麵屋一平安

营业中

休息中

👧🏻😋👅🍽✨全港首間日本拉麵 🇯🇵 -麵屋一平安🇭🇰 尖沙咀加連威老道92號幸福中心地庫B1號舖 🇭🇰-🇯🇵 全港第一間拉麵店今年40周年喇, 位於幸福中心地庫我地唔係search到都唔識黎, 但40年來果然儲落唔少熟客好捧場🇯🇵 單點有好多選擇, 店員推介晚市2人套餐, 包主食2款+小食2款, 大部分款式都係主打同signature好岩食, 咁樣叫抵好多❤️-🍱 晚市2人套餐 $298-1️⃣🐓 特製雞白湯拉麵💯湯底超濃郁但好清香, 純白清澈唔油膩💯慢煮雞胸同低溫叉燒都好嫩滑, 加埋溏心蛋成就一碗簡單而出色既拉麵-2️⃣🍲 特製沾麵✨餐牌張相係金屬碗, 上菜變左瓷碗有丁點失望, 不過好彩湯都好夠熱; 湯底魚介味重鹹香而唔涸喉, 麵條粗身而掛汁✨叉燒比拉麵果款低溫叉燒肥, 燒到微微焦香入口即溶-3️⃣🍢串燒盛合（5串） +$10💯串燒輕輕鹽燒, 外皮焦脆, 特別一讚豬腩肉肥但逼晒油; 汁燒帆立貝都好鮮甜-4️⃣🥩 鐵板安格斯牛扒 +$20✨安格斯牛扒好軟腍, 打完卡就拿拿林搬離鐵板以免太熟; 肉汁多肉味重, 連蒜片食好夾-👅 蔥花牛舌 $70💯牛舌雖薄但多肉汁, 簡單同蔥花同黑椒調味已經好足夠, 但呢個

一平安麵屋唔止裝修懷舊，原來佢已經成立40周年，周末晚上仍有好多捧場客，氣氛好熱鬧，餐廳仲有漫畫比客人睇，好有日本風情🎏特製熊本蒜油豬骨湯拉麵 $95蒜油豬骨湯味道非常濃郁，未飲湯已經聞到蒜香，豬骨湯濃而不膩，拉麵幼細直身，非常吸湯🍜豚肉肥瘦適中，而且拉麵更有溏心蛋、紫菜、木耳絲、荀同椰菜，用料豐富🍜鰻魚飯（半條）$128鰻魚飯雖然只係叫左半條，但魚肉厚身，所以都好滿足😌蒲燒醬汁沾滿魚肉，味道咸甜濃郁，配上白飯係完美組合雞皮餃子 $48雞皮餃子炸得金黃香脆，肉餡飽滿多汁，外脆內軟，送酒一流日式煎蛋 $48本身想試明太子玉子燒，不過咁岩冇晒明太子😭唯有叫Original 版本🤣 玉子燒煎得口感鬆軟，蛋味香濃火炙醋鯖魚 $70鯖魚經醋漬後肉質變得結實，保持鮮甜又可去除魚腥味，火炙之後更加逼出魚脂香氣，口感更好梅酒梳打 $48居酒屋傳統飲品🍹梅酒甜甜地再配梳打既清新感，夠晒清爽🧊檸檬燒酎梳打 $38味道微酸非常開胃🍋酒精味道唔算太濃，微醺感覺最好📌麵屋一平安 (尖沙咀)地址：尖沙咀加連威老道92號幸福中心地庫B1號舖評語食物性價比高，而且選擇多環境有懷舊日本風格，夠特別🐵推介🍌🍌🍌🍌🍌（5🍌

✨超多日本人幫襯✨⛩️正宗懷舊日式居酒屋🇯🇵おいしい😋很久沒吃傳統日式小店料理日本朋友推介我去🍜麵屋一平安🥟果然坐滿日本人 首先當然叫個生啤 🍻ビールください🍺 買一送一楽しく乾杯💕🐓一平安炸雞肉必叫推介 熱辣辣香脆可口雞肉多汁嫩滑 檸檬汁令其更上一層樓比普通香港居酒屋好味得多🐣煎蛋卷煎得剛好 不會overcook 滑嫩可口🐔炸明太子雞翼無得輸 超好食 唔咸🐠鹽堯由甘魚入口甘香可口🐷鹽燒堯豬肉串燒隔籬枱日本人推介 爽彈有口感🐚帶子串燒新鮮又大粒 調味剛好🦋鐵板豆腐豆腐嫩滑 加上鐵板燒特別惹味

呢間老店已經開業好多年，裝修好似一間小居酒屋咁🏮，好溫馨。入到去，見到好多顧客都係老顧客，好有人情味☺️我試咗幾款野食，包括芥辣八爪魚、雞白湯拉麵、特製豉油拉麵、明太子魚餅同燒油甘魚腩。首先，講返芥辣八爪魚，啲八爪魚粒粒配芥辣醬係微辣帶點攻鼻。做前菜啱哂。然後，我試咗雞白湯拉麵同特製豉油拉麵。雞白湯拉麵個湯底好鮮甜，湯底入面有淡淡嘅雞肉味，真心好正好驚喜😋我不自覺地飲咗好多湯。麵條煮得恰到好處。特製豉油拉麵個湯底有濃郁嘅豉油味道，配料有紫菜、叉燒等。叉燒煮得好軟淋，好好味👍🏻另外，試咗明太子魚餅同燒油甘魚腩。明太子魚餅，明太子味道好濃郁，魚餅彈牙，好好食🤤燒油甘魚腩係好滑嫩，燒味好香，令人回味無窮。

尖沙咀放工搵嘢食😋，行過尖東幸福中心B/F，原來呢間《麵屋一平安》早於1984年開業，是香港本店，平日夜晚都有吾少人來幫襯架！隱世懷舊日式拉麵店，進入店內就感受到傳統日式裝飾氣氛🏮！🏮日本式燒餅Pancake🌯食物上枱時已經聞到香味，燒餅底有少少焦香，內裡仍然軟，加上椰菜絲爽口，口感唔錯呀！🏮蒜香汁蝦🍤帶子配多士用牛油🧈蒜蓉🧄香烤大蝦🍤及帶子，非常香口，用熱溶咗嘅牛油蒜蓉點脆多士食一流呀👍🏻🏮酒蒸蜆 Steam Clam🍶用清酒🍶蒸煮蜆，好香酒味，食落蜆肉煮得剛剛好，肉質鮮嫩，啖啖酒香，回味無窮😋🏮沾麵 / 特製沾麵🍜特製沾麵叉燒數量比普通沾麵較多，叉燒肥瘦適中，煙靭嘅粗拉麵，沾上熱辣辣嘅濃湯，粗拉麵索晒D湯好好味🤤

朋友推介呢間小店，地方非常隱蔽但平日晚上到訪都好多客😱 呢度主打日本九州長崎拉麵，開業至今足足30年，裝潢以昭和年代懷舊風為主，出面仲有唔少漫畫，十分特別😂嚟得呢度一定要食返碗拉麵，叫咗最基本嘅豉油味，湯底清甜可口，唔鹹，飲完都唔會覺得口乾、麵條軟硬度適中，掛汁、搭配多款配料，感覺都唔錯，但整體份量偏少，男仔未必夠飽～ 鐵板大阪風炒麵有驚喜，上枱時熱辣辣，咋咋聲冒晒煙咁，見隔離幾台都有叫，果然有啲料到、炒麵濕潤度啱啱好，醬汁鹹鹹地，惹味十足，如果有多啲配料就好啦😆滑蛋炸豬排賣相出色，炸至外脆內嫩，滑蛋夠滑，配上粒粒軟糯可口嘅珍珠米，唔覺唔覺就清光！想健康啲嘢可以叫炒海鮮野菜，海鮮份量比想像中多，煮至軟身又入味，要多碗白飯啊唔該！

晚市2人套餐 原價錢336.0, 現在做緊優惠$298.0/2位, 主食任選兩碗, 小食任選兩款, 性價比極高主食-特製低溫叉燒拉麵 +$10.0招牌的拉麵豬骨湯底，味道醇厚而不膩, 碗邊鋪滿叉燒, 好震撼眼球, 叉燒好軟滑, 肥瘦比例均勻, 拉麵軟硬適中，煙韌得嚟有咬口, 真係好有日本的味道 -特製沾麵沾麵口感彈牙， 配上熱辣辣嘅特製濃厚魚介湯，魚介湯味鮮濃鬱，配埋鮮嫩既豚肉，豚肉一層肥一層瘦，口感層次分明小食-蝦餃子餃子皮脆餡靚，肉汁豐富，內有原隻鮮蝦，鮮蝦味濃彈牙。- 串燒拼盤 +$10.0 鹽燒雞翼：雞翼皮脆肉滑大蔥雞肉 ：雞肉肉汁豐富雞軟骨 ： 卜卜脆的雞軟骨，好有咬口鹽燒豬肉：豬肉爽口，味濃帶子：帶子十分鮮甜爆汁飲品High Ball （威士忌加梳打）$68.0 買一送一，真係超抵飲

適逢聖誕節前夕尖沙咀是熱門睇聖誕燈飾的地方，睇燈飾之餘，當然也不忘去食翻個聖誕大餐啦XD朋友之前去過一間係幸福中心既拉麵店，聽講食完之後會好幸福😏而確實本來就已經挺幸福的了，希望吃完之後會更幸福鰻魚飯 $168原條鰻魚非常吸引，一共有兩大片，鰻魚醬汁濃厚又偏甜，配上珍珠米的話，無得唔比Like啦👍蔥花牛舌 $70牛舌以薄切為主，不過份量卻挺多的，牛舌順滑而且鮮味十足🤩安格斯溫泉蛋飯 $128溫泉蛋的確是人見人愛的，把它擊破之後撈飯食，一級棒！！而安格斯牛扒就只有5成熟左右，配溫泉蛋呢個組合又真係第一次見😋帶子 $25串燒海鮮必點，肉厚多汁、白雪雪的帶子，鮮味十足🤗大蔥雞肉串 $20雞肉Total有三件，其餘都是大蔥，如果兩人食的話最好多點一串，雞肉外層有少少微焦的感覺，吃下去挺不錯🥰黑加侖子梳打 $38黑加侖子能增加血管流通性、改善眼部皮膚的血液循環，味道極易入口😉好味指數：9/10性價比指數：8/10餐廳名稱：麵屋一平安餐廳地址：尖沙咀加連威老道92號幸福中心地庫B1號舖電話：27224826

吃了兩次醬油拉麵，味道非常好，原來是日本師傅製作，不喜歡味濃，剛剛好，蛋和肉體，麵質都非常好，而且價錢不貴，再次有豚肉蛋飯，送凍飲，物超所值，所以會一再幫襯👍💪🏼👍

收工約咗同事食飯，同事之前喺尖東返工，介紹去呢一間拉麵店食，話十分地道，好多日本人去食，即管一試。店內裝修相當有日本味道，可能係因為平日夜晚，所以店內只有三成座位有客人，適合同朋友長聊，唔怕趕住走。我哋叫咗個二人餐只係$298 ，個餐包咗兩個主食，有拉麵或飯揀，同事推介雞白湯拉麵，所以我哋兩個都揀咗。另外仲包兩個小食，我哋揀咗牛舌同炸雞。常餐速度都算快，首先係上咗小食炸雞同牛舌，一放入口真係忍唔住哇一聲，味道十分地道，夠熱！好好食！雞白湯拉麵個湯底相當出色，而餸除咗叉燒仲有兩舊雞胸，雞胸亦都唔鞋。另外啤酒仲買一送一，唔飲番杯真係對唔住自己。最後埋單兩個人390幾蚊，呢個價錢食到呢個質素，掂！

諗住食拉麵失手好難，叫個特制低溫叉燒麵，點知都中伏，麵質稔到一個點，BB, 阿婆食都得，叉燒係好多片，但唔吸引，最慘係溫泉蛋，好似全熟。外加左個燒牛舌，未食已經有好奇怪味道，食落真係好難頂😰。我好少無食哂叫左嘅嘢，來三片，我食完一片頂唔緊！我好寫食記，唉，好無奈，要記低呢間，唔好有第二次😮‍💨

特製熊本蒜油豬骨湯拉麵湯頭濃郁，豬骨湯配上淡淡嘅蒜油香氣，麵質都算彈牙，豚肉有兩大塊，厚薄正常，溏心蛋好味，令我估唔到嘅係竟然仲有鵪鶉蛋名古屋辛味拉麵同想像中一樣唔係好辣，平時食開小辣嘅都接受到，比上一碗拉麵多咗櫻花蝦同埋一隻溏心蛋，不過少咗塊紫菜，食落冇蒜油豬骨湯咁膩雞皮餃子見人地推薦，所以都試下。都幾好食嘅，不過入面個餡如果包嘅係新鮮豬肉會好食啲，依家入面嘅急凍餃子嘅餡，所以食落冇咁鮮味，值得一讚嘅係入面咬開都有啲汁明太子燒餅可能我放凍咗，唔算特別酥脆，不過明太子嘅鮮味同鹹味同個餅融合得好好，所以都幾好食，但我地叫咗歌細嘅食落都有啲膩明太子玉子燒呢個推薦！口感鬆軟，味道好香好濃郁

今次簡單啲，下午茶轉左去第二間一平安食，一如以往餐廳侍應服務水平都係咁好，我哋今次一行六人走咗去食下午茶，今次試新嘢掉咗個鰻魚定食，等咗5分鐘左右，侍應就攞住個鰻魚飯送到我面前，一打開鰻魚嘅香味，已經飄入我個鼻裏邊，最意想不到嘅就係，佢竟然成條鰻魚放入去個飯入面，同出面嗰啲鰻魚飯俾人哋只會放半條，而呢度一條過，完全係加曬分嘅，鰻魚燒到啱啱好唔會太窿，再加上珍珠米煮嘅飯同埋鰻魚上面嘅鰻魚汁，簡直係天作之合。

係尖沙咀行街果陣見到幸福中心指住b1層有間拉麵店，見價格都ok就膽粗粗入咗去試下。店舖裝修較舊，但唔係咩大問題，何況見到餐牌上面寫住開咗20年，覺得應該係特色來。入到去叫咗碗特製沾麵（＄102），都唔錯嘅，個沾麵汁好夠熱，好多叉燒，麵係寬麵來，幾特別同咪幾好食。點知惡夢來喇，食到一半好多蚊（蒼蠅？）飛來飛去，有2隻爬過我碟麵，其中一隻仲要趕極都趕唔走，就咁係到開始食我碟麵嘔心到我即刻唔想繼續食，啦啦聲比錢走人總括而言，食物質素同咪價錢都okay嘅，但衛生環境真係完全唔掂，唔想再同d蟲蟲共食嘅我冇下次架喇就算要食都係試美麗華分店

美麗華廣場一向多商舖，行街行到攰。見到呢間麵屋一平安拉麵屋做緊呢個下午茶套餐決定坐低食吓嘢。佢哋嘅下午茶餐會有一個細拉麵再配另外一個小食或者飯類一款，最後再揀一杯嘢飲。價錢$78至$93不定我哋分別嗌咗豉油拉麵，熊本蒜油豬骨湯拉麵，特製熊本蒜油豬骨湯拉麵同特製豉油豬骨湯拉麵。對於拉麵嘅味道都唔會話太鹹但係麵係偏硬嘅如果鍾意食軟身啲嘅話可以同店員姐姐講聲，不過唯獨有不足嘅係唔可以選擇自己鍾意嘅面嘅種類。蛋好入味，成個湯唔會話好油，份量都足夠。小食我哋分別嗌咗章魚小丸子，炸雞肉同埋雞皮餃子。雞皮餃子香口，章魚小丸子就偏粉多啲，炸雞肉就不過不失。飲品我哋都嗌咗佢哋最普通嘅檸檬茶，茶味偏淡，甜度就可以自己落。