非凡小廚 (已結業)

平時經開土瓜灣都好少會係個到食野，今日經過咁啱見到有間叫非凡小廚嘅餐廳，之前都有聽區內朋友介紹過，就試一試啦。餐廳裝修同一般街坊餐廳分別唔大，7點半左右入到去都坐滿左人要撘枱，聽員工講食客多以街坊為主。我地兩個人就叫左魚香茄子煲、即燒腩仔同店員大推嘅大漠風沙雞。大漠風沙雞 半隻。半隻雞都幾大碟，雞皮好薄唔太油，上面鋪左一層炸蒜。雞皮好脆，雞肉食落好嫩，仲有啲雞汁係入面，一啲都唔老。有炸蒜鋪面食落好香口。魚香茄子煲。魚香茄子係我去酒樓之類必叫嘅，成日都覺得自己好難整到個種風味。依到嘅魚香茄子真係香噴噴，茄子夠入味，重點係真係食到鹹魚香，用黎送飯一流。即燒腩仔。燒腩仔啲皮金黃色，食落卜卜脆！啲皮就偏鹹，肉質肥瘦均勻，食落好juice。點芥辣食仲正。

去開土瓜灣接朋友收工，兩個人想食吓小炒就入咗非凡餐廳入到去店員仲同我哋推介牆上寫嘅菜式係期間限定，menu上無嘅，感覺貼心。而我哋就睇中咗新品上市：原條麻辣烤魚鍋($158) ，點菜嘅時候店員仲問埋我地要大/中/小辣，我同朋友都唔太食得辣就叫咗小辣。條魚送到上枱火喉剛好，肉質嫩滑、魚骨輕易分離。而味道嚟講剛上枱時未入夠味，記得要忍手等多陣入曬味先好食，入味後條魚帶點麻而唔會蓋過魚嘅鮮味。而且，鍋內配菜有豆卜、雲耳、金菇、冬菇、冬瓜等，感覺豐富唔會膩。另外，店員仲時刻留意個爐，間唔中就嚟幫我地調較火勢，服務一流。中華四拼（白雲鳳爪、涼拌海蜇、茶香燻肉、沙嗲醬蹄）($68) 白雲鳳爪重醋味、爽口；涼拌海哲帶辣；茶香燻肉脂肪油香；而當中最出色嘅沙嗲醬蹄入味皮爽脆滑。雪菜火鴨絲炆米 ($60)，鴨絲比例多，米粉吸收鴨絲咸味同雪菜香，亦都炒得夠火喉、乾身，同埋都幾大碟，推介三四個人share一碟配小菜食。

土瓜灣的餐廳通常價位都比較親民，食物種類繁多，今次介紹的就是中菜小館—「非凡小廚」。餐館裝修簡單，比起連鎖酒店的浮誇裝修，我更加喜歡這裏的簡單乾淨。從餐牌和員工制服都可以感受到這是一間有心經營的餐館，與一般茶餐廳與眾不同。餐牌上面的菜式多到令人驚訝，可能有上百款小菜任君選擇，最終在眾多選擇中挑選了鐵板辣子雞、生炒臘味糯米飯、薑蔥魚腩煲及黃金蝦碌四款小菜小炒。最先上菜的是生炒臘味糯米飯，沒想到最便宜的一道菜竟然如此有份量。成個炒飯油光閃閃，炒飯裏夾雜蔥花、蛋花和臘味，給人第一印象就是「足料」。臘味味道夠香，糯米飯又軟又黏，極為開胃。反而臘味太老，口感太硬有少許乾，在這扣了分。吃到一半其他菜都陸續上菜，鐵板辣子雞的辣度夠，有紅辣青辣洋蔥的調味，辣子雞的味道都好過癮，雞件肉質頗滑，整體而言都很不錯，但不會令人太過喜出望外就是一道味道不錯的辣子雞。而薑蔥魚腩煲的味道就的確令人驚喜，上菜時整個煲都仍然在冒煙，明顯是即叫即製，由於剛起鍋的原故魚腩非常軟糯，一夾就分成兩邊，魚味夠鮮又有少許薑的嗆勁，幾乎沒有魚骨，好耐沒吃過這種入口即化的魚腩，非常美味！最後的黃金蝦碌是最貴的一道菜，幾隻蝦就已經$12

​ 呢間餐廳有好大個招牌，係遠遠都望到，好易搵！ 餐廳唔係好大間，有一張大台可以坐到10人左右， 淨返個啲就係坐到幾個人既細台。 如果多啲人食要訂先得，不過我地平日去到都有幾多位淨 店員話餐牌唔夠位寫曬所有菜色， 牆邊都貼有其他菜單可以揀 啲野食係即叫即整，等左陣先上菜， 上台個陣熱辣辣，仲出緊煙。 甘蠔生菜包 有7-8片生菜，生蠔係碎上，仲有臘腸等等。 包住一齊食，個口感好豐富，而且咸香味重， 蠔味濃，令人食完一舊又一舊 腐乳通菜 呢道菜望落好似好普通，但食落仲好食過酒樓個啲！ 啲調味好正，唔會太咸，岩岩好！ 八珍豆腐煲 入面有好多配料，魷魚，蝦球，豆腐，豬肚等等。 要讚下個豬肚，好爽口，唔會咬極都咬唔開！ 而啲汁會沉底，撈返上去先好食 PS啲茶幾好飲，所以我地不停飲，個店員就不停幫我地加水～ 非凡小廚 地址 土瓜灣北帝街22號地下

相信係何文田或者土瓜灣住同讀書既人都知道，天光道係一係食店必爭之地，位於名校網中心，大量既中學生，lunch hour既時間基本上間間餐廳都人頭湧湧，就係咁，天光道餐廳既商機可以話係無窮無盡，因此，亦造就左唔少好味既餐廳係到聚腳，高登堡，御麵坊，味皇，重口味，上壽司.......今日作為吃貨既我又黎天光道搵好野食咁岩就見到旺舖石庫門換左手，換左一間非凡小廚，係得土瓜灣既一定要試試佢😏入到舖頭入面，裝修相當唔錯，舖頭圓桌設計，桌與桌之間有一定既空間，有一定既私人空間，坐起來相當唔錯，連平時偏愛卡位既我都接受到當然我黎依到係食野，食物先係主角，我同朋友分別點左沙拉骨，炒牛奶同炆魚腩首先係我至愛既沙拉骨😍每舊骨都上色得非常之好，配合黎沙律的調和，我同朋友都忍唔住俾相機食先😍味道方面，上色得好姐係代表調味均勻，自然就係好食啦，味道合格之類又唔會超重，正！炒牛奶方面，牛奶炒得又香又滑，奶味夠重🤤爽得黎又唔會太散，當然係正啦，不過有朋友覺得唔夠滑，但係我就已經好正啦🤤齒甲留香🤤魚腩煲就因為我唔食魚所以唔太食，但我覺得唔太腥，入口即溶，不過就唔有啲骨，個人唔太食得慣。總體黎講，餐廳味道一流，相信可以

土瓜灣非凡小廚，小菜選擇頗多，碟頭亦幾大份。一坐低，未揭餐牌，已經被牆上嘅手寫餐牌吸引住。首先已經order左個蒸飯，因為知道要啲時間整。魚肚粟米羮（$20/位）原來一位份量都幾多，比一般飯碗大。魚肚同粟米落得足，再加埋蛋花獻，好好飲。椒絲腐乳炒唐生菜（$68）好大碟，好好送飯。芥末一口牛（$88）我初頭以為芥末一口牛係前菜，原來係一大碟小菜！夠鑊氣，牛肉有少少供鼻，夠刺激，越辣越想食！壓軸登場係籠仔斑腩蒸飯（$138）估唔到咁大籠，足夠4人共享！飯粒索滿鮮味同荷葉香，班腩比得幾多，啖啖肉！怕談味？再加少少蒸飯豉油撈飯食，仲正！

趁今日難得放假，專程走入土瓜灣找友人食中菜。見到這間「非凡小廚」門面不錯，門外又有皇牌之選推薦，於是友人與我二人便入內。 8點準時入座，裝潢簡約，最重要是不會太迫，可以舒暢地與友人暢快聊天。 前前後後點了三道菜，第一道菜是沙拉骨(78$)。賣相精美，一吃上去，肉質剛好，不會太韌。而其他餐廳煮的沙拉骨可能會黏上大量糖漿，再加上沙律醬會過份油膩，但此菜甜度亦剛好，值得推薦。 第二菜為黑金蜜糖蝦球(108$)。原來黑金意思是脆炸蝦球加上黑松露醬，再淋上一層蜜糖。一道菜式，三種味道。此店的用料絕不吝嗇，黑松露醬鋪滿蝦球面，所用的蝦亦大大隻，絕對抵食。 最後一道菜為米香浸四蔬(88$)。以木桶盛載的四蔬，包括雲耳、青瓜、豆腐乾及雜菇，再以粉絲鋪底。可中和剛才油膩的炸蝦球及沙拉骨，四蔬煲成的湯水亦算清甜，作為飯後湯亦不錯。

自己本身都幾鐘意食小炒，見呢間餐廳都幾多好評，就黎一於黎試試啦！餐廳地段近大馬路，所以好易見到。由於朋友未到嘅關係…… 就自己入去坐住先，入到去，店員姨姨幾NICE，又介紹我地下食咩，有咩好食。（真心NICE，唔係扮出來的。）等咗成大半個鐘朋友先到，但店員姨姨都無黑面，1抵讚！朋友黎到見隔離檯叫胡椒豬肚雞，好似幾好吃(應該皇牌)，不過我地兩個女仔食，食完一定好快被KO，食唔到其他。最後叫了，琵琶豆腐 / 生炒糯米飯／芥末沙拉蝦。琵琶豆腐，炸得超香口而且加了些臘腸不錯！一睇就知份量唔細…… 2個女生一定食唔哂~ 生炒糯米飯都足料，大大片臘肉，因為秋風起食下而臘味，記得趁熱食；芥末沙拉蝦，雖然和想像中有出入，誤會芥末沙拉像沙拉骨一樣有「汁」但這個做法是黃金蝦做法，不過都把它吃完。每隻蝦都大大隻！份量又多！食哂佢都夠滿足~最後最後，吃甜品時間～～～值得推介：紅豆豆腐花，好好吃！另外一款，豆沙窩餅加雪糕，雖然新穎，但雪糕令窩餅變軟。但整體都OK，都想約多些朋友試試其他皇牌！她們都無黑面! 真心抵讚後記：啲飯同餸係食唔哂嘅，入滿一個玻璃盒！！ 個食就算翻熱都好好味！！

今日朋友帶我去食咗一間好好食嘅小菜館， 因為佢住土瓜灣 ，成日會去食一間叫非凡小廚嘅餐廳 ，佢同我講佢當咗呢間係私人飯堂， 基本上每個禮拜都會食一兩次， 我哋兩個人叫咗三碟餸 ，但其實每碟餸都好大碟 ，兩個人係食唔曬三碟餸， 但因為樣樣都好好味 ，好想再試多幾樣，但真係冇辦法，食唔落 。我哋叫咗黑金蜜糖蝦球 ，上邊嘅黑金其實係黑松露醬， 每隻蝦都包滿曬蜜糖 ，再加埋啲黑松露醬一齊食， 超級好食， 未試過喺其他餐廳食過呢味餸 我哋仲叫咗鐵板黑椒咸豬手， 隻咸豬手係超級大隻 ，熱辣辣係鐵板度送上嚟 ，送上嚟仲有好多煙。 沙茶粉絲牛肉煲 入面好多牛肉 ，老闆一啲都唔吝嗇，好足料， 好個粉絲充滿沙茶味 ，值得推介。最緊要服務好好，好周到， 不斷咁幫我哋斟茶， 又對客好好禮貌。 地方雖然唔係好大， 但係位與位之間都有好多空位，坐得好闊落，一啲都唔迫。

黎開牛頭角搵朋友，搵完就兩個人一齊搵野食，見到依間餐廳坐左幾多客，所以就入黎試下佢，總共叫左3個餸，1個白飯，加埋都唔洗$300黑金蜜糖蝦球每個蝦球都被蜜糖包實，甜甜地，每個蝦球上面都有黑松露，黑松露配上蜜糖，個味好夾！好新穎既一道菜色砵仔焗魚腸配飯食既一道經典菜色，菜色本身已經夠味，唔洗加胡椒粉都好夠味，魚腸無腥味，唔錯鐵板辣子雞因為我本身鐘意食辣，但一諗到依間餐廳唔係專做川菜，應該唔會辣得去邊，所以都無好大期望。但同我想像既相反，辣子雞夠麻，食到嘴唇邊都麻晒，夠辣，雞唔會好似大陸食咁細粒，啖啖肉！下次我會簡中午黎食午市，見到30-40幾就有一個飯，好抵食！同埋依間餐廳既川菜都成為我下次再黎既原因！

​ 平時路過土瓜灣都成日見到呢間餐廳，今次第一次入去食， 中式餐廳黎講都十分企理乾淨，冷氣十足。 見到菜單都幾多選擇，又有烤魚又有雞煲，感都幾新穎， 今次就叫咗三樣嘢，豆豉鯪魚油麥菜，古法咕嚕肉同埋生炒臘味糯米飯。 油麥菜上檯夠熱有鑊氣，家常菜嚟講做得出色反而唔容易， 咸度適中唔會太油膩，菜夠新鮮，食少少已經好開胃。 咕嚕肉炸皮略然有啲硬，勝在咕嚕汁搭救，新鮮菠蘿夠鮮味，疊埋一齊食唔會肥膩。 生炒糯米飯軟身得黎有粒粒分明，有咬口，臘味還可以，有啲鹹。 整體水準中上，最重要係服務員親善可嘉， 有嗰種傳統香港社會中式餐廳嘅傳統風味，好有親切感。 喺同一區裏面水準非常高嘅一間餐廳，中餐裏面嘅話我會選擇呢間餐廳先👍

香港食肆選擇多樣化，不過若果一定要我揀一款最出色嘅地道食肆，我一定會揀大排檔！😎小菜鑊氣十足又可以啤啤佢，最適合香港人嘅生活！不過想食有時又怕熱，都會揀返菜館，今日就同朋友嚟到土瓜灣依間充滿香港大排檔特色嘅小菜館-非凡小廚🤗🤗店內雖然座位唔多，但係勝座位寬敞坐大枱，啱曬一家大細過嚟聚餐，鋪頭裝修亦都幾光猛！除咗皇牌推介之外，平均一個菜式都只係70-80蚊，對比起出面一般嘅大排檔絕對係算抵！👍🏻👍🏻由於我地都幾細食所以只係叫咗三個餸，不過落單果時侍應竟然同我地講話驚我地食唔晒😱到最後先知原來依間店嘅份量絕對唔講得笑..真係食唔晒😅講返食物方面先，首先嚟個魚香茄子煲，上菜時仲係熱辣辣😋，食落好夠鑊氣好惹味，唔會過份辣，與白飯嘅配合一流，嗜辣嘅朋友不妨一試。🤤跟住再嚟碟夠曬開胃嘅沙拉骨，酸酸甜甜嘅醬汁認真開胃又醒神！咬落啲肉同骨好容易就分開唔會好難咬，再加上肉佔嘅比例好多，唔會似坊間大部分餐廳話咁剩係得啲骨無肉食，而且份量真係唔少😲，兩個人食根本食唔曬🤐然後再嚟小店特別推介嘅椒鹽軟殻蟹，以中式炸法炸成嘅軟殻蟹，好特別有創意🤣外皮酥脆，未上菜已經有陣陣香味飄埋嚟，食落更加停唔到口，夠哂惹味🤤🤤

今晚約咗個朋友食飯，話屋企附近有間唔錯嘅小廚叫我去試試餐廳乾淨企理，而且服務令人感覺好親切，食物方面亦都幾有特色，最緊要係價錢唔貴，食飽晒都係$300落樓魚肚粟米羹用料好足，好香嘅粟米味，而且每一啖都有好多魚肚，味道濃郁但又唔會咸西湖牛肉羹依個羹意想不到咁好味，雖然一上枱好大莞茜味（我唔太中意）不過朋友叫我點都要試一啖超好味，味道香濃，牛肉又嫩，加上莞茜反而令成個味道更加香石鍋蒙古羊肉分量唔算好多，不過質素唔差，羊肉嫩滑唔會so青椒同洋蔥都好入味，送飯一流砵仔焗魚腸第一次食呢個菜，裏面主要有蛋.魚腸.同埋一啲魚既內臟，味道唔錯，而且好足料炸雪糕配朱古力醬呢度竟然有炸雪糕食，雪糕外加咗好薄既炸粉，所以輕輕咬落去已經可以食到雪糕，整得好好而且好特別

晚飯係屋企附近食就最方便，呢間食小菜的就最啱一家人食，今晚同爸爸媽媽黎食。魚肚粟米羹 $20/位個羹都幾足料，好多粟米，魚肚再多D就好啦，稀稠度適中，一位係大碗份量，抵飲。中華四拼 $68有六款可自選四款，白雲鳳爪/涼拌海蜇/沙嗲醬蹄/茶香燻肉，附醃蘿蔔，cp值高！茶香燻肉燻味十分香，口感似食緊臘肉，滿口都係燻看味，幾特別。薑蔥魚腩煲 $78，色香味俱全，聞到香噴噴，魚腩肉很大塊，啖啖魚肉，很入味，連葱都非常美味。椒絲腐乳通菜炒牛肉 $78，牛肉口感很滑，夠鑊氣，用椒絲腐乳炒很惹味。熱檸水

這是我第二次到來「非凡小廚」，之所以故地重遊，全因我對風沙雞的念念不忘，驅使我再回到這家不平凡的「非凡小廚」進餐。這次我也點了半隻雞，而雞的尺寸依舊份量十足，性價比算高。風沙雞的外皮烤得香脆，只有小量的油脂，而雞肉依舊保留了原有的嫩滑，外脆內嫩。在雞的表面還配有大量香脆的炸蒜，使整個菜色、香、味俱全，我跟友人都吃得回味無窮。蝴蝶魚，又稱富貴魚。平時都很少吃到這種的魚類，這次口癢癢的，就點了一道椒鹽蝴蝶魚來吃。魚身扁扁的蝴蝶魚表皮炸至酥鬆，再灑些椒鹽和炸蒜，非常惹味。魚肉鮮嫩香甜，再配上酥脆惹味的外皮非常相配，把魚骨扒掉，另一邊鮮甜的魚肉也就能輕易地吃到了。過去曾在泰式餐館吃過馬拉盞炒通菜，微微帶辣的馬拉盞味道非常惹味，無不令我回味無窮。沒想到來到的這家「非凡小廚」也有馬拉盞炒通菜，當然要來回味一下。在通菜上桌時，其香味深深的吸引住我，爽脆帶有「索索聲」的通菜，再沾上菜汁，香氣十足。只是馬拉盞的味道不算濃郁，多吃幾條菜馬拉盞的香氣便變得較淡，要清清口腔才能再吃得出來，下次也許可以要求店家把它弄得更惹味一點。如果愛吃廣東菜，這間「非凡小廚」可說是不錯的選擇呢。