露面手工拌麵料理

营业中

休息中

以為評語咁差會好難食，但已經坐低左唯有試下，點知碗麵一上檯已經覺得唔錯，食咗碗韮菜餃擔擔麵加酸菜，味道好，餃子好食，$55一碗價錢合理，所以寫人生第一次食評幫佢平反，一定再幫襯！

有次經過見新開張都有幾個人係到排隊決定搵日黎試下未入門口前姐姐話好多野食揀坐低見到個餐牌真係揀唔落手最後叫左個$52「台式滷肉拌麵」一見到真係嚇一嚇碗就大呀 麵就得個少少食落去完成冇台式滷肉個陣炸油蔥香味得個小小甜味滷肉就瘦肉偏多 無咩特別食完都唔覺得飽 但係冇信心再叫其他野食另外朋友叫左個高湯小雲吞蛋麵湯底淡而無味雖然灣仔食野偏貴但係咁既質素咁既份量 完全唔值50幾蚊依個價錢食個三餸車仔麵都好味 多料過佢唔會再幫襯

失望的一餐。個湯算係有味道，但個樣就同餐牌上嘅差好遠：得兩塊雞，肉又柴，松茸被我搵到三四片，細過手指甲，完全唔似張靚相中嘅樣。一碗蕃茄牛腩麵，55蚊，好細份，裝係嘅大海碗入面，更加感覺被人搵笨。牛腩得五塊，兩塊係凍嘅，三塊係熱嘅，唔通係兩煲夾埋？口感亦有分別，有兩塊冇煲透，筋唔夠淋。蕃茄就係一個切六份，都算新鮮，但係冇入味，淨食茄味。麵就反而好熱，煮過頭咗。我同意上篇食評家的意見，我都唔會再來。

新開🥳🥳見有人龍，又光孟，又係食麵食，於是入去試下，真係唔入唔知伏，食完之後簡直產生後悔感😂😂叫咗個油潑辣子魯肉biang biang麵＋杯滑溜溜香芋鮮奶，首先佢哋係無set/加配會平啲，無呢支歌仔唱，盛惠顧83大元，喺灣仔嚟講唔算平又唔算貴， 不過就算收幾多錢都好真心要好味先ok😅講下佢碗麵先，呢隻麵係陝西嘅特色麵， 係扯面嘅一種，應該係寬，厚身，有根度，通常係配臊子/油潑辣子黎食，不過我食到嘅就唔係甘，成碗麵淡而無味，完全無落過調味料，用水烚熟無分別。麵質淋而濕同簿身，似食緊陳村粉甘，明顯隻麵唔夠厚身，同淥麵嘅時間過長，同預備得太多，無即時出餐，啲麵變咗一砣砣，撈極都撈唔開🙄🙄🙄總之自己煮都好過佢，零技巧🙃至於杯嘢飲都係一個災難，佢話無得小甜，只可以小冰，佢解釋係啲芋頭入面有糖，甘算order，芋頭係多嘅，不過响芋頭入面啲糖係未完全溶哂，我仲飲到沙糖😅😅想點啊，一啖甜到🥵🥵一啖無味，9秒9食两咗啖，比錢走人