韓家韓國料理 (已結業)

原本打算食一間日本餐廳，但去到先知今日無營業，唯有臨時係附近搵間餐廳食就算，點知上網搵到呢間有半價優惠，於是即刻book去，行到過去仲可以早d坐低地址唔太難搵到，係一樓一直行就見到，入到去只有一枱客人，可能時間仲早喇，之後職員就俾左餐牌同講解邊d食物有半價優惠。突然發現到原來呢到有炸雞任食，而且仲可以任食煎餅同韓式年糕，不過我地怕食唔到咁多所以凈係散叫左d食物就算~~~叫完野食，職員就俾左個前菜我地，左手邊係薯仔，中間係泡菜，而右邊係芽茶仔，三個味道都一般，無咩特別，好快就已經食完，呢個時候黎左好多客人，轉下眼就差不多成間舖滿座，好彩一早叫野食叫得快，如果唔係咁多單實有排等。。。。等左都有成20分鐘後先上第一個菜，好明顯係廚房唔夠人手，而樓面都只係得一個人應付成間舖既招呼，呢樣真係要多多改善！！首先黎既飯捲賣相普通但食落味道唔錯，食得出係用韓國紫菜包既，不過如果落多少少麻油應該會更加好之後黎既係半份炸雞，好彩無叫到全份，唔係一定食唔晒！！每舊雞都好大份，炸得好靚，不過食落覺得好咸，可能個醬油味太重，以致愈食愈覺得咸。另外鋪上面既洋蔥好生，食左少少已經唔想食跟住黎個烤牛肉，睇落似日式肥牛

今日去開觀塘，上網book咗間餐廳，因為六點鐘有半價，所以平時唔鍾意食韓國嘢嘅我都去試下呢間韓國嘢。我地唔點九去到唔算多人，但六點開始慢慢多人之後坐滿曬成間餐廳。 好彩我哋落單快， 原來間餐廳仲有做138蚊任食炸雞同一啲小食，見到好多人來都係揀任食。前菜有牙菜泡菜同埋薯仔我哋都點咗半份炸雞，有六嚿$78, 炸雞有五種口味， 韓式甜辣味， 柚子蜜糖，牛油蜜糖，醬油香蒜同埋芝士香草味。 我哋揀咗醬油香蒜味。 雞其實應該係ok嘅，不過偏鹹，而且食唔到香蒜味，個人覺得幾粒炸蒜喺上面都好過一啲蒜味都冇， 因為我就係想食蒜味先點呢個。仲叫咗個韓式烤牛肉配生菜， 上菜感覺有啲似和風牛肉，好油…… 配有檸檬，韓式辣醬同生蒜片。 味道一般。韓式粉絲雞蛋捲， 等咗好耐先到， 而且上菜嘅時候舊蛋有啲散， 食落好乾而且好大陣燶味，睇得出隻蛋煎到燶曬好彩我哋一早到落單，餐廳坐滿咗之後見到好多枱都等好耐先有嘢食到， 餐廳一開始得一個侍應完全招呼唔到咁多人， 後來先多多個人幫手好少少， 但上載速度仍須努力。

今晚約咗個朋友喺觀塘等佢收工跟住喺佢公司附近搵咗間餐廳坐低食嘢我哋揀咗食韓國嘢簡單裝修入邊坐滿人試吓先叫咗個牛油果沙律個味道幾新穎因為加咗啲韓國紫菜同埋有少少辣醬叫咗半份韓式炸雞係傳統甜辣味飲品就叫咗生薑梳打同埋桃汁呢個鹽燒三層肉配生菜好惹味同埋佢即場整所以熱辣辣又唔使自己燒yummy yummy 😋 叫咗個水冷麵本身我好鍾意食因為佢清清甜甜咁重點係佢冇配任何野可以自己配其他小食好好味另外仲叫咗一個粉絲蛋卷入面嘅滿粉絲份量都唔少

觀塘近來愈多餐廳開幕連韓式餐廳都進駐了我們一行4人約了7點，一到埗，餐廳都有數張枱。先一人一份前菜味道淡淡的，挺清新泡菜煎餅，正常味道細細份！普普通通，可以留肚食第樣呢個反而有驚喜架！有點壽喜燒的味道煎我好香但有點咸😂呢樣有點失望，而且無乜雞肉芝士拉線，4人分都覺得滯同平時食開既唔同，但幾得意架！呢個好味，但可惜太遲上，大家都好飽飽了，最後大家只好放棄芝士。P.s如果店員可以親切d就好🤦🏻‍♀️

知依度附近開佐間韓國野，放工約佐朋友去食😚 一去到唔算好大間，同普遍同款餐廳一樣播住kpop歌。.食物既種類都好多，見隔離枱份量唔算太多，又四個人食所以每樣都有嗌黎試下😍 點菜後會送上每人一盤三款小菜：芽菜，薯仔，泡菜。.泡菜煎餅 $78有別於其他餐廳一大塊上，而係已經切開晒一小塊，方便食用😚 而且每一口都咬到泡菜，幾足料👍🏻 配埋個洋葱汁，味道更加可口.韓式牛肋骨湯配白飯 $78放佐好多材料去煲（蛋絲，洋葱，金菇，蘿白，牛肋骨），落佐少少胡椒調味，飲落個湯帶有牛既味，有啲清爽既感覺，牛肋骨雖然有啲根但都感受到有骨膠原。啲飯係用韓國米咁，整湯飯更加入味😚.韓式烤牛配生菜 $98用鐵板上😍 有陣燒汁鋪係底，用洋葱芝麻調味，夾埋生菜食幾正😚 識食一定係夾兩塊食 哈哈🙈.烤三層肉配生菜 $98同烤牛唔同，用佐青瓜去鋪底唔洗咁油膩，仲有椒鹽調味，不過略嫌重手佐少少🤔 .韓式雞蛋卷 $78熱騰騰食落口有滿滿既蛋香😍.辣炒魷魚 $80大大碟😍 用佐韓式辣醬同芝麻去炒，幾滋味幾有咬口，如果送酒真係一流😂 .韓式拉絲農夫包 - 泡菜炒豬肉 $118一上碟就覺得好邪惡，有滿滿既芝士😚 一拉起啲芝士真係勁

上星期係公司做晏左少少，就約埋同事一齊食下新開既韓式餐廳，一入到去好有住家feel,仲有3部TV播緊韓國big band既MV!😍😍 之後店員好快比左個menu我地睇，因做野做得夜左特別肚餓，我地叫5個菜式試一試！店員好細心咁比左碟前菜我地醫下肚餓先，每張檯上都有樽水，方便客人自己去倒。我地就叫左紅醋梳打同蜂蜜柚子梳打，等左10分鐘左右個辣味魷魚送到，見到都feel到好辣，所以如果唔太食到辣既朋友就建議唔好叫啦！之後個柚子蜜無骨炸雞🍗登場，超香口同鬆脆，佢冇落好多麵粉漿，所以啖啖肉，d 雞肉仲超嫩口添，個拉絲農夫包都唔錯，係個cheese 有少少食硬，做唔到有拉絲既感覺，泡菜豬肉配埋個麵包都好match!😋😋 另外個kimchi 煎餅同炒粉絲雞蛋卷都有驚喜！食完真係有一種韓家既感覺！😎最後就叫左個韓式雪糕做今次既結尾！飽飽超級滿足！餐廳最近仲做緊90分鐘任食炸雞🍗，下次可以試下先！😌

喺觀塘做完野，行過見到派傳單，好似幾吸引咁佢仲有炸雞任食，仲有沙律、煎餅同炒年糕都係任食，限時90分鐘。不過因為我想食多啲款，所以就無食任食。無骨韓式炸雞-柚子蜜糖味(半份）兩個人食份量岩岩好，好濃柚子味，好夾炸雞！無骨炸雞係一口份量，方便一啖一件！韓式炒粉絲（豬肉）味道適中，豬肉有肉味，唔似用一般平價雪藏豬。煎蛋卷蛋卷同平時食日式玉子燒唔同，係煎到表面啡啡地色，有煎香既味道！而且加入左蔬菜，味道更豐富。水冷麵配左醋同芥末，不過因為自己唔食既所以無試加落去。水冷麵小小鹹鹹地，感覺好清，好岩夏天食！呢間餐廳食物質素其實唔錯，不過可能因為喺商場一樓，人流較少，希望下次再黎會見到有更多人支持小店啦！

難得去觀塘食午飯，求其揀左間冇乜人等既餐廳去。落單落左45分鐘淨係黎左個小食，樓面+廚房冇系統、冇禮貌，完全想像唔到一間餐廳可以亂成咁。等到30分鐘個時，見到廚房出左一個好大單既外賣，我同女友成頭黑人問號，店內成十幾廿個客等既野食，你仲去做外賣先？其實做唔掂不如搞掂店內客先啦。另外等到45分鐘既時候已經有幾枱客就咁起身走，我唔係鼓勵d客咁樣走左去，但我明白佢地點解咁做，返工返九個鐘，放一個鐘Lunch，用45分鐘去等一碟飯/粉絲，比著你都嬲啦最後我碟飯，女友碟粉絲都黎左，70蚊位普普通通，飲品到最後都係冇黎，算數了，怕追完飲品都準備要食下午茶最後奉勸大家，趕時間真係唔好冒險，冇返個半鐘都唔洗旨意走。

官塘APM行落少少的中海日升中心原來有不少食肆，今日試左係1樓嘅「韓家」中午時分都好旺場，睇下佢地嘅餐牌，全部價錢超平，好抵不過要等左10分鐘左右先有位一行三人叫左個Lunch Set平均六、七十元左右，先來韓式前菜小食刺激下味蕾韓式烤肉飯，可選牛、豬、雞，我就揀咗牛肉，真心講呢個烤肉做得不錯，牛肉肥瘦適中，加上牛肉嘅醬汁，送飯一流韓式烤牛肉炒粉絲，鍾意食牛嘅另一個選擇鹽燒三層肉部隊鍋，啱晒鍾意刺激味蕾嘅朋友，包你欲罷不能韓式雜菜煎餅，好味有不油膩，一人一件啱啱好再追加左兩款不同的炸雞🍗，甜椒味和柚子蜜糖味，跟餐只需加$18就有一款個人特別喜歡柚子蜜糖味，柚子獨有的氣味加上甜密密的蜜糖，特別滋味

當日有幾枱客堂食，餐廳都做幾多做deliverxx外賣。樓面只有一個店員做嘢，態度唔友善，黑口黑面。韓家八色拌飯 -雜菜 $68雜菜石鍋飯，配料好少，辣醬好淡色， 但撈埋一齊之後，味道又唔會太淡。韓式飯卷$35米飯卷味道不錯，米飯有別於平時壽司飯，細粒有水分，但得幾件，太少。鐵板春川炒辣雞 $138未食過春川炒雞，唔知係點樣，原來係一個鐵板上面有芝士有辣味的雞，很好食，芝士夠，雞件唔會太辣。雜菜煎餅$78雜菜餅味道好淡口，而且煎得唔香口，加左辣醬先有番味道。韓式烤肉配生菜$98豬腩肉生菜包，豬腩肉有啲雪味， 生菜好大片，都幾新鮮， 洋蔥同埋蘿蔔絲的味道都好淡。食完咁濃味的韓國菜之後，都唔會覺得口渴，味道適中。

一坐低待應就送上前菜好香泡菜味有泡菜、蒜頭薯仔、椰菜先開一開胃🍹清淨園紅醋梳打🍹微酸飲完好舒服🍐梨汁🍐細細罐好清甜入面仲有粒粒梨肉我忍唔住encore 多罐韓式烤肉配生菜揀左牛肉烤到恰好配合生菜一齊食生菜非常新鮮韓式拉絲農夫包入面的豬肉微辣加埋個包一齊食就剛剛好我BB 辣都食到嘩....我都拉到絲啊好多芝士韓式牛肋骨湯配白飯材料豐富有紅棗 同白蘿蔔湯底好香甜帶牛味有兩大舊牛肋骨無骨韓式炸雞柚子蜜糖味雞好滑溜皮薄汁完全包滿整舊雞無骨食得好方便大快朵頤大大啖

係附近放工，朋友話想食韓國嘢，上網揾完就來左呢度試下一坐底店員就即刻放底前菜俾我地凍柚子蜜同熱紅棗蜜韓式飯卷$35韓式既飯卷同日本卷物最唔同既係，永遠飯卷都係可以唔洗加鼓油同wasabi，就已經好好味韓式炒年糕 $48年糕好煙韌，彈牙，個醬好濃，唔係好辣嫩豆腐湯(雜菜) $68入面有好多紅蘿蔔絲，洋葱，椰菜，豆腐，個湯配埋白飯泡菜豬肉湯 $78一個湯唔夠飲，要叫多個，呢個湯比起頭先果係較紅，好足料，如果再多d泡菜就更加好炸雞(半份) 柚子味 $78唔怪得呢度有90分鐘炸雞任食，平時我唔鐘意食炸雞，覺得好熱氣，炸得唔好就會乾身，但呢個炸雞d肉好滑身丫，以為面頭塊皮好厚，但原來勁薄，加埋個柚子蜜糖味，有埋個甜味仲，呢d可能就係韓式炸雞既特色韓式炸醬麵 $68朋友話要試，來到原來好大碗，份量好多個麵好彈牙，個醬就比較淡食左甘多嘢先$408好抵食丫見到樓面只得一個人，要招呼，送餐之餘仲見佢不停pick外賣，但對我地d態度都好好，要讚下

我哋一行三人喺12:15 前入去係第一班客人好快就落咗單點知一等等咗成半個鐘先有嘢食但見佢哋就喺到淨係keep住做網上外賣平台 啲單個韓式烤鷄粉絲來到啦竟然係用好普通嘅龍口粉絲炒份量仲要唔多飲品更加更遲先到同朋友再叫咗個柚子蜜桃炸雞食落同食緊西檸雞無分別80蚊食啲咁嘅嘢簡直係浪費金錢 污染味蕾！勸大家試都唔好試！！

星期五晚上6點去到，場面意外地冷清，只有一枱食客預備埋單。我與友人入內，員工竟然無反應，見我地揚手都係無動於衷。我地打算離開之際，有個疑似老闆嘅出來俾左個餐牌我地。我地點左一份炸雞$138、豆腐沙律$58同飯卷$35。等左10分鐘左右就上左前菜同飯卷。食完飯卷同前菜就啱啱好上炸雞。完全唔係韓式個種，反而係日式唐揚個種，不過都好好食。我地奇怪點解咁耐都未上沙律，原來漏左單。。但全場其實得我地一枱食客管理方面實在有待改善。埋單254蚊整體味道不俗，但同樣價錢比呢間好食同好服務嘅選擇太多，應該不會再光顧了。

觀塘真係好多嘢食 十二點左右 去到日升 睇下有咩食 見到呢間韓國餐廳 之前好似唔覺有呢間嘢 又唔使排隊就入去啦 午餐60至80蚊 同附近餐廳差唔多 可能未開始忙 好快就有嘢食 食咗個炒粉絲同埋 牛肉飯 另外嗌咗個小食 都唔錯喎 諗諗下附近都冇咩韓國餐廳 有時想食下韓國嘢都可以嚟呢間 下次可能叫埋其他同事嚟 我哋走嗰時候開始多人 都唔好意思坐咁耐啦 唔知晚市都唔多人 我見晚市個menu 好似多好多嘢食 仲見到有個炸雞任食promotion 聽落好吸引 下次想試下食呢間d炸雞