麵屋一平安

营业中

休息中

📍尖沙咀 《拉麵一平安》放工同朋友想食少少嘢先 留肚夜啲再去食甜品我哋決定去食拉麵🍜快靚正晚市二人套餐好抵食😝只係三百零蚊左右 有兩個主食+兩個小食特製雞白湯拉麵🍜 湯底好濃好Creamy👍🏻推介特製沾麵🍜 沾麵好彈牙 好煙靭 有口感 配上濃濃嘅湯底明太子煎蛋 食落去 比較有家嘅感覺鐵板安格斯牛扒🐮估唔到有薯條喎😀另外再叫多兩個小食雞皮餃子🥟雞皮好脆 配上檸檬汁，令到成件事冇咁油膩火炙炸鯖魚🐟 魚肉幾滑 酸酸地幾開胃

📍 麵屋一平安 Noodle House Ippei-An🌍尖沙咀加連威老道92號幸福中心地庫B1號舖 Shop B1, Energy Plaza, 92 Granville Road, Tsim Sha Tsui📝整體評分：７／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝麵屋一平安兩間分店都屹立於尖沙嘴，近尖東老店位置較為隱秘，裝潢樸實無華，日式懷舊家庭小店，帶復古情懷。晚市２人套餐＄２９８／２位（主食２客＋小食２款）▸ 特製沾麵 ◂✿ 叉燒好大驚喜，平時拉麵／沾麵嘅叉燒唔係太肥就太瘦，抑或是無咩肉味／豬臭味，而呢家肥瘦均衡，柔軟不死實，有淡淡肉香，好值得追加！✿ 麵條出色，入口滑溜，緊實彈牙，但就得熱麵。✿ 醬汁少油，加左椰菜，增添鮮甜，當湯黎飲都無問題～▸鰻魚飯 （半條）◂＋＄２０✿ 熱騰騰飽滿圓潤米飯拌醬香甜美鰻魚汁，鰻魚肥美，燒到有微微炭香▸ 蔥花牛舌◂✿ 氛香撲鼻，鑊氣十足，薄切牛舌口感脆爽。▸鐵板安格斯牛排 ◂＋＄２０✿ 牛排肉味濃厚，平時食慣５成熟，對我而言稍微熟透。✿ 伴菜有炸薯條、菠菜、芽菜，食唔出用左咩醬汁拌菜，但令到菠菜芽菜超好食！▸ 炸雞肉

今日到尖東開會，睇到哩間日本嘢係尖東都有分店，咁試試啦。哩間餐廳較難揾，如果搭直達lift要按1字，扶手梯要落2層樓。凍奶茶，估唔到日本店鋪啲奶茶都幾正，茶味入口溫和，唔會好甜，好飲。酒煮蜆，好大一份，清酒烹煮完啲蜆肉特別鮮甜，蜆肉冇沙，開胃菜黎講唔錯。明太子煎蛋，煎蛋好有水準。煎蛋嫩滑，中間落咗少少明太子調味，食落香甜中伴有少少鹹鮮，勁推薦。火炙醋鯖魚，用火炙方法炙燒出魚皮油脂，鯖魚微酸口味中和咗魚油油香，好食到停唔落口。串燒盛盒（5串），有雞翼，豬肉等5款串燒。其中大蔥雞肉，帶子為醬烤，大蔥燒完好多汁，加入日式香濃醬汁好惹味。特製低溫叉燒拉麵，拉麵屬於較硬身果款，日式湯底飲得出落咗大量豬骨煲制，拉麵嗦曬豬骨湯底，好好味。低溫叉燒果然好特別，唔會食到豬肉柴柴口感，簡直入口即化。

尖沙咀隱世拉麵小店我們點了晚市2人套餐，面和小食嘅選擇也十分之不同，適合很多不同口味的人！我和朋友選擇了：特製低温叉烧麵：叉烧肉鮮嫩多汁，份量也很多。麵條彈牙有嚼勁，絕對值得一試!特製雞白湯拉麵：湯濃郁卻不過分油膩，雞和叉燒嘅份量剛剛好，吃完很飽。蔥花牛舌：牛舌切得薄而嫩，味道很濃郁。清酒煮蜆：蜆貝鮮嫩，以清酒煮煮熟，保持了其原有的鮮甜風味。我們也點了飲品和串燒！店員熱情，環境也很大很適合一大班人聚會！

每次懷緬八十年代的黃金時代便會走到尖東一帶的商場香港首間正宗日本拉麵店從1984年開業至今餐廳採用大量木系裝橫，洋溢著濃濃的日式風情主打拉麵，還供應日本家常居食屋菜餚，選擇極多晚市二人套餐$298兩位，可任選兩碗主食及兩款小食辣味海鮮長崎拉麵加$10，麵條口感彈牙煙韌特製沾麵沾上熱辣辣濃湯，提升入口的嚼勁明太子煎蛋厚身滑嫩，滿滿蛋香，味道層次豐富加$20有鐵板安格斯牛扒已切開一件件，肉味香濃太刀魚刺身肉厚富油脂，質感扎實，鮮度十足

係尖東行行下，搵嘢食，特然見到有拉麵，咁就去試吓啦，一平安之前都有食過。成個場一隻烏蠅都無，得佢一間。見到個推廣，唔使諗，就食佢。正價叫了個好似叫kamamoto搵麵，用幼身麵的，整體一般，份量多，正常咁囉。叫了個，辣味特式沾麵，湯很濃，蛋半隻，叉燒3塊，紫菜3塊，粗麵，有啲似橡筋。重點來，滿百五蚊，免費炸雞，有4塊，好得，個炸粉好簿，雞好滑，即炸。$1蚊，餃子，有4隻，雖然一般。$5乳酪梳打，日本最出名果隻囉，peach and mango，睇色差唔多。

香港首家日本拉麵店「麵屋一平安」見證着尖東風雲變幻﹗Ippei-an 麵屋一平安可謂是香港拉麵界的「老字號」，從1984年開業至今，是首間進駐香港的正宗日本拉麵店，尖東老店位置較為隱秘，內裡就像日本家庭式小店的格局，裝潢樸實無華，帶點日式復古懷舊的氛圍。餐牌除了主打拉麵，還供應日本家常居食屋菜餚，十分多元化。鮮甜惹味的明太子煎蛋，往往是日式居酒屋中的人氣之選，如果配搭香甜綿密的日本米飯食用，便成為倍添滋味的最佳享受！🔹日本和牛壽喜燒鍋上到枱真係熱辣辣出哂煙，冬天食完暖笠笠👍🏻牛肉唔會鞋，油脂分布都幾平均🥩鍋入面仲有豆腐、大蔥、菜、日本夢王蛋、鳴門卷🍥湯汁好夠味，但又唔會咸👍🏻蔥花牛舌薄切牛舌食落爽口，有驚喜，價錢合理。特製熊本蒜油豬骨湯拉麵 蒜油豬骨湯味道非常濃郁，未飲湯已經聞到蒜香，豬骨湯濃而不膩，拉麵幼細直身，非常吸湯🍜豚肉肥瘦適中，而且拉麵更有溏心蛋、紫菜、木耳絲、荀同椰菜，用料豐富🍜鰻魚飯（半條)鰻魚飯雖然只係叫左半條，但魚肉厚身，所以都好滿足😌蒲燒醬汁沾滿魚肉，味道咸甜濃郁，配上白飯係完美組合

同大少、小妹去完科學館玩，佢哋話想食麵，就同佢去咗呢間店。呢間店環境企理乾淨。我哋夜晚6:30去，人流唔算多，食到7:00左右就坐滿晒人。明太子煎蛋:蛋夠鬆軟夠厚，裏面明太子鹹香味夠，好似食緊海綿蛋糕咁軟綿綿。雞皮餃子:外層煎到脆卜卜，非常香口，裏面嘅肉好夠味，外脆內軟，加上少少檸檬汁中和返油膩感。蔥花牛舌:牛舌切到薄片，煎得好香口，又唔係好油膩，加上少少蔥花，味道啱啱好。麻婆豆腐拉麵:期間限定嘅麻婆豆腐拉麵，一啲都唔辣，絕對啱唔食得辣嘅朋友。拉麵好爽口彈牙，豆腐夠滑，個湯好濃郁好好味，食完麵忍唔住會飲埋碗湯，加埋粒流心蛋，簡直無敵。特製沾麵:啲麵夠晒粗，煙煙韌韌好有咬口。之前食過嘅沾麵啲湯超級鹹，今次嘅湯濃得來又唔太鹹，連埋麵一齊食味道啱啱好，叉燒肥瘦適中，紫菜亦都好乾身，加埋粒溫泉蛋，食完好滿足。明太子魚餅:上到枱仲熱辣辣出晒煙，咬落去魚餅煙靭，驚喜係魚肉甜甜地，加上子鹹鹹地，味道好特別。

我和姊妹來尖沙咀覓食，她讚美食材優質美味，受顧客喜愛，老友難得聚在一起，於是一起來到洋溢著傳統日本菜「麵屋一平安」，享受廚師精心炮製的美食，那一刻覺得幸福和高興。首間進駐香港的正宗日本拉麵店，我們選了二人晚市套餐，包含主食及小食各二款。特製低溫叉燒拉麵叉燒整到似花形，呈粉紅色，慢煮豚肉，肉質食落更嫩滑軟腍，拉麵幼身爽滑，令我喜出望外。特製豉油拉麵湯底聞到豉油味，濃郁美味，入面有叉燒及紫菜，叉燒肉質軟嫩，齒頰留香。炸明太子雞翼雞翼肉質鮮嫩，這間味道很好，讓人回味無窮。明太子煎蛋明太子煎蛋帶鹹香，香氣四溢，味道不俗。麵屋一平安（尖東店）地址：尖沙咀加連威老道92號幸福中心地庫B1號舖

今日去咗尖沙咀東部有好多私人會所樓下底層嘅一間拉麵店嗰度都有啲難搵，但係入到去你會覺得好滿足，因為好似隱世嘅拉麵店咁樣，當然入邊亦都坐滿八九成人我哋點咗以下嘅食物。生啤酒（大）×2Chicken Ramen雞白湯拉面鯖魚一夜干牛肉温泉飯炸明太子雞翼最令我覺得驚喜嘅係佢嘅一干，因為燒得好好入邊又有鎖住啲汁。下次行經尖東，如果想食日本嘢嘅可以去試吓。What a nice good eating experience.

估唔到商場地庫有呢間傳統嘅拉麵店平日時間好多家庭客同遊客喺呢度開餐✅特製雞白湯拉麵（$98）雞白湯湯底都幾濃郁，拉麵的麵條質感Q彈有嚼勁，掛湯能力不錯，配鮮嫩多汁的雞肉片，好味🫶🏻！✅特製低溫叉燒面（$118）叉燒肉經過低溫烹調，入口相當嫩滑又有口感，湯底豚骨味濃郁，有骨膠原感，配搭細嫩有彈性麵條，好惹味，仲有溏心蛋同竹筍😆✅蝦餃（$70）蝦餃飽滿而多汁，蝦肉質鮮嫩，口感極佳。外面那層薄薄的皮煎過後香香脆脆，與蝦肉的鮮甜相得益彰

老字號日式料理，開業多年，之前去開美麗華店，呢日身處尖東附近，第一次到訪幸福中心呢間分店~🔘特製雞白湯拉麵應該喺呢度嘅招牌拉麵，雞白湯底幾出色，湯底鮮甜唔油膩，豚肉叉燒同雞胸叉燒都係低溫處理，肉質鮮嫩，係高分嘅拉麵~🔘牛肉溫泉蛋飯牛肉份量多，望落相當粉嫩，口感都唔錯，容易咬開唔會鞋，配菜都唔馬虎，有炒洋蔥同菠菜加上半熟蛋~🔘炸明太子雞翼🔘明太子煎蛋明太子控見到有明太子嘅菜式就即刻order🤣🤣，雞翼發揮正常係預期嘅味道，甜甜的煎蛋同鹹香明太子其實好夾，明太子令到蛋嘅香氣更有層次，正~🔘炒博多雞肝質地粉嫩嘅雞肝，醬汁好香薑味，底下嘅韭菜同芽菜沾滿咗雞肝嘅香味~🔘凍咖啡🔘蜜桃汁有幾款日式罐裝飲品選擇，不二家嘅蜜桃汁有果肉幾好飲~

麵屋一平安尖沙咀加連威老道92號幸福中心地庫B1號舖今日约佐人嚟到尖東食日本嘢，聽同事介紹呢一間餐廳氛圍好熱鬧好溫馨，秉承了日本优雅精緻的文化精髓，予人享受的是身临其境的全方位，不可多得的用餐体验，入嚟食嘢感覺餐廳好有日本居酒屋氣氛，每日有幾款特價菜式供應。也有優惠套餐供應。餐廳服務更加系一流、親切与周到! 吃完才發現原來招牌菜系拉麵。今天冇吃拉麵。唯有下次再嚟食啦。餐廳仲有啤酒一送一优惠，好好飲嘅,啤酒味幾夠濃，强烈推薦大家可以試吓!

位於尖東幸福中心既「麵屋一平安✨」係一間傳統日本料理餐廳，包括不同款式和式食品，而以拉麵🍜最為出色，另外有丼飯、一品料理及其他小食，種類多元化，而且食品有質素，價格相宜，十分推介。首先係「特製沾麵」🍜，呢款沾麵真係招牌之作！麵條有彈牙嘅口感，湯汁濃郁香濃，配上豐富嘅配料，例如叉燒、温泉蛋、海苔等，味道出色！真係一碗令人回味無窮嘅沾麵！👌另外仲有「特製醬油豬骨湯拉麵」🍜，湯底用上醬油同豬骨熬煮而成，濃郁香濃，令人垂涎欲滴！麵條入味有咬勁，配上滑嫩嘅叉燒同蔥花，味道更加豐富。一碗熱騰騰嘅拉麵，真係好味。😋除咗拉麵，「滑蛋豬扒飯」🍛亦非常推介，滑蛋嘅口感好綿密，加上煎得香脆嘅豬扒，味道絕對讓你回味無窮！飯粒飽滿，豬扒有層次，一碗豐盛嘅丼飯，絕對飽肚又滿足！小食方面，推介「明太子煎蛋」同「明太子魚餅」🍳🐟，明太子嘅鮮味同煎蛋或者魚餅嘅搭配，味道非常獨特。明太子嘅鹹香同魚餅或者煎蛋嘅蓬鬆口感，真係好好味！「麵屋一平安✨」嘅食物種類多元化，質素高，價格亦相宜，真係一間令人滿意嘅餐廳。👍

特製雞白湯拉麵賣相：🐧🐧🐧🐧🐧味道：🐧🐧🐧🐧🐧拉麵麵條超彈牙又煙韌，煮得非常入味，盡吸雞白湯的精華，雞味濃厚鹹香，湯底濃而不膩，十分高質。隨拉麵附有多片豚肉和溏心蛋，非常豐盛滋味滿分。鐵板大阪風炒麵賣相：🐧🐧🐧🐧🐧味道：🐧🐧🐧🐧🐧炒麵以熱騰騰的鐵板盛載，上枱時依然冒著煙，散發著誘人的焦香，非常邪惡吸引。炒麵麵條較拉麵粗身，食落夠堅挺超爽滑，配上地道的大阪醬燒汁，當中獨有的甜味提升了整體的口感滋味，令人回味無窮。自製餃子賣相：🐧🐧🐧🐧味道：🐧🐧🐧🐧🐧餃子大小合適方便食用，外皮煎得香口薄脆，不會過油，內餡肉感滿滿，鹹香可口，再沾上鹹酸滲半的醬油調味，味道更鮮更出眾。明太子玉子燒賣相：🐧🐧🐧🐧🐧味道：🐧🐧🐧🐧🐧厚身滑嫩的玉子燒中間，填滿辛香惹味的明太子，食落滿滿的蛋香中，蘊含著明太子的鮮辣，味道層次十分豐富，誠意推薦。一平安炸雞賣相：🐧🐧🐧🐧味道：🐧🐧🐧🐧炸雞新鮮炸起，外皮酥脆油香，內裡雞肉嫩滑厚實，肉味滿滿，加上檸檬汁提味，更添鮮美。環境：🐧🐧🐧🐧🐧餐廳仿效傳統日式拉麵屋設計，採用大量木系裝橫，配搭豔紅的屏風和皮製座椅，彌漫著滿滿的和式風情。🐧❤️結語：明太子玉子燒嫩滑又入味，衷心推薦👍