霸嗎拉麵 (屯門市廣場1期)

营业中

休息中

今日到了屯門廣場shopping， 四處都人來人往，結果我們2點半，才找到一間像樣的店。（霸嗎拉麵）先用電腦取票，等了15分鐘就有位，都很快！原來除了店內有座位，外面還有一部分座位服務員很熱情問我們想坐內或外，我選了店裡面。桌上有點餐紙，自己選就可以，麵可以選軟，適中，硬身。 走蔥……都很清楚。有檸檬凍水，炸蒜，七味粉，餃子汁，牙籤，紙巾。 需要的都齊了。 當然選了最出名的炙燒豚肉味玉拉麵，無論相片同價錢都很吸引，只售$88實物和相片完全一樣，沒有偷工減料！有流心蛋一隻，豚肉1件超厚，笋件，蔥。湯底是豬骨味，豚肉厚度第1次遇上。表而很肥感覺，咬下發現沒有肥膩感，白色位都是肉來的，軟綿綿溶在口腔，超好味另外我選了雞义燒味玉拉麵$88雞义燒都不能少看，用雞扒卷成，再厚切來煎香，所以都厚厚的，有2片。外面有雞皮的，感覺像師傅自己卷的。流心蛋真的漂亮，咬開就是濃濃蛋醬，超滿足如果有孩子，有親子餐，非常吸引。

一家人去日本旅行回來，妹妹媽媽一直嚷著好想念日本的食物。就決定近近地去市中心吃碗拉面。霸嗎在銅鑼灣尖沙咀開店時我都吃過，自己覺得以豚骨湯底來說算很濃郁。接近在日本吃到的質素，所以才帶著家人來了。我愛喝湯，點了灸燒豚肉味玉拉面。挑的是硬面。真的夠彈牙。湯底好濃郁，非常掛面，但不能多喝，漿喉哈哈。豚肉是厚切五花腩，燒過後香氣十足，好入味。蛋控最期待的半熟玉子，流心程度不錯，合格。妹妹點的是辛辣版，不算好辣，係惹味。但拉面我個人都係喜歡原味。總體來講不錯，未回去日本前算可以止止癮

由於跟好友都想下班後快快回家, 所以也就在屯門市中心逛逛找間吃的。之前帶祖母吃過這間拉麵店吃午飯覺得不錯, 這次便來跟朋友吃晚飯。拉麵店的位置普遍比較狹窄, 不過這點靠牆的桌有兩頭, 一張長椅還是有地方讓大家放一下袋的, 不錯。由於跟朋友都愛辣且覺得來拉麵店不吃蛋實在不像話, 因此按自己的喜好挑了同湯底但又有點不同的拉麵。 我的是麵較硬身且中辣, 蛋白軟軟的很彈牙卻又不會很易爛掉, 一咬下去蛋黃就會流出來, 蛋香很重, 果然是拉麵店的蛋是不能不吃。然後豚肉挺大塊的, 半肥瘦, 不會煮得很硬, 頗惹味的。硬麵很有嚼頭, 中辣的色的確跟小辣是不同, 但又不會很油膩, 伴著湯吃麵又辣又爽。朋友的小辣軟麵的湯底依然很濃郁, 微辣頗為開胃, 畢竟她向來吃不多這次清光光哈。軟麵的麵也不會軟塌塌像爛掉一樣, 而是較軟身易入口, 所以麵質不同, 煮久點效果也是保有原來的質素。(最怕吃爛麵)另外我們點了辛辣味餃子, 餃子上面有層辣醬, 沾了餃子醬後突出了餃子餡的鮮味, 辣味又加了味道的層次感, 先微酸咸>肉鮮皮薄>皮脆香辣。而沙律醬炸雞, 炸的一層麵粉不會很厚, 肉挺嫩且仍有水分不會乾身

今晚我們喺屯門市廣場見完另一個人客之後，諗著食埋晚飯先返屋企，喺眾多間食店之中，我們揀咗呢間都幾多人食，而且環境裝修好有日式風味嘅「霸嗎拉麵」！我們叫咗辛辣炙燒豚肉味玉拉麵嘅豚肉好大塊厚身，但差唔多半塊都係脂肪嚟，所以咬落成口都係油，感覺超級肥膩，至於湯底亦都算幾夠辣！鷄叉燒味玉鷄白湯拉麵嘅鷄肉肉質相當鬆軟嫩滑，湯底好芳香濃郁，麵質好煙韌彈牙，流心蛋嘅效果做得好好，真係超流心，質感非常軟滑！辛辣檸檬豚肉拉麵一開始喺餐牌見到用檸檬嚟做湯底覺得好有創意，所以就叫咗嚟食，飲第一啖就覺得好特別，因濃郁嘅豬骨湯底，加上清香嘅檸檬，感覺好清新同唔會好膩，而且有櫻花蝦嘅鮮味！羽根燒餃子嘅餃皮好薄身，而且燒得好酥脆，再淋上香甜嘅燒汁一齊食，真係好正呀！

平時LUNCH TIME 見呢間野都幾爆下, 今日同老婆遲左食飯, 3點去到見到冇乜人排隊, 等一張飛就得啦, 咁就緊係等啦. 入到去坐低, 同其他拉麵都係差唔多, 自己TICK 要食乜, 之後俾飛個侍應, 好快就有我食啦。兩個人叫左兩碗麵加個小食. 我就叫左炙燒豚肉味玉拉麵, 麵條軟硬度叫左適中, 先黎試下個湯先。 可能有醬油底的關係, 冇話好似九州拉麵個湯底咁黏口, 反而加左醬油, 個香味都幾出, 但又唔會好咸。 麵的掛湯能力都幾高,一邊食可以一邊吸埋啲湯。隻蛋都有流心, 不過就唔係話一咬開就爆出黎個款; 最後試埋個叉燒, 一塊好厚身而且燒得好香的叉燒, 咬落去一啲都唔韌,比起出面好薄一片的叉燒, 呢到嬴哂。 老婆因為鐘意食辣, 所以就叫左個辛辣炙燒豚肉味玉拉麵, 基本上同我個碗都係一樣, 係多左辣味。最後個雞炸反而有啲估唔到, 最初都諗住冇乜期望, 諗住叫左樣野食食飽啲, 但一上枱呟雞熱辣辣, 唔多油, 外皮炸得幾乾身, 入面啲肉係滑, 估唔到拉麵店都可以食到這樣的炸雞。

今日約了朋友到屯門市廣場逛街，經一輪大出血之後 ， 飢腸轆轆的我們急急找地方吃下午茶。很快，我們被一間舖位很大，橫跨通道左右兩邊嘅日本拉麵舖吸引住。這裡下午茶時間顧客不多，不用等位，加上寬闊嘅座位， 感受到與以往吃日本拉麵少有嘅舒適和寧靜。急不及待點了兩碗拉麵。炙燒豚肉味玉拉麵，湯汁味道果然特濃， 卻不油膩。 豚肉有一大片，厚身， 肥瘦比例 可以， 脂肪不算多， 一啖咬落 又淋又滑， 好味。 至於拉麵，我選擇了軟麵， 軟硬度非常合適 。可能因為太肚餓的緣故， 很快便吃光了整碗麵，其中還包括一隻流心蛋啦！午市期間， 餐廳提供，一碗拉麵外，另加12元可任選 小食一份： 羽根餃子或唐揚炸雞。 我選擇了羽根餃子， 餃子面層的脆皮， 咬落十分脆口， 配合濕潤的豬肉和菜 餃子餡料， 口感和味道都很滿意。最後點杯清香綠茶， 油膩感大大降低。朋友點了 雞叉燒雞白湯拉麵， 說雞肉嫩滑 ，雞湯清甜 ，很有水準。 我決定下次再來這裏時，要試 雞叉燒拉麵。

午讓時段行過霸嗎見唔駛排隊, 就決定食呢間, 坐左一陣已經有人排隊, 好在早一步面對師傅煮麵, 好有FEEL餐廳提供點餐紙落單, 軟硬度有得選擇, 分別叫左醬燜雞叉燒味玉拉麵 & 特盛灸燒豚肉拉麵醬燜雞叉燒味玉拉麵 - $88 . 叉燒多數係豬肉, 第一次食雞肉卷叉燒, 都幾特別, 湯係濃濃既雞湯, 較清新, 配菜有木耳絲, 雞蛋係糖心蛋特盛灸燒豚肉拉麵 $118. 有四大塊厚切燒豚肉, 有肥有瘦, 食得出經過長時間既燜煮, 肥肉入口溶化, 瘦肉夠淋, 配筍, 湯底亦非常濃郁.埋單連加一$206

我有鋪拉麵癮久唔久就想食拉麵今日都唔例外 就捉左我啊媽去食霸媽拉麵其實佢唔係好想 因為唔鐘意食拉麵但望一望個餐牌見到有石鍋飯佢就瞬間ok左鋪頭既設計幾靚 以木為主 門口掛住燈籠 好日本風我叫左炙燒豚肉海苔味玉拉麵 （$98）店員好貼心問要唔要碗仔 等我媽咪都有食下拉麵咁碗拉麵有三大塊紫菜 俾得大方 紫菜沾上湯食非常美味豬骨湯相當濃厚 但唔會太咸 飲得出好足料 但唔會有好勁既味精竹筍爽口 麵質彈牙 滿能掛湯的最正係塊炙燒叉燒 脂肪同肉既比例合適 炙燒過後更香總括不錯 連媽咪都認同啊媽叫左石鍋燒豚肉海老飯 （$78）上枱嗰刻就覺得份量十足店員仲有好好咁問洗唔洗幫我地撈埋我都有試左少少個飯好足料 豚肉同海老都好多 啖啖飯都可以食到同最緊要個鍋係夠熱 同d飯焦好好食🙂我仲叫左個青梅梳打酒 （$18）青梅酒精含量只有3% 微微咁滿足左我對小酌一杯既慾望日本出產就係質量保證梅味微酸帶甜 配有汽酒所當好飲18蚊都算平總括食物質素好，店員服務態度都好，想食拉麵時都會再到呢度。

霸嗎拉麵幾年前登陸香港既時候大受歡迎，一直我都好想去試，可惜次次經過都遇正繁忙時間，大排長龍。今次難得閒日經過，又過左午餐時間，終於可以同朋友一嘗啦。淨係門口既風格已經好吸引，深木色餐枱椅配紅燈籠，充滿日本風。有吧枱位置，可以睇住師父製作拉麵。同日本拉麵店一樣，提供凍水俾食客。醬油碟都好貼心，最面有隻碟包住唔用既，貼左提示食客拎下面果d用，確保衛生。下午時段有跟餐優惠，好抵食。醬燘雞叉燒拉麵，湯底濃厚鮮甜，雞叉燒大大件，份量十足，雖然係厚切，但肉質柔軟，仲要索晒湯汁既味道，木耳絲夠爽，拉麵係幼麵條，麵質我揀左中度，唔硬又唔軟剛剛好。濃厚豬骨豚肉玉子拉麵，豚肉肥瘦適中，近乎入口即溶，非常有水準，湯底比雞叉燒拉麵更濃厚，荀唔乾身又冇渣，糖心蛋蛋味香濃，夠入味，唔覺唔覺竟然可以食得晒。唐揚炸雞，炸得夠乾身，有肉汁。羽根燒餃子，d網紋脆脆勁香脆，入口chop chop聲，餃子底部煎得夠香脆，面頭仲保持到水份，上軟下脆，好特別。今餐既份量其實三個女仔食都夠，呢個價錢食到咁有風味既日本拉麵，下次會再來。

之前一直未有時間食，於是趁住有時間試左宜間拉麵。宜間拉麵係用雞湯，有別於其他拉麵店係用豬骨湯，有叉燒同豚肉可供選擇，豚肉比較肥。所以叫左叉燒，但佢的叉燒唔係豬肉，而左把雞肉捲成叉燒甘，份量都幾大，一碗有兩大片。至於味道方面都叫唔錯，都唔會話好硬，有肉汁。個雞湯都好濃，唔會好油，都幾清甜。之後我仲叫左小食餃子，味道就普普通通，無咩特別！價格同其他香港拉麵店相約，不是太貴，可以試一試。但我都係覺得日式叉燒用豬肉做比較好味！

又係食晚餐時間，又要諗食乜，不過呢一陣趕住去行街，不如快食個拉麵都好。呢度店員好有禮貌，又介紹我地呢款辛辣炙燒豚肉味玉拉麵，呢期點呢款拉麵，會送兩粒雪米磁啊。諗好食咩落單先。側面有配料同水，可以自己動手。辛辣炙燒豚肉味玉拉麵，有分大中小辣既，我就覺得中辣都唔算太辣，舊叉燒好大塊好厚肉，中間有D半肥夾住，口感好好。雞叉燒味肉雞白湯拉麵，塊雞肉好得意，中間又有D半肥夾住，好似叉燒既口感，但係有雞肉味。沙拉唐揚炸雞，呢個超讚呢，熱辣辣，脆卜卜，咬落去裡面D雞肉有肉汁流出黎，正呀！最尾，仲有兩粒雪米磁。

咁岩係屯門行開想去拉麵，上左三樓就見到依間拉麵店，叫左兩個拉麵加一個炸雞，野食上得好快，唔會等好耐拉麵隻流心蛋一咬落去就必曬啲蛋漿出黎，好正！小辣亦都唔太辣，比起我想象中有落差但都仲可以接受

日本的過江龍霸嗎相信大家都耳熟能詳，早前過來光顧已經非常多人在排隊，但我實在太長時間沒有吃過霸嗎拉麵，特別特別想它的味道，所以今次特意來再次挑戰，幸好人不是太多人，不用等很久！限定的拉麵很吸引雞义燒很特別，其他地方找不到的點菜單也很簡約，清晰易明拉麵終於到了，一大塊豚肉，上面有一點的辣醬，還有很多蔥、筍、流心蛋（蛋黃是很流心的），豬骨味配以一些辣味，增加了一些刺激感餃子很燙，大概是剛煎起的，約五六隻，餃子上有一層薄薄的皮，餃子皮薄多餡，外脆內軟炸雞有五塊，全部炸至金黃色，雞肉挺滑多汁，不會太乾由於有小朋友在場，所以特別選了一個兒童餐，有一杯橙汁，kitkat，一碗迷你拉麵，還有Thomas 筷子，最後還有仿手槍玩具送，小朋友非常非常喜歡

全日本擁有33家分店代表了甚麼？乃質素的認可？還是象徵着有如麥記般流水作業，出品質素普通？今日特意跟母親到屯問霸嗎拉麵一探這人氣拉麵店的虛實。以香港的拉麵店而言，環境已算一級寬敞，特別是卡座，筆者認為一排坐上三人亦綽綽有餘。每桌附有檸檬常温水一壺，方便食客酙飲，雖算不上是一種特別服務，但相信一半以上的拉麵店也沒有這種方便食客的舉措，大部份日式拉麵店的桌子着實太小，特別是吧枱，放了一碗麵、一個杯及一份小食後，經已無法容下一壺水了。跟其他日式拉麵店比較，下面這份餐牌算相當豐富，有麵有飯有小食之餘，更有唐揚炸物，在一般主打拉麵的食肆少有供應。全店也掛上紅色橫額，標榜湯底最強濃厚，且看是否屬實。特盛灸燒豚肉拉麵 HK$118麵到，先看看招牌濃湯是否如他們所說的濃稠，目測果然稠厚，喝一口，啊！果然膠質十足，而且豬香四溢，甘香之餘有着豆醬鹹鮮，馥郁之極。替玉HK$20跟碗內的湯麵都能做到適中的軟硬度，很對口胃。這碗麵最令我驚嘆的地方，是厚度逾1.5cm的炙燒豬腩肉，有着三大片的份量，相信是以靚豬精製，肉味濃郁，脂肪經炙燒後有着超凡甘香。餃子 HK$35底皮煎得香脆，外皮嚼勁十足，唯有一小缺點，就是

今日心血來潮好想去食拉面(可能係因為見到女朋友岩岩由日本返黎，聽到佢講日本D食點好食法)，但據我所知屯門有質素嘅拉面店唔多，結果就去左屯門市中心3樓嘅覇嗎拉面。七點半鐘黎到並唔算多人，唔駛等位就直接可以入去坐低，覇嗎拉面嘅選擇其實唔多，大致上可分為豬/雞，辣/唔辣，另外亦可以根據個人喜好選擇加唔加配料(流心玉子、紫菜、粟米)，我自己個人就鐘意食流心蛋，所以就加左一隻去我碗濃厚豬骨豚肉拉面，而女朋友就叫左個辛辣炙燒豚肉拉面，我就叫左個兒童餐(子供醬炆雞叉燒拉面)比侄仔。另外仲叫左羽根燒餃子同埋唐楊炸雞SHARE。首先出場嘅係羽根燒餃子，餃子唔油，味道唔算突出。跟隨就到我嘅濃厚豬骨豚肉玉子拉面，先食隻蛋，果然流心玉子面質我叫左硬黎試，果然煮得煙韌有咬口 豚肉就依舊係入口即溶，無得輸 每啖面再加濃濃嘅湯一齊食，真係好有日本嘅風味呢個就係濃厚豬骨豚肉拉面嘅辣版子供醬炆雞叉燒拉面嘅面同我地嘅面有少少唔同，相對黎講幼DD，應該係因為要方便小朋友進食，而且筷子亦都特別唔同，係一對學習筷子黎，非常體貼跟餐仲有玩具送TIM 炸雞大大粒皮脆肉嫩