霸嗎拉麵 (金巴利道)

营业中

休息中

疫情期間，很久沒有外出晚飯，所以今晚決定外出吃一餐特別一點的晚餐。走到金巴利道附近，見到霸啦拉麵門口張貼的期間限定的牡蠣拉麵海報就被吸引進店。之前吃過他們期間限定的龍蝦拉麵是高水準之作，所以點餐後非常期待今期的期間限定。上菜後，一陣陣的蠔香味撲鼻，而且和相片一樣大大粒。牡蠣表面輕微煎過再放上湯麵上，生熟程度剛剛好，薄皮嫩口，咬下去香滑多汁，時間調教得剛剛好，湯底蠔汁鮮甜，齒頰留香。老公點了一個石鍋燒豚肉飯，豚肉鬆軟，肥瘦程度剛剛好加HKD18 可以叫小吃，推薦炸雞，一點也不油，表面乾脆，但咬下都是鷄汁，配上沙律油好惹味😋期待下期的其問限定❤️

🦪廣島牡蠣祭開始啦，霸嗎拉麵身為廣島規模最大嘅拉麵連鎖店，當然要出新品賀一賀啦🎏今次試咗2款牡蠣新品🦪🦪🍜廣島牡蠣瀆醬油拉麵💰$128湯底以霸嗎招牌「最強濃厚䐁骨No.1湯底」為基調，再加入大量牡蠣熬煮，層次豐富每碗拉麵重本配上4隻炙燒過嘅醬油漬廣島牡蠣，肥美飽滿，嫩滑多汁🦪雞白湯清酒煮廣島蠔💰$48以日本總店配方製成嘅雞白湯加入清酒變奏而成，配上大根及牡蠣潰，飲酒絕配，唔飲酒都一樣咁好食📣📣📣霸嗎拉麵仲推出快閃優惠，於7月6日至8日2-7pm結帳，英文名包含「Ho」字，可享折扣優惠🤑①同音一字：買一碗正價拉麵． 第二碗半價②同音兩字：買一碗正價拉麵，第二碗免費②同音三字：全單免費例子：(1) Chan Wing Ho(2) Ho Siu Ho(3) Ho Ho Ho*以整個英文單字計算，「Hollyj/ Hong/ Hon」等字恕不適用條款及細則：▫️優惠必須以電子方式付款▫️只限堂食，不設外賣▫️不可與現金券或其他優惠同用▫️半價或免費之拉麵以最低價格者作計算▫️需於下單時出示可證明本名之證件（身分證、駕駛執照、學生證）▫️每人只可於優惠期內享用全單免費優惠一次，優惠只適用於本人之帳單，上限為

呢間位於尖沙咀嘅拉麵店，開咗好耐都仲係見到有人龍排隊，而我都幫襯過幾次，幾欣賞佢到而家都可以保持一貫嘅水準！呢間拉麵店主打雞湯拉麵，我同朋友仔尋日各自嗌咗佢兩款唔同嘅拉麵，分別係辣雞湯拉麵同埋白雞湯拉麵。朋友仔食咗辣雞湯拉麵比較惹味，唔算太辣，但係個人覺得辣湯就會有少少搶咗雞叉燒既風頭。我自己就比較鍾意白雞湯拉麵，白雞湯拉麵嘅湯底比較淡，淡淡的鹹味反而可以令到雞叉燒嘅味道較為突出！Anyway，兩款拉麵嘅味道都唔錯！個人認為暫時雞湯拉麵佢哋呢一度算係比較出色嘅！不過都要順帶一提，尋晚食飯果陣感覺店員態度唔係好好，有一位男店員一開始會比較粗魯咁問我哋食乜，然後又好粗魯咁遞上飲品，我同朋友仔都覺得有啲不滿，好彩之後Serve我哋嘅女店員相對比較客氣同有禮貌，希望餐廳可以改善呢個問題啦！

雖然冇得去日本，但香港都有唔少人氣過江龍拉麵店，呢間源自日本廣島位於尖沙咀嘅霸嗎拉麵就係其中一間。佢最近推出咗期間限定廣島牡蠣祭menu，當然第一時間要去食返碗。廣島牡蠣漬醬油拉麵 $128呢款期間限定拉麵，用咗鋪頭招牌嘅「最強濃厚豚骨No.1湯底」做底，加埋大量蠔去熬製，每一啖蠔嘅鮮味都喺口到爆發出黎。粗身嘅麵條掛湯，面頭有4隻炙燒醬油漬廣島蠔，蠔肉大大隻，入口鮮嫩juicy，醬油味更加帶出蠔嘅鮮甜。廣島牡蠣漬薑汁石鍋釜飯 $95除咗拉麵，期間限定menu仲有呢款釜飯，用咗蠔高湯去煮個飯，飯粒吸收哂蠔湯嘅精華，非常鮮味，食落仲有少少薑汁嘅香味。釜邊嘅飯更加變咗香脆嘅飯焦，甘香可口，連埋飽滿肥美嘅廣島蠔一齊食，非常滿足。羽根燒餃子 $35餃子都整得唔錯，餃子皮夠薄煎到香脆金黃，入面嘅餡料鮮味多汁。千葉縣和梨酒 $18 & 沖繩菠蘿汽酒 $18另外仲叫咗兩款日本直送嘅水果酒飲料，果味香甜易入口，啱晒夏天飲。順帶一提拉麵店仲會推出快閃優惠，只要喺黎緊6/7-8/7下午2-7pm幫襯而英文名又有個「Ho」字，就可以享有折扣優惠，最高仲可以全單免費添。。。霸嗎拉麵 (金巴利道) (尖沙咀)尖沙

一個人食飯, 最好就係食拉麵, 香港拉麵店好多, 但係會有興趣翻兜既就好少, 霸嗎拉麵係我其中一間會翻兜既拉麵拉麵既選擇唔多, 主要係揀食豬定食雞, 豬就係配濃厚豚骨湯, 雞就係配雞白湯, 兩款我都喜愛食, 豚骨湯比雞白湯濃味好多, 但雞白湯清得黎又唔會好淡, 各有各好, 好難比較邊隻好食D, 今次就叫左雞叉燒味玉雞白湯拉麵 ($88), 麵條係用左細麵, 可以揀軟硬度, 再加左蔥同炸熟蒜, 令碗麵更香口, 雞叉燒不過不失啦, 最驚喜既係隻蛋, 唔洗加錢仲要係原隻上, 88蚊其實算抵食呀

今日晚上9點半叫左個外賣自取，返到去打開先發現錯到離哂譜叫左走蔥，冇走到。都算啦，好多地方都係咁。唔要辛辣比辛辣又咩玩法呀。廚房冇睇單，樓面都唔睇單。成個場又唔係爆，比個叻你地食品：不過不失，唔差。不過性價比就就一般般最重要係辣到我老婆食唔到，返去退都費事..............仲要打200個字先比評分，呢個設定都非常好。咁有咩人會打食評，大家都明啦，好食就會寫200字食評去讚下，大家話係唔係

以往經過尖沙咀依一間拉麵店，好多時候都有人排隊，但一直未食過，星期五晚上七點前嚟到，見只係得一組食客排緊隊，即刻把握機會，同朋友排埋一份😆😆試一試佢！排隊嘅時候喺門外見到呢一張餐牌，廣島蠔😎😎超吸引！而且用蠔做主角嘅拉麵，又真係好少見，最後嗌咗😋😋喺門外排緊隊嘅時候，店員會送上紙仔，可以揀咗食物先，入咗嘅時候交俾店員就可以下單。廣島牡蠣漬醬油拉麵每一隻牡蠣/蠔嘅表面都燒過，令香味更加突出，而且粒粒飽滿，超吸引🥰🥰🥰個拉麵湯好濃郁，啖啖蠔味，唔會太咸，又唔會腥，好飲👍🏼👍🏼 至於拉麵嘅份量，比想像中多，口感彈牙，又真係幾唔錯🤔🤔 我覺得好抵讚嘅地方係，就連菠菜佢哋都有用心挑選，唔會係啲勁老既葉，抵佢咁多人排隊！廣島牡蠣薑汁石鍋釜飯由於朋友係依間拉麵店嘅長期食客，拉麵佢食得多，飯又真係未叫過，加上佢都係蠔愛好者,所以忍唔住，叫咗依個飯🤗🤗我試咗一啖，薑味好香，同蠔好夾，仲有飯焦添，睇落都幾好食！另外仲叫咗一份炸雞分享，可以揀選唔同嘅醬汁，我哋就揀咗沙律醬，炸雞香脆，唔會太肥，唔錯唔錯。整體來講，我覺得依間餐廳係抵佢受歡迎嘅，食物唔錯，而且入到去好有日本拉麵店嘅感覺，冇得去旅行，黎食碗拉麵都

今日再次黎食！咁啱望住廚房，見到廚師打開鑊蓋攪拌下豚肉，跟住除開口罩直接用鑊鏟擺落口試味再擺返落去攪拌豚肉。大佬牙，疫情唔好咁玩啦！點解咁多食肆岀事就係呢d人。

有冇朋友同我一樣都非常喜歡吃拉麵尖沙咀 #霸嗎拉麵 店推出咗#期間限定#廣島牡蠣 🦪漬醬油拉麵 採用特濃豚骨湯底仲有廣島縣盛產的牡蠣🦪粒粒蠔都好大粒有四粒咁多啊脹卜卜超有咬口每一口都散發着海洋鮮味牡蠣嘅味道不單止鮮甜而且完全沒有腥味湯底亦很濃稠如果意猶未盡仲可以試埋雞白湯清酒煮廣島牡蠣漬$48廣島牡蠣漬薑汁石鍋釜飯$95講完係咪好期待即刻要去食呢#霸嗎拉麵 #廣島牡蠣漬醬油拉麵#🦪不簡單 #愛吃蠔之人 #拉麵

🏮🍜【 霸嗎拉麵 】🍜🏮⋄—————⧫♟⧫—————⋄號稱「廣島最強濃厚拉麵」💪🏻 霸嗎拉麵於日本的分店超過30間，同時遍佈新加坡、馬來西亞、印尼、香港及澳門🌎🗺餐廳以濃厚湯底、自家製麵條及炙燒厚切叉燒馳名，每碗拉麵都超重本‼️🈵今次期間限定以牡蠣為主題🦪🦪全部使用廣島縣出產嘅牡蠣，自問特別鍾意食蠔，所以立即就約朋友去試！🦪廣島牡蠣漬醬油拉麵🍜（$128）🥚味玉（+$10）湯底以霸嗎招牌「最強濃厚豚骨No.1湯底」為基調，再加入大量牡蠣熬煮，啖啖都係牡蠣嘅鮮甜味，食得出係真材實料。每碗拉麵都超重本配上4隻醬油漬牡蠣，全部都脹卜卜超大隻，味道鮮甜，唔會腥。🍲廣島牡蠣漬薑汁石鍋釜飯（$95）呢個釜飯又係黑馬之一，熱辣辣、香噴噴的上桌，牡蠣新鮮肥美不在話下，生雞蛋撈落去食，拌和焦香嘅飯粒，美味無窮。🐓雞白湯清酒煮廣島牡蠣漬（$48）🥗沙拉野菜炸餃子🥟（ $38/5pcs）🍺麒麟一番搾（$24/半杯）⋄┄ ┄ ┄ ┄ ❖ ┄ ┄ ┄ ┄ ⋄📍地址：尖沙咀金巴利道26號地舖⋄⋄

之前同朋友都食過霸嗎拉麵既唔少分店，黎開尖沙咀呢頭，就決定食拉麵。原來呢排都有推廣，有set餐同可以加$18就九小食，不過食量不大就只係各叫左一碗，下次再試。叫左炙燒豚肉味玉拉麵$93，加多粒味玉($10)，拉麵硬度都係揀左適中，我覺得口感都好好。湯底好濃郁，配上掛湯既拉麵，加左炙燒有少少辣醬，所以好惹味，豚肉肥瘦比例都岩岩好。雞叉燒味玉雞白湯拉麵$93雞白湯湯底較濃郁同清甜，雞叉燒調味得好好，唔會擔心太清淡，雞肉份量都好多，加上其他配料，成碗湯底連埋拉麵可以飲晒。

數下手指，已經差唔多兩年幾無去過日本已經唔記得鄉下係生咩樣😭思鄉之情唯有食碗拉麵緩解一下🫢日本廣島過江龍霸嗎拉麵開左咁耐小妹都真係未食過因為每次經過都好多人排隊😂最近落雨終於撞到佢少人排既一日🥲廣島牡蠣漬醬油拉麵(加味玉)今期餐廳期間限定係牡蠣所以就叫咗嚟試吓🤣拉麵湯底清甜，除咗有濃厚既豚骨味仲有牡蠣既鮮甜味層次感豐富😋仲有4隻醬油漬牡蠣，好足料！牡蠣帳卜卜味道濃郁很不錯喔😝小妹一見到有套餐即刻兩眼發光🤩因為除咗個麵仲有小食呀！呢個係不怕單一人前:辛辣炙燒豚肉拉麵湯底唔會好啦但係真係夠晒濃厚🤤每條拉麵都掛滿湯汁，另外豚肉亦都係肥瘦均勻好juicy😋唐揚炸雞炸雞就基本操作啦外皮算薄既但凍左少少就唔係好脆🤭口痕加多份孖根燒餃子，皮薄餡靚🤤上枱時微暖有脆脆既口感！加埋啤酒🍻又係食得滿足既一餐喔❤️

之前喺尖沙咀行街，成日都見到呢間拉麵店門口好多人排隊，一直都好想嚟試吓。今日經過仲未到 peak hour ，見有啲肚餓可以唔使排隊有機會試下啦。信州蘋果梳打見到日本直送就覺得好吸引，即刻叫黎飲。來自家鄉嘅飲品真係特別好飲，唔係好甜有好多汽係入面，仲有好清新嘅果香。廣島牡蠣漬醬油拉麵見到期間限定忍唔住試，有足足四隻牡蠣，食落去超鮮甜，口感好滑烹調時間控制得啱啱好。醬油湯底比起平時豚骨湯清好多，食多啲都唔怕油膩。味玉作為糖心蛋愛好者一定要叫！煮得好入味，生熟度岩岩好，食落軟棉棉，好好食！白米雪糕日本直送嘅，每人啖食到一粒粒飯咁，少少煙韌又有咬口，食落清清地少少甜好好食！

⭕喺香港地要食日本拉麵真係冇邊幾間真係稱得上好食，以前哩間舖頭，我喺銅鑼灣成日食，由燈籠街搬到去駱克道，我都一直有去做，後尾食到佢執咗之後我就好耐冇食過啦，其實佢有好多分店💞前排畀我發現咗喺尖沙咀嗰邊都有一間，所以就即刻衝咗去食😉🤙辛辣炙燒豚肉味玉拉麵 $98朋友叫左哩款食，佢話鍾意食辣嘅人一定要嗌哩一款，叉燒厚切，夠大塊，油脂分佈平均😀😛湯底辣得嚟都幾惹味🌶️廣島牡蠣漬醬油拉麵 $128鍾意食蠔嘅朋友一定要試下，有4大隻廣島牡蠣， 每隻都好厚肉，好有蠔腥味，本人係勁鍾意食蠔，佢個湯底都唔油，每一啖都充滿住蠔鮮味😋麵條屬幼身，口感適中，呢款係新菜式，大家不妨可以試下❤️👍

雖然期間限定已經過咗但都想記錄返呢碗好食嘅拉麵好食又唔算貴嘅拉麵係香港唔易揾到霸嗎係其中一間 除左一直嘅主打濃味掛湯又有大塊半肥瘦豚肉嘅灸燒豚肉味玉拉麵之外前排食左個cp值好高嘅 期間限定款明太子北海道牛乳味噌拉麵如果好鍾意明太子 又好鍾意牛乳味嘅朋友一一一定都會好喜歡湯底除左係奶白色外 亦都真係好重牛奶味然後明太子量好多 基本上每食一啖麵都會食到不過另一款期間限定小食 明太子雞翼 就唔算好特出反而小食類都係本身嘅餃子比較好食