麵屋一平安

营业中

休息中

這家拉麵店的歷史就不用說了，是我爸過去經常來的地方。到今天水準也一直保持得很好，有幾次都看到在港的日本人吃飯！所有拉麵款式都幾好，而且非常推薦佢地的蔥花牛舌還有雞軟骨串燒，食量不大的也有可以叫細碗的馳名豬腩飯！平時想不到去邊度吃就會來這家！

無意中睇到facebook有個page話間中都會嚟呢一間拉麵舖食返個情懷，決定lunch去試一試店舖位置喺幸福中心，講偏僻又唔係話好算，係漆咸道南加連威老道附近，但係你唔特登search係唔會無端端行入去食，一行入去即刻有種八九十年代嘅feel😆，成個商場暗暗地用黃色燈，因為喺地牢所以仲少人😂大概一點半去到，有五六個客，人少少一個人可以坐四人位，午餐set叫咗個豚骨醬油拉麵加雞皮餃子，味道唔算好濃剛剛好份量充足食完唔會仲肚餓😋，有半生熟蛋仲有一隻鵪鶉蛋，雞皮餃子熱辣辣好食，老闆娘幾好服務有禮👍，計埋加一98蚊聽人講係日本人開，值得再食👍，題外話商場個看更走嗰陣時同我打招呼嘅有禮貌😄

喺網上見到話美麗華分店結業嘅消息，所以想去食，不過都係嚟咗幸福中心分店食，因為呢間喺OpenRice訂座正價有八折，其實呢個商場同埋呢間餐廳喺尖東已經好耐，成個商場都好懷舊，但唔係特登嚟食嘢都唔會嚟。商場好靜冇人，餐廳喺地庫，都好少人，有兩三枱客。聽講最出名要食係長崎拉麵辛味長崎拉麵 $98都真係幾辣，係酸酸辣辣，好似tabasco咁，完全食緊tabasco湯拉麵咁，好多海鮮，麵條都ok彈雞白拉麵 $98有三塊肉同兩舊雞肉，雞白湯都好濃郁，好濃雞味，口感好creamy，雞肉都滑唔會太鞋一平安炸雞 $65幾大舊，又脆鐵板安格斯牛肉 $108牛肉就冇乜特別，份量亦不多

#一平安麵屋 😋😋😋😋😋it is the oldest ramen shop in hk, the chef is japanese came hk for over 60 years creating this shop at at hidden place shopping mall in hk tst. the place is in basement b2, really hard to find. but it create a special spot like finding gems in the city game. the place is old but clean. the chef will speak japanese with the staffthe ramen style is kuma style from 九洲。 very good tontsuki broth and creamy and full of pork taste. i can say it had almost 80% of quality of Fukuoka shop. ve

經日文同學介紹，初次來這間日式拉麵店，位置在大商場樓上，裡面氣氛熱鬧，有普通餐枱和吧台選擇，吧台位置甚有風味。和日本控朋友各點了兩個定食：油甘魚丼、牛肉鰻魚飯，再加一個鐵板豆腐。油甘魚尚經日文同學介紹，初次來這間日式拉麵店，位置在大商場樓上，裡面氣氛熱鬧，有普通餐枱和吧台選擇，吧台位置甚有風味。和日本控朋友各點了兩個定食：油甘魚丼、牛肉鰻魚飯，再加一個鐵板豆腐。油甘魚向來營養價值爆棚，加上是店內限定推介，所以一定要「應節」一試，果然不負厚望，肉質嫩滑鮮甜。牛肉鰻魚飯定食又是一絕，鰻魚肥美但不油膩，和牛肉、薰蛋配搭一流。鐵板豆腐上面的鰹魚和蒜泥汁非常惹味，豆腐香口但絕不熱氣，廚師是烹調高手。

睇完藝術館，行左去尖東附近食飯，朋友話有間日本人成日去的拉麵店，咁當然要去探下店。店舖位置都有啲隱世，因為係b1下層，但近地鐵站。店內做緊優惠，$298二人套餐，好抵！🌟#辣味海鮮長崎拉麵超大碗！仲要勁多海鮮，微辣，湯底濃郁豐厚，長崎拉麵及特製什錦豬骨湯拉麵更是一平安的鎮店主打，拉麵好彈牙，好食！🌟#特制白雞湯拉麵三大塊日本叉燒，肉質軟腍香甜，而白雞肉就唔算多，勝在貴精不貴多，好好味。雞湯味道醇厚而不膩，正。🌟#清酒煮蜆蜆好新鮮！非常簡單的菜色，只要清酒、蜆、蒜、乾蔥及牛油就已經非常好味，食到食物本身的味道，好味。🌟#明太子煎蛋明太子讓蛋的香氣更有層次，濃郁的蛋香蓋不住明太子的鮮味。🌟#生啤及#日本蜜桃汁生啤好清淡，微甜可口，十分冰爽！食物味道好正宗，而且價錢好優惠，CP值高。

一平安麵館尖沙咀加連威老道92號幸福中心地庫B1號舖這是一家開業已有四十年歷史的老牌居酒屋，他們家的雜錦串燒真是一絕！我們選擇了他們的二人套餐，只需$298！套餐包括兩個主食，兩款小食以及兩款飲品，真是物超所值。🍢🍶🔥👌我們點了雞白湯拉麵，這碗熱辣辣拉麵湯濃郁鮮美，配上嫩滑的雞肉，半生的肉，迅速融入湯汁。另外，我們還品嚐了日本和牛壽喜燒鍋，鍋裡的和牛肉質鮮嫩多汁，配上豐富的蔬菜和醬汁。🍜🥩🔥🌶️🤤除此之外，我們還點了清酒煮蜆和鐵板安格斯牛扒。清酒煮蜆的鮮甜蜆肉和清酒的香氣完美融合，鐵板安格斯牛扒則是肉質鮮嫩多汁，口感絕佳。🍲🐚🥩🍻😋

餐廳：麵屋一平安地點：尖沙咀加連威老道菜式：日本菜餐牌：沾麵，拉麵，丼飯，一品料理，前菜，串燒，揚物，飲品，好多選擇。晚市有2人套餐，$298兩位包主食10選2，小食10選2，有d選擇要加錢。特製低溫叉燒麵 加$10 另加一特製低溫叉燒麵賣相一流，面頭有六片薄切叉燒圍邊，顏色粉嫩，口感好嫩口。中間就係幼身拉麵，好有蛋香，而且夠掛湯，個湯好夠味。伴有半隻流心糖心蛋，爽口扁筍，日式魚蛋兩片，再加上蔥花調味。材料方面都算係咁。日本和牛壽喜燒鍋日本和牛壽喜燒鍋大大鍋，蔬菜量足，包括娃娃菜，菠菜，豆腐，冬菇，大蔥，加上幾片肥牛，三片日式魚蛋同一隻大蛋。個湯唔會太濃，味道唔錯，感覺健康，食完唔覺口渴。鐵板安格斯牛扒 加$20 另加一鐵板安格斯牛扒用鐵板熱辣辣上枱，牛扒一客5件已經切好方便食用，牛味濃，肉質都唔錯，面頭加上脆蒜加添風味。伴有粗身薯條，芽菜同菠菜，菠菜好嫩。蔥花牛舌 蔥花牛舌熱辣辣上枱，牛舌薄切，好有咬口，夠彈牙，牛味濃，有十幾片，面頭加上蔥花同蒜蓉，味道唔錯，醬汁豐富，伴有沙律菜同檸檬。晚市都有定食，6款主食選1，包沙律，前菜，白飯同味噌湯，價錢好實惠。滑蛋炸豬扒定食 $98 另加一

店名: 麵屋一平安 地址: 尖沙咀加連威老道92號幸福中心地庫B1號舖尖東站P3出口，行5分鐘環境: 4/5價錢: 4/5味道: 4/5麵屋一平安由1984年開業，成為首間進駐香港既日式拉麵店，雖然餐廳位置比較隱密，但富有傳統日式拉麵店既環境加上食物，仍然值得一訪～🤩特製沾麵 ❤️❤️❤️❤️$102今次哩款沾麵配上厚切既叉燒，口感厚實，而且沾麵汁都包含旬加強口感，加上糖心蛋同紫菜，大滿足🫶🏻低溫叉燒沾麵 ❤️❤️❤️❤️$118哩款沾麵配上低溫煮既薄切叉燒，口感順溫，而且同樣加上糖心蛋，口感爽嫩，麵條亦掛汁🥰日本和牛壽喜燒鍋 ❤️❤️❤️❤️$99哩款壽喜燒鍋配料豐富，有娃娃菜，日本雞蛋夢王，香菇等等，加上和牛，令到口感豐富而又吾會太膩😛蔥花牛舌 ❤️❤️❤️❤️$70牛舌採用薄切形式，牛舌燒得火力均和，加上檸檬汁，香而不膩😚雞翼串燒 (汁燒及鹽燒） ❤️❤️❤️❤️$22 x 2汁燒雞翼，口感豐富汁潤，鹽燒雞翼較能保持原味，口感鬆脆👍🏻大蔥雞肉串燒 ❤️❤️❤️❤️$20大蔥雞肉味道香脆，雞肉配上大蔥，等於香味加脆嫩口感😌

呢一間位於尖東嘅拉麵店，好有日本小店居酒屋feel，氣氛長期都好好，而且價錢唔貴，好推薦大家過嚟食👍🏻👍🏻我哋今日嗌咗一個晚市二人套餐，$298 就有兩個主食🍜 同埋兩個小食🍢，煮食方面我哋就揀咗日本和牛壽喜燒鍋🥘 同埋鰻魚飯（半條）+$20！小食方面，我哋就要咗蝦餃子🦐 同埋 燒油甘魚顎🐟+$10，超推介呢個燒油甘魚，好香魚味同埋啖啖肉，仲有好高嘅營養價值！蝦餃子即叫即煎，非常香脆，而且唔係好多地方可以食到，所以都幾值得試吓！另外見到佢哋嘅啤酒做緊買一送一優惠，沖繩ORION生啤酒（大杯）🍻🍻只係做緊$59，計埋買一送一優惠，即係$30唔使就有一杯，超抵飲呀！🤩由於決定飲啤酒啤啤佢，所以就嗌多咗兩個小食送酒，分別係枝豆🫛$28同埋芥末八爪魚🐙$38，兩個小食份量都唔少，配埋啤酒一流啊！😍😍

麵屋一平安係尖沙咀有兩間分店，今日嚟咗位於尖東幸福中心地庫嘅主店，店內裝潢比較懷舊，但卻更貼近日本拉麵店風格，柔和嘅燈光更帶懷舊色彩，而且有唔少日本人嚟光顧，果然係人氣依然嘅拉麵老店👍🏻👍🏻鰻魚飯 - 大鰻魚飯有分大或細size，大size就會係有一整條蒲燒鰻魚，而細嘅就得半條，識揀嘅梗係揀前者啦，主角鰻魚超級厚身，脂肪比例豐腴，但竟然出奇地唔算好多骨，肉質較腍身塗滿甜甜的鰻魚醬汁，用嚟送珍珠米簡直一👍🏻👍🏻特製低溫叉燒拉麵🍜芸芸眾多拉麵/沾麵之中，揀咗呢款特製低溫叉燒拉麵，低溫叉燒會比一般叉燒顏色上有分別，自帶迷人淺粉紅色，薄切叉燒大大片圍住碗邊，拉麵軟硬度適中，掛湯力強😗牛油炒蜆 牛油🧈炒蜆用鐵板上菜能保持熱度，新鮮蜆粒粒開口無沙，加上惹味醬汁炒香，送酒一流🤭梅酒梳打白桃燒酹梳打叫咗兩杯帶酒嘅梳打飲品🍸梅酒甜度會較高更易入口，白桃燒酹梳打酒精濃度都唔可以睇少，邊食邊飲就唔會咁易醉🤭

麵屋一平安是首間香港拉麵店，在尖沙咀的幸福中心內，位置相當不醒目，用餐時間卻是座無虛席。🍜明太子煎蛋現做的玉子燒，上面淋上明太子醬，熱騰騰的上桌，口感綿密有層次，味道很清爽開胃。🍜特製雞白湯拉麵濃稠的白湯，上頭撒些蔥花與洋蔥末，一旁三大塊叉燒與兩大塊雞肉，外加半個溫泉蛋，非常豐盛。湯頭鹹度適中味道濃郁，麵條彈牙軟硬適中，雞肉口感清爽肉質很嫩，叉燒油花均勻入口即化，各方面都非常出色，值得一試。🍜沾麵喜歡乾麵的朋友可以試試沾麵，沾醬不算太濃稠，味道不過鹹。粗的麵條硬度較高，沾著醬汁吃起來口感上彈牙，叉燒沾著醬吃也非常美味。🍜鹽燒油甘魚魚肉烤的非常嫩，肉量不少，外皮不過焦嚐起來很酥脆，調味恰到好處，功力一流。總體而言，雞白拉麵很出色，小食都有很不錯的表現，喜歡食拉麵的朋友一定要來試試。

蔥花牛舌 $70鑊氣十足，薄切牛舌一樣可以很有口感！顯得更爽口，肉味超濃！炸八爪魚 $65辛味長崎海鮮拉麵 $98大大粒元貝同爽口彈牙的蝦仁，湯底微濃稠，便彈牙的拉麵掛滿了湯汁微辣但一點也不搶口～而家加入了大量的蔬菜，更加爽口清新！安格斯牛肉飯 $128肉味濃厚，看似熟透，其實中間還是微微粉紅，充滿肉汁，不過偏瘦一點～不過配上半熟玉子，口感即時變得更滑溜！另外洋蔥🧅煮得腍透了(*ˉ︶ˉ*)又香又甜，還跟有面鼓湯，相當抵食！八爪魚薯仔青醬汁 $80相當有驚喜～朋友不太好青醬也吃得lam lam 脷，最驚喜的是薯仔吸滿了名種食材的精華，所以顯得更香口，而且煮得腍透了，很軟熟！Peach soda $10@2跟餐只加$5杯，不是不點吧？ 不會死甜，入口清新～超高CP 值！

尖沙咀好多拉麵一雞鳴一雞起. 一平安係尖沙咀樹立咗好耐. 冇咩點食過因為始終都係覺得舊式拉麵冇新式拉麵咁好.但係佢又好跟返工嘅地方，所以今日一試.一向覺得日本人只係會做一件事，一心一意做拉麵唔會有咁多花巧嘢例如串燒.但係呢度俾到一個意想不到嘅驚喜一落到地牢入去有幾個日本人傾緊偈，應該係日本嗰啲老細， 裝修好似日本居酒屋.真係好似置身咗日本咁樣. 個人就鍾意食沾麵多個拉麵，咁我就叫咗個沾麵試吓. 都幾夠味，整體覺得個面出色過湯.個面夠滑有彈牙有香香嘅麥味. 叫咗叫咗個串燒拼盤試一試驚為天人，真係似日本串西店嗰啲感覺. 啲雞皮燒到好脆入邊仲滑嘟嘟. 所有嘢入邊都好Juicy調味好足夠.

今天我特地黎返舊地食拉麵，這間拉麵店在我大學的時代已經是我的飯堂，現在我帶埋阿女嚟，時間真係過得好快。明太子煎蛋 ($68) ，這道前菜給我留下了深刻的印象。內裡滿滿的明太子醬料，帶來豐富的海鮮風味，每一口都散發著淡淡的鹹香，和蛋相得益彰。餃子 ($45) 的外皮細薄而有嚼勁，內餡肉香十足。咬下一口，肉汁四溢，入口即化，食到上癮。酒蒸蜆 ($65)，每一顆蜆都新鮮彈牙。蜆肉鮮甜，配上微微酒香的湯汁，最鍾意就係邊食邊飲啤酒。特製熊本拉麵 ($95) 是我在這家餐廳的必點之一。湯頭濃郁鮮美，麵條彈牙有嚼勁，搭配豐富的配料，每一口都充滿了滿滿的豬骨湯精華。沾麵 ($88) 是另一道令人驚艷的主打菜品。細緻滑順的麵條搭配香濃的醬汁，每一口都充滿了豐富的口感。搭配先香味十足的魚粉，正！蘋果汁和蜜桃汁 ($28) 麵屋一平安 (尖沙咀)尖沙咀加連威老道92號幸福中心地庫B1號舖#明太子煎蛋#熊本拉麵# #拉麵# #日本# #尖沙咀# #蒸蜆#Jimmy#餃子