非凡小廚 (已結業)

在土瓜灣工作多年，都未試呢間，因為佢個位置唔算集中係一堆既食街中，朋友介紹下今晚兩公婆去試下。見到menu好多大排檔同港式既菜，我地諗左好耐，店員呀姨亦好態度咁介紹，最後我地點左一個缽仔焗魚腸（古老菜式，第一次係元朗大榮華食過覺得好好食，所以叫左佢）第二味叫左個龍躉腩蒸荷葉飯，去相 ～～缽仔焗魚腸，不過不失，唔夠舊式酒樓好食，d蛋略嫌老同一大pat咁好硬，我估落唔夠油，但做得唔錯係陳皮味香，魚腸新鮮，咸度掌握好，配埋胡椒粉，都算唔錯，龍躉魚腩蒸飯，魚腩夠淋好肉，米飯好香荷葉味，魚既份量都幾多，成個飯可以3個人食，我地兩個飽到一個點，比埋menu大家望最後埋單（2人）