青花 (THE FOREST)

午餐價錢可以，之後我地再加1個98元的小冬陰公湯。尼到個樣係唔錯的，食落就中招了。特別係個冬陰，原全唔知飲緊咩，我朋友話係辣蕃茄湯，難得有隻大蝦原來又係霉的。浪費哂。呢到一次就夠啦。

非常期待今次既晚餐，食完亦都無失望咸蛋龍蝦薯圈，推介龍蝦好彈牙，蝦膏加上咸蛋超正薯圈亦都脆口，份量十足，好味咖喱牛肉，推介鐘意佢啲配料有原粒鮮龍眼、秋葵食落fresh d 無咁heavy 薄餅、蒜蓉包薄餅配咖喱，呢到啲薄餅多層夠厚身，但亦都好鬆軟，好味碟豆花青檸茶夠fresh朋友叫左奶蓋泰式珍珠奶茶佢話唔會太甜，好岩飲，推介呢到環境氣氛亦都好舒服岩哂朋友放工黎食個飯、傾吓偈另外餐廳啲防疫指措施都幾好呀！

呢間餐廳既防疫意識都幾高，仲送埋信封俾客人裝口罩，抵讚！野食都ok gei...不過d肉硬左d...但我就對佢既野飲好滿意喇！例如：班蘭咖啡，真係唔好度度都飲到，同埋估唔到班蘭同咖啡會夾到！另外仲叫左個百香果既飲品，都幾香果味！

《鬧市綠州🌵》———————————————#青花 💐-呢度嘅裝飾都幾特別，以森林為主題，打造咗滿佈花花草草嘅氛圍。而且，地方寬敞，坐底同朋友傾吓傾都唔錯～☺️-馬來燒雞翼飯有三大隻雞翼，肉質嫩滑，燒得好香，充滿東南亞風味🤟🏻而個黃咖喱帶點微辣，椰香味濃，與軟殼蟹相當之夾。-飲品方面除左叫基本嘅青檸梳打，仲額外叫多咗個特飲。呢杯三色冰奶蓋賣相超吸引，上面佈滿七彩嘅綿花糖，奶蓋好滑，撈落去同三色冰一齊飲超級香甜💓-重點係喺app訂座唔同時段都會有折，我哋當時就有7折（只限主菜menu）。而佢本身嘅套餐都好抵，平均都係$60幾蚊左右，相當抵食👍🏻-⭐ 參考價錢︰（已折扣）馬來燒雞翼飯餐（配鮮青檸梳打）：$70黃咖喱軟殼蟹：$83三色冰奶蓋：$48🍌 抵deal 指數：8/10💰 人均消費：$110

慶祝朋友生日 平日下午兩點左右 人流唔多 環境空間都舒服😌裝修靚靚 最岩打卡！ 食物飲品賣相都好唔錯 嘢食都係即叫即煮 熱辣辣 味道方面比較清新 價錢亦合理 性價比高 係同朋友家人食飯嘅好地方~~

總結overrated！門口個男待應勁冇禮貌 講野唔清楚 問多次佢就呼呼喝喝咁問個待應沙律會唔會好辣 佢就話辣唔辣好睇人架wor 我覺得辣你可能又唔覺 同你講兩句佢個樣已經西到...之後比我聽到佢串啲客食唔到辣就咪鬼叫啦問問問...食物就過得去 但個黃咖哩冇乜味 唔講都唔知食緊咖哩整體好一般 冇上網啲人講咁好味 野食還接受到 野飲真係太普通！食完野又係咁過黎煩住晒咁趕人走但因為待應好西 以後唔會再去 blacklist!

慶祝朋友生日飯，所有菜式擺設賣相精美，打卡同女仔食飯必選，泰國嘢做得咁精美、令人賞心悅目好開心嘅一餐飯。不過接觸員工只係點餐短短三兩分鐘嘅時間，已經表現服務員欠缺耐性、落單即叫第一杯飲品是期待已久的紫色蝴蝶花，我指着杯飲品:唔該要一杯,店員反問我是什麼，之後問佢一壺有幾多份量，佢話一壺咪一壺囉....果然係世界級嘅回答。。咁啱我哋餐桌枱近門口，附近有四、五位員工，見佢哋咬耳仔多過做嘢，咁岩又比我聽到佢地彈啲客。不如你地做好下服務啦。菜式咖喱軟殼蟹又唔會比多一份刀叉或者匙羹，唔通用自己筷子撩咖喱汁？另外菜式東風螺好明顯係需要濕紙巾同埋乾紙巾，完全沒有打算提供,後來逐樣詢問之下才有提供。東風螺超’銀’(硬)好似煮咗兩日咁，咖喱汁冇咖喱味，服務質素需要提升。說的事實。

Staffs kept wanting to collect our plates and clean up the table fast despite our discount from an app cannot be applied, please don’t offer any discount if you’re being so strict to the customer (expect non will retire) food is nothing special and set a high price in this area. Only good for pics, not bad but nothing special. Worst thing about this restaurant is their attentiveness is zero and staffs just love to collect your plates even when you haven’t finished the food lol for twice. Very di

呢間餐廳開業冇耐就食過一次，印象中規中矩，之前去旺角食嘢但心水嘅舖頭大排長龍，唯有再幫襯下佢啦💁🏻‍♀️•🍁 泰 式 鮮 蝦 炒 金 邊 粉($68)抗疫期間嘅全日套餐比主menu 抵食好多，所以就揀咗兩個set😚金邊粉份量正常，口感偏濕潤，唔係乾身個種，而味道就有少甜，好明顯feel到落左幾多糖下，不過整體都唔差，如果啲鮮蝦可以多啲啲就會更好😂另外set飲品就揀咗蝶豆花青檸茶，賣相好靚，不過飲落就冇咩味，可能第一啖未攪勻，個底就有青檸味嘅🙈

早前，有個週末約了知己好友到旺角，他是一位形象顧問，教我衣著配搭及陪我買衫，原先約了他中午 2:00 前在旺角等並一齊食 lunch，但是，他的工作關係，卻不能陪我食 lunch！唯有，獨自走到旺角奶路臣街  The Forest 的 <青花>！這裡門面已經是一幅鋪滿綠色 feature wall，細心看才發現英文店名隱藏於植物之間； 內裡綠化的環境更不在話下，打卡一流！ 金色椅子配雲石圖案桌子，入型入格！ 另有室外用餐區！我經 Openrice app 訂座，訂座要求，最低消費 $120根據手機 Cap 圖 record，當時，我提早兩日已訂座2位！同時，註明訂座優惠：新登場餐廳，訂座賞咖啡現金劵 最激氣由於訂2位，因為我朋友工作關係未能在一小時內來到，於是，我獨自1位到，訂座卻要被取消！ 才可安排入座；什麼理由？！其實！我唔知道那位店員點解要咁做啦！如果簡單在電腦由2位改為1位就可以吧！完全簡單變得複雜化！當我入座後收到 Openrice app 通知，訂座已被取消！真離譜！ 桌上備有簡單的餐具！入座後，店員會送上餐牌及一杯水！心情差，或多或少會影響食慾啊！餐廳供應

6點後，行過個商場諗住凉陣冷氣同諗下食咩，一經過見到佢地有個套餐五十八蚊，有主菜有野飲，嘩 真心抵囉上次行過入去食好似都要七八十蚊一份主食，所以依家58蚊堅係吸引既。有碟豆花青檸水絕對夠凍夠靚，拎左20分鐘都仲保持到個色水。 叫左個菠蘿炒飯，算多料，炒飯唔硬唔乾亦唔油，可惜雞肉就全舊照炒，如果切粒或切絲會比較好，不過整體都好好食。另外一份係pan Thai, 炒粿條，都好有泰式風味，花生粒夠，蝦無冰鮮味，整體非常夾。仲有燒牛肉撈檬叫好叫座。誠意推介芒果燸米飯真心正喔

2020年第一餐提前吃的生日午飯🎂🍚，今年咁嘅疫情，晚飯都係唔洗諗😟。向好嗰方面諗，＃青花＃呢間餐廳係舊同事安排，聽說之前要早幾個星期才可能訂到位，現在。。。。。。。多到你可以揀位！聽個名我仲以為係台灣菜，有啲文青Feel, 原來係新派東南亞泰菜。（朋友落雨遲到，我先坐低。）揀咗個轉角兩邊有view，又可以見到成間餐廳全景嘅位置，今日外面有落雨，我後面有只窗係打開咗， 當我正想關窗嘅時候，餐廳職員話，因疫情關係想空氣流通啲，所以開咗窗唔關得，但係已經滴到地下濕曬，佢話如果嫌濕可以轉位，佢態度強硬😟，我有啲玩嘢講，唔使喇！你幫我抹返乾地下，但係出面不停咁撇雨入嚟，後來個服務員好似問咗個經理，就自己去關咗隻窗。 規矩係死人係生㗎嘛🤣左邊- 《蝶豆花？？茶》我冇份飲，個樣就唔錯。右邊- 《班蘭咖啡》 班蘭香味不足，咖啡香味亦不夠，不過名嗰兩隻味都畀你飲到，都交代曬啦！🤷🏻‍♂️叫咗全日套餐可以加錢加配《迷你拼盤》包括：「甘蔗蝦、魚餅、炸雞卷、 青檸雞槌」跟甜酸醬，精美香口，炸得夠乾身唔油，咬落亦唔乾，味道熟正常。 《泰式鮮蝦炒金邊粉》碟邊還跟碎花生及青檸和香茜，好有東南亞風味。大大話話都飲咗幾

好小有泰菜餐廳會咁靚，環境分數會比好高分。一入到去比人一個好清新既感覺。真係幾適合同朋友去食下野，傾下計影下相。地點仲好就脚，唔係好難搵。食物方面呢，諗得出既泰菜都有提供，面且擺碟都幾靚。整體黎講味道都唔錯，份量就唔算太多，幾位朋友一齊share既話就嗌多幾樣野。個人幾中意豬頸肉，個汁幾夾，而且肉質都OK，唔會鞋口或者煮到太老。至於呢個炒金邊粉味道都唔錯，幾香口又唔會過份油。但份量就唔多，幾啖就食哂😹😹

💛 #黃色經濟圈 唔知大家仲有冇印象之前post過個摩天輪蛋糕🎡如果未睇記住㩒番去之前睇番個post❤️幫閨蜜慶生當日我地係app到book左呢間餐廳😋仲要原來我地兩個之前都食過但完全冇印象叫咩名🤣但整體黎講我覺得食物質素係進步左少少🤏💛二人套餐👭🍴鹹蛋黃青木瓜沙律呢款味道正常但唔係太多推薦~沙律本身唔係好夠汁好似就咁食菜咁🥺🍴烤雞、和牛沙嗲串燒串燒燒得幾好唔會太乾~配埋沙嗲汁幾好食😋🍴天多尼烤雞。班蘭青咖喱青咖哩幾香淡淡嘅斑蘭香味配蒜蓉包一流😋烤雞每件都好大舊建議可以切細少少方便食~雞肉都算嫩滑❤️🍴燒菠蘿蟹肉炒飯炒飯炒得夠乾身除左伴碟有一大件菠蘿之外~炒飯裏面本來都有好多菠蘿粒😋😋但係蟹肉得好少唔係好食到~🍴香草蒜蓉包蒜蓉包好香好脆仲好多舊🤣但係就切得太厚有啲難咬🤣配青咖哩食好味😋🍴蒜蓉炒芥蘭🍴泰象青檸梳打整體食物質素中等水平~二人套餐都超多野食份量都好多~完全食唔曬🙊但係環境幾寬敞幾適合三(四)知己吹下水❤️仲有户外嘅位置通風啲~💛📍 青花 (旺角)旺角奶路臣街17號The Forest 1樓107-108號舖

聽聞這間餐廳是閨蜜打卡熱門餐廳。今天終於前去一試。環境比想像中小，裝修亦相對地普通，但仍可被我狂影一番。食物是有水準的。點了香草牛油龍蝦冬蔭芝士老鼠板及泰式雞肉炒飯，老鼠板煙煙韌韌的，和冬蔭公味道很夾，食物賣相同味道都相當好。另外，點了碟豆花青檸梳打和青檸梳打。碟豆花的顏色很美，但味道一般，用嚟影相就一流。