雲吞仔 (已結業)

是日到花墟買花，買完梗係要醫肚，一個人想簡簡單單食碗麵，來到了「雲吞仔」。餐廳裝潢好有舊式雲吞麵舖感覺，入面有好多香港嘅舊相，非常有本土風味。餐牌簡單易明，有唔同套餐可以揀，另外仲有一款麵叫包羅萬有，足足有12款餸都幾吸引，但始終都係想食多幾粒雲吞，所以最後都係揀咗個三拚套餐。三款餸揀咗雲吞、牛腩及牛筋配河粉，三款餸份量都幾多，餐廳叫得雲吞仔，就梗係要試下佢d雲吞，雲吞皮薄餡足，蝦夠彈牙，同豬肉嘅比例剛剛好；牛腩同牛筋都炆得夠淋，仲好入味，配埋秘製辣椒油份外惹味。套餐可以揀油菜/魚皮或紫菜，要咗個白灼菜心，上枱時仲好翠綠，食落味道鮮甜，一d都唔老。最後加咗5蚊要杯凍豆漿，豆味香濃，味道唔太甜。

今日嚟到太子呢間裝修非常之港式嘅麵檔出邊裝修得非常之新淨落單嘅時候可以揀返精選套餐或者自選粉面套餐有粉面之餘，仲有飲品同埋配菜可以揀返感覺上會豐富啲另外仲有一個係包羅萬有有齊晒12款餸，啱晒一啲心大心細嘅朋友去選擇另外，如果可以自己帶到餐盒去的話，仲可以減$3，非常之推動環保佢仲會有免費派面嘅活動真係非常之有善心今次試咗個包羅萬有，麵底就轉左做生菜底牛筋處理得非常之入味同埋嫩滑亦都好完整，唔會話碎收收牛腩亦都相當之大嚿連接埋少少脂肪根位味道相當唔錯另外有個特別啲嘅魚皮餃感覺非常之手工製作成個湯底嘅調味，亦都啱啱好唔會過鹹配搭埋生菜底，食茄亦都唔會好油膩另外仲配搭左個腐乳通菜仲追加左杯熱豆漿豆漿唔會好甜，豆味都幾香

一直都好想試呢間雲吞，聽講呢間嘅黑松露雲吞好出名是日放工來雲吞仔⬇️Menu如下：由於我八點幾先到，黑松露雲吞已經售罄冇辦法啦，唯有下次再試我叫咗個三拼套餐（魚皮餃+雲吞+牛腩），叫咗魚皮+可樂魚皮卜卜趣真係好好味，唔想太熱氣嘅話可以浸少少喺湯度，半脆半淋，兩種口感我碗3餸雲吞麵😍😍呢度嘅魚皮餃同我食開出邊嘅唔同，好滑同埋彈性嘅魚皮，唔係嗰啲餃子皮，超好味🥹🥹個牛腩都好靭，碗湯加埋啲香濃牛腩汁食簡直一流👍🏻👍🏻雲吞又滑，一口一顆，皮薄餡靚，個湯都好清甜，忍唔住飲晒間鋪仲會做善事，會派雲吞麵俾有需要嘅人我都支持左，捐咗一碗大家都支持下啦！欣賞店舖嘅善心💓外賣仲有九折，下次再黎試黑松露雲吞

朋友派喜帖，約我食晚飯，見就腳揀咗呢間。入到嚟感覺係充滿懷舊香港特色，店員姐姐好親切有禮，推介我食黑松露鮮蝦雲吞。望一望牆上的餐牌，估唔到真係有黑松露零吞，仲要標榜「零脂肪、零膽固醇、零味精」，點可以唔試下！黑松露鮮蝦雲吞 $45試食價雲吞勁大粒，咬開一半，見到放咗幾多黑松露醬，所以黑松露味好出；鮮蝦都好肥美鮮嫰，係唔伏、值得試嘅新配搭！鮮蝦雲吞、牛腩 雙拼粗麵 $46雙拼麵好抵食，雲吞鮮嫰大隻，牛腩煮得軟稔，份量恰到好處，係好味又飽肚嘅一餐！加埋杯凍豆漿，就心滿意足了！

今日同朋友做gym前食到呢間充滿香港情懷嘅麵店－雲吞仔。雲吞仔入面嘅瓷磚好有香港懷舊氣息，另外牆上亦有香港唔同時期嘅風景照。餐廳每逢3:30pm至4:30pm我會向街坊派發免費粉麵，真係充滿愛心💗除左普通嘅單拼、雙拼同三拼之外，餐廳有「包羅萬有」套餐，一共有12個餸，包括雲吞牛腩、牛筋、牛筋丸、豬肉丸、貢丸、墨魚丸、魚皮餃、鯪魚球、魚片、魚蛋同紫菜。果然餐廳叫雲吞仔，雲吞特別出色，皮薄餡靚，入面蝦同豬肉比例啱啱好。牛筋丸肉味超重，魚蛋爽口彈牙。另外仲有叫蠔油芥蘭。雖然莖比較多，但莖既部份都好爽脆。一般港式麵店都無凍檸茶凍奶茶，只有可樂。但雲吞仔竟然有凍奶茶，味道唔太甜，茶香程度中等。

今日放工約咗個friend操野，咁就諗住去太子食少少嘢再去啦，咁啱見到有間麵店好似評價幾好，就去咗食啦，環境同一般小店有啲唔同，用咗好多香港嘅風景來做背景相當特別一齊餐牌佢亦都有相當多選擇，雲吞牛腩丸類應有盡有，咁我有啲選擇困難症所以就揀咗包羅萬有入邊有好多類型嘅餸菜一次滿足你好多願望包羅萬有 $60咁我就叫咗米線嘅，碗麵一上枱我就感受到佢種類嘅繁多，總共有12款，可以等我每樣都試少少，米線爽口彈牙，我最鍾意都係佢嘅雲吞，用好新鮮嘅蝦來做，加埋皮薄令人一試愛上腐乳通菜 $12佢好抵咁樣可以加$12有一碟通菜，營養均衡非常好，上碟之後非常翠綠，入口爽口加埋腐乳嘅香味，性價比非常好嘅一碟通菜凍豆漿 $8通常我習慣去麵店都會飲豆漿，試吓佢哋自己即磨豆漿嘅感覺，飲落好香嘅豆香味，亦都唔會過甜非常好推介咁多位嚟到太子附近嘅朋友試試，一定唔會令大家失望

太子花園街開左好多餐廳, 好多都係小店岩哂lunch time 過嚟搵食今日就入左一間叫雲吞仔嘅面店, 當然就要試返碗雲吞面啦點左個雙併套餐, 雲吞配牛腩幼面, 加左個生菜同豆漿麵質彈牙爽口, 唔重鹼水味! 因為好驚食完之後個胃會唔舒服好彩完全無事雲吞皮算薄, 隱約見到蝦同豬肉等餡料調味幾好唔會太咸雲吞麵正宗會加韭黃佢都有另外牛腩入味唔痴牙個生菜都新鮮好食, 唔老 唔使點蝝油都甜最後飲返杯熱豆漿, 都係$55算抵食

純粹今日又去行花墟，肚餓就見到間雲吞麵食少少嘢。見到舖頭有寫住會派雲吞麵比有需要人士，更加覺得值得幫襯。.我哋叫咗一碗包羅萬有同埋墨丸雲吞雙拼，仲要兩碗都轉左菜底。平時出街食飯，成日想減少食澱粉質食多啲菜，都唔容易。所以覺得呢間舖可以揀菜底非常之好。 .另外，佢都有啲比較特別嘅小食，例如松露雲吞的同埋炆冬菇等等，下次都可以試吓。仲有我最鍾意嘅炸魚皮都唔錯。.多啲幫襯小店，特別係啲有善心嘅舖頭👍🏻

個friend話呢度有黑松露雲吞梗係嗱嗱聲沖嚟，試吓佢啦呢條街好多嘢食不過平時都少行呢邊所以冇發現到呢間好嘢都有好多嘢食揀，價錢同平時嗰啲差唔多叫咗杯檸樂🍋🥤好夠冰好正呢個就係主角黑松露雲吞之前喺啲超市買過迷你黑松露雲吞但係呢個新鮮好多，味道又好仲要係限量供應呢個真係可以繼續無限encore除咗黑松露雲吞之外，我都仲嗌咗碗河粉牛腩牛筋丸河粉呢就比出邊嘅粗，麵質都幾好，唔會「林pat pat」個湯底有少少香料味，好特別牛腩都帶有少少香料味牛筋丸有牛味，出邊有啲得雪味無牛味😅見到佢仲有呢個海報除咗嘢食做得好之外仲有做善事真係10分好呀呢間好值得再多多幫襯

餐廳位於太子花園街，相信香港人一定知道花園街係邊度架啦～今日同朋友出開旺角行街shopping🛍 行到肚餓就打算搵間餐廳開餐🍽下午兩點到餐廳，見到餐廳滿座😆不過好快就已經有位啦😋一入到餐廳，服務員就好熱情招待，好有禮貌👍服務態度好好🥰餐廳入面四周都有香港嘅特色相片，例如有尖沙咀鐘樓、海旁等等，真係好有香港嘅味道🤩主要餐牌有一頁，有套餐、小食、飲品等等，今次我同朋友就叫左兩個三拼套餐👇兩個都加$12轉撈麵😆一碗order左雲吞、牛腩、牛筋撈幼麵，雲吞仔呢個餐廳名果然名不虛傳，雲吞入面有完整蝦肉，材料相當十足！雲吞皮皮薄又好滑👍牛筋牛腩炆得好入味👍好腍！另一個就係魚皮餃、魚蛋、墨魚丸撈粗麵，每樣都有三粒，好足料！不過可能因為兩碗都加左錢轉撈麵，所以份量會比原本湯麵會多D！好抵食呀～～我同朋友加左兩個菜，一個係腐乳通菜，另一個係蠔油生菜🥬飲品方面，見到差唔多枱枱都會叫豆漿，就+$5 order 左一個試下，豆漿唔會太甜，有豆味😋另一杯就叫左熱檸水☕️走嘅時候見到餐廳外面貼住全日外賣自取9折，如果想拎返屋企食都冇問題，可能慢慢嘆😆我地重留意到原來餐廳係一間善心小店，因為佢會為有需要人士提供雲吞麵

去太子買花之前食左依間「雲吞仔」粉麵店，店舖好有香港既風情，牆上掛著幾幅大大幅具香港特色相片，非常靚🏙，食物味道不錯，價錢亦都好便宜，超級抵食👍👍👍好耐無食過雲吞麵，第一時間食左個「雲吞牛筋腩撈幼麵」，雲吞皮好薄，豬肉蝦仁餡料非常多，仲食到原隻蝦仁，好好味，非常值得食😋牛筋牛腩份量都好多，牛筋煮得好好味，軟糯鮮香，完全食到豐富既膠原蛋白😁，牛腩肉肥瘦適中，索嗮牛腩汁既香味👍😋幼麵份量十分多，配合牛腩汁既撈幼麵，令麵既味道更加香濃以及香滑，加左辣椒油成個麵變得更加好食😋👍👍👍蠔油生菜份量適中，生菜新鮮，加入蠔油撈埋一齊食真心唔錯👍豆漿飲到好香既豆味，而且唔會好甜，好鍾意飲😍最值得我欣賞既除左食物外，更重要既係店舖係一間充滿善心既餐廳，會為有需要既人士免費提供雲吞麵，好少食肆會有此善舉，「雲吞仔」依間粉麵店舖真係好值得讚賞👍👏🏻❤️下次經過太子必定會再食依間粉麵店舖❤️😁

今天想吃一間粉麵的餐廳，所以我選了這間雲吞仔作為我的晚餐。我選了一個三拼粉麵面包括牛腩牛筋和魚皮餃，麵底方面選擇了菜底，套餐配有魚皮及豆漿。牛腩軟腍入味，牛筋亦住得十分腍的，吃起來牛味十足。魚皮餃不是大牌子的魚皮餃，外皮的感覺較為厚實。炸魚皮方面是屬於香口脆炸的。這間粉面的感覺主要是精緻一點的。朋友吃的雲吞菜底，是醫生才為菜底，適合較少適量的女性朋友，雲吞方面食材新鮮而製成，肥豬肉份量在雲吞來較少，所以吃起來較為彈牙。最後點了一個黑松露鮮蝦雲吞淨雲吞，有六粒雲吞，黑松露味撲鼻，是屬於較迷你的雲吞。

好耐冇食過雲吞麵，今日決定去食一食，朋友介紹呢間係太子花園街呢間叫雲吞仔嘅雲吞係超級正㗎 ！於是再同另外一位朋友去試一試！一入到去舖頭，就受到服務員好熱情嘅招待，舖頭亦都有裝修有冷氣，乾乾淨淨坐得舒服😌 服務員同我哋講舖頭有啲咩名物，仲介紹咗呢度有唔同嘅套餐，除此之外，仲介紹咗黑松露鮮蝦雲吞叫我哋可以一試，於是我哋就叫咗一客黑松露鮮蝦雲吞淨食，兩碗麵同埋兩杯嘢飲。我嗌咗雲吞加墨魚丸幼麵，朋友係食牛怪，叫咗牛腩牛筋！嘩！雲吞真係好正呀，鮮蝦好大粒，豬肉分佈均勻，一啖鮮蝦一啖豬肉超級正！不愧我朋友都讚好我叫咗凍奶茶，奶茶沖得好正！好有傳統嘅茶味！朋友叫咗豆漿，豆漿都唔錯㗎，佢都好鐘意 ！你哋大家可以來試一試啊！

喺花墟行咗陣，誤打誤撞嚟到一間雲吞仔麵檔。📍位於太子㗎雲吞仔距離地鐵站有幾分鐘，所以行過都鼓勵大家幫襯下香港嘅小店。🔻裏面充滿香港嘅舊情壞，例如擺好多古今昔比嘅相，唔講唔覺，香港真係變咗好多。🔻今次我就揀咗兩餸套餐，有菜有麵都唔錯。🔻1. 炸魚皮呢度上枱得好快，好鍾意佢哋嘅魚皮，酥脆又可口，值得推介。記得點埋啲湯底一齊食，又係另一番感受。🔻2. 雲吞牛筋麵呢度買嘅係自家製嘅雲吞，有夥計喺側邊一直包住新鮮雲吞。食落去蝦肉同豬肉嘅比例適中。牛筋真係一定要提起，每一條有成大半年咁長，而且非常軟，但唔覺肥膩。麵質非常彈牙，煙韌有咬口，幼麵來講食落又冇黐住咗，而且本身麵底都應該幾大個。湯底就非常惹味，唔同出面嘅鹼水湯底。🔻3. 豆漿豆漿偏甜，但豆味都好香滑同濃郁。🔻

近日想食清淡啲，於是就去咗太子花園街的雲吞仔諗住食碗雲吞麵簡簡單單一餐舖頭的裝修好特別，好有香港風味！坐喺度有天星小輪又有摩天輪睇食碗簡單雲吞麵都可以坐得舒舒服服😌貌似簡單主打賣雲吞麵既小店，內裹食物都好多元化值得一提係呢度係可以唔揀麵底要菜底岩哂唔想食咁多碳水化合物既我配料方面，一般你諗到既丸類牛根牛腩類都有，仲有你地可能未諗過既 黑松露鮮蝦雲吞！我好鐘意食黑松露食品，於是同朋友二人叫咗一個黑松露鮮蝦雲吞淨食超正！ 依家做緊推廣價 $45 有六粒，同朋友兩個人一人一半，每人三粒，岩岩好黑松露味道濃郁，好香！蝦既份量都好足！舖頭一啲都唔孤寒我仲食咗牛根牛腩我鐘意呢度既牛腩多啲牛腩好淋好入味 牛根就如果可以切細少少會好啲飲咗凍奶茶都好正總括而言，呢間麵檔值得推介呀 大家過開黎呢頭可以試下呀