霸嗎拉麵 (屯門市廣場1期)

营业中

休息中

之前閒日放假黎呢度食午餐，食咗豚肉味玉拉麵加唐揚炸雞，冇留意做lunch set, 埋單100，有驚喜，炸雞同拉麵都好食，炸雞不會太硬，拉麵味道合我心水。今日再黎，大約2點多，目測BAR 枱最少有5個空位，過我都攞咗飛，因為門口都有幾位客人等位，，見冇叫number, 我就行入去裝吓，話比類似店長果位staff知我一位，佢就即刻叫我攞飛，我比張飛佢睇，佢話而家叫到xx號，你係xx未到，出返出面等，同期有2位人客都滿面疑惑，跟咗入去唔到一呎嘅位置，我唔清楚我入去提出入坐人數有咩問題，但係感覺唔好，好似唔想做咁，好我算，當誤會。今次再叫炸雞，d雞炸到過咗火，好乾同好硬。我諗我有排都唔會再黎lu

員工服務態度極差。12點30分落單，1點10分都仲未整好兩碗拉麵，而隔離檯一男一女係12點55分落單但因為催左兩次就1點10分就比左佢地先，我地問個waiter 點解佢地黎先，個waiter面無表情咁講「因為佢地催呀嘛。」即係我應該一落單就開始催你？個責任係我地到？呢個concept除左無敵我無野好講。其實除左我地張檯，有好多食客都等左好耐，但當望入廚房時真係火都黎，成班人好似唔知自己做緊咩，發緊夢咁。有兩個「師傅仔」一齊拎起個鐵煲，張個鼻隊到個煲好埋好埋咁聞，個一刻我真心好想立刻走人⋯⋯我覺得一個餐廳食物質素好緊要，但一班正常既員工更緊要（可況佢地既食物質素真係好一般，一碗唔熱既拉麵可以有幾好食大家可想而知）。

之前已經係尖沙咀見到排長龍既拉麵店，難得今次屯門開左就去試下。等左大概30分鐘就可以入座。環境舒適，只係部分位置被冷氣吹得太凍 店員貼心提供暖水俾我(正常食拉麵係飲凍水)當日我叫左 辛辣炙燒豚肉味玉拉麵  朋友叫左 濃厚豬骨豚肉玉子拉麵  仲有小食 燒汁唐揚炸雞個人覺得個湯好濃 比較油左少少 但味道係正既叉燒好厚 CP值高味道唔算十分辣我覺得可以接受原味既都唔錯但個人愛辣~ 下次還是會點辣的最後小食個汁同雞好MATCH外皮炸到好脆 少少不足係份量唔算大同埋兩個人SHARE的話分唔到平均總結等候時間可以接受 未至於要等得太耐味道亦不錯 CP值高可以推介同朋友一齊食

之前已經係尖沙咀見到排長龍既拉麵店，難得今次屯門開左就去試下。等左大概30分鐘就可以入座。環境舒適，只係部分位置被冷氣吹得太凍 店員貼心提供暖水俾我(正常食拉麵係飲凍水)當日我叫左 辛辣炙燒豚肉味玉拉麵 朋友叫左 濃厚豬骨豚肉玉子拉麵 仲有小食 燒汁唐揚炸雞個人覺得個湯好濃 比較油左少少 但味道係正既叉燒好厚 CP值高味道唔算十分辣我覺得可以接受原味既都唔錯但個人愛辣~ 下次還是會點辣的最後小食個汁同雞好MATCH外皮炸到好脆 少少不足係份量唔算大同埋兩個人SHARE的話分唔到平均總結等候時間可以接受 未至於要等得太耐味道亦不錯 CP值高可以推介同朋友一齊食

😭果日一個人入屯門周圍行揾嘢食見到間拉麵店，一入去個服務員叫我坐埋一邊，果時兩點幾已經冇乜人，都算啦! 服務員叫咗另一個女人坐咗落黎，其實隔離左右仲有位，係都要坐到咁迫仲乜!服務態度真係麻麻~之後我叫咗碗䐁肉拉麵一罐檸檬茶， 一來到碗拉麵好細碗咁，都算! 最慘係得一塊䐁肉一隻蛋，塊䐁肉勁肥，隻蛋又冇切開，碗湯好咸，真係中哂伏! 我從未試過食過一碗勁難食嘅拉麵，成88蚊碗拉麵又貴又難食，埋單仲要成$108，唔洗錢都唔會再食🤢😡

不知有多久沒吃拉麵了，所以相約友人逛街後，順便吃late lunch. 閒日下午客人不多，可以坐到舒適的卡座，也可透過廚窗看到師傅煮麵的情況. 炙燒豚肉拉麵 ($83) 先呷一口湯底，相當濃郁亦不會過鹹，選了硬麵，麵條煙韌有嚼勁. 火炙豚肉肥瘦相間，入口即溶，都幾美味. 雞叉燒雞白湯拉麵 ($83) 友人說雞湯香濃，雞叉燒肉質細嫩，想不到雞叉燒也如此好吃! 羽根餃子 ($12) 平日午市優惠，只需$12 便可享用一客餃子/ 炸雞，相當抵食~ 餃子尚算juicy，可惜欠了一點熱度，否則更佳. 唐揚炸雞 ($12) 炸雞是即炸的，熱度十足，外脆內嫩，擠上檸汁，酸酸的更醒胃. 屯門屯順街1號屯門市廣場1期3樓3233號舖 31886681

之前食過一次覺得幾好，今次就帶左呀媽去食霸嗎，夠哂霸氣呀！唔算太多人，禁飛等左陣就好快有位最近推介緊呢個魚介魚乾豚骨拉麵，一於試下喇。魚介同魚乾味都好濃，要鐘意食濃味野既朋友先好食。一路食都有一陣魚香同魚乾咸味,，加埋濃郁既豚骨湯，完全感受到魚乾既味道，不過對筆者黎講會咸左少少。沙律唐揚炸雞外面口感香脆，內裡雞肉嫩滑。照燒餃子餃子外有一陣薄薄脆片，香脆可口。餃子餡帶些許肉汁，口感不錯。綠茶可樂食炸物又點少得佢?

有日同朋友經過屯門市廣場三樓見到有間叫霸嗎拉麵的舖頭，俾佢個店名吸引到，正值午餐時間又喺時候醫肚啦，於是便入試吓。朋友叫了一個濃厚豚骨湯底嘅炙燒豚肉味玉拉麵，我就叫了雞义燒辛辣雞白湯拉麵，另凡叫正價拉麵可以加十二元享用小食一客，所以我和朋友各叫了一客羽根餃子及一客唐揚炸雞濃厚豚骨湯底嘅炙燒豚肉味玉拉麵豬骨湯底濃厚可掛麵上，雖然只得一塊豚肉，但豚肉厚切大件，而且層肥層瘦咬落甘香入口溶化，而雞蛋做得流心滑嫩，非常美味雞义燒辛辣雞白湯拉麵雞义燒原來是將雞肉連皮捲成條狀再切厚件，做法應該與日式义燒一樣，雞肉嫩滑，湯底辛辣之中不失鮮甜味羽根餃子餃子味道一般，個人唔太欣賞唐揚炸雞炸雞值得一試，雞肉醃得入味，炸粉薄薄一層不會有油膩感

由於霸嗎拉麵基本上係稱霸尖沙咀，所以見到屯門有分店，就來試試！由於不太熟路，在openrice找了一段路，恰巧見到有頗多負皮指店員態度差，所以都有點擔心。7:15到達，基本上已爆滿了，店內員工幾多，都有立即遞上，又推薦我們試招牌菜，態度和藹，我都放下心頭大石。我點了最出名的濃厚豬骨豚肉玉子拉麵🍜，湯底幾濃，厚重脂香，油而不膩，口感重，配合軟身幼麵條好夾。最出色係大大塊炙燒肥叉燒，啖啖肉，捲入脂肪中，非常惹味！朋友點的是店員推介辛辣炙燒豚肉味玉拉麵🍜，雖然點了中辣，不過辣度尚可接受，湯底沒有我的口感咁強烈，比我的稠少少，不過朋友覺得非常開胃！最後小吃燒汁唐揚炸雞五件，炸雞口感一流，外脆內嫩，燒汁分量十足，但有點偏咸，應該齋食炸雞更正。其實店員態度有禮，拉麵上菜速度有快， 人流咁多都保持到水準，值得稱讚👍

雖然開張營業已經好耐但係都未試過；最近假期經過屯市決定試試餐牌上食物以拉麵為主丼飯為次；拉麵湯底主要分為濃厚豚骨同雞白湯兩款；另外仲有幾款小食可以追加點單紙上可以按照個人喜好選擇麵條硬度同埋配料好貼心午市可以優惠價錢追加羽根餃子或者唐揚炸雞好抵濃厚豬骨豚肉玉子拉麵湯底濃郁肉味香濃；麵條偏幼掛湯力強而且軟硬適中；炙燒豚肉表面微焦油脂甘香；味玉流心有蛋香雞叉燒辛辣雞白湯拉麵雞肉捲成叉燒形狀厚切肉質嫩滑；湯底微辛惹味羽根燒餃子賣相唔錯；薄翼完整香脆；餃子皮薄餡料豐富唐揚炸雞雞球炸得金黃香脆；肉質嫩滑肉汁豐富配上檸檬微酸消膩

假日嘅傍晚同友人睇完戲後都晏了，就近近地係附近覓食！見到呢間每次係見到喺尖沙咀都大排長龍嘅霸嗎拉麵，難得呢間分店人唔算太多，決定要朝一朝聖。由於唔算太餓我地只嗌左碗辛辣炙熱豚肉加餸同幾個小食醫肚。估唔到嘅係佢嘅加餸係有別於其他日式拉麵店只係輕微加係麵上，而家分開超大一碟碟的上！！！樓當抵食！辛辣拉麵濃而不膩，辣度適中，唔會係狂飲水都沖不去嘅麻辣味，餐廳仲好貼心的準備了雪米滋解辣~豚肉口感好好，肥瘦亦適中，味道都夠味。溏心蛋係非常加分嘅菜式，一切開蛋黃流心滿溢，超正！！餃子亦係另一加分菜，整碟係冒煙的上~皮薄而且超脆，但又保留到餃子嘅肉汁鮮味！反而另外order 嘅雞叉燒略嫌有啲失色，肉質比較韌，而雞皮亦有啲肥。不過以中上嘅價錢，能食到如此水準嘅日本菜亦係值回票價的。以後拉麵又多一個選擇！

新年前去食既諗住同朋友求其食d野 當食團年飯 再去行下屯門花市 話晒住左係屯門甘多年都無去過好啦 朋友想食拉麵 搵到呢間霸嗎平時行屯門市廣場就成日見佢去食都係第一次我嗌左個清新版 新野黎架檸檬拉麵嗯 真係好清新 雖然湯底好濃但係唔會覺得好油不過我都係鐘意食濃味野 飲過朋友既湯底 我都係鐘意原始野多d正常既豬骨湯底拉麵好正同埋佢既豚肉都唔薄wo以為甘少肉會唔夠喉 點知佢就係洽到好處由於以為會唔夠喉既關係就嗌左煎餃子同炸雞件仲有一人一枝drink

想吃霸嗎很久但尖沙咀那邊總是排著長長的人龍沒性子的我永遠不會等但大西北這間很快就有位了大約等4至5張枱店舖有分入面跟出面當然入面裝潢較好但都是商場內的我被安排坐出面一看menu看到特盛這個非常抵吃數一數有三塊豚肉其他款只有一塊大男孩當然要選特盛才夠食!說實話, 非常之喜歡它的湯底之前吃過很多間的味道都過份濃烈 又油膩但它就是剛好的適中另外, 有些七味粉, 炸蒜給你自由加配調味非常不錯的配套這餐很滿足 有十成飽😋

霸瑪拉麵既味玉食咗一次之後，係唔會返到轉頭。味玉講求入味之餘，蛋黃亦最好係半熟，而霸瑪拉麵既味玉兩樣都做足，真係好想令人一食再食！叉燒肥瘦比例適中，唔會太肥膩！拉麵湯底就普通，不過為左味玉同叉燒，再食都過份！

估唔到喺屯門都搵到霸嗎拉麵既蹤影，之前喺銅鑼灣食過一次，但唔覺得特別出色，睇下今次會唔會對佢改觀先同上次一樣叫左辛辣拉麵。湯底濃厚稠身，豬骨味同辣味平衡得好好，令人不自覺飲多兩啖；因為揀左小辣既關係，飲完湯唔會有辣到飛起既感覺；豚肉夠哂厚身同大份，煮得又夠淋，而且肉味十足；今次既溏心蛋有溏心效果，而且有蛋味，係抵讚既；至於麵條方面就揀左軟身，味道同樣不俗女友揀左呢個，評價方面同我果個大同小異，最愛飲湯既佢今次亦把握機會，將濃濃既豬骨湯一次過飲到底😆另外呢度比銅鑼灣店好既地方係唔使等位，店員服務態度亦較親切，實在值得再次幫襯