韓家韓國料理 (已結業)

放假約左frd 去APM行街，行完順便係附近搵左間韓式餐廳食晚飯。店鋪裝修簡潔，播放住K-Pop，夠晒韓風feel。我地叫左：無骨韓式炸雞丸柚子蜜糖味 – 炸雞份量適中，炸粉唔會太厚，d雞肉肉質幾嫩，唔會話鞋口。炸雞上面d柚子蜜糖味，甜甜酸酸好開胃。泡菜煎餅 - 塊煎餅好足料夠脆身，唔會油，味道酸酸辣辣有嚼勁。韓式牛肋骨湯，配白飯：湯頭重胡椒味道好甜，牛肋骨都好入味而且燉到軟腍，蘿蔔好甜，送飯一流。韓式水冷麵 - 麵身夠曬彈牙煙煙韌韌，加埋味道溫和清新酸酸地既凍湯，同清甜爽口的梨片，非常醒胃，多食都唔膩。

呢日去接阿妹放工，講真真係唔係好熟觀塘區，所以跟住阿妹去搵食😋。估唔到觀塘工廈區都好多食肆，其中呢間阿妹話佢lunch都成日食，所以就向韓國菜進發🇰🇷呢間食肆離地鐵站都有點遠，坐落嘅商場星期六晚人流不太多，但估唔到間鋪頭細細都坐到滿座！😮原來佢有任食炸雞🐥套餐，價錢非常之吸引，似乎全場都係叫炸雞！不過今日喉嚨不太舒服費事食炸野，所以我哋就散叫！首先食邪惡野之前叫了一個豆腐麻醬沙律，估唔到份量非常之多，又有好多沙律菜🥗🥗非常抵食😍另外當然唔少得泡菜煎餅🍕新鮮即煎熱辣辣脆卜卜，塊餅嘅厚薄度亦都適中，同埋又唔會太油👍🏻👍🏻韓國菜之中春川辣雞🌶🐥係我嘅至愛，所以係必點，另外仲可以加芝士同麵等等。熱辣辣嘅鐵板上菜真係超級正！仲有芝士🧀拉絲，邪惡得來真係好好食😍而且我覺得只係算BB辣，阿妹最初都怕辣唔想叫呢樣但最尾佢食得反而最多😂😂另外我哋仲叫咗韓式牛肋骨湯（配白湯），個湯清得來味道都調校得幾好，仲有幾粒紅棗，感覺好滋補👍🏻👍🏻不過肉就唔係好多，男仔去食可能會嫌少🤣我哋飲品叫咗一個有柚子蜜梳打🍹一個比較少見嘅紅醋梳打。紅醋梳打未必個個鍾意飲，但我自己就覺得酸酸地非常開胃，尤其配合咁多肉解濟一流👍🏼

約朋友食飯，由於朋友夜晚要係觀塘上堂，下班時間，觀塘大型商場內的餐廳一般比較多人，需要等位，所以選擇了一家比較隱蔽的小店晚飯。點菜後，店員很快就送上前菜，有三款︰上菜的速度也很快，我們點了以下幾款︰溫泉蛋凱薩沙律，醬料調味還可以，就是煙肉比較靭嫩豆腐湯 (牛肉)，這款湯味道比較辣，愛吃辣的話是非常不錯的選擇，牛肉跟豆腐是不過不失，豆腐一般，說不上嫩滑韓式烤肉 (雞) 配白飯，雞肉醃得非常入味，配菜及醬汁份量適中，有住家菜的感覺韓式拉絲農夫包 (豬肉)，餡料方面做得非常出色，豬肉同樣醃得非常入味，配料份量適中，表面舖滿濃郁芝士，農夫包比較硬，不夠鬆脆

今晚觀塘行街，經過中海日升中心，有人派傳單，見有韓式炸雞，好似幾吸引，就一於試試啦。餐廳佈置簡約，坐得幾舒服。今晚餐廳好full，但幸好等了一會便有位置了。一坐低店員便奉上了前菜，餐牌上有很多菜式，我們點了：韓式炸雞（半份）- 甜辣味炸雞是必點的！2位的話叫半份就夠了。它是最先上菜的，一開始我們怕容易食滯，但想不到它味道香辣，帶來醒胃效果。咬落外脆內軟，好Juicy ，正!! 炸雞有兩種口味，柚子蜜糖味及甜辣味，食得小辣既一定要試甜辣味。泡菜煎餅賣相不錯，像橙色的薄餅。煎得好香脆，我喜歡有少少焦的口感。蛋香味重，泡菜不會很咸。附上的醬油帶點酸，食落幾開胃。烤三層肉配生菜一黎到已香氣撲鼻，食落肥肉瘦肉一層一層，感覺沒那麼肥膩。味道方面黑胡椒重，所以很香口，鹹香的感覺。配上的生菜很新鮮很爽，夾著三層肉食，中和了肥膩與鹹味。烤式烤肉（牛）配生菜與三層肉相反，烤牛肉是帶有甜味，牛肉多汁兼入味，食既時候要夾埋蔥，值得一試。韓式芝士辣年糕少少辣，甜甜地，幾惹味，食落煙靭有咬口。明明是主食，卻像零食一樣令人停不到口。清靜園紅醋，熱飲第一次見有熱的醋飲料 ，好想試下，一黎到聞到好香，睇落好清，飲落醋味

很差，book左位，話我無book，問佢可唔可以早d入去，話唔可以，但比walk in客。安排好差。野食又難食，$88都唔去食，更可況無買coupon要成$138態度差

呢日黎到位於觀塘駿業街嘅韓家，位置唔難搵，附近都有好多餐廳。聽聞佢係新開嘅韓國餐廳，所以就帶咗個住附近又鐘意食韓國嘢嘅朋友一齊去試吓喇～店面一眼睇曬，冇咩特別嘅裝修，座位都唔算太多。我哋book咗19:30，但客人太多嘅關係，都要等到八點先入得。之後陸陸續續嚟嘅客人都要等一排先入得。我哋見好多人叫呢個炸雞放題，都幾抵，但一人得一杯嘢飲，我哋又有啲口渴，又想試多啲嘢，所以就選擇咗散嗌，而散嗌嘅價錢都唔係好貴～前菜前菜同平時嗰啲差唔多啦～中間個薯仔特別好味～豆腐麻醬沙律（$58）呢個好食～有我鐘意嘅豆腐，配上新鮮爽脆嘅生菜泡菜煎餅（$78）呢個都好推介！同出面連鎖嘅韓國餐廳唔同，呢度足料好多又厚好多，又唔會好硬咁。韓式芝士辣年糕（$58）呢個因為我哋好遲先食嘅關係，所以啲芝士都硬曬 所以建議大家趁熱食！芝士好多同埋好濃味嫩豆腐湯（配雞肉）（$68）又係我好鐘意嘅豆腐喇！一嚟到淨係見到成個湯都係紅色 同有隻蛋黃，但liu一liu就見到勁足料！豆腐又多，雞肉又多，而且仲有好多菜！雖然佢顏色好紅，但食落都唔算太辣無骨韓式炸雞（柚子蜜糖味）（全份）（$138）好味！！我哋見嗌得一款炸雞，就叫咗全份

又到左幫襯小店系列，大餐廳有大餐廳有規模，小餐廳有小餐廳嘅小本經營。今日去左觀塘開餐，唔係去平時常去嘅🐫7，而係行遠少少去左中海日升中心幫襯小店食韓國菜。最近天氣涼番少少，所以可以捐窿捐罅去搵野食。去到餐廳都7成滿，見倒好多檯都食緊炸雞放題，原來有折扣呀，我地怕食唔倒咁多所以都係散叫啦。烤三層肉配生菜 - 薄切豬肉烤香鐵板上，加上蒜香醬汁包生菜無咁熱氣而且仲好爽脆。無骨韓式炸雞（柚子蜜糖味）- 主打炸雞放題梗係要試下招牌炸雞，我地點左柚子蜜糖味，雞件炸完後用韓式柚子蜜糖醬調味，甜甜地，而且有蜜糖一d都唔乾爭爭。本來想叫綠豆煎餅（係韓國食過番尋味而香港無咩地方有）不過侍應話賣晒，轉食泡菜煎餅啦，其實都好好味好香泡菜食落少少辣。韓式雞蛋卷唔同日式玉子卷甜又滑（因為加好多油），反而因爲無咩調味料而多番陣蛋香味，而且外層煎到少少金黃，加上用左大量蔬菜同煎，食落爽爽脆脆，正。小店環境，小店價錢，小店親民，食落無負擔，又一開心晚上。

因為lunch時間周圍都無位，我地見未試過呢間韓國菜，又見唔洗等位可以一行8人直入坐低，以為遇到好野啦，點知……我和其中2位同事，都叫左個韓式豆腐湯飯，只得一舊豆腐，配菜係…紅蘿白/洋蔥/紅蘿白/洋蔥/紅蘿白/洋蔥……無其他配菜！個湯只係微暖又唔夠熱，而且味道只有酸菜味唔夠辣。另外3位同事叫左個韓式伴飯，佢地話個飯直頭唔暖，係涼飯咁喎！個韓式辣醬又唔好味，好似甜醬味添😰！仲有2個叫左韓式炒粉絲，太過多油，攪到唔想食。叫左2個什菜煎餅，直要煎燶底都夠膽上枱比客人食，仲要將燶底反轉以為唔覺，我地一食就食到燶味啦。too bad 韓式炸雞仲攪野，係就係暖暖地上枱，但食落口入面唔暖架喎，而且味道係無韓國甜辣醬味，竟然食落大家都話似"中式咕嚕肉"味先攪鬼。而且85折優惠都比得寒酸過人，每台惠顧滿$85可獲印花1個，係每台1個，8個人都係得1個印花，者係要人單獨去食啦。Cheap offerBAD LIST 永不錄用 😖

今日同朋友去觀塘行下街, 本身諗住喺APM搵野食, 不過食黎食去都係嗰D, 所以朋友就帶左我去APM少少既日升中心搵食。上到去咁岩有間韓國餐廳幾吸引, 所以就入去試下。韓家個環境都幾舒服, 雖然餐廳唔算大, 但坐落又唔會好逼。同朋友一開始就叫左雜菜煎餅、辣炒魷魚、拉絲農夫包同個飯團波波。雜菜煎餅煎得都幾香, 料都好足, 好厚身, 不過煎得有少少燶, 扣左少少分辣炒魷魚好惹味, 而且我地ORDER時叫左少辣, 所以唔會食到標眼水, 而D魷魚都幾彈牙, 魷魚鬚又夠粗身, 好好味!拉絲農夫包係今日既主角! 咖哩農夫包就試得多, 韓式既農夫包就真係未試過。包上面有層芝士, 而入面就係泡菜雞肉, 同農夫包夾埋一齊食都幾MATCH! 而且份量好夠, 算係抵食必叫既一樣!最後就有個飯團波波, 本身以為係一個一個波咁整比我地, 但原來係一大盤飯加韓國紙菜, 要我地自己包, 都幾搞笑同得意! 飯同紙菜既味道其實都幾夾, 可惜既係我地手勢唔好, 包極都包唔到波波, 所以就咁揸埋一舊食算喇!整體黎講，食物質素唔錯，不過等餐時間耐左少少。

今日放假同班朋友行觀塘，大家想食韓國野🇰🇷好耐今日就去試下啦首先我地叫咗烤牛肉🐂配生菜同埋泡菜炒雞肉🐥都幾有水準由於我地有個係好鐘意食牛所以又叫咗碟烤牛肉粉絲兩者都好夾愛牛之人一定要試下。😋😋仲有紫菜飯團🍙同雜菜煎餅就比較普通啦，前者香味好足，不過有小小汁身！後者就個面好脆芝士年糕 芝士味勁重加埋d年糕一齊食！！超級夾唷真係值得一試喔梅酒幾好飲不過酒精好高 我唔太飲得只可以飲其他無酒精既

今日一個好鐘意食雞既朋友介紹呢間韓家俾我地我地一行五人就膽粗粗上黎試一下因為呢間韓家話晒係一間新開既韓式料理，題外話我地去到樓下先知佢地搞緊88蚊炸雞任食仲有五種口味添真心覺得抵食我地有兩位細食王所以都係散叫仲有d套餐揀添啊我地一黎就叫咗碟沙拉🥗都啲菜幾新鮮架但味道偏酸🍋食唔太慣跟住當然叫咗兩半份炸雞🐥，半份都有成八舊雞認真大氣口味分別係甜辣味同埋柚子蜜糖味炸雞🍗講真呢度啲炸雞真係正粉簿肉嫩多汁推介推介👍🏻👍🏻之後就講下個牛肋骨湯胡椒味重適合重口味既朋友但喝得出真材實料！！！仲有紫菜波波飯團🍙香味就夠但有少少咸，不過勝再紫菜夠哂多野飲方面我都叫咗桃酒🥃同埋提子飲品🍹.其實呢度野飲方面都好多選擇只不過我地都係鐘情酒類同提子汁就冇深究其他己經飽左了嘻嘻嘻

兩點後去食午餐，只有兩、三檯客，員工多過食客。只有一張午餐餐牌，客人自己填表；點了一個八色伴飯加牛肉、一個牛肉炒粉絲、另加一個泡菜煎餅及兩杯飲品。這樣簡單也可以攪錯兩樣，八色伴飯沒有牛肉，要提醒侍應送回廚房加；另外泡菜煎餅竟然漏了單，摧了兩次，到食完飯同粉絲仍未上，最後唯有取消。食物水準也強差人意，一般韓國菜都會跟一些前菜，這裡提供了一碟三款的前菜：薯仔、椰菜及泡菜；薯仔味道可以，椰菜只得咸味；泡菜是我一生吃過最難食的。伴飯及粉絲的牛肉，既無味道更又硬又乾！最後埋單都要叫三次，如此沒有誠意、禮貌欠奉、食物難食的餐廳，去一次當中伏！

在面書看到廣告一直都有衝動試試，致電查詢時店員介紹open rice有coupon 只售$88 ，當然立即訂枱及選購。晚上7點店內客人不多，馬來西亞來的朋友覺得店很細間，其實都有20張雙人枱，還可以。之後就開始多人最後全場滿客的。雖然說是任食，其實是雞塊加不同醬汁。另外有2款沙律，煎餅，年糕。

早前上網見到有人介紹觀塘有間韓國餐廳專食炸雞，今日決定約埋啲朋友一齊嚟食好西！好彩早一步到咋，之後已經大排長龍。因為大部人嚟都食韓式炸雞任食，星期一至日，每位都係$138，可以任食90分鐘，仲有5款口味嘅炸雞，無限量沙律、辣炒年糕、泡菜煎餅供應，包1杯飲品，其實都幾抵食，不過我哋自問食唔到咁多炸雞，所以揀咗散叫。我哋散叫一碟韓式炸雞半份🍗，有甜辣味同柚子蜜糖味🍯，因為大家都驚會太辣，所以都係揀咗柚子蜜糖味。炸雞份量唔會太多，份量啱啱好，粉漿唔會太厚，炸雞又香又脆，炸雞上仲有柚子皮香味，甜甜酸酸，味道令人開胃。我哋仲叫咗一jar蜂蜜柚子茶🥃嚟送炸雞，超冰涼，柚子味同蜂蜜味又香，味道又唔會太甜，正呀！如果喺韓國FB同ig check in同打卡，並寫上#韓家沙冷嘿唷，仲可以有打卡優惠，茶餐送炸雞小食一份🍗，晚餐送$20飲品一杯。🥃烤三層肉配生菜：用鐵板上嘅三層肉🐖，保持住熱辣辣，三層肉唔會太肥膩，而且仲好juicy，將佢夾落生菜度食仲會帶點清新嘅味道，如果嫌味道太dry，仲可以加埋啲前菜(芽菜、青瓜、泡菜)落去一齊食，咁又多一種新食法。韓式烤肉炒粉絲：可以畀客人揀豬🐖、牛🐂、雞🐔任何一種烤

好過分，90分鐘放題，我係到等左3個鐘先食完！😡😡😡最過分係遲黎過我地兩張枱食完我地兩碟炸雞都未黎囉！每碟雞屎咁細份，勁似人地食剩個d 又咸又好食，仲要每碟等差唔多超過半個鐘...人地隔離枱話趕時間就即刻整比人，佢遲過我地入黎都早過我地走，佢同講話我地等左好耐，先話同我地再落過單..咩料..即話你張我張單整冇左，冇人整過我地d野食啦🤔😠明明我地叫左先既野比左隔離枱先，仲話緊單？！最搞笑其他人唔知仲係出面排隊，等好耐先同佢講叫人唔好等，一早做唔哂就出聲啦！學人搞咩放題？唔明點解每次出個5舊一口放得入口既炸雞要搞咁耐囉最過分仲要收加一，我地係。OpenRice 買左$88，其他人冇買就98蚊都要加一呢間野完全冇服務可言，仲可以理直氣壯收加一？你要我等咁耐得句唔好意思，免加一是常識吧！入面做樓面既中分阿叔做野傻下傻下，講野都九唔搭八，亂咁比餐人囉..我地既就比左人，人地既就話得地叫左兩次，係咪傻嫁食到成肚氣囉..呢種餐廳等執啦！寧願比百幾蚊食一份大既炸雞都唔想食呢d好似比人食過既野囉88蚊都唔值既放題