雞，同家姐決定試嚇韓國異地的特色風味。餐廳裝修兩邊靠牆是排長沙發，更顯整潔舒適。𤔡炸雞而來，我們一共叫了2份炸雞。無骨韓式炸雞傳統甜辣味$78無骨韓式炸雞傳統甜辣味，上枱見到棗紅色的面上一粒粒的芝麻，面上的酸甜醬帶透明狀，非常吸引，見到令人食指大動，雞件大大件，肉質腍中帶少少嫩，酸酸甜甜，惹味非常。無骨韓式炸雞芝士香草味$78。無骨韓式炸雞芝士香草味，面上洒著一層芝士粉，棗紅色的炸雞，帶著芝士的香味，令炸雞更好味喔。韓式烤7(豬肉)炒粉絲$78。韓式烤肉肥瘦適中帶小小爽口，粉絲是用薯粉做成，略帶透明，吸收了肉汁非常入味。韓家招牌雪糕$28。食完炸雞等比較滯，再食個甜品，真是完美配搭。餐廳用上傳統韓國烹調手法，配上新鮮特色食材🥣，可令人感受及品嚐到韓國異地的特色風味，值得再來。

同同事一行4人去食lunch，等了15分鐘入座，安排了一張4人枱俾我地4人再加另外2人。我地話咁迫坐唔到，職員竟然回覆：我地呢到係咁，你一係出番去考慮下囉。由於已經無時間等第2間，勉強坐低。廚師同水吧係得一個男人，等野食等了30分鐘，野飲都無杯，只見不斷出外賣單。終於有個拌飯黎到，個幾塊牛肉乾過牛肉乾，整個拌飯都係凍既。再等多10分鐘，我叫的泡菜炒豬飯終於黎到，原來係泡菜炒豬+白飯。而個泡豬炒豬根本未才炒勻，中間夾住一Pat 凍既泡菜醬。再等多10分鐘，同事叫的豆腐泡飯仍然未到，同職員講如果未整就cancel, 我地無時間再等。佢就行埋黎刪左泡飯個item, 一句唔好意思都無。埋單$191，收銀無coins找9蚊，結果又要我地等，佢籌旗搵9蚊coins 黎。其實有無諗過可以收少1蚊？永久blacklist !!! 由服務，座位環境，食物質素都差到一個極點。