霸嗎拉麵 (屯門市廣場1期)

营业中

休息中

究竟有沒有用心制作食物拉麵靈魂 湯底如味精水煲成拉麵麵質不過不失高湯不夠熱，送上桌以涼了。 可以話涷雞叉燒沒有味，味玉一般價值不符！一句話 差不會再去，亦會叫大家不要去試

今晚約了另一半吃晚飯，原先打算吃日式燒烤，但另一半牙肉腫, 一向十分體貼的我, 提議來霸嗎拉麵，反正我們未試過呢我們等了20分鐘, 叫號非常快, 入座算順利，餐廳裝修也十分迎合拉麵店，menu不算有很多選擇，我和另一半決定吃一個比較濃湯和清湯的拉麵，再加一客餃子我們落order的時候有段小插曲，旁邊兩位客人只來了一碗拉麵, 差不多吃完才發覺服務員落漏了單, 故事教訓如果有單在枱上，一定要看清楚，求人先求己羽根燒餃子我很推薦，感覺和煎餃子很不一樣，外邊很脆, 就像薯片一樣, 中間餃子很香口，非常有特色主角拉麵登場，我和另一半都互相試食對方湯底，我自己比較喜歡炙燒湯底, 因為濃郁又野味, 而雞叉燒湯底則比較清, 拉麵麵質算是普通，很多地方也吃到, 另外，肉方面我較喜歡雞肉，因為雞肉有烤過, 十分香口, 最後想說的是流心蛋是有驚喜，我們留到最後吃仍吃到有流心，而且蛋煮到剛好，非常彈口，很我們也很滿意這裡的食物水準, 希望下次再來的，現在我要拉另一半陪我去下面看Tomy車仔展

霸嗎拉麵分店遍佈全港九估唔到連屯門啲鄉下地方都有之前尖沙咀店排隊排到街知巷聞要我同佢地一齊排就不了去屯門分店試吓就算啦一行二人每人一個拉麵另外再加一個小食先講我食嘅豬骨湯拉麵麵質OK 不過我個人其實比較鍾意幼身少少嘅拉麵有得揀軟硬度 今次我揀咗適中而湯底豬骨味都濃郁值得一讚係塊叉燒可能因為脂肪多所以肉質好林 不過只要夾走行肥豬肉其實問題不大價錢$88朋友食嘅魚介湯拉麵可能因為上面有啲魚乾令我哋覺得成碗湯變得好腥價錢$93個人覺得豬骨湯底拉麵比較穩陣另外仲有叫一個小食價錢$38炸得幾脆 味道同蛋黃醬好夾

我一直未寫過comment,但今次太嬲了！其實我本身麻麻地鍾意食拉麵，但無計鬼叫我嗰仔鍾意食面，就諗起食呢度，一來貪佢有兒童歺，我一份，呀仔一份，份量啱啱好！食過一次味道不過不失，所以之後都有幫襯兩、三次.....但今日嚴格黎講，今日呢次連食既機會都無，都唔知算唔食評，我一行入去等左一陣見無人理，所以自己搵左個卡位坐，我係同呀仔兩個人入去既，我呀仔得兩歳半，要呀媽坐隔離一排坐其實好正常既事吓，但居然個員工叫我坐去bar枱，話因暑假繁忙要3人以上先可以坐卡位，bar枱d櫈我呀仔點坐呀，我say no, 嗰員工跟住又點我去一個打對面既二人位，我即刻火到黎，係咪玩野呀，坐對面食，點照顧呀仔食呀！跟住一句爆埋，你呢位甘寶貴留返其他人食啦！就走左啦！（當時我大概6:30pm左右到，仲有兩，三張卡位無人囉）呢間野簡直趕客

食左魚介湯拉麵湯底不錯 好香魚味但魚干仔好硬 硬過舊木豚用又厚又大件 幾抵食魚介湯比豬骨湯出色餃子都好好食碗麵份量岩一個女仔食男仔可能要叫多一份小食先夠飽*魚介湯好似係期間限定的*食完之後係會有d口渴

呢日放假出左屯門市廣場行街，懶洋洋唔想諗食咩，又有啲想食拉麵，於是決定一試呢間人氣拉麵店。叫左個人氣豬骨湯底拉麵，感覺佢味道唔算係正宗日本拉麵，湯底唔夠濃郁，較為淡口，而且豬軟骨味道不過不失，無咩驚喜可言。呢間日本過江龍實在有點兒名過其實，水準不如其他日本拉麵店，實在令人失望。呢個價錢亦有點小貴，日式拉麵黎講性價比有點低。唔會特別推介人食，寧願去屯市樓下連鎖快餐店食個餐，平過呢度幾廿蚊仲可填飽個肚呢。

放假又咁岩想食拉麵, 諗起上次去過霸嗎都幾好食, 今次諗都唔洗諗就入左去啦😁我地黎既時間已經差唔多晏就三點鐘, 店入面人唔多, 環境幾清靜, 傾下計坐下簡直就係一流😍可能都係因為人唔多既關係, 我地一入黎就有店員serve👍上次我就試左過辣既拉麵, 今次就緊係試下其他啦😆我地就嗌左兩個招牌拉麵~ 灸燒豚肉味玉拉麵塊豚肉唔肥唔瘦岩岩好🤤個湯亦都唔會太咸~最正都係隻溫泉蛋啲蛋漿係漏出黎咖😍我最鐘意霸嗎既地方就係佢可以比你簡麵既軟硬度🤪真係岩曬我依啲鐘意食硬麵既人呀👍👍仲有得簡走蔥呀走荀呀~ 真係勁方便👍因為係午市既關係~只要你嗌左一個正價既拉麵, 就可以+$12 嗌多個小食 (唐揚炸雞/煎餃子)其實我地都好想兩個都嗌呀~ 不過好驚食唔曬, 所以就嗌左一個😜就係唐揚炸雞啦!!!🤤岩岩出黎個陣係岩岩炸好熱辣辣一咬落去外脆內軟😻食完真係勁滿足😋而家依個地點係正屯門市中心非常方便無論環境, 服務, 去到食物質素 我都覺得一次比一次好想食拉麵既話 依到一定係首選👍

今日約了朋友去狂街， 狂了一會兒有點兒肚餓，心思思想食碗拉麵，巧合路經霸嗎拉麵，就入去試下。門口有好多日式燈籠， 牆上也有好多日文字和拉麵的圖案， 一看下去就知道一定是食日式拉麵。辛辣炙燒豚肉拉麵:豚肉厚切和非常大片， 肉質預先烤了，比較淋身好夠味而不韌， 拉麵軟硬適中，湯底帶點微辣，非常惹味。如果喜歡食硬點和軟點也可以自由配搭。羽根餃子:皮薄涵多，煎到金黃色之餘還好香脆和夠火喉， 煎完表面還好像有一張薄薄的紙蓋著，感覺幾特別。拉麵亦可以選擇加12元升級配餃子或唐揚炸雞，而我就選擇了羽根餃子。 額外再加多8元可以配多罐汽水或檸檬茶或綠茶，非常經濟。

第一次食系尖沙咀間分店！每次經過條人龍都好長 個時系夜晚晚餐時間好多人排隊👫👭排左差唔多一個鐘 系敢熱既夏天 真系有啲頂唔順🤦🏻‍♀️🤦🏻‍♀️之後屯門開左就多左去食 因為好少要排隊 除非真系好繁忙時段🧐🧐同朋友一人叫左一碗拉麵and一碟餃子🥟碟餃子味道好普通。。點解敢多人話好食🙇🏻‍♀️🙇🏻‍♀️真系唔會再叫🤔🤔反而拉麵就唔差 系香港算系唔錯既選擇！所以間中想食拉麵都多數會去呢間😯😯不過如果要排半個鐘以上既就不必了！唔洗排隊既就可以試下😊

Happy Friday OT 左一陣子, 返到屯門已經8 點多了直接出去食個飯再歸家!揀左屯市3樓呢間拉麵, 差不多9 點都仲有唔少人排隊, 拎左飛都等左幾個字先入座點餐形式係自己劃紙仔侍應介紹我地即場下載APPS登記做會員 , 煎餃子可以用優惠價15蚊食到, 梗係即刻登記啦~餃子幾香脆, 新鮮煎起, 好好味我地點左辛辣拉麵, 中辛程度, 食落都唔算好辣, 湯底都唔錯有舊瘦叉燒都幾UN 下, 豬真係唔肥唔好食粒半熟蛋都好夠味 , 麵條軟硬適中黎到拉麵店竟然係叫石鍋飯XD個飯比想像中好食, 個底仲有飯焦, 食晒都好夠飽下

一行四人去屯門呢間食拉麵，派位派我地去單邊枱，叫我地兩人一邊對住板坐，四個人對坐但俾塊板隔住，咁為之一枱？(ｰ ｰ;)點share食物呀？點傾計呀？別出心裁嘅座位安排，同我開玩笑嗎？問佢有冇另一張枱，就串串貢話咁要再等㗎啦喎～店員完全冇安排入座嘅技巧最後要我自行提出加凳坐一邊=_=好！入座告一段落。到等食～一個叫冇味玉豚肉軟麵一個叫有味玉豚肉硬麵兩個叫有味玉豚肉適中麵上菜員不主動說哪碗是硬麵，都算啦！問佢邊碗係硬麵，竟然答我冇味玉果碗係硬麵(￣O￣;)大哥大姐，亂答都要有譜先得㗎～店員連咁基本嘅服務都咁差，各位自己衡量值唔值俾咁嘅價錢食一碗拉麵啦～

今次係第一次食霸嗎拉麵，之前經過尖沙咀分店，大排長龍都知道有幾好味，今次嚟到屯門，真係估唔到都有日本名店係度開舖今次叫咗燒豚肉雞湯拉麵，煎餃子，再用日式食法配上冰凍生啤一杯。厚厚嘅燒豚肉，簡直係滿足食肉獸嘅期望，個拉麵完全似係日本製造，非常彈牙，反而嗰杯啤酒就麻麻哋可能係中國製造！雖然係日本未食過呢間霸嗎拉麵，但係竟然可以係香港食到咁高質素嘅拉麵，仲要係新界嘅屯門區，我覺得仲好食過一蘭拉麵，起碼我食完呢碗唔會好頸渴希望屯門市繼續引入正宗日本美食

佢地員工真係好有問題囉，下午兩點幾三個人到，人齊，入面勁多吉枱都要我地拎飛，拎左飛係門口等，門口做帶位個阿叔轉個頭同佢個女同事講“叫佢地走啦，吾做佢地生意，嘿嘿！”嘩，我地黎消費，仲要睇你面色？ 有兩張卡位問佢地可吾可以坐卡位？個阿叔話我地坐吾到😤，吾肯俾我地坐，身型大d就坐吾到卡位？好明顯歧視😠😠！ 等左大約15分鐘先有得入去，入到去，個個員工黑口黑面，好似欠左佢地咁！😤 好啦，到我地take order,冇人係度，叫左幾次（仲要係位係煮麵個員工叫人先有人）等麵期間，見到佢地伙計煮煮下麵，竟然用佢煮都支筷子去“篤”個員工，之後又用返黎煮麵😱😱😵想問下佢地知吾知自己做緊咩？咁大個人，從事飲食，竟然咁冇衛生意識！！好恐怖囉！到埋單時，又冇人係收銀位，要叫幾次先有人黎收錢，個伙計仲要係黑口黑面，😠😠😠真係冇下次，完全係俾錢買難受，仲要受佢地d員工氣！好似欠左佢地咁！

很久沒有過來屯門市中心購物， 知道這裏開了名廚具le creuset， 特意過來逛一下。晚飯就選了在隔壁的霸嗎拉麵！據說霸嗎拉麵是來自日本廣島的連鎖拉麵店， 店名有著極之美味的拉麵的意思， 來了香港也有很多分店，今晚就來試一下！看看餐紙，拉麵款式集中， 也有數款小食， 出奇的是竟然也有丼飯！辛辣炙燒豚肉味玉拉麵$93， 湯底濃厚， 但味道不算辣。 炙燒豚肉果然出色，非常厚身，肥瘦適中 ，很大片！吃下去非常有滿足感呢。也試一下這裏的石鍋燒豚肉飯$68， 飯在石窩裏稍為攪拌一下，再燙一下就出了點點飯焦，混了半肥瘦的豚肉，飯就多了一點油香，非常香口！再來一個抹茶雪糕，伴了大粒紅豆的香甜紅豆醬，還有日本波子汽水，這晚餐不錯吃。

今日去開屯門市中心行街，行行下又到晚飯時間，見到平時大排長龍既霸嗎拉麵係六點唔使排，梗係唔使講嘢直接入去啦！今次叫咗個平時少機會食到既辛辣味~辛辣炙燒豚肉味肉拉麵！豚肉厚厚一件,好有滿足感炙燒過既肉,增加左香味望落去覺得好似肥,但食落又唔係，而且仲會食唔停，因為入口會溶㗎而辛辣湯底幾好味,有一條辣椒係湯入面,叫左少辣,豬骨濃湯加上日式辣椒醬即煮既,香港比較少食到，食完我仲飲多幾羹湯，食完之後冇口渴既感覺，抵讚👍🏽流心蛋要趁早食，放得耐會變熟蛋另外叫左個辣汁唐揚炸雞，炸雞加上煮過既辣椒醬，辣得過癮，雞炸得外脆入面多汁，食得辣嘅朋友可以一試！