霸嗎拉麵 (金巴利道)

营业中

休息中

🎏廣島最強濃厚拉麵 舉頭望味玉，低頭食麵思故鄉🎌。 ✨期間限定「饗宴の明太子」 🍜明太子豚角特濃牛乳味噌拉麵 $108 🍚月見明太子香鬆拌飯 $38 🍗手羽餃子釀明太子 $45 🍜炙燒豚肉味玉拉麵 $93 明太子個拉麵用北海道4.3牛乳味噌湯底🐮，奶味香濃細滑。湯底帶味噌嘅咸香感覺冇咁膩，仲加上福岡明太子，特別惹味，仲有菇、粟米粒同蛋🥚，非常豐富。另一個招牌拉麵，炙燒豚肉入口即化，湯底濃郁，麵質彈牙有咬口👍。 拌飯有日本蛋黃加上明太子同飯素🍚，食到濃郁蛋香之餘又有明太子既微辣咸香，多重口感。雞翼滿滿嘅明太子好香口🍗，皮脆肉嫩。 📍尖沙咀金巴利道26號地舖｜22178300 @bariumahk 📮Follow @fm.feed ➡ to discover more appetizing foods

疫情嚴重之後，出街食飯都份外小心！霸嗎拉麵相比其他小店，座位寬敞，食客離座後會做足消毒清潔👍👍👍 平日大排長龍，假日竟然可以直入，真希望疫情快啲完結🥲🥲🥲餐廳每款拉麵都必定圖文並茂，麵條軟硬度及配料都可以自行配搭，中伏機率甚低☺️☺️☺️期間限定明太子豚角牛乳味增拉麵見到「明太子」二話不説便下單，熱辣辣的拉麵好快便上桌。湯底極為濃郁，明太子、味噌及牛奶充分地融合，比一般味噌湯冇咁鹹👍👍👍一粒粒的豚角以先煎後燉方式烹調，入味之餘可以大大減去肥膩感，雖然沒有普通叉燒有入口即化感，但味道整體來說清淡醇和。必點的雞叉燒味玉雞白湯拉麵，蒽粒鋪在拉麵上散發清香，拉麪幼滑而彈牙，湯底亦非常美味。吃過好幾間出名雞白湯的拉麵店，都不及霸嗎拉麵整嘅雞叉燒好食，香口嫩滑，不肥不腻。每碗拉麵仲會有原隻糖心蛋切開，半熟蛋黃呈流心狀，醬油漬醃味道剛好。$10加配的味荀咁多年都水準依然👍👍👍 抵食又好味！

無得去日本，又想食拉麵可以點算呢！就去咗尖沙咀金巴利道間拉麵店 宜家仲推出咗期間限定嘅「響宴の明太子」我就揀咗碗【明太子豚角特濃牛乳味噌拉麵 $108】個湯底用咗北海道特濃牛乳4.3，奶味香濃，仲好細滑，湯底仲有味噌嘅咸香味，好好飲；撈埋拉麵上嘅明太子一齊食，辣辣地好味道；麵質揀咗軟麵，麵上個幾舊肉肉質軟腍，有塊香脆蓮藕片；過幾日去食埋期間限定嘅月見明太子香鬆拌飯先 叫得拉麵食，當然唔少得嗌埋份小食，我就嗌咗碟【羽根燒餃子 $35】餃子底部有層薄薄嘅脆片，餃子皮薄，餡料滿滿 有野食當然要嗌埋飲品啦【綠茶可樂 $25】好特別，好少見到，啖啖綠茶香味，仲要係汽水嚟，飲一啖成個人爽哂 最後當然唔少得要嗌個午餐後甜品啦，我就嗌咗個【柚子雪芭 $28】超香嘅柚子味，甜甜地，凍冰冰，食落涼透心 霸嗎拉麵 (金巴利道)尖沙咀金巴利道26號地舖

這個牛乳拉麵，總括嚟講，個牛乳還可，雖然沒有想像中嘅十分濃郁，但算係幾香，比較起以前食過牛乳湯底，呢個算十分滿意了。成碗野最正係d麵，d麵質幾滑幾入味，我個人勁鐘意呢種麵質。上面塊肉幾稔幾入味，份量對於我剛剛好。係塊炸蓮藕炸得老咗啲，唔係會更開心。店內的調味粉也一應俱全。喜歡黑胡椒果支。店舖算好坐，我當日坐角落頭位，柄埋一邊，算幾濶落舒服。總計108蚊，咁平時食拉麵食好少少，一般都差唔多呢個價嘅。

🍻 啤酒🐷食評 🍖 ‖ 霸嗎拉麵 ‖ #beerpig尖沙咀 #beerpig日本菜 💁🏻‍♀️ 以湯底濃厚而名•日式拉麵店 💁🏻‍♂️平時放工收工放lunch都會經過呢間拉麵店，係the one對面仲要大大個招牌真係好難望佢唔到😂於是今日就決定要試試佢，Lunch time黎到都幾多人，應該大家都係放lunch就腳就黎食大家平時見得最多食得最多既拉麵通常都係豬骨湯為主，而呢間就結合左豬骨同雞骨製作成拉麵湯底，仲周不時會搞下新意思，推出好多限定既拉麵🍜✨大家有興趣就記得｜Like•Save•Share｜呢個post喇—#🍻🍖 質素：🍜雞叉燒雞白湯拉麵｜$83小編成日都想試下雞白湯拉麵，今次終於食到喇！第一次食，整體感覺好唔錯，會想再去食多次😋雞白湯味道香濃，但就無豬骨湯咁重油膩感，食曬成碗拉麵都唔覺得好滯，小編揀左正常硬度既拉麵，食落都幾爽口彈牙👍🏻而雞叉燒係雞卷既形狀，肉質軟嫩，醃醬都好入味燒得幾香✨評分：9 / 10 分🍗唐揚炸雞｜$35呢到其實有幾幾款炸雞，可以配唔同既醬汁，不過小編揀左最原汁原味既炸雞🐥黎到見到每件炸雞都好大粒，仲要圓碌碌，真係成個乒乓波咁😂炸雞係新鮮炸起，內裡

🍽霸嗎拉麵💙🤍💙🤍💙🤍🐻小編餐單1️⃣ 濃厚豚骨湯拉麵💲88🔹好味度: 4/52️⃣ 雞白湯拉麵💲88🔹好味度: 4/5💙🤍💙🤍💙🤍🙊小編✅ 豚骨湯拉麵湯底好濃味～推介！✅ 拉麵軟硬度適中～💙🤍💙🤍💙🤍小編評分👅食物 🐻 4/5👀環境 🐻 3/5📸打卡指數 🐻 2/5總評分 🐻 3.5/5

是日到尖沙咀行街，途經見到霸嗎仲響度，就入左去試下下午茶餐幾抵食我地叫左A同B餐豚角、雞叉燒好快個麵就上枱喇，個麵冇鹼水味就已經唔錯，軟硬適中，不過唔知係咪本身個湯或溝左水未煮得耐，有啲淡。雞叉燒個雞白湯就好濃郁叉燒麵好大件，如果可以燒一燒個面就更加香口喇餐仲配埋餃子同埋炸雞件，仲有野飲跟，抵食呀餃子就普通野，唔脆身，加配就唔好了炸雞件都還好，香口野，美中不足嘅係冇沙律醬點一點，唔知係咪可以問店員拎呢

冬天最岩食碗熱辣辣既拉麵，黎咗呢間尖沙咀人龍店-霸嗎拉麵食佢嘅期間限定拉麵。明太子豚角特濃牛乳味噌拉麵($108)牛乳味噌湯底用咁北海道4.3牛乳，奶味香濃細滑。湯底仲帶味噌嘅咸香，令個湯底冇咁膩，幾特別。拉麵上面加咗日本福岡明太子，撈埋拉麵一齊食，辣辣哋，味道唔錯。炙燒豚肉味玉拉麵 ($88)呢到嘅招牌拉麵，湯底勁濃郁。麵底揀咗硬麵，食起黎有咬口，唔會食食吓d麵稔咗。重點嘅炙燒豚肉，入口即化肥而不膩。月見明太子香鬆拌飯($38)生雞蛋黃加上明太子同香鬆飯素，用黎送飯簡直係絕配。手羽餃子釀明太子 ($45)雞翼入面釀咗滿滿嘅明太子，皮脆肉嫩得黎，明太子嘅香味融入咗係雞肉入面散發出黎。。。霸嗎拉麵 (金巴利道) (尖沙咀)尖沙咀金巴利道26號地舖。。

最近新一輪疫情又開始返，政府仲禁埋晚市堂食，對我嘅影響真係好大呀🤧始終覺得有啲野要堂食先有氣氛，就好似食拉麵咁😆所以今次同朋友去咗附近睇菲林相機之後就順便去對面食埋個lunch啦🥳餐廳裝修好有日本風格，午市時間都有好多人幫襯朋友超級鐘意食明太子嘅，所以佢就揀咗期間限定嘅「饗宴の明太子✨」入面嘅明太子豚角特濃牛乳味噌拉麵，而我就揀咗辛辣灸燒豚肉味玉拉麵😍辛辣灸燒豚肉味玉拉麵賣相好靚而且望落都好大碗😳叉燒上面仲有呢個少少嘅辣醬，十分可愛🤤叉燒好大塊而且都好厚，如果有多幾塊就好啦🤪豬骨湯味湯底好濃郁，雖然只係叫咗小辣，但對我嚟講都真係好辣🥵大家記得量力而為呀🥵 好彩餐廳都有提供檸檬水同紙巾，非常貼心🥰入面隻蛋都做到流心效果嘅🥰燒汁唐揚炸雞總共有五件，每塊都好大舊而且唔會話好油🤩朋友嗰個明太子豚角特濃牛乳味噌拉麵明太子味好出，而且湯底仲用咗北海道特濃牛乳4.3， 唔怪得咁入味啦🤣下次有機會真係要試埋佢個月見明太子香鬆拌飯先得！地址：尖沙咀金巴利道26號地舖

以前去尖沙咀想食麵既話，多數去食米線。今次係The one附近，見到有間拉麵排哂隊。咁就緊係去試下啦😍😍😍平日non lunch hour都多人排隊。等咗一陣，終於到我哋，餐牌上嘅拉麵款式唔算好多，但係樣樣都好似好吸引。我哋叫咗個明太子豚肉牛乳味增拉麵，同埋一個濃厚豬骨豚肉玉子拉麵！諗住食完拉麵再叫小食，點知最後都係太飽。明太子豚肉牛乳味增拉麵個湯底超級好味，一d都唔似平時d湯底咁浠！而且配上明太子，明太子有少少辛辣味，配埋湯底一齊飲！食哂個麵果時我都飲哂d湯😂😂😂而且d豚肉肥瘦分明！好淋身！一d都唔難咬😍😍😍真係一路食一路諗幾時再得閒黎食，但好可惜呢個係期間限定，希望佢最耐少少啦！而另一款拉麵係朋友點，我試左幾啖！個湯底都好好飲！但佢個肉就薄d。相對之下，明太子豚肉牛乳味增拉麵好食好多😆但其實兩款都好好食，我地大家都飲哂個湯😂😂😂最後小食都叫唔到了～～～一定會再返黎試其他😍😍😍

日本廣島過江龍• 霸嗎拉麵 𝔹𝕒𝕣𝕚-𝕌𝕞𝕒🔸·最近推出期間限定的「饗宴の明太子✨」❣️以日本福岡明太子做主題，創作出3款全新菜式，愛明太子的我，又怎能錯過呀～ 福岡盛產明太子，想當年去九州旅行，天天吃明太子也沒有吃膩🤣，你就知道我有多喜歡它吧! 「明太子豚角特濃牛乳味噌拉麵🍜 $108 」 用北海道4.3牛乳製成的味噌湯底，香滑順口。湯頭香而不鹹不膩，熬得不錯。拌匀明太子後，掛在幼細的拉麵上，味道不錯唷🥳～「月見明太子香鬆拌飯🍚 $38 」 3款菜式之中，這個的明太子味道最特出😍。明太子非常下飯，很快就吃完了～  「手羽餃子釀明太子🥟 $45 」 脹卜卜的雞翼，內裡釀入滿滿的明太子😆。雞翼鮮嫩多汁，肉汁豐富哦。 「唐揚炸雞🍗 $18」 現在惠顧仼何拉麵，可+$18加購2件多汁又大件的炸雞塊哦～ ▫▫▫▫▫ 📍#尖沙咀 金巴利道26號地舖📍#中環 德己立街22號地舖 📍#屯門 屯門市廣場1期3樓3233號舖  ▫▫▫▫▫

因朋友想食拉麵，到就近出名拉麵店一試，晚上7點左右，店內多人，但都即刻有位。座位較窄，無位放袋，店員說話速度較快，態度一般。主菜點咗 炙燒豚肉味玉拉麵 同 雞叉燒味玉雞白湯拉麵。兩個拉麵湯底濃郁，唔系令人驚喜既口味，但基本功足夠，味道經典，唔咸，飲到半碗，雞湯嘅雞味尤其突出。麵軟硬適中，分量夠。叉燒唔會太肥，好食。雞叉燒幾特別，較少油，適合減肥人士。味玉值得稱讚，蛋白未完全凝固，非常滑。調味料有哩三款。加錢要咗兩塊唐揚炸雞，新鮮，汁好食，但皮唔算特別薄。用優惠加咗餃子。餃子好好食，即煎，熱騰騰上台，皮薄，餡料夠，有汁，系日本拉麵店少見真係好食既餃子。整體而言，環境普通，食物唔算好有特色，但基本功做足，平時想食拉麵可以一試，尤其推薦餃子。

日式拉麵 -霸嗎拉麵淺嘗日本🇯🇵味道！由地鐵站行過來，大約幾分鐘的路程。餐廳經常一早已有人排隊，不過等左一陣就有位。lunch time 同 DINNER TIME時間都幾多人，建議只相約一兩位朋友用餐較好。入到餐廳後，店內裝修很簡潔，干淨利落。尖沙咀分店座位略為迫。🍜🍜🍜🍜🍜豬肉豚骨紫菜玉子拉麵$98雖然整碗拉麵有一塊豚肉骨，不過勝在多肉汁，而豚肉肉質軟腍。肉與肉之間都充滿濃濃豬骨湯味。忘了影相😂醬燜雞叉燒拉燒拉麵$85兩塊雞肉都很厚很嫩滑麵質選擇了中性質，不錯！🥟🥟🥟🥟原味羽根燒餃子$17餃子我鍾意原味羽根(本身有幾隻味可以揀)見到外皮煎到脆卜卜，好脆好薄就好吸引，皮都唔會好厚，連個餡都充滿肉汁，不過size就比較的骰，當小食還可以啦！餐廳🍴霸嗎拉麵 (金巴利道）尖沙咀加拿分道61號

服務差，服務員急燥無禮貌，很多令人反感的小動作，畀錢買難受。 湯底差，咸而不香。雞肉肉質偏老，就麵的口感尚可，味玉合格。炸餃子油味偏重。好幾年冇食，印象湯底偏咸，時隔幾年經過見店內人多，念舊再幫襯。排隊排咗約10分鐘就入座，排到門前店員唔記得畀落單紙，「唔好意思，唔記得畀紙你，你入去坐咗先，記得掃安心出行同量體溫。」我見佢忙緊就冇在意，入座後用咗啲時間再望望餐單，點咗飲品，一份雞叉燒辛辣雞白湯拉麵，叉燒味玉雞白湯拉麵同埋一份沙拉炸餃子。然後落嘅時候係一位男店員，佢用很急速的語氣覆述我嘅單，因為我點嘅辛辣麵想小辣，但係紙上面冇呢個選擇，我就指住張單問佢可以小辣嗎，未問完手就被店員打開，佢打斷我之後又重新覆述我的下單，非常不尊重同無禮貌。上餐時候又喺態度問題，佢語速超快發音又唔準，我問「唔好意思，我聽唔清楚可以講多次嗎?」佢反應好似我玩緊佢咁，完全冇意識過係佢自己可能有問題。埋單又係一句多謝都冇，服務勁差，食物品質一般，同等價錢附近會有更多相對更好嘅選擇，一定唔會再嚟。

成日經過尖沙咀都會見到排長龍既拉麵店，難得今日見到無人排隊，就決定試試佢咩料！餐廳裝潢是日式風格，好像在參加日本慶典一樣，幾有feel既，空間唔係好大，但係坐得舒服既，環境乾淨，食物方面我地試左佢新推出既二人套餐期間限定二人套餐炙燒豚肉味玉拉麵雞叉燒味肉雞白湯拉麵小食揀左羽根燒餃子另外配有枝豆粟米同兩杯野飲$248價錢還可以吧...佢個羽根燒餃子幾好食，好脆口，點埋個醬帶小小微酸，好開胃（太肚餓無影度）而個雞白湯拉麵，雞叉燒好肥美，湯底味道偏淡，雞白湯唔算好肥，當你食過座銀既雞白湯，你會覺得霸嗎這個差9條街，無比較無傷害，如果唔係對拉麵好了解只係想食飽的話可以，但係想食特色拉麵或者想要更高層次的味道霸嗎未達標，只能夠說一般，不會回頭吃不過值得一讚反而係服務，話說我唔小心整污糟左條裙，店員發現後即刻主動提醒我，仲好貼心咁為我準備紙巾，係令我喜出望外既，亦感謝店員幫忙，辛苦了！