非凡小廚 (已結業)

在土瓜灣工作多年，都未試呢間，因為佢個位置唔算集中係一堆既食街中，朋友介紹下今晚兩公婆去試下。見到menu好多大排檔同港式既菜，我地諗左好耐，店員呀姨亦好態度咁介紹，最後我地點左一個缽仔焗魚腸（古老菜式，第一次係元朗大榮華食過覺得好好食，所以叫左佢）第二味叫左個龍躉腩蒸荷葉飯，去相 ～～缽仔焗魚腸，不過不失，唔夠舊式酒樓好食，d蛋略嫌老同一大pat咁好硬，我估落唔夠油，但做得唔錯係陳皮味香，魚腸新鮮，咸度掌握好，配埋胡椒粉，都算唔錯，龍躉魚腩蒸飯，魚腩夠淋好肉，米飯好香荷葉味，魚既份量都幾多，成個飯可以3個人食，我地兩個飽到一個點，比埋menu大家望最後埋單（2人）

天氣寒冷，市區剩番9 度，夜媽媽起土瓜灣諗緊今晚食乜好。但中菜好似冇乜選擇，記得之前食過既非凡都唔錯，菜單選擇多，野食又唔貴。直衝入鋪頭，full哂，不過等一陣就有檯，因為果陣都過左食飯時間。坐低就見到鋪面貼住黑羊腩煲，送碟菜都只係$2xx. 都ok la, 試試佢，但等左有d耐，成15 分鐘都只係見到個吉爐起檯面。過多5 分鐘主角終於出場，一打開煲蓋，撩兩撩，都好鬼大煲，之前重諗住加多碟小菜，而家唔洗啦。羊腩份量都好足，冬菇，筍，樣機都有，味道都唔錯。但砍開哂d羊先煮，羊腩肉難免會有d un和縮，加多支啤酒和白飯，簡直perfect啦。整體黎講仍然不錯，會再返轉頭啦

土瓜灣北帝街不是鄰近地鐵，不過總是很多食店臥虎藏龍嘅地方。途經有一間小店「非凡小廚」入內很多不同的食物應有盡有。估就連片皮鴨、羊腩煲、豆沙窩餅等等。片皮鴨二食$228平常的片皮鴨大多二食都需要$300以上，現在只需要＄228便可以二食相當價廉物美。片皮鴨皮稍微老了，皮身連肉都相當多包在一起加配香蔥及醬料相當美味。另外二食是銀芽炒鴨絲，炒得相當入味而且夠火喉，鴨絲也相當多配合芽菜後添多碗飯便最好。黃金蝦碌 $128炸至金黃色的蝦碌相當肥美，添上鹹蛋黃後令人津津有味。毎一口都啖啖蝦肉，而且不算油膩份量十足相當滋味。蒜蓉炒油麥菜 $78最後來一碟油麥菜作結，油麥菜帶有蒜蓉香並且可以減少膩度不俗。

今日同朋友行過土瓜灣，經過路口見到呢間非凡小廚就心思思想入去試下有幾非凡🤣等位大概只需3分鐘，入到去之後職員即時有杯熱茶奉上，非常體貼！我地兩個人就叫咗四個餸，見到好多人都食金蒜蒸中蝦，我哋都叫咗碟試下！啲蝦到咗之後就即刻忍唔住要食，因為眼睇好大隻食後亦都冇令到我哋失望，因為蝦肉彈牙粉絲好味！秒清呀！另外叫咗碟咕嚕肉，咕嚕肉值得一讚！！近年出街食咕嚕肉都係失望而回😌因為而家嘅咕嚕肉一係就太酸一係就得個甜，但依間非凡小廚能夠做到甜酸適中，非常好味，又唔會得啲粉無肉食！另外，我哋叫咗個四拼，都係好好味😋😋而第四樣餸就係椒絲腐乳唐生菜炒牛肉👍🏻原本想叫通菜但冇晒，店員推介唐生菜，點知又真係幾好食喎！果然冇介紹錯🤣估唔到誤打誤撞撞到間咁出色嘅餐廳✌🏻下次一定要再去！

朋友帶來試試中國菜，是一間很有港式大排檔風格的餐廳，雖然無地鐵來到，但很多巴士也途經的，算方便，舖面不太大，約10張桌子左右，是新開業的，味道方面真不錯，那鴨很入味，焗魚腸很香滑，臘味糯米飯夠乾，材料足，整體非常滿意

最近側聞有一所風評甚佳的小菜館，而且差不多是人吃人讚的。作為土記的舊街坊，這沒可能不去試一試來證實一下吧 ?如此的具備人氣的店子，但當夜所見的卻未如我所料的，人客就只得小貓三四隻，不禁令我既狐疑又擔心....不過在試了一兩碟東西後，就覺甚放心了....兩口子吃不了那麼多。兩個菜，已算是極限啦....點了太太到小菜館最愛吃的沙嗲粉絲金菇肥牛煲....這個煲要好吃，熱騰騰的溫度是最重要的；其次是最能嗦味吸味的粉絲要多；另外沙嗲味一定要足，夠濃郁夠香....眼前的這個，著實是完全符合上述這三個條件....掏兩三羹汁落飯撈勻吃，再吃嗦滿沙嗲汁的粉絲金菇以及比想像中好，沒渣易咬斷的肥牛肉，整個人食完也變暖笠笠....眼前的這碟小炒皇，是我近來吃過最好的....夠鑊氣、韭菜嫩口無渣顏色清綠、蝦乾不死硬有鮮香、魷魚乾不柴不韌、腰果粒炸得卜卜脆、肉絲醃得入味非常香口....而且最重要是，整道菜處理得不油不膩....有了這小炒皇，再加上前面的那個沙嗲煲，相信清掉兩三碗白飯，絕對是輕易而舉之事來吧 ?

平時一向好少去土瓜灣，朋友介紹之下去到一間小菜館叫做「非凡小廚」，試吓佢啲撚手小菜。 餐廳環境設計簡約，而座位空間舒適寬敞，可以一邊睇住電視一邊食飯，最適合追劇集嘅電視迷們。 秋天梗係要滋潤吓喉嚨啦，首先就點左三個唔同款式嘅湯羹。「魚肚粟米羹」一聽個名就知養顏，入面嘅魚肚份量都比較多，好新鮮嘅味道。「雞蓉粟米羹」入面有我最鍾意嘅雞粒，咬落去肉質滑嫩爽口。 「西湖牛肉羹」新鮮嘅牛肉粒啖啖肉，非常足料。小菜方面，我哋就叫咗五款用嚟送飯。當中我至愛嘅「乾煸四季豆」炒得好香，好有鑊氣，好入味嘅肉碎粒送飯簡直一流，而且四季豆炒得好林，食落去更有爽口嘅口感。 當然唔少得叫我最鍾意嘅海鮮「金蒜蒸中蝦」，蝦肉非常新鮮，即叫即整，肉質爽口，加埋底下嘅粉絲索晒海鮮嘅精華味道，簡直冇得頂。另外叫左再「大漠風沙雞」、「酥炸大腸」同埋「海棠豆腐」，咁豐富嘅小菜，好快我哋一人就送咗兩個白飯了。 最後當然唔少得要點餐廳嘅招牌甜品「非同凡響炸雪糕」，外皮炸成脆卜卜，食落去外脆內軟，入面竟然係凍冰冰嘅雪糕，呢個甜品非常特別。

朋友推薦我去呢間土瓜灣嘅小店食晚飯，話款款小菜都好有水準，所以就拉埋幾個人一齊食。我哋一坐低就四周圍望望有咩食，因為老闆將主打菜式都寫在牆上。 我哋四個人叫咗幾道菜，有椒鹽軟殼蟹，烤魚，黑椒豬手和炒通菜。黑椒豬手和椒鹽軟殼蟹實在太好送飯，所以我們都禁不住點了三個白飯。 椒鹽軟殼蟹炸到外脆內軟，鹹鹹香香，加上舖在軟殼蟹下類似炸米的東西， 令人不禁食多咗幾塊。豬手份量很大，朋友一拿起刀叉切豬手，就馬上驚叫，“嘩!好林啊!!”。 三兩下手勢就已經將整個豬手骨肉分離，我哋一試，果然係好軟綿綿! 而且非常入味! 整個口腔都是滑嘟嘟的豬手， 好像吃了好多骨膠原。但是黑椒豬手就要趁熱食，因為凍咗會有少少油膩。 烤魚是最讓我驚奇的，想不到小菜館竟然有烤魚食。 雖然菜館不是主打烤魚，可是都沒讓我們失望。 烤魚份量足夠讓四個人吃而且不用另外加配菜，因為本身就已經有豆芽，蓮藕豆卜等等， 所以比起外面的烤魚可謂十分抵食。 湯底味道偏向麻香重，可能是因為我們只叫了最小的辣度。 魚不算特別很滑，但是魚肉結實，不會一挑就散。聽朋友講，呢間小菜館有彩蛋，暗藏好味甜品，所以即使我們都好飽，但依然叫了兩個炸雪糕和豆沙餅。

非凡小廚菜式很多，都是正宗的家常菜CP值超高今晚同行兩個人食晚飯想食小菜即刻諗到過口黎「非凡小廚」，由於唔可以叫太多野，每道菜都是精挑細選的 ......「蒜蓉炒菜心」好好味，簡簡單單的薑蒜炒得都幾香，份量好多足夠2-3人...「激大凍檸茶」特色除了大大杯兩個人都夠飲解渴又唔會大甜之外，仲比平日飲開既凍檸茶多左份茶香味。。澀澀地先好味「魚肚粟米羹」，羹口感超豐富，魚肚好多，脆爽的又入味，加上好多粟米粒，滑爽與稠黏之間的羹底廚師👨‍🍳掌握得好好，簡直係一流。「半隻大漠風沙雞」，見個菜名咁特別，表面用炸蒜蓋著雞身，看起來就像是附着了一層金色的沙，蒜茸炸至色澤金黃，雞肉新鮮皮脆肉嫩，像炸子雞風味鮮香脆味厚，食到津津有味!炸雪糕（朱古力醬）充滿椰絲香,椰絲的口感和香氣，食到唔想停 ，呢個炸雪糕🍦真心推薦吃，保證你會發現驚喜不已

今晚同幾個朋友聚會，朋友推介去土瓜灣既「非凡小廚」食晚飯。餐廳係北帝街街口，交通算係方便，我係觀塘過黎，半個鐘就到啦。 入到餐廳，侍應姐姐好快就幫我地安排座位，呢度唔似其他餐廳，D位排到密密麻麻，坐得適服。 「非凡小廚」既餐牌都係街坊小菜，我地點左幾個各自鍾意既餸，然後吹左一陣水，D餸就黎啦。 乾煸四季豆四季豆夠乾身，唔會濕立立，微微辣，濃淡適中。配搭白飯係唔錯選擇。 魚肚粟米羹足料，唔會太稀，魚肚味道唔會太腥。 雞蓉粟米羹味道唔錯，其實細粒雞肉，食落都算滑身。 西湖牛肉羹入面有少少芫茜配搭，清清地，芫茜控可以試下。 大漠風沙雞皮脆肉嫩，就咁食都已經好好味，配搭南乳醬，別有一番風味。 金蒜蒸中蝦蝦夠爽口，粉絲索哂D精華，無得輸。 酥炸大腸大腸外脆內軟，最正係用新鮮菠蘿做配搭，停唔到口。 海棠豆腐好足料，豆腐好滑溜，搭埋D配料一齊撈飯唔錯。 非同凡響炸雪糕皮夠脆，作為晚飯甜品都唔錯。

之前食過覺得這間小菜館大份兼好食，所以今次又約埋同事一齊黎食。這間小菜館簡單的裝修，擁有濃厚人情味，店員非常親切，坐下後會為我們送上熱茶及菜單。餐牌除左餐牌之外，記住睇埋牆上面既推介啊菜單上好多精選推介，看起來樣樣都好吸引，好難選擇。我們用了十多分鐘選擇了椒鹽軟殼蟹、鐵板黑椒鹽豬手、豆沙鍋餅加雪糕、二客炸雪糕、原條麻辣烤魚鍋、馬拉盞通菜最早到軟殼蟹做小食，椒鹽軟殼蟹($68)，真的好抵食。即炸即食新鮮滾熱辣！鹹香的軟殼蟹，個炸粉唔會太厚份量岩岩好！軟殼蟹質感好好！鐘意食香口野的我，簡直食到唔停口。鐵板黑椒鹽豬手($110)用鐵板原隻上枱，倒入黑椒汁，即時沙沙聲和起煙仲有陣陣香味，簡直視覺嗅覺聽覺的享受。店員超級貼心的服務為我們將豬手切開，方便大家進食。豬手肉質又軟又滑又入味，超級有口感，豬手骨膠原仲好豐富，配上黑椒汁更惹味！一定要試！原條麻辣烤魚鍋($158)吸引了我們點菜，由於我們有人唔食辣，點了小辣。原條魚放上爐送到上枱火喉剛好，陣陣的麻辣味。魚的肉質嫩滑、魚骨輕易分離，麻辣味唔會蓋過魚嘅鮮味。唔食辣的人都可以食到，這種麻辣味簡直令人上癮。店員超級貼心提醒我們要忍手等多陣入味先係最

平時好少入土瓜灣，今日難得去個頭，就停低食翻個晚餐先走。我同朋友兩個人都中意食茶餐廳野，行過哩間就決定入去試下。一入去，啲姐姐好熱情招呼我地，抹枱斟茶，仲同我地有講有笑，好有人情味。我地叫咗北京填鴨二食，小炒王同埋南乳雜菜煲，份量多到食唔曬，我地實在太高估自己的食量。先講北京填鴨，鴨片真係好脆，咬落去係會有聲個種，夾埋青瓜同葱一齊食，唔會太肉嘅感覺，口感好飽滿。姐姐上菜個陣仲好熱心同我地講打鐵要趁熱，快啲食咗鴨先。值得一試！小炒王好夠鍋氣！而且好足料，其中蝦米粒食落好香口，而且又唔會好多油，感覺食落罪惡感都無咁大哈哈。雜菜煲入面南乳味適中，好香，而且都幾大煲㗎！哩餐係真係無黎錯，食到北京填鴨大滿足！下次帶埋屋企人黎試試佢！

香港人平時都食開廣東菜，得閒炒返幾味食下～我都好喜歡，不過有時去無冷氣的大排檔食，都會覺得很不合衛生，最近爸爸帶我們去到土瓜灣一家茶餐廳，是非一般的茶餐廳，晚市有各式小菜，款式種類多！有別於一般的大排檔，這裡有冷氣，環境潔淨，但又不失大排檔圓桌的風味～菜單明碼實價，而且十分清晰！古法咕嚕肉（HK$58）這個小菜是我每次出街食中菜都必點的，因為家中很難煮到～上面沾上滿滿的甜酸醬，上碟時已經聞到陣陣香味，咕嚕肉炸得外脆內軟，雖然淋上醬汁，但也食到脆口的口感，甜酸味道調較得適中入味，是伴白飯的最佳小菜！椒絲腐乳通菜炒牛肉（HK$78）椒絲腐乳通菜炒牛肉炒得好夠火喉，惹味香口，通菜很爽甜新鮮，而牛肉片比較淋身易咬口，不過牛味就不算太濃郁，可能被醬汁遮掩左～櫻花蝦肉碎炒飯（HK$60）這碟炒飯好大碟，飯粒炒得好乾身，粒粒分明，上面加左好惹味的櫻花蝦，少少脆身，入面還有切粒蔬菜，好有口感！秘製沙嗲雞（HK$48）這份串燒雞肉好淋身易咬開，沙嗲味濃郁，不過味道有點重有點過咸，不過整體不錯，燒得好香口！

聽聞土瓜灣有好多好野食，於是今日同老公去土瓜灣行下先！比我地搵到呢間小炒店😆👍🏻北京填鴨二食（銀芽炒粉絲）。$228一上枱已流緊口水啦👏🏻鴨胸皮鬆脆呈網狀，色澤紅潤，烤鴨皮脆肉嫩帶點脂肪，鴨肉甘香帶鴨皮嘅油潤，肉質肥而不膩，我就最鍾意呢種口感。放喺上饃饃皮上，再加青瓜、京葱配料，配甜麵醬同吃，食落完全唔覺油膩！👍🏻二食以銀芽炒鴨肉絲，夠曬鑊氣！份量都真係唔少呢😆👍🏻即燒脆皮燒腩仔。$88好好食呀！即燒果然唔同D腩仔皮脆到咔咔聲，肉質鬆化，係岩我心水，肥少肉多溫馨提示，7點後開始好多人，想唔洗等位，就早D黎啦食完呢餐，好滿足，我地兩個決定行返屋企有助消化🤣呢D天氣食飽飯行下都幾舒服

自從畢業之後就好少再返嚟土瓜灣今日約咗舊同學返母校探望老師後就喺附近搵食...簡簡單單諗住食餐晚飯就算點知食物質素超高🏻出乎意料之外我哋兩個人七點鐘左右入座當時餐廳都開始滿坐好彩都算早入座！點左三個平時都好鍾意嘅食嘅餸椒鹽軟殼蟹 🏻5/5滿分勁新鮮熱辣！個粉漿唔會太厚！軟殼蟹質感好好！唔會過分鹹！如果係送啤酒就簡直一流😍可惜我哋唔識飲酒😂沙拉骨食得出冇用鬆肉！酸酸甜甜的，沒有一種很肥膩的感覺，味道很開胃，送飯或淨食都一樣好味~!魚香茄子一上枱已有聞到陣陣梅香魚味，胃口大增。而且唔算太油，即刻冇咁大罪惡咁 另外點了杯我的最愛凍檸檬茶！就將今晚畫上圓滿的句號。總括嚟講下次如果有一大班友的飯局我都會再黎食！仲有好多野想試！可惜今日人少