霸嗎拉麵 (屯門市廣場1期)

营业中

休息中

今天收工後約了友人在屯門市廣場逛街,當然要食返個晚餐先有動力逛街之前已經很想來這裡吃拉麵,今天願望終於實現到了!時間尚早,不用等待坐位就能進入餐廳餐廳內除了卡位亦都有日本拉麵的一人坐位坐位比較闊,店內的裝潢亦都有濃厚的日本氣息,還可以觀賞到拉麵的製作過程店內採取紙張下單,亦都有Menu味道還可以自行選擇另外配菜都可以自行選擇要或不要炙燒豚肉味玉拉麵$88炙燒豚肉入口即溶湯底十分濃郁,令人忍耐不著友人叫了雞叉味玉雞白湯拉麵$88雞白湯味道濃郁,配菜都比較多 

平日成日喺屯門搵食，今日就同兩個朋友一齊去屯門食拉麵。講起屯門市中心，最出名嘅拉麵就好似係位於屯門市廣場三樓嘅霸媽拉麵，公眾假期都要等位，可見佢都係幾受歡迎嘅。今次食評比較簡單，只係影一幅相，因爲我哋三個就叫咗三種唔同味道嘅拉麵，拍埋一齊就影得好靚。灸燒豚肉味玉拉麵。我自己食呢個原味。湯底係濃郁嘅豬骨味，由於我覺得拉麵最緊要係個湯底，所以有個咁靚嘅湯底其實都真係幾好食。叉燒方面，今次係灸燒豚肉，真係有一種濃烈嘅灸燒味道，少少脆口。而且呢嚿豚肉分量好大，非常厚肉，食落都幾有滿足感，鬆軟無比。不過有得必有失，豚肉都有唔少嘅部分係用上肥豬肉，所以先咁嫩滑。減緊肥嘅女仔要留意啦。至於溏心蛋就係成隻上嘅。咬開嘅時候，蛋黃仍然係流心，係一隻合格嘅流心蛋。辛辣灸燒豚肉拉麵。呢個辛辣拉麵就係上面豚肉拉麵嘅加辣版。朋友話其實都唔算辣，不過我呢個朋友平時食開好辣嘅，所以辣度都真係唔可以作準。雞叉燒味玉雞白湯拉麵。呢個叉燒就特別少少，用上雞肉嚟做叉燒，感覺畀我嗰碗嘅豚肉叉燒係較輕盈，肥肉比例較少，雖然食落就冇咁香滑，但係整體感覺冇咁肥同健康，如果下次再食嘅話我都會揀雞肉叉燒。總結嚟講拉麵湯底香濃，叉燒好食，

雞叉燒辛辣雞白湯拉麵可以揀大中小辣 又可以揀少油岩晒怕太油的人，可揀軟麵硬麵和適中＄88一碗 拉麵都幾大碗雞叉燒雞白湯拉麵雞叉燒不太肥 肉質不會太硬，不會太乾木耳爽脆 湯味夠濃真係好好味唐揚炸雞唔會好厚粉肉質唔會乾 係淋淋的羽根燒餃子🥟餃子皮好脆餡料算多

星期日放假度度都排隊諗食咩都要等食拉麵可能都係一個好選擇人流去得比較快.今次叫左炙燒豚肉味玉拉麵同雞叉燒味玉雞白湯拉麵炙燒豚肉味玉拉麵感該都算係最招牌啦～炙燒豚肉燒得好肥美睇到d油份出哂黎（枱面仲話佢地既豬肉係慢煮10小時先再燒）咁當然係好腍啦～豚肉有兩大塊厚的唔會話唔夠食湯底豚骨湯油量適中，夠濃而不是太鹹今次隻味玉溫泉蛋都算唔錯有蛋香中間亦唔會過熟如果蛋白都入味少少就更好～.至於雞叉燒味玉雞白湯拉麵雞叉燒有d似雞腿卷好滑又有口感雞湯比起前一碗相對清新少少味道都好夠味玉兩碗一樣品質都keep到一致

特盛炙燒豚肉拉面🐖屯門市中心間霸嗎拉麵店之前已經食過一次今次再食一定要分享👍🏿佢嘅豚肉每一塊都好厚 而且脂肪比例高到充滿罪惡感但食落油脂味超香😛本人鍾意食硬底拉麵 配埋濃郁嘅豬骨湯簡直想連湯都飲晒😍不過罪惡感實在太高間唔時食一次就好了🤣雞肉拉面系我至愛因為佢既湯較清甜佢既雞肉好嫩口加👍🏿面底選左硬（個人喜好）佢既湯比豚肉上面個碗清好多但又唔會覺得佢太淡而系個種 好想飲哂d湯既感覺！唔想食肥肥豚肉既朋友黎呢度識呢個雞既拉麵都不錯👍🏿佢既餃子好香脆因為我自出面食會選既餃子都會脹脹的好多料所唯一我覺得不足既系餡料好小但系都做得唔錯加😛炸雞🐔雖然貴 但淺嘗便可又食豚肉又食炸雞🤣炸雞即叫即炸 無理由唔好食加埋佢配系上面既醬真會一塊接一塊咁食😛雖然無影到相 其實同朋友食仲食左其他整體來說我好鐘意佢既拉面同湯底 一定會再黎食👍🏿👍🏿🥰

見呢間霸嗎愈來愈多 都忍唔住試下先坐得幾舒服 屯市呢間仲有商場位添叫咗個雞叉燒辛辣雞白湯拉麵 $88 少辣無附味玉 所以自己加左湯底都OK唔會太辣，麵就揀咗軟麵但都係覺得唔夠軟另外叫咗個唐場炸雞，新鮮食都唔差。連鎖拉麵來講算水準OK

今日返下午，食埋個late lunch先返工。雖然一個人食，但都唔可以虐待自己。好耐無食霸嗎拉麵，最鍾意佢個湯底，夠曬濃味，岩岩好唔使等位，入去食返餐好既，開心下🤪期間限定既原隻龍蝦味玉拉麵還有呀！當然要encore下啦🥰沒有令人失望的水準。原隻大大隻既龍蝦，濃濃鮮味既蝦湯，必備既流心蛋，煙韌既麵底。上枱時，香味四溢。我見到對面個男人食得津津有味，成個碗都係龍蝦殼。我都唔輸蝕，要開動啦🥳龍蝦肉好正呀，啖啖肉，我發覺一啖龍蝦肉一啖龍蝦湯，仲好味，大家可以試下。我還叫了一碟枝豆，大大碟，有少少鹽味和黑椒味，清清地，幾好味。仲可以留肚食龍蝦拉麵。食完真係好滿足，開開心心返工。😚

老老實實，屯門市中心好食既野真係唔多，選擇亦都唔多，行過見到呢間拉麵店望落幾有特色，所以入去試下開頭比門口個龍蝦拉麵嚇親，因為成百五蚊一碗真係好貴，好在睇menu其他野又唔係好貴，都叫做合理價幾令人驚喜既係佢真係跟足日本文化比冰水，係值得讚既但拉麵呢，我地嗌左有辛辣同冇辛辣既灸燒豚肉拉麵，兩款拉麵斬只能用一個字睇形容，就係鹹。鹹到我食唔出啲咩味，湯底都鹹到飲唔出咩湯底中野梅酒，全靠佢，唔係我都食唔落成碗麵，好在佢甜甜地中和左啲鹹味仲要最後埋單，明明menu話有雪米糍送，佢竟然話冇，真係好令人失望

Shopping完梗係去醫肚，喱間拉麵食過幾次，的確維持到水準，而且係正市中心，好方便，所以又黎食平日lunch 時段比較靜少少，揀左坐出面。首先叫左個炙燒豚肉味玉拉麵，濃厚豚骨湯，加上厚切既豚肉。選擇了適中麵，份量非常足夠。五件餃子🥟，雖然無肉，內裏應該有椰菜韭菜，外皮炸得好香脆加埋沙律醬。完全唔使落醬油都夠味。石鍋燒豚肉飯，熱辣辣，肉嘅油脂滲入晒啲飯粒，個底仲有大量飯焦，呢個飯嘅份量拍得住個拉麵。

今日到屯門巿廣埸Aeon超级市埸購物，順便坐吓食個午餐，呢度都幾多食肆，原來都有間霸嗎拉麵，舖位都幾大，座位闊落舒適。點了灸燒豚肉拉麵和唐揚炸鷄，因為係即製，所以 製作需時，熱辣辣豚肉拉麵送到，厚厚嘅豚肉肉質腍滑多汁，入口鬆化，特别調製嘅濃厚湯底非常惹味，完全渗入豚肉，拉麵麵質彈牙爽滑，很有質感，比一般麵店嘅拉麵優勝，味筍亦很美味，唔會太腍，有水準，食完再加多一碟。唐揚炸鷄有五件，大大件新鲜熱辣，脆漿薄而香脆，惹味香口，鷄肉嫩滑，肉汁豐富，好好味，完全唔覺肥腻。

今天與家人去屯門市廣場逛逛到了食飯時候有點餓了 見到拉麵很吸引所以就決定去試試看·濃厚豬骨豚肉玉子拉麵第一口我就飲湯了 發現豬骨湯味很濃郁🤤然後把蛋弄開 發現是流心蛋啊拉麵選了適中硬度 我認為剛剛好🤭·石鍋燒豚肉飯拉麵店竟然有石鍋燒🤔 所以就點了來試試除了豚肉外 還有很多蛋碎耶🤣🤣裡面還有半肥瘦的豚肉☺可以說是增添口感的·辛口唐揚炸雞一咬有肉汁流出來 再咬多兩口感到很辣下次一定要點不辣才行呢但炸雞好食又辣所以都食光了整碟🤣食到飽飽的一餐喔

做完嘢,身心疲累，又肚餓😪😪市廣場返屋企見到 霸媽 拉麵有位，諗都唔諗一個人，自私食😁😁地方大，裝修也有日本特色，仿如置身日本😍😍店員服務友善，仲唔使+1👍👍炙燒豚肉味玉拉麵🍜 湯底非常之濃郁😋拉麵靱度適中，點菜紙上可以挑選不同硬度，另外揀咗少油，我感覺冇咁油膩！炙豚非常之香口，半肥瘦口感非常好👍味玉咬下去即漏蛋汁，再喝一口湯，非常滋味！太肚餓的關係再點了炸雞，有5大件，炸得剛剛好，雞肉嫩滑，表皮酥脆，沒有太多炸粉，香味撲鼻，可以加少少鮮檸檬汁一解油膩感😋全部食晒，好満足！有時自私食都幾好呀！😬想食乜就叫乜，慢慢食有得快快食又得😂😂

上次去食晚餐，叫左個特盛炙燒豚肉拉面，特盛意思係多啲豚肉，有4大塊，齋食豚肉都夠飽，不過啲豚肉有啲肥，所以我只係食左3塊就夠，面質係唔錯，幾彈牙，不過我覺得個湯底都真係幾咸同膩，平時我都飲晒啲湯，但呢間我唔係好飲得落。總括而言，大約100蚊嘅拉面嚟講，合格。

今次介紹既係長期排人龍既日本廣島過江龍霸嗎拉麵，行開金巴利道條隊排到出馬路，以最強濃厚湯底作賣點！炙燒豚肉味玉拉麵 $88好期待個濃厚豚骨湯拉麵，但真係覺得好失望，feel唔到濃厚喺邊度。。可能厚在舊五花腩度，舊肉灸燒過的確好香口，肥肉甘香，淨係食肉都飽。麵度揀了適中，係比較粗的麵身，合格！溏心蛋係全隻上，加分！由於將隻蛋留到最後先食，有點偏熟，建議上檯後就食左先。雞叉燒味玉雞白湯拉麵$88相反雞白湯好味好多，比豚骨湯更濃厚😂真係反智。雞肉鮮嫩滑口，但嫌太細塊。兩個麵比較下雞比較吸引。待應服務周到，檯上有冰水和紙巾，屯門店分店內和商場店外位，坐商場位好迫，背貼背咁坐幾唔舒服，繁忙時間卡位要4個人先可以坐。湯底：★★★☆☆麵質：★★★☆☆肉類：★★★*☆配料：★★★*☆店：★★*☆☆整體：★★★☆☆(順路食下排隊免問)

星期六同仔仔市廣場睇完戲食個late lunch 見到霸媽唔使等位即沖埋去，因平時多數都要等😅😅店舖很大悶內門去裝修都很有人識轉舒暢件事令一番風味諗住食個叉燒拉面，仲見兩有新野 極上原隻味肉拉麵🍜即刻揀咗，12歲以下仲有兒童餐天會送埋一個禮物🎁原隻開邊龍蝦賣相已經100分，相當吸引，湯底勁濃😋😋拉麵配上濃漲嘅龍蝦湯相當好味！😍湯底不會太稠，喝一口，已經好亨受，配上原隻留心蛋，不失日本拉麵風味😋😋最後把湯都喝光光👍👍子供餐可以12歲或以下小朋友可叫，很豐富呀，仲有橙汁和朱古力，還有玩具帶回家😬😬仔仔已經話下次一定要再來🤣🤣