非凡小廚 (已結業)

今天是老公生日，佢最鍾意食有穫氣的小炒，之前同佢去土瓜灣非凡小廚食飯，佢讚口不絕，說好食又底食，今天就請佢去食生日飯，佢一定很開心！放工後，我們就一起去享受非凡美食！餐廳環境整潔！精選推介的菜式，上次沒有試，今次因為是老公生日，由佢話事叫乜食，佢今次叫了2款推介菜式。其實中午套餐都好底食！精選推介鐵板黑椒鹽豬手：用鐵板上枱，倒入黑椒汁，即時沙沙聲和起煙，侍應為我們將豬手切開，方便進食，豬手肉質好林滑又入味，豬手皮又滑又有QQ彈牙口感，骨膠原豐富，配黑椒汁更惹味！值得一試！古法咕嚕肉：真是百食不厭，啖啖肉又有菠蘿，廚師調較的酸甜汁的比例剛好，非常好味！什會炒麵：老公很喜歡食，當然要叫返碟，材料好豐富，有爽口的豬潤、彈牙的鮮蝦、鮮甜的肉片和鮮魷，還有义燒和菜，麵卜卜脆，十分美味！值得一讚是廚師調較的醬汁，不但好味，而且到食完也不會變水汪汪，有些食店在上枱都未食都已水汪汪冇曬味！豆沙鍋餅加雪糕：飯後甜品，我們選了推介的這款，鍋餅包住豆沙煎得脆脆的，加球雪糕更好味！

土瓜灣街坊介紹呢間抵食小菜，呢晚去試試激大凍檸檬茶 $30真係好大杯，特登用牙籤盒去表達下佢有幾大杯！ 中華四拼 $68有 6 款前菜俾你揀4款， 要咗茶香熏肉、涼拌海蜇、白雲鳳爪、沙爹醬蹄茶香熏肉好香，好好味，不過要『趙』耐啲涼拌海蜇辣辣地，夠爽口白雲鳳爪沙爹醬蹄中間有我好鍾意o既酸菜～秘製茶香雞（半隻）$108好香茶熏味～ 唔點汁都夠味雞肉夠嫩，剛剛好熟，好適合送飯芥末一口牛 $88好大一碟！牛肉份量好多，有少少芥末味，惹味～ 薯仔炸過，甜甜地，小朋友都食到。又係好好送飯o既菜式非同凡響炸雪糕 $28雲呢拿雪糕球包咗脆漿炸，上面淋咗士多啤梨醬切開，好大一球雪糕！ 外面熱，裡面凍，估唔到呢度有得食炸雪糕

土瓜灣非凡小廚，前身係唔太好味嘅石庫門，所以即使開業許久，我和河馬生也不太敢去嘗試。自從晚飯用味蕾小試牛刀，對呢間店多咗信心。今日去食lunch ，個蠔仔湯飯出乎預料。蠔仔分量唔算少，味道唔腥亦冇沙，配合蔥花同肉碎，再一口鮮甜上湯，滿足。隨套餐附送嘅例水霸王花湯，味道都唔錯，唔似一般茶餐廳既極端，一係淡而無味，一係啖啖味精。我地飲完呢碗例水而亦唔覺口渴，應該冇加味精。我叫左馬拉盞炒貴刁。炒貴刁有啲失色，有穫氣但馬拉盞味唔突出。值得讚嘅係佢材料非常多，有膶腸、叉燒、雞蛋、牛肉絲、魚片、蝦仁等等。店舖要改善嘅係上菜速度，因為上菜時間非常慢。我哋食完個湯飯，炒貴刁先慢慢送上。隔離枱叫嘅set lunch ，蒸滑雞都係等左20分鐘都未送到，（一般餐廳蒸野比較耐，但一定會同客講聲）我同河馬生食完決定快快走，因為隔離枱開始發難了。

今晚爸爸建議一家人去佢公司附近既餐廳食晚飯, 呢間餐廳供應各款中式小炒, 而且沒有茶芥、前菜、加一等額外收費。我地Order左幾個小菜share一齊食。 見到網上有唔少人大讚呢款小菜, 於是就Order一試:【黑金蜜糖蝦球】HK$106蝦球被炸過, 炸皮好薄而且香脆, 表面不油膩, 淋左少少蜜糖, 再加左少少黑松露,入口味道甜甜地且有好重既黑松露香, 入面隻蝦仲幾爽tim... 【豉椒炒鮮鵝腸】HK$98鵝腸好爽, 唔會太韌咬唔開, 幾夠穫氣, 不過份量就少左d【椒鹽鮮魷】HK$88魷魚好爽, 炸皮鬆脆, 點少少椒鹽更為惹味。送酒一流~因為餐廳唔近地鐵, 交通唔算好方便, 餐廳面積唔大, 但估唔到細細間, 食物質素比預期中好, 唔怪得吸引唔少附近既街坊入黎幫襯, 有機會一定再Encorn~!

土瓜灣其實食肆都唔算少但係質素真係幾參差下相信土瓜灣人都已經心知有邊D係永遠BLACKLIST 今日食既呢間就係我一直食開既小店地方唔算大, 但係勝在食物質素同人情味濃厚!! 環境好有舊式茶餐廳既味道, 但係衛生環境就好好多 大漠風沙雞隻雞都算幾大隻, 食落既口感外脆內軟, 雞肉好嫩口, 同皮個隻脆有反差既感覺個味道餸飯的話好好味 腐乳通菜炒牛肉通菜好爽口好新鮮, 而D牛肉都好淋滑, 個TIMING岩岩好, 唔會太老太UN, 通菜同腐乳醬份量岩巳好, 唔怕食到好DRY!!!

而家出街食飯閒閒地都要5-60蚊, 夜晚冇$100都落唔到樓好在土瓜灣都算係生活指數比較低既一區要食好野食都未必要好貴!!!今日呀媽冇煮飯我地就落左街食呢一間唔算開左好耐但係就長期都好多人由其是WEEKEND!!今日我揀左既係脆皮燒腩仔黎到呢度一定要食燒腩仔, 皮脆多汁, 極速餸完一碗飯, 值錢唔算貴, 但係份量就大大份, 我估出去食起碼都要過百!! 大份夾抵食炸大腸佢係原隻炸完再切, 所以KEEP到入面仲係好嫩滑, 而且最正就係一咬落去好JUICY既感覺, 唔會太乾太柴椒鹽軟殼蟹等左15分鐘既椒鹽軟殼蟹!!! 我見好多台食客都有叫到, 即刻叫黎試一試佢, 味道唔錯既, 最正係佢既軟殼蟹真係連殼都食得, 完全唔洗驚唔識食入面D肉!! 一啖肉一啖飯VERY GOOD TASTE!!

土瓜灣其實係食市林立，我覺得住喺果頭係好幸福，一肚餓落街就有咁多好野食，唔似我住果區冇咩好食。哩間中菜小館睇落幾干淨，晚市坐滿客人，深受街坊歡迎。出面咁熱行到熱辣辣，我地就叫番碟中華四拼食，係哩度既皇牌推介！凍盆擺得幾靚，涼拌海蜇、白雲鳳爪酸酸辣辣好開胃呀！接住黎到既係醬爆茄子班腩煲，哩個絕對係叫黎送飯食嫁！個醬汁好香濃勁正，班腩塊都好多俾足料。見到哩到有生炒糯米飯就突然勁想正！好耐冇食過臘腸臘肉，食番覺得好香，我一個人清左大半碟飯，哩d叫一係唔食，一食就食勁多。哈哈！沙拉骨又係正呀，黎到中菜館必食是常識吧。大大件好多肉，而且外皮炸到香脆，係一道大人小朋友都中意食既菜式。上齊餸菜又影番張相先，哩餐雖然唔係食d咩好特別既野，但係樣樣味道都係不平凡既，正！

看到OPENRICE上38個好評0負評而來, 只為一睹這間隱世食店的風采, 惟其午餐的水準實在令人失望.從餐牌上, 最明顯見到"喇沙"二字.  好奇的我立馬點了海鮮喇沙的午餐, 可惜事與願違, 其喇沙水準, 實在不敢介紹一眾讀者:1. 湯無味, 和一般茶記的"通粉湯"無異2. 海鮮量極少, 充其量一,兩粒尤魚, 一塊魚仔, 兩,三粒急凍蝦仁3. 難食. 無喇沙味唔緊要, 但都唔好搞到令人卻步. 望到湯表面的一層肥油, 加上稀都似水的湯, 真的想反胃.見到咁多好評, 中伏都只能嘆時不與我. 全餐最"正常"的, 只是一杯普普通通的凍檸茶走甜...

土瓜灣北帝街有間小店炒餸食飯好掂當價錢平民化又多選擇~質數有番咁上下絕對不能睇少黑金蜜糖蝦球~外層炸到非常脆身！但又唔會食到食口油蜜糖味夠哂香甜入味黑松露味道更帶出另一層次再內層蝦肉幾鮮味爽彈一碟有9粒非常抵食櫻花蝦炒飯~炒飯底炒到好乾身好合乎我既要求而且夠哂大碟又炒得好有鑊氣整體上好惹味既炒飯好高水準仲有甜品可以叫添wo紅豆沙鍋餅配雪糕(焦糖醬), 即叫即整豆沙餅熱辣辣紅豆餅內層煙un外層香脆~非常有技考雪糕唔會過甜味道非常正$28就食到呢款甜品無話可說了

香港食肆選擇多樣化，唔知大家又最中意邊一款本土食品。如果要我選擇，大排檔一定係不二之選，小菜鑊氣十足又可以啤啤佢。不過想食有時怕熱，都會選擇返餐館，同屋企人行到土瓜灣，就選擇左呢間小菜館。店入面有多款皇牌推介，先叫左個拼盤。其他食物都好有興趣，但怕食唔晒，就叫左半隻風沙雞同芥末一口牛，再清清地叫左個上湯時菜。中華四拼，選擇左涼伴海蜇、茶香燻肉、沙嗲醬蹄同花生魚乾。我個人對肥肉甘香有茶香味。而花生魚乾都炒得香脆，食到無停口。大漠風沙雞只係要左半隻，但大大份十分足料，皮脆肉嫩！仲配上腐乳醬可以一齊蘸黎品嚐。芥末一口牛係我嘅心水推介。牛柳粒牛味香濃，又唔韌，啖啖肉。芥末醬比想像中濃郁，但辣得好過癮，而且非常入味。屋企人唔食得辣，都搶住食，大家一路食一路眼濕濕，場面好搞笑。除左主角牛柳粒，連配料都好入味，薯仔煮得剛好，淋淋地，又吸收晒芥末醬。原來好清淡咁叫左上湯生菜，但上碟嘅份量又係嚇我地一跳。除左加左金銀蛋令味道無咁單調，仲好足料大大份。住土瓜灣嘅朋友有呢啲街坊飯堂真幸福！

黑金蜜糖蝦球：上面每一顆蝦球都鋪了一點點黑松露，蝦球裹了薄薄地的炸漿後炸，再混蜜糖，蝦的肉質炸過以後更顯彈牙爽滑，很推介這個菜式，無論賣相或者味道也物超所值呢。沙拉骨：大件的沙拉骨的烹調方式像京都骨一樣，但是配了蠻清新的沙拉醬風味有不一樣了。如果每一件骨有多一點肉就好了。北京填鴨兩食：大家似乎也無法避免的拿北京樓的片皮鴨拿其他食肆比較。依我見，其實是風格不同啦。早前聽聞說某酒店中菜廳把片皮鴨皮下面的油脂全部都去掉，去迎合年輕一代的口味，但是食客都覺得這就奪去了片皮鴨的精髓。非凡小廚的片皮鴨的烤鴨顏色沒有比一般的亮麗，鴨肉也顯粗糙，但是給的饃饃倒是令人眼前一亮的，新鮮蒸好一層層冒著白煙的上桌，皮都後度也剛好不會太厚，包著鴨片就讓人忍不住一口接一口。就視乎大家喜歡鴨還是饃饃啦！江南四小拼：我們選了牛展，海蜇，燻肉，和花生魚乾，燻肉偏硬，而海蜇是滿讓人滿足的，起碼吃的出真材實料．但是比較普通，不建議大家點這個菜式，留肚子嘗試其他的有趣送菜啊！蠔仔粥，炒鴨絲是比較普通但是也很滿意的菜式。炒鴨絲配了很多的芽菜，所以吃下去很爽口，而且芡汁打得也不錯，只是感覺沒有特別大驚喜．土瓜灣的美食多集中在北帝

最近成日來土瓜灣，又再次嚟到呢間非凡小廚，雖然我一個人黎，店內幾乎全部都係大枱仲要滿座， 但都唔使我等位仲一個人俾我坐大枱，仲都得到熱情嘅款待 我係咪真係好好彩今日簡簡單單食咗個欖菜肉碎四季豆加一碗白飯 就完成左一個人嘅晚餐 鍾意食四季豆嘅我一啲都唔覺得齋 雖然咁簡單嘅菜式但個廚師都拿捏得好好 唔會太油膩唔會太咸因為自己一個食嘅關係乜都試唔到但見到隔離食啲嘢好似好好味 下次來我一定會叫脆皮燒腩仔 見到人地食我都流晒口水 另外值得一讚嘅係店內有電視睇 就算一個人都可以電視汁撈飯小菜黎講 非凡小廚喺土瓜灣確實唔錯 街坊鄰里都應該要去試吓

鐵板黑椒鹹豬手 $110————————————————整體得分：8分 (10分滿分)————————————————👅食評：1️⃣口感 8/10無論係外皮定係裏面嘅肉，火候都控制得啱啱好，外皮好滑！入邊啲肉亦非常嫩口☺️黑椒汁亦唔會太結太膩！豬手嘅骨膠原好漿好粘，直到個咀粘住粘住，感覺好正😁2️⃣味道 8/10黑椒份量控制得好好，令成個黑椒汁帶微微嘅親民辣味😋而且黑椒嘅香味非常出！再大少少三色椒嘅酸味，真係非常醒胃😚鹹豬手嘅鹹道啱啱好，可以食到豬手嘅香味趁熱食真係一流😍3️⃣抵食 7.5/10平時食黑椒鐵板豬手，通常都差唔多＄200！呢度食竟然＄110就食到，仲要咁高質咁好食，真係物超所值

呢間位於土瓜灣既餐廳,性價比高平均菜70-80左右菜式似大排檔個類!牛肉條係爽口為主~ 脆脆地既外皮份量多,味道好,所以性價比都高,宜加出去食大排檔平均都要100蚊up一碟小菜呢到有埋串燒食~ 串燒好食,主要係個汁既問題醬汁香濃好味, 份量都見到圖都奇多!價錢都係個個位~呢個係京都骨最後係雪糕,無錯呢個係雪糕黎面層係炸出黎~今面包住雪糕!幾特別就試下~份量都大,好飽=3=ok甜,因為有焦糖, 對我黎講味道有d重~整體黎講餐廳坐得舒服, 服務員好熱心~!

早幾日忽然間好想食小炒，朋友仔話不如去依度試下，所以就去依度食晚飯。依度食物類式都算多選擇，可以滿足大家既要求。大漠風沙雞（半隻）：雞皮表面炸得非常香脆，而且色澤炸得好均勻，上面仲灑左d炸蒜蓉，仲排列好整齊，見到賣相已經好想食。咬落去表面好脆口，而且雞肉仲好嫩滑，仲有微微既炸蒜味。另風沙雞會同南乳醬一齊附上，點上南乳醬一齊食，別有一番風味。大良炒鮮奶：炒鮮奶上面灑左d花生粒，鮮奶炒得好香滑，鹹度適中，仲有淡淡既蛋香，鮮奶仲連埋鮮蝦一齊炒，蝦肉爽口彈牙，送飯一流，正！薑蔥魚腩煲：魚腩炒得好香脆，而且肉質好滑，啖啖肉。魚腩仲有好香濃既薑蔥味，好有獲氣，份量比想像中多，好味！