露面手工拌麵料理

营业中

休息中

蟹黃拌麵$98拉麵隔離配上大大碗嘅蟹黃醬，裏面夾雜咗好多蟹肉，蟹黃醬嘅份量都好多，如果用晒嘅會有啲鹹，所以我只係落咗一半姐，加多啲鎮江香醋成個味道會平衡啲。雞絲粉皮$42雞絲粉皮做得幾好，首先份量好多，粉皮晶瑩通透，而且好彈牙煙韌，麻章嘅味道好好，唔會好重嘅芝麻味道，直落比一般嘅甜少少，青瓜好多，食落非常清新。酸菜湯小雲吞10粒$42小雲吞一啖一口，裏面嘅肉搓得好彈牙，配上酸菜湯，酸酸美味好易入口，雲吞皮都好薄好滑，一咬落去有肉汁別出嚟。西芹拌素雞$32呢一個菜式相對地味道比較清淡，而素雞都好彈牙，適合清清味蕾。百香茉莉寒天茶$24最鍾意喺呢度可以食我最鍾意食嘅寒天，仲有得選擇走甜，冇咗堂之後個百香果未出好多，其實本身味道好夠，唔需要加糖。

露面係莊士敦道最新嘅餐廳，作為灣仔返工嘅人士當然第一時間去捧場。我今日黎到係已經排曬隊，好在等左一陣都入到去。我地今日點左幾款小食，兩款主食。秘製香槽醉雞（$58）酸甜帶適量嘅酒味，雞肉係嫩滑嘅髀位。手拍小青瓜（$28）冰涼爽脆，唔算多蒜蓉。芥香麻醬雞絲粉皮（$42）粉皮比廣東菜嘅更厚，麻醬好夾，但雞絲份量略嫌較少。油潑辣子魯肉Biang Biang麵（$55）呢個幾似炸醬麵，重味醬汁佈滿啲Biang Biang麵。Biang Biang麵有啲啲刀削麵咁闊，但又比刀削麵厚身少少，口感煙韌。好多魯肉，粒粒好似雞丁咁大。我地點左少辣，啱曬我啲口味。老壇酸菜魚湯小雲吞（$42）話就話小雲吞，我就以為係五毫子咁大，點知，每粒有出面啲急凍餃子咁大!百香茉莉寒天茶（$24）揀左微糖，幾啱我，寒天係爽口嘅粒粒咬口。

今日同朋友灣仔上完堂，就係附近搵下有咩食，佢就推介我黎食呢間餐廳，因為之前佢食過個蟹王拌麵，一試難忘，想再食多次，所以我就陪佢重刷啦😋😋黎呢到食既朋友，一定要點呢個蟹王拌麵食啊！！蟹王足料入味，麵又彈牙爽口，一個字 正！另外，我都推介佢既芥香麻醬雞絲粉皮，粉皮又係爽口彈牙，雞絲滑又多，係我第二中意既菜式😋我地仲試左佢既香糟醉雞同魯肉Biang Biang 麵，佢既醉雞好嫩好入味，佢既魯肉麵又好香好有特色，都係值得一試既菜式😚😚我同朋友約好左，下星期上完堂再試下其他菜，大家等下我下一篇食評啦～

灣仔不嬲都好多野食, 最近約左舊同事食飯~~由金鐘行過黎都係10分鐘到, 佢提議食露面, 大家都係第一次食!高湯小雲吞蛋麵 - 入面有6粒小雲吞, 蛋麵有蛋香味, 又幼滑,唔錯~醉豬手非常爽口, 酒味香濃~韮菜豬肉水餃,  食落啖啖肉, 份量都幾多, 正!上湯松茸娃娃菜, 好爽甜健康!魯肉飯, 醬汁濃郁，魯肉美味, 不過份量如果多D就好, 飯感覺太多~野生松茸鮮雞湯, 松茸肉質緊密有彈性呈淡黃色，口感鮮美清爽，雞肉嫩滑！OVERALL 好抵食, 又冇加一. 有機會再食!

今天帶小米在灣仔完成興趣班後, 在附近來一個午餐.  看到路邊這餐牌, 粉麵餃子, 正合吾意.  我倆在內堂就座, 很快就下單了! 餐枱上有紙巾供應, 十分方便.   鎮店蟹皇拌麵  因為看到網上的食評提及蟹皇拌麵, 所以要來一份. 自己嗜蟹, 但拆蟹肉卻很花時間.  現在一碗裝有橙黃色的蟹黃溝蟹肉, 用以撈麵.  這個食用方法, 無需動用五指山, 保證有儀態!!!  把整碗蟹皇淋在麵條上拌勻, 先嚐一口原味<蟹皇拌麵>. 麵條比較有彈性, 似薯粉那個口感. 咀嚼之間, 有充份的時間讓味蕾感受蟹黃真正的味道.   不過, 以蔥花把蟹醋沾在<蟹皇拌麵>, 更能提昇蟹黃的鮮味..  蟹醋帶甜, 真的有點似在享用大閘蟹!    把蟹皇和麵條消滅後, 意猶未盡, 把餐匙上的蟹皇LAMP乾, 再把大碗內的蟹皇刮得乾淨淨才甘心.  假如可以把小碗裡的蟹皇都LAMP埋, 心中會更滿足.    巴蜀粒粒大雲吞   自己嗜辣, 所以覺得不算太辣, 只是帶點麻, 帶點糊辣/苦辣. 意外發現, 帶甜的蟹醋配大雲吞很夾.      上湯陽春麵  小米點的上湯麵..  不過小米把

係修頓球場行過見到，這間好像剛開不久的麵店，俾佢名字同裝修吸引左鎮店蟹皇拌麵絕對推介，因為menu無相睇，所以真正上枱時，有一絲驚喜，因為在我腦中是已撈好，但原來蟹皇是隔外一配，而且可以見到相當多蟹黃蟹膏，食落相當鮮味，唔落麵都好正，驚太濃味，仲有甜甜的蟹皇醋可以加，味道多變黑松露雜菌忌廉波菜寛麵 轉墨魚手工麵其實我估唔到食中式麵，會見到西式麵，黑松露的香氣不錯，野菌都唔少，忌廉都好足料芥香麻醬雞絲粉皮好耐無食雞絲粉皮，首先芥末唔太濃，只係淡淡的芥末香，所以驚辣的人不用怕，而粉皮都爽口彈牙椒香麻辣湯小雲吞大雲吞食得多，小雲吞就可以一口吃，同肉比較紮實，而湯底好似好紅，但其實唔太辣，可能我要小麻辣，黎而椒香為主極品陳年龍鳳檸蜜最後試下特色飲品，可能係陳年既關係，陳皮味和檸檬好香，未試過係值得試下

一家用心去經營嘅麵店裝修方面:店內牆上面嘅畫都係太子女嘅大作，每一幅都非常有心思而且動重畫得好靚❤️可以一邊品嘗美食一邊欣賞藝術品食物方面高湯餃子蛋麵(白菜餃)，白菜餃子🥟脹卜卜好足料而且係新鮮人手包架，蛋麵好滑，老闆話麵粉係外國進口，唔怪得之特別爽口彈牙😋野生松茸鮮雞湯(原盅)，湯頭絕對無味精，真係一絲不苟👍🏻好喝百香茉莉寒天茶，係手搖架，特別用心，寒天QQ好有彈性上湯松茸娃娃菜，湯底無得頂

今日經過灣仔一個人未食嘢，見到呢間新開張嘅小店，個名咁得意嘅叫露面，咁我就露個面賞下面啦~今日唔係太餓唔想食麵，叫咗個韭菜豬肉水餃嚟試吓，真心有驚喜！餃子皮實淨，一啲都唔鬆散可以托住入邊嘅菜同埋肉，韭菜同豬肉嘅比例啱啱好食，落去唔會太濟亦都唔會太油膩👍🏻識食嘅就梗係要加醋同埋秘製辣椒油啦，鮮味出晒嚟！淨係食澱粉有啲單調？加個小菜啦，口水雞都非常之唔錯，肉質十分嫩滑，辣辣地好開胃！手拍青瓜雖然睇得出係用刀切嘅，但係口感清爽👍🏻

去開灣仔，見到新店開張，於是乎入去食番碗麵先🌟油潑辣子魯肉 BiangBiang麵(小辣)，BiangBiang麵係全手工製作，係一件藝術品，用人手切嘅麵條，厚薄剛剛好，麵條好煙韌，吸收晒魯肉醬汁，真係無得頂🌟野生松茸鮮雞湯(原盅)，好足料，好香嘅野生松茸味，而且配上鮮雞嘅鮮甜味，值得一再回味😍🌟芥香麻醬雞絲粉皮，粉皮相比起平時食嗰啲，唔會淋，反而係好Q好彈，好好食🌟百香茉莉寒天茶，酸甜清香，茶味好濃，寒天好有彈性，好好飲

今日上完堂就同朋友黎左食拌麵～之前見佢新開無耐都幾多人食，所以呢日就約埋朋友黎試下；）餐廳入面有一大幅以霓虹光管做裝飾既牆，估唔到食中式拌麵既餐廳都有咁igable既打卡位xpp呢度以麵食為主，相信拌麵更係店方既主打食品～不過除左拌麵外，都另有湯麵、餃子同少量小食可以選擇：）我同朋友分別嗌左店員推介既兩款拌麵：蟹黃手工拌麵同油撥辣子魯肉biangbiang麵，之後要左一份芥末雞絲粉皮一齊share食～～～等左幾分鐘後，我地所order既食物都到齊嚕，好有效率！！！先試雞絲粉皮，粉皮既份量都幾多，加上有清爽既青瓜絲同嗆鼻既芥末調味，所以食落好醒胃；）朋友既Biangbiang麵係闊而薄身既，面頭有不少魯肉～朋友仔話呢個拌麵既味道辣中帶甜，所以唔會太辣，甜甜辣辣咁都幾惹味，係魯肉入面仲混合左冬菇粒添；）而我所嗌既蟹黃拌麵係將蟹黃同手工麵分開呈上係蟹黃醬入面既有蟹肉絲，亦有蟹膏，仲可以按自己喜好加上蟹醋同吃～飲品方面，呢度有幾款手搖飲品可以揀;）我哋兩個分別要左香芋鮮奶同百香苿莉寒天茶，我飲既寒天茶唔會好甜，d寒天粒粒仲好好咬添：D

同朋友行灣仔，見到佢個LOGO咁可愛就想試吓佢😂❤️🥚皮蛋豆腐好味指數：👍🏻👍🏻👍🏻👍🏻👍🏻豆腐切成簿片，皮蛋切粒再淋上濃厚漿汁，淨係手工同埋外貌都贏曬。個漿汁真係好正，佢係咸中帶甜，有啲花椒味，同時食完會有微辣係口腔徘徊，配上滑口豆腐，超完美呀❣️🍜高湯餃子麵（韭菜餃）（蛋麵）好味指數：👍🏻👍🏻👍🏻👍🏻佢嘅蛋麵口感彈牙，味道似鹼水麵。湯底唔會有味精味。韭菜餃入面有超多韭菜，亦有蔥花同豬肉碎，超足料。餃子皮不過不失，都算滑口。🍜高湯小雲吞蛋麵好味指數：👍🏻👍🏻👍🏻👍🏻小雲吞皮好滑口，餡料麵好香。份量適中，女士食一碗就岩岩好啦😍🥬上湯松茸娃娃菜好味指數：👍🏻👍🏻👍🏻👍🏻娃娃菜吸收晒啲上湯嘅精華，唔係開水煮完先淋湯。同埋面頭有松茸調味，加上煮正淋哂嘅娃娃菜，正呀🤩🍹蜂蜜茉莉綠茶（左）及百香茉莉寒天茶（右）好味指數：👍🏻👍🏻👍🏻呢間店的飲品都是低糖，啱晒怕肥嘅女士們。蜂蜜茉莉綠茶的甜度較低，如果鍾意飲比較清淡嘅朋友就可以揀呢款。二八鄉茉莉寒天綠茶就較甜，比較重嘅朋友可以選擇呢款。嘢飲份量都好足，差啲滿咁滯。🪑 裝修設計上比較簡約，但都有小心思咁放左啲霓虹燈整嘅字句同LOGO,令店舖更有生氣同特色

一向都好鍾意食麵，見到呢度新開左間麵館，而且裝修有幾有趣就去咗食！見到呢度好似出名蟹黃拌麵就叫左個黎試下！棉質係右面，再分開上一碗蟹黃汁，食落好鮮甜，而且仲有附上醋，個人覺得加埋醋會比較好食！仲啲細細粒嘅蟹膏!另外都叫咗個黑松露雜菌忌廉菠菜寛面轉咗做墨魚手工麵。呢度嘅面款比較特別，喺其他舖頭比較少食到。墨魚手工麵又幾得意，食落麵條好煙銀！黑松露味亦都濃，仲有啲雜菌，感覺好似食緊意粉但係就轉咗做手工麵！仲叫咗高湯小雲吞，湯底好清甜，雲吞餡亦都好好味！另外都叫咗個芥香麻醬雞絲粉皮，雞絲材料好足配埋青瓜絲，仲落埋麻醬真係好難會唔好食呀！

平日在灣仔工作，見有一間新開不久的麵館，價錢又不貴，就抱着試一試的心態光顧。頗有趣的打卡位，當中的「做人呢最緊要係開心」非常適合現在的時勢。最先上的涼拌雞絲粉皮，份量多有一大碟麻醬淋在表面，需要mix好粉皮才有味道。粉皮質感不錯，平時食的沒有這個彈牙。青瓜及雞絲清新嫩滑。平日愛吃上海菜， 見小店罕有地有醉豬手，決定一試。豬手入味酒味濃，豬皮彈牙，上面還有杞子呢。再來一個蟹皇拌麵，上菜時看到一大碗蟹皇湯汁，便已食指大動。將湯汁倒進麵中，蟹味很rich, 有驚喜。最後以一杯香芋鮮奶作結，芋泥頗多但口味較甜。

今天去灣仔看男朋友踢足球開始前先找個地方吃晚餐剛好經過這一間 — 露面手工拌麵感覺不錯 便決定試一試芥香麻醬雞絲粉皮雞絲帶淡淡雞香 青瓜絲清爽 粉皮彈牙滑滑的 配上麻醬十分香 好味道上湯松茸娃娃菜娃娃菜新鮮 以上湯煮過 味道鮮甜配上松茸 健康之選鎮店蟹皇拌麵蟹皇分開上大大盤帶蟹肉絲和蟹膏 份量十足撈上彈牙的手工拌麵 再落止蟹醋濃香蟹味 最岩喜歡吃蟹但不想剝殼的朋友不錯不錯輕量魯肉飯香濃魯肉汁 肉粒半肥瘦加入了香菇粒 味道更香還有半熟的魯蛋 配上飯粒一啖又一啖又香又好味滑溜溜香芋鮮奶芋泥味濃郁香甜 配上淡淡牛奶又夾又好喝 正

🍽<野生松茸鮮雞湯>原盅上嘅鮮雞湯🐔，一上台香味撲鼻👃🏻，真材實料非常足料好抵飲👍🏻🍽<七彩雞絲拌冷麵 (麻辣醬)>顏色好繽紛非常吸晴🌈，低卡之選其中一樣⬇️，岩哂想健康既靚靚✨麻辣醬🌶味道比較特別，仲有普通胡麻醬選擇✌🏻🍽<巴蜀口水雞>雞件都唔少，獨特既巴蜀辣味唔會過辣🌶，好惹味🤙🏻🍽<芥香麻醬雞絲粉皮>粉量超多既雞絲粉皮，雞絲非常嫩滑👅，配上青瓜絲🥒同煙煙韌韌既粉皮，唔少得口味非常夾既胡麻醬，仲滲出輕輕既芥辣味，撈埋一齊簡直係絕配✨🍽<滑溜溜香芋鮮奶>估佢唔到竟然係用芋蓉加上粒粒芋頭，有咬口得泥又甜甜的，同鮮奶係一個好好既配搭🥛整體黎講性價比高，有特色，每碟都唔貴可以試多幾個小食，推介👍🏻