霸嗎拉麵 (屯門市廣場1期)

营业中

休息中

係門口拎左飛，要等兩張枱，咪叫老公帶小朋友去個廁所同洗手囉。點知佢開埋外面個d位，就叫我no.同帶我去坐，一坐低話我唔係三位咩？我話小朋友去左廁所同洗手，個女侍應竟然話我未齊人出返去等。咁叫飛時又唔問我齊人未，我自己一個咁都睇唔到，到坐低就趕人。好激氣呀！

老公得知佢地新出了新款拉麵，而今次期間限定拉麵仲要係佢酷愛的天婦羅軟殼蟹，叫佢怎能抗拒呢，所以一早已相約今晚霸嗎拉麵見👋🏻！由於分店眾多，總有一間在附近，而今次我地相約屯門呢間還設有室外座位，感覺更寛闊、更舒適。天婦羅軟殼蟹天婦羅要即炸，所以要有心理準備，較一般拉麵需時較久，不過無論要等多久，老公都心甘情願。軟殼蟹炸得熱烘烘上枱，油份不多，所以乾脆，另外，粉漿都只是薄薄的一層，同個櫻花蝦湯都好夾，鮮味十足！至於我當然係點佢地嘅鎮店拉麵濃厚豬骨豚肉玉子拉麵最愛此店的豚肉，厚厚的，啖啖肉，真的好滿足，雖然我不好辣，但整碗拉麵正正配上一點兒的辣醬，變得更惹味，真的太好吃了，叫人吃了又想吃！

開開心心星期日, 當然要去行街食嘢啦! 放假一定會去屯門市廣場行街、睇戲、食飯地點非常方便。今次我選擇了位於三樓的霸嗎拉麵，這店是我從未吃過的; 每次都只是路過見到店內店外也人頭湧湧我都免得過排隊，證明了霸嗎拉麵非常人氣。今次我選擇下午兩點後去，情況順暢很多，取了票不用5分鐘已可以入座。整間店的裝修很日本地道，大部分也用上木做主題座位闊落，可以看到廚師用心烹調每一碗麵。拉麵種類也有幾種，主要用上豬骨湯做湯底，另點餐紙上也提供拉麵熟成度及配料（走蔥丶走荀）給客人選擇，這點非常貼心值得一讚。濃厚豬骨豚肉玉子拉麵$88拉麵送上來的時候已傳來陣陣豬骨湯香味，溫泉流心蛋加一大片厚切豚肉再配上香蔥荀絲看到已經流口水，第一囗當然要飲一啖湯，湯頭非常濃郁拉麵彈牙，厚切豚肉不肥不瘦，入口即化。辛辣炙燒豚肉味玉拉麵$93仔仔鍾意食辣所以點了辛辣味豚肉拉麵，他說之前和同學仔也來過吃過這一款覺得很美味，所以今次再encore，喜歡吃辣的朋友可以嘗試一下。日式炸雞🍗$38炸雞一碟有五粒，外脆內軟有肉汁不會炸得太過火，炸雞表面塗上少許辣椒油，令味蕾及口感提昇了許多。

難得放假一天，便去屯門走一趙，順度探望一下老朋友。屯門市廣場，特別多餐廳食肆選擇。老朋友選擇了吃日本拉麵，可能是平日，下午時段，人也少些。裝潢設計，採用紅色和木材配搭，充滿日本氣息。侍應招呼好殷勤有禮。我倆點了兩碗拉麵，炙熱豚肉味玉拉麵，是濃厚豬骨湯底，充滿厚厚質感，豚肉份量十足，已佔碗大部份面積，肉質當筷子夾的時候，已經想溶化，真的用心烹調。味玉，即是雞蛋，口感爽甜，好香蛋味。雞叉燒味玉雞白湯拉麵，湯底濃郁得來好清甜，雞肉滑溜，同豬骨豚肉拉麵，口味不相似的，但又令人食齒大動。燒汁唐揚炸雞，難忘炸雞的口味，怕會炸得好乾身。但入口嫩滑多汁，不乾身，廚師功夫真的了得。啖啖雞肉，食唔停口。

早上在屯門工作，雖然有阻滯，錯過午餐時間，還好下午的預約取消了，可以到市中心找吃，再逛街。同事介紹去霸嗎吃拉面。我們點了炙燒豚肉味玉拉面，湯很香濃，味玉是溫泉蛋口感，豚肉有點肥，吃著有點膩。雞叉燒雞白湯拉面，雞叉燒不會膩，很厚，白湯也很香濃。

去開屯門市中心行街,今次好彩, 見到個個星期六日大排長龍既霸嗎拉麵,今次只有有幾個人排, 排左五分鐘, 就成功入到去食面門好有日本FEEL, 會令人以為去左日本咁裝修都好有日本台屋FEEL, 個環境令人幾舒服雞叉燒辛辣雞白湯拉麵-$88即使叫辣, 都唔會阻到你品嚐雞湯既鮮味, 反而辣更能吊起鮮味, 而雞叉燒幾嫩口, 麵質都好好, 讚!軟殼蟹濃蝦湯拉麵-$93D個個湯係濃濃既蝦湯, 好惹味, 同雞湯可以平分秋色, 值得一讚, 而軟殼蟹都好香口, 正温泉蛋-$10最後加單要多粒温泉蛋, 完美呀總結食物唔錯, 但係等食物上枱真係有D耐, 可以改善, 但整體黎講, 值得再黎試其他拉麵

今天在屯門行街，突然想吃拉麵，所以選了霸嗎拉麵試試。 我們3點多來到，幸好不用等位。我點了一份特盛炙燒豚肉拉麵。我選了這款拉麵的原因是實在太肚餓，而這份拉麵有4塊豚肉。 等了一陣，拉麵就到。湯底十分濃郁，而且有點點的辣，十分惹味。 特盛燒豚肉十分厚身，而且大塊，真的很足料。肉質不肥也不瘦，剛剛好。豚肉而且吸收了湯底，十分入味。 拉麵也十分彈牙，份量也足夠。 吃完十分飽肚，很滿足。下次一定會再來試試其他拉麵。

拉麵是個間中會想吃的東西，濃郁的湯底總是會讓人記掛著。那天晚上一人來到店前，門口很熱鬧多人，不知是好是壞，又要等很久了吧。結果1個小時後終於可以慰撫胃子了。小編要了一碗灸燒豚肉海苔味肉拉麵($98)，等了10分鐘才上。湯底濃，但沒特別；麵質正常；豚肉香而有適當的份量，有點太肥。整體而言都是較肥膩，與其他的拉麵店相比都是差不多，沒什麼特色，如果下次要排隊超過10分鐘的話就未必會吃了。

屯門巿廣埸購物完畢，順便坐坐吃個午餐，突然想吃拉麵，舖位都幾大，座位闊落舒適。點了灸燒豚肉拉麵，因為係即製，所以 製作需時，熱辣辣豚肉拉麵送到，厚厚嘅豚肉肉質腍滑多汁，入口鬆化。特别調製嘅濃厚湯底非常惹味，完全渗入豚肉，拉麵麵質彈牙爽滑，很有質感，比一般麵店嘅拉麵優勝，味筍亦很美味，有水準，食完再加多一碟。原隻 龍蝦味玉拉麵🍜第一次試很濃郁的龍蝦湯，正！唐揚炸鷄有五件，大大件新鲜熱辣，脆漿薄而香脆，惹味香口，鷄肉嫩滑，肉汁豐富，好好味，完全唔覺肥腻。

經過市廣場，諗緊食乜，比這碗原隻龍蝦🦞拉麵吸引左！　就食龍蝦拉麵！極上原隻龍蝦味玉拉麵 $148呢個拉麵係期間限定！要食就快手啦，冇咗就冇架啦。一大隻龍蝦放喺個面上面，好有氣勢呀。而且佢紅啵啵，湯底超龍龍蝦味，愛好龍蝦係非常合適。而且龍蝦又矜貴，雖然貴咗少少，但係味道好正架，一定要食。龍蝦肉都幾新鮮，比我想像中好好多😋😋另外叫了濃厚豬骨豚肉玉子拉麵份量很多拉麵剛剛好唔會太軟吾會太硬👍👍叫埋小食，羽根餃子🥟，超級飽，拉麵店來說，霸媽這間算是高質😝😝

身邊有一個懂修理的男人, 真的非常重要, 近日家中有大大小小的東西要弄, 一個小女子, 實在難以處理, 幸好有懂得維修的爸爸, 非但免費, 而且事事都細心地做, 比起聘請外面的師傅做得更加好。今天工作完畢後, 餓了, 來到屯門市廣場, 吃個拉麵醫醫肚。醬燜雞叉燒味玉拉麵$88今天忽然想吃雞, 就選了這個不是每間拉麵店都有的雞叉燒, 它用了雞腿的部分, 十分滑溜, 兩塊雞份量剛好, 雞湯亦很濃味, 油份剛好很香, 味玉很內味, 如果生一點點更好, 麵條也煮得恰到好處, 軟硬適中, 混有不少木耳絲。特盛炙燒豚肉拉麵$118另一款是份量十足的特盛炙燒豚肉拉麵, 上桌時嚇了我們一跳, 塊塊豚肉都很厚, 很驚人。豚肉口感鬆化, 肥瘦交錯, 加上少少辣醬, 十分惹味, 豚肉湯亦很濃郁, 帶少許膠質, 兩碗的蔥量十分足夠, 喜歡!

這次相約友人到這間拉麵店，裝潢別具日本特色。友人喜愛吃拉麵，所以我倆常相約到不同的拉麵店吃午餐、晚餐。這次是友人第一次到這間來吃。特盛炙燒豚肉拉麵($118)，雖然我已到訪數次，都沒有機會吃這款拉麵。看到鄰座點了這個拉麵，份量很大，我倆於是也點這碗拉麵。四塊超厚豚肉，足夠我倆一人兩塊，炙燒後的豚肉傳來微微的烤肉香。肥瘦商中油脂分佈平均，肥肉部分不多，也不會覺得油膩。拉麵點了軟身，浸在湯中也不會變得太軟，個人認為比中等的麵質更易入口。湯底濃郁，我們多喝了數口。把豚肉輕蘸在餃子汁中，微酸的味道減少豚肉的油膩感。羽根燒餃子(5件)($35)是每次必點的例牌小食。我們都嚐過其它味道的餃子，覺得原味的最好吃。保留頂層的脆皮，同時吃到內裏軟肉香。加上餃子汁，令餃子帶點微酸，更讓人胃口大開。我很喜歡喝這裏的綠茶可樂($25)。可樂總讓人想起平時令人飽漲的氣體，這瓶可樂倒想果汁，綠茶味的果汁，帶點微微的氣泡。友人試了一瓶靜岡蜜瓜蘇打($28)，甜度較高，氣體也較可樂多。味道也不錯，但還是味道比較清的綠茶可樂好。

不少朋友都話依間拉麵好食，所以今日一於試下啦！佢有啲拉麵有蛋，有啲冇，用畫紙方式落單。叉燒拉麵：得一塊叉燒，好厚身，大約2條筷子夾埋的厚度，肥瘦分明，幾好食。雞肉叉燒拉麵：有2塊叉燒，大約1.5隻筷子的厚度，肉好扎實，但冇乜味道可言，整體偏淡，湯底係辣湯，已經✔左少油，但依然好油。但味道不錯的由於我叫的雞拉麵冇蛋附送，所以另外加左隻蛋，佢係另上，吾會放埋入麵。溏心蛋我本身好中意食，依度生熟程度都合我心水，果然另加都冇令我太失望。旁邊有一堆調味料，因應自己口味加。另外點左個唐揚炸雞：調味方面我個人吾係咁中意，香料味過重，食吾到雞肉本來的香味，粉裹太厚，吾好食整體而言，麵質偏幼身，份量適中，大食嘅人會吾夠。差吾多100蚊一碗尼講，可能係商場嘅租金貴啦，cp值一般。

成日見到咁長龍，諗住放縱下，就黎夜晚食拉麵。澱粉質好肥，但朋友一路都話有新嘅龍蝦拉麵，忍唔住都要黎試下。真系好似好特別咁。坐底侍應即刻俾咗兩杯水，填紙仔落單，同日本的拉麵店簡直差不多。重點佢裝修都很日式。希望食物比的起日本的素質。朋友是食肉怪，叫了碗勁多肉的拉麵。試咗一塊，真的好肥美，湯底是豬骨濃湯，有小小辛辣漿，好好飲好濃。朋友給了所有配菜給我，荀及黑木耳都得好味。我的龍蝦拉麵都上來了。好大只龍蝦，好正。賣相簡直滿分。湯底系濃濃的海鮮味，配上多肉又有黃的龍蝦仔，好滿足。仲有個溫泉蛋，好JUICY.呢間野d 湯底真係好正。

霸嗎拉麵在香港也有幾間分店，屯門市廣場一開就不斷來吃過很多遍。初開業時水準比較好，湯底會有種濃郁的味道，最近吃也越來越稀的感覺，味道是足夠的，但吃完很口乾，湯底似乎改變了。每次點餐時都會猶疑吃餃子還是炸雞好，有時肚餓起來，兩樣小食都會叫，why not both haha這裡的炸雞也不錯，比較喜歡沙律醬唐揚炸雞，如果沒記錯以前會配檸檬供我們吱檸檬汁的。餃子則是皮很薄也煎得很脆。最近一次叫了小辛叉燒及特盛，最喜歡就是筍，吃下口感爽爽的。叉燒很厚實，特盛有5塊，吃肉獸會很滿足，叉燒肥的那邊會比軟香口，瘦的那邊也不會很乾，整體很好。總括而言，水準的確有下降跡象，一次比一次差，初開業時最好吃的，湯底有轉變，其餘也差不多，但仍是屯門拉麵可以之選。