雲吞仔 (已結業)

放學後一個人揾lunch食～ 見到呢間雲吞麵就諗住行入去食啲冇咁heavy嘅野！Main Menu有一頁～基本款都有齊～😌牆上面仲有其他特別款 但應該都係長註款！最吸引到我就係佢個麻辣千層峰😍😍😍但我一個食唔到咁多就冇叫了！下次再試～但總括黎講價錢好合理～我叫左個自選三拼～ 可以試多啲😆🤍雲吞牛筋豬肉丸米粉 $56雲吞同豬肉丸每樣三粒！～😍牛筋就有一條碗咁長的🤣米粉份量偏少～ 啱哂怕肥嘅女仔們～男仔食可能就要加底了餐廳名令我好期待佢地嘅雲吞😆雲吞入面有完整蝦肉！材料十足雲吞皮夠薄又夠滑～ 唔錯唔錯～豬肉丸口感彈牙！牛筋都好夠諗～😋🤍凍豆漿 +$5加左杯凍豆漿我飲開無糖 但呢杯有糖都唔會太甜～～整體評分：🤍🤍🤍係有好多選擇嘅雲吞麵鋪😄餸嘅份量都好足～ 黎附近都可以一試！

傍晚要去太子附近取月餅，當然要先吃飽，才有力氣，於是去到雲吞仔用膳。餐廳門口貼了推介食品的海報，見到黑松露鮮蝦雲吞非常吸引，而且還有試食價，於是點了一碗黑松露鮮蝦雲吞拼河粉。雲吞剛好是一口大小，方便食用；內裏添加了黑松露，為鮮蝦雲吞增添香味，舌尖亦能體現不同的層次，味道加倍豐富。河粉軟綿綿，湯底比較清淡，讓黑松露鮮蝦雲吞味道更加突出，而且食後不會覺得口渴，相當清新。除此以外，還點了一碗雙併，是招牌雲吞和香濃牛腩。選擇招牌雲吞，是因為想和被推介的黑松露鮮蝦雲吞做一個對比；少了黑松露的雲吞，雖然少了一份香氣，但鮮蝦的清甜非常吸引，這可以按個人喜好做出合心意的選擇。牛腩香氣撲鼻已令人食指大動，加上那入口軟腍的質感，更一試難忘。飲品是凍豆漿，甜度恰到好處，豆香吸引。餐廳原來還有為有需要人士提供免費雲吞麵，善心人士可以和餐廳共襄善舉啊。

本身係諗住就咁食雲吞河，跟住店員姐姐介紹左新出品黑松露雲吞就試下。加埋生菜同凍檸茶。生菜okay，唔靭無青味，爽脆甜。黑松露雲吞有驚喜，本人係鐘意黑松露味，有啲人係唔鍾意黑松露味，就冇辦法。黑松露味配蝦係夾嘅，值得一讚係，呢度嘅蝦做到好爽脆身，口感好好，出面好多老字號啲蝦都係霉淋咁。有讚有彈，但湯底同河粉就比較遜色。首先，呢度嘅河粉同出邊一般食開嘅質感好唔同，河粉係好薄身又好滑身不過唔易爛，冇乜米味，由於河粉好滑身所以掛唔到湯，加上湯底偏淡，所以食落真係好似滾水淥粉咁。建議店家可考慮改用第二隻河粉，可能有改善。為咗黑松露雲吞，我係會返轉頭。

雲吞仔 花園街 高質素的中式麵檔。 你都花園街 想食返碗麵 醫下個肚 不得不寧呢一間雲吞仔。呢度門面企理新裝修有一送兩餸三送套餐推介我就叫咗個 兩餸套餐首先來個蠔油生菜 生菜係鮮甜心先好味配上蠔油汁分外醒胃雙拼我就叫咗我最愛的魚皮餃 同埋呢度出名的手打鯪魚球首先介紹下 呢一個手打鯪魚球， 店長推介 每日新鮮 街市買鯪魚肉 在手打一個鐘 製作完成。 咬囉 鯪魚球好 彈 牙。 食得出是新鮮鯪魚肉。 我叫咗幼麵做麵底。 幼麵變身大牙 配上秘製造 醋 非常之野味。

今日自己出旺角shopping, 當然唔少得去花園街買衫，好開心有唔少收穫，下午5點鐘，行到攰，搵左間雲吞麵檔坐低醫肚 三拼套餐 ＄60職員介紹我食套餐 咁我就揀左招牌雲吞 香濃牛筋 同紫菜 因為一陣仲要番屋企食飯呀 所以叫左少米粉 首先 雲吞肉質好鮮嫩 食得出蝦肉好新鮮 另外牛筋同樣出色呢 夠淋身好入味 我超鍾意呀 再配合埋紫菜 成碗三拼湯米食到我好滿足呢 蠔油菜心健康之選 菜心新鮮爽脆 加埋蠔油 好味 凍檸茶（＋＄9）天氣太熱 一定要叫番杯凍飲解暑 少冰少甜岩岩好 埋完單 我發現原來呢間係好有愛心ge麵店 會免費派麵比有再需要人仕 佢地咁有愛心 一定要大大力支持佢地 總括而言 呢間雲吞麵店好出色 食物味道好 又好抵食 職員好nice 又有愛心 下次一定再支持

一早行完花墟滿載而歸，跳經花園街雲吞仔，决定醫下個肚。店細細間，光猛整潔。除了自選粉麵，也有套餐，小食和飲品可供選擇。想試下雲吞，也想吃牛腩和牛筋，於是揀了三拼套餐。套餐除了三拼粉麵，還有飲品，蔬菜/魚皮/紫菜任選其一。三拼河粉大大碗，配料豐富絕不欺場。一碗有三粒雲吞，雲吞大大粒，皮薄蝦肉多，可口。牛筋大大條煮得夠火喉，入口淋滑充滿骨膠原，好食。牛腩大大塊夠淋，不錯。葱蒜放在匙上，方便食。湯味道清淡不咸不油腻，河粉滑。菜心加腩汁好味，菜淋甜不油腻。見到隔離食客叫了炸魚皮食得滋味，忍不住叫了碟試下。魚皮好脆口，咬落咯咯聲，淨食浸湯都好。吃飽飽，嘆埋杯凍檸檬可樂，快樂!女店員笑容可掬，對顧客友善，值得加分。小店雖然小本經營，不忘社會責任，值得支持。店會派雲吞麵給有需要人士，有心人捐兩碗，店捐一碗，讚!下次來試黑松露鮮蝦雲吞和炸物四寶。

太子站花園街成條街都係餐廳今次幫襯雲吞仔見門牌好有食雲吞麵舊式舖裝潢入面大概5-6張4人坐位燈光充足唔會望落好舊重點係冷氣夠凍，夏天都唔怕，坐落都舒服啲嘛-雙拼套餐 $50牛腩、雲吞連一碟油菜油菜可選通菜/生菜/菜心/芥蘭再選白灼/蠔油/腩汁/腐乳撈幼麵+$12凍豆漿+$5加晒都係$67，好抵食-蠔油菜心，菜心望落翠綠色，師傅淥菜心唔會淥到淋晒，食落仲有咬口既👍凍豆漿就覺得偏甜，不過小店就唔好要求有走甜啦主食牛腩、雲吞腩汁撈幼麵上菜啦🍜一見到碗麵覺得份量比平時食既雲吞麵好似大左一倍咁平時既雲吞麵係食完得5成飽架嘛🫠腩汁份量足夠撈晒成碗幼麵而且仲要味道好夾，腩汁唔會太重口味同時聞到好香牛腩味，亦唔會有鹼水味幼麵條條分明唔會痴埋一舊舊👍👍幼麵真係好好食😋牛腩大大件，炆到好淋雲吞皮好薄，每粒都有隻蝦同肉係入面咬左一半都唔會跌出泥，唔會食到好狼狽👍因為依到麵份量真係好多，食唔晒下次泥我會記得叫小麵唔好浪費食物-小食—炸雞中翼 $22/3隻至愛食炸雞中翼，即叫即炸上菜時雞中翼係好熱會熱親咀架要小心啲食小店仲有其他小食準備好例如蠔酒燜冬菇、脆嫩油燜筍都比較有特色，睇得出小店都幾用心經營-🔎雲吞仔📍

雲吞仔位於花園街附近，裝修光猛，有香港風味，環境都幾乾淨。1.黑松露鮮蝦雲吞(淨食) $45本來係可以配麵。雲吞大小適中，雲吞皮薄滑，鮮蝦爽口彈牙，仲滲透住陣陣既黑松露味，唔錯😋2.牛腩(菜底) $36本來都係可以配麵。$36一碗牛腩麵，真係超抵！牛腩份量不少，又大大舊。牛腩幾有咬口，都易咬，又入味，味道唔錯！3.豆漿 +$5豆漿幾濃豆味、香滑👍🏻雲吞仔既食物性價比不錯，所以下午時段都有唔少客。👏🏻

上次去開花墟買花，突然間好想食啲港式嘢，經過一間食雲吞麵嘅舖頭個名幾特別叫雲吞仔跟住就入左去。餐廳面積唔大但勝在裝修夠光猛，好有茶餐廳風味，牆嘅兩邊都貼有大量香港過去與現在嘅相片，黑白相等等，非常有特色又地道。店員非常友善，主動遞上餐牌亦都會細心講解餐牌內容，推介邊啲抵食套餐或者小食，好有賓至如歸嘅感覺。叫咗個雙拼麵套餐，店名叫得做雲吞仔我當然叫咗雲吞啦，話晒都係招牌菜呀嘛，再加牛腩幼麵，碗麵超級大，仲有洋蔥嘅香味，湯亦都夠濃郁，雲吞皮薄餡靚，鮮蝦超級爽口彈牙，好似喺個口跳嚟跳去咁，食得出真係新鮮蝦，真材實料，全部人手製作，我見店員一有時間就喺餐廳包雲吞，一絲不苟，超級用心，食完真係明白點解佢叫雲吞仔，啲雲吞真係好得，必食推薦。另一個主角牛腩亦都不比雲吞差，牛腩吸滿湯汁，又軟又嫩，但又唔係完全軟爛，保留恰到好處嘅彈牙感，好味。雙拼麵套餐有得揀油菜，紫菜或魚皮湯。我揀咗紫菜湯，紫菜超級多，個人鍾意食有咬口唔會好淋嘅紫菜，呢碗啱啱好，清清地，香口鮮甜。小食叫咗個炸雲吞，鮮蝦雲吞就食咗啦，今次想試吓個炸雲吞，本身以為係買包裝好嘅現貨直接炸，但我真係太低估雲吞仔，估唔到連炸雲吞都係用手包嘅新鮮

雖然小胖成日食外來嘢，但港式嘢小胖都好愛，呢間雲吞仔係小胖運動後和胖友係附近隨便搵的一間，點知意外發現好店佢的餐單唔算好特別，就同平時的麵店差唔多，但佢多一d 小食炸物等可點，而且仲有好吸引的黑松雲鮮蝦雲吞，但因剛運動完，小胖今次就無點特別野，小胖和胖友都係點咗最傳統的雲吞麵加紫菜湯/豆漿佢的雲吞皮薄餡多，蝦，肉比例適中，唔會好多肥肉，湯頭亦唔會過鹹佢的豆漿味濃，但有點偏甜，但店家話己減糖，話會再調整下會聽意見的店家，so nice 😊 佢的坐位舒適度還好，但勝在價錢和味道不錯👍🏻值得一試

今日番工忙左成日，再送小朋友係附近學野，橫掂未食lunch, 又咁鬼熱就想搵家餐廳食住等。成條街咁多餐廳，我係俾門口呢張紙所吸引入黎。而且呢間餐廳門面好新淨，我又鍾意食粉麵，就入去試下啦。呢間叫雲吞仔，梗係試雲吞啦，仲試埋炸雲吞$24。炸雲吞黎到好明顯剛炸起，熱辣辣，入面啖啖蝦，加埋酸甜醬，好味再叫左碗雙併牛筋雲吞河，我超鍾意牛筋既質感，呢間仲要整得好乾淨，無毛毛，又好淋好入味連湯底我都差不多飲晒咁制。咁熱我再叫杯凍檸茶少甜，通常一般叫完黎到都係正常甜既，但黎都真係剛剛好少甜。店員亦服務好好，見有主動問隔離冇叫野飲既伯伯要唔要水。中途仲見到幾個婆婆拎券換雲吞麵。臨走我忍唔住捐左2碗麵，佢地會捐多一碗，希望大家睇到呢篇食評，又有能力既話就幫助有需要既人啦

今日想食清d，行完花墟就過了後一條街食雲吞麵，2點左右的時間，見店內也坐了不少人(好食、安全嘅標準😂）環境乾淨、企理店員介紹新口味—黑松露雲吞，作為黑松露愛好者，就即管試一試。下單後，曾有一下後悔黑松露會否太濃，蓋過了蝦的鮮味😂幸好，濃淡適中，和蝦配起來，味道很不錯！跟餐的豆漿跟餐的紫菜湯，紫菜煮後，軟得來咬下去仍是有點脆脆的口感👍🏻點的黑松露雲呑+魚皮餃雙拼幼麵餐（$69，如不是黑松露，普通的雙拼餐只是$50）雙拼得來有5粒雲吞和3隻魚皮餃，份量十足！完全沒因為雙拼就減少份量！性價比好高！即使男生光顧，只點一個麵餐也吃得飽！點點的黑點就是黑松露，不是原隻大蝦作餡料，但剁碎的蝦肉也不少，一口一粒值得一提的是，麵底沒什麼鹼水味，不錯！（鹼水味會令舌頭很辛苦）麻辣千層峰（$18）平日吃豬耳都是一條條，這兒製成一片，幾特別！麻辣得來，又不會太辣，帶蒜香

今天放工之後，到太子花墟逛街，走着走着，肚子餓了。抬頭看到這間叫做「雲吞仔」的粉麵店, 太耐沒有吃河粉了，二話不說就決定在這間餐廳歇腳和醫肚。我點了粉麵三拼，選了雲吞、牛筋和魚皮餃。先論河粉，河粉的質地很好，不會太林，煙靭有彈性。飲一啖湯底，很清甜，還有牛腩汁的香味，小店都為我帶來驚喜。雲吞應該是自家包的，很足料，啖啖大地魚香，內裏的鮮蝦彈牙有口感，絕不馬夫！牛筋炆得很淋，很入味，所有滷水汁的精華完全被牛筋吸收。當然，還有我最喜歡吃的魚皮餃, 大大粒，很飽滿。連一碟翠綠色的油菜，才$65 ，真的很抵吃！

因為自己唔食得蝦，所以嚟雲吞仔係選擇咗食牛腩牛筋河粉。有單點或餐，可以選擇跟菜/紫菜/魚皮。叫咗個雙拼套餐$50，再可以加錢要埋飲品。今次加咗$5要咗杯豆漿，可以有熱豆漿選擇，本身是微甜，唔可以走甜。要求了多青👍👍牛腩方面，係肉為主，少肥膏，係我自己喜歡的牛腩。牛筋，我自己稍微覺得太淋及有啲鹹。整體都可以。河粉方便，份量係夠，但唔知點解會係好一餅咁，要稍微整散佢，攪到啲河粉會變得幾碎。可能啲腩汁加咗落啲湯度，所以整體上碗麵唔係熱辣辣個隻感覺。另外就是跟餐的菜跟腩汁，及另叫魚皮。

雲吞仔🍜｜太子 雲吞專門店 竟然有黑松露雲吞！💕｜🙉有時候唔知食咩嘅時候，都會揀去食一碗雲吞麵。我雲吞麵對於我來講就係好似一種comfort food，特別有香港嘅味道☺️🤣今次因為去咗附近到交收，所以就諗住搵啲嘢食下,跟住再去搵人。所以今次我就自己嚟試咗呢間雲吞仔。因為其實都唔想食咁飽所以我打算都係可能食淨雲吞😚咁啱我就見到原來佢哋呢排新推出黑松露雲吞配素菇湯，所以我就想試吓。🥟黑松露鮮蝦雲吞 配素菇湯 $48大概有六粒左右啦，大細就同普通雲吞差唔多，蝦就有兩隻嘅，都算大，冇奇怪嘅味道。除咗蝦之外，仲有一啲肉碎，黑松露味都唔錯，一咬開粒雲吞，黑松露味就喺口入邊湧出黎，啲皮好滑溜，唔會有鹼水味。另外今次都係第一次試呢個素菇湯，佢好鮮甜，冇草青味，飲落去好舒服。同黑松露雲吞異常地夾。🌶麻辣千層峰 $18呢一款小食，我都係第一次試。不過佢真係堅辣，食一舊之後一開始都唔會話好辣，但係過咗一陣就忽然之間就話做乜咁辣㗎。都係忍唔住叫咗杯豆漿。不過佢又真係辣得來幾香，口感都好得意，就好似好多層豬耳夾埋一齊咁樣，爽得來又好有口感。🥛凍豆漿 $8