雲吞仔 (已結業)

位於太子花園街215號A舖的雲吞仔，門口貼上店舖的招聘美食，例如招牌雲吞麵，濃香牛腩河，牛筋牛腩撈，仲有黑松露鮮蝦雲吞等等美食除了散叫仲有粉麵套餐，當中包括單／雙拼粉麵，小食可以選擇油菜，炸魚皮，紫菜，三選一，跟餐有冷熱豆漿，可另加錢轉汽水，冷熱飲品，任你配搭，花款多多。餐廳有五張4人檯同二張2人檯，仲有一部大電視。牆壁上係香港的景色，邊睇香港景色邊食香港美食，相當一流👍今晚我選擇了B餐$63粉麵：雲吞牛筋麵牛筋非常爽口雲吞十分大隻，蝦仁非常爽口湯底味道濃，加少少辣椒油味道更惹味😋小食：腐乳通菜通菜好嫰，爽滑，腐乳唔會太鹹飲品：凍豆漿飲得出係即磨豆漿，非常細滑夠冰凍招呼好，價錢親民

昨天和太太到花墟買花，路過太子一間粉麵店，門面乾淨企理，就和太太入去試吓，估唔到有驚喜！餐廳兩邊牆上掛滿香港今昔對照圖片，好有懷舊情懷！餐牌款式頗多，我和太太選了兩款招牌套餐，分別是：包羅萬有套餐 $63 + 凍檸茶$10～話明包羅萬有，當然每樣都有，原來有12款咁多，包括牛腩、鯪魚球、牛丸、紫菜、雲吞、牛筋、墨魚丸、貢丸、魚片頭、魚蛋、魚皮餃和豬肉丸！我叫咗米線底，份量非常之多，仲有紫菜，湯底非常濃郁，好香大地魚味！丸類都好爽滑彈牙，尤其鯪魚球，有蔥花香又新鮮爽囗，另外牛腩也不錯，牛味濃，肉質鮮嫩！如果自己食一碗，份量係飽到頂上心口！太太叫咗一個黑松露雲吞套餐$61除咗黑松露河粉，仲有油菜一碟、豆漿！第一次食黑松露雲吞，冇諗過黑松露和雲吞的配搭如此美味！雲吞非常大隻，一咬落去，除咗飽滿的蝦肉，還有陣陣黑松露香味，非常美味而新穎的配搭，太太超喜歡，大家一定要試吓！油菜加上腩汁，菜心好翠綠而味美👍🏻另外低糖豆漿又香又滑，成個套餐好豐富，價錢也超值！整體而言，餐廳食物非常美味，簡簡單單的粉麵也有驚喜，服務員也細心，值得大家支持的小店，下次會再來幫襯！

$41一碗淨魚蛋，話平唔平，話貴唔係貴，雖然係外賣，一返到屋企，打開個蓋，真係忍唔住嘩嘩聲，嘩…..得3塊薄切魚蛋片 + 3舊魚蛋，魚蛋size 都正常,但果正塊魚片係乜事，薄成咁😳🙄會唔會過份左啲，比番正常size 都唔過份啫，你唔係賣平野，收得呢個价都比番正常野人食，錢比左都無辦法，返到屋企都無得追，如果堂食真係要問吓老細呢三塊魚蛋片切得出黎，刀功都要有番咁上下切開魚生先做到🥶真心真係第一次見到薄切魚蛋片囉幾好味都係假，唔會再幫襯，自己倒自己米！

今日係小長假的最後一天，約左同學去花墟買鬱金香，見到尼間鋪頭門口好復古，吸引左我目光。入面貼左好多舊時香港的街景相，彷彿帶我回到過去的時光。熱豆漿濃郁香醇的豆香味開啟了今天的味蕾，「不太甜」係對佢最恰到好處的最高評價。牛筋麵轉菜底牛筋軟糯入味，Q彈的口感很有驚喜，生菜浸泡在牛腩湯汁內，既有蔬菜的爽脆口感，又充滿牛脂的濃香，喝一啖湯頭，更過癮。黑松露鮮蝦雲吞淨食大地魚鮮香的湯底從來都令人無法拒絕，金光色的湯頭上慢悠悠地飄浮著嫩黃色的韭黃，輕輕咬開雲吞薄得透光的皮，黑松露的濃香瞬間蔓延開來，伴隨著爽口鮮甜的鮮蝦游進口腔，紮實的餡料，滿足了飢腸轆轆的食肉獸。滿足的午餐，令人飽腹之餘，心情也隨之變得愉快，再一頭扎入花海，這大抵上就是假日該有的味道吧！

午饭时间比较匆忙，附近食肆亦已经坐满人，所以到这间麵档吃碗米粉作午餐。餐牌选择不多，只有单併或双併套餐，其他是散餐。大部分食评都话这店的馄饨好好吃，于是点了一个云吞鯪鱼球米粉双併套餐。这个套餐真的是很简单，三粒云吞、三粒鲮鱼球、四条芥兰。云吞没有什么特别，都是鲜虾猪肉絞碎做出来，口感似食烧卖，鲮鱼头真的好有弹性，有橡胶质感。四条芥兰超小普通。米粉也太普通。套餐奶茶水準要多多改善，不达标。整体上，套餐改善地方太多，加上性價比太低了，不值60蚊以上咯！

咁啱今日係太子放晏晝，一個人又想食個簡單嘅午餐，咁啱就行過呢間餐廳，見到佢個名叫雲吞仔都對入邊嘅雲吞有啲期待餐牌入邊真係有好多唔同種類嘅雲吞，除咗雲吞之外，仲可以有粉面食叫咗個套餐，飲品點左熱奶茶，佢哋嘅熱奶茶都唔錯，追得上茶餐廳因為自己唔係咁鍾意食菜，所以點左紫菜湯佢嘅紫菜湯熱辣辣，非常好味雲吞方面叫咗個黑松露鮮蝦雲吞加河粉睇佢個樣平平無奇，原來咬落口真係勁好味，非常大浸黑松露嘅味道，再加埋蝦嘅味道真係一流咁樣計套餐，加埋只需要$61 ，鍾意雲吞嘅朋友都可以過嚟試吓

約咗朋友行街街，早咗到又有啲餓，經過花墟附近見呢間雲吞麵舖幾多好評就打算試下，一般黎講雲吞麵舖我好少打食評，乜嘢驅使我打一打？就係佢好特別嘅黑松露雲吞真心好正平時喺屋企我都會喺超級市場買一啲大牌子嘅黑松露雲吞，估唔到有雲吞麵舖做呢款，仲有得連埋套餐，佢哋既套餐有油菜或紫菜湯或魚皮揀，正所謂小朋友才做選擇，我梗係兩樣都要 (有紫菜湯之餘，點多咗一個油菜) 再跟餐要埋杯豆漿講返個黑松露雲吞先，果然新鮮製作就係零舍唔同，除咗豬肉嘅香味同埋蝦肉嘅爽彈之外，仲有濃濃嘅黑松露味，可以話將個雲吞嘅鮮味提升到另外一種層次，仲數到每粒雲吞有成3粒蝦大大粒，幾乎完全冇肥豬肉。另外麵質方面亦都絕對唔求其，都幾爽口之餘仲冇鹼水味，湯底都合格有餘，食得出冇乜落味精，同埋有淡淡的大地魚香味油菜煮得啱啱好，唔會過老亦都冇草青味。紫菜湯都不過不失，清清地幾好。低糖豆漿唔會太甜，睇得出係新鮮製作。呢間舖頭算係水準之作，估唔到呢一度會有臥虎藏龍嘅舖頭，好過好多老字號雲吞麵店又貴又少份量，呢度有得揀套餐較抵食，仲特別想提佢哋可以揀菜底，岩哂各位正在進行低醣/減肥既女士們，下次會再試埋佢另外招牌牛腩，牛筋等等，十分推薦各位黎

小店有驚喜，經過花園街一間雲吞麵店，見到新開未試過就試一試，初試試左雲吞牛丸麵，我加左紫菜湯，雲吞有驚喜，唔係好多肥肉果d, 蝦都算大粒，皮薄，好食，牛丸無特別，唔難食

在開飯食評上看到其他人推介這雲吞麵店。作為雲吞愛好者立馬bookmark 此店。有天經過太子未吃午餐就和家人去朝聖一下。店員有禮貌交代可用QR code下單。我想試雲吞麵就叫了套餐包括菜及豆漿一杯。不消5分鐘雲吞麵就上桌,味道可以但不驚喜。麵條也不算彈牙但辣椒油是可以的！油菜選了芥蘭被麵水煮熟後很淋失去了爽脆感覺也只有小小數條有點不滿足。 豆漿就正常發揮。 可能是我期望過高,個人感覺普通而已。

逛完花墟在附近找餐廳吃晚飯，經過花園街發現兩邊有很多食肆，就吃粉麵的店鋪也有三至四間，路過一間叫雲吞仔的小店，被佢門面的店名和設計吸引，於是入去幫襯下。餐廳環境乾淨企理，店舖裝修非常特別，牆上面都掛上了香港今、昔對比的照片，非常有特色。食物配料選擇多，餐牌有單拼、雙拼、黑松套餐揀，而包羅萬有加錢可配飲品，亦都可以單叫。我叫咗個黑松套餐$61，有黑松雲吞、魚皮、凍豆漿黑松雲吞標榜「零脂肪、零膽固醇、零味精」點可以唔試下。雲吞大大粒，咬開一半見到放咗好多黑松露醬，所以味好出，鮮蝦肥美鮮嫩，豬肉不肥，魚皮香脆唔淋。油菜加腩汁$16油菜雖然細細碟但係煮得好淋，配上腩汁好味。包羅萬有$63加$7配忌廉共有12款餸加麵底，基本上除了紫菜外，其餘都是自家製作的。當中包括雲吞、牛腩、牛筋、牛丸、牛筋丸、墨魚丸、魚片頭、魚蛋、魚皮餃、豬肉丸、貢丸、鯪魚球。當中牛腩和牛筋相當軟淋，入口即化，很入味，而麵份量多。

今日夜晚收咗工經開旺角太子呢一堂時間都唔早了，就食埋晚餐先返去吧，經過呢間雲吞仔嘅粉麵，決定一試。門口非常光線，所以都唔難搵除咗平時就咁叫粉面之外，佢都有各種粉面套餐，包埋嘢飲都算幾抵。另外亦都有包羅萬有套餐，啱晒選擇困難症嘅朋友既然叫雲吞仔，當然係要試吓啲雲吞，叫咗雲吞牛筋河粉，牛筋非常之淋滑，好入味，雲吞亦都飽滿大粒幾靚仔，食落去有大大隻蝦同埋濃厚嘅大地魚香味，配埋少少嘅豬肉呢粒雲吞果然配得起佢雲吞仔嘅招牌✅✅由於我叫咗套餐，所以會跟埋油菜同埋凍檸茶，油菜叫咗芥蘭，雖然簡簡單單一碟水煮嘅菜，但係都處理得好仔細，葉同埋莖嘅煮食時間係分開，而且兩邊都係啱啱好，所以越簡單嘅嘢就越顯得出師傅嘅心機✅最尾先睇到，原來佢有新出嘅黑松露雲吞，一開始眼大睇過龍😂下次會試埋佢呢個出品🤠

夜晚約咗朋友喺酒吧街嗰度飲嘢，飲酒之前都要食啲嘢打個底。附近有好多餐廳，不過都決定食碗粉麵墊下個肚～寧願喺街尾都見到雲吞仔大大隻字嘅招牌，啱曬！有啲單雙三拼既套餐，有油菜配埋飲品見到門口大大塊寫住招牌雲吞麵，真係好吸引😳餐廳嘅裝修好特別，牆上面都係用昔日香港嘅舊照片嚟做燈箱揀咗個牛筋丸拼招牌雲吞雙拼套餐，豆漿仲可以揀凍或者暖，唔錯唔錯冬天食菜心就最啱，真係好甜；豆漿冇豆腥味，唔會死甜、粉麵店豆漿嚟講呢個好好飲唔記得叫多青，點知嚟到見到都有一大羹青😻雲吞同牛筋丸各有三粒，而且都好大粒，加上個擺盤幾好睇🤪幼麵冇鹼水味，而且好腍滑爽口招牌雲吞果然係招牌，皮薄餡靚，入面包咗兩三隻蝦，豬肉都好爽口，點埋辣椒醬味道一流🤩牛筋丸非常之彈牙，而且見到入邊有一粒粒牛筋，雖然未去到爆汁彈但好Juicy！而且都還有牛味，仲有生料可以買返去仲諗住食少少，點知原來份量都好多🤣今日墨魚丸賣曬下次要再嚟試過！

今日行咗去花墟買花，路過一間叫雲吞仔的小店，見佢門面企理光猛，即刻入去幫襯吓先！餐牌有單拼、雙拼、包羅萬有套餐揀，亦都可以單叫！我叫左個雙拼套餐$63，有鯪魚球牛腩河丶油菜一碟丶凍檸茶（+ $ 3）食物未上台之前，才留意到店舖裝修非常特別，牆上面都掛上了香港今、昔對比的照片，見到有尖沙咀鐘樓、海旁等等，非常有香港情懷！5分鐘之後食物上枱啦，好大碗的河粉，濃濃牛腩湯汁味道，牛腩少少偏瘦連少少筋，係我最喜歡的口感！牛腩炆得好淋、好入味，牛味濃，每一口連埋湯汁食，非常美味！仲有大大粒鯪魚球，好爽滑、好彈牙，每粒鯪魚球都有滿滿的蔥花粒，又係我最愛😍😍😍，這一餐非常滿足，值得推介🥰另外，我亦都留意到，這間小店非常有善心，佢哋會為有需要人士派發雲吞麵一碗，充滿人情味！整體而言，餐廳食物非常之好，員工態度友善又親切，價錢親民，而且為善最樂，所以如此好的小店，非常值得推介，大讚

餐廳嘅裝修完全唔似其他傳統嘅雲吞麵舖。出面好乾淨，好光猛，同埋都有好多香港圖片做牆上邊嘅裝飾。一入到去間餐廳就已經聞到好濃郁嘅蝦湯味。黑松露鮮蝦雲吞麵$61可以揀好多種唔同嘅麵，如果想減肥嘅朋友都可以揀菜底或淨食。用手機落單，最驚訝嘅就係佢有好多其他要求揀。又可以多腩汁啦、麵淋啲、或者啲麵硬啲等等。因為呢一個係一個餐，所以又可以揀埋菜、魚皮或者紫菜湯。個麵好豐富，足足有五隻黑松露鮮蝦雲吞。一隻個size同一隻湯羹一樣大。佢哋應該係自己包啲雲吞，見到舊舊都好足料。咬落去又有蝦嘅鮮味同埋黑松露嘅香味。五個雲吞咁多，真係可以滿足到想食黑松露嘅慾望。個菜揀咗多腩汁，所以真係見到有好多腩汁浸住啲菜一齊食。又叫咗杯暖豆漿。

喺Openrice 見到呢間雲吞仔好多好評，一於去試吓。店外有Q版雲吞公仔，收銀處有大大隻嘅招財貓，而店舖內的佈置係尖沙咀、維多利亞港景色的古與今，好有特色。我order左包羅萬有，即係樣樣都有（雲吞、牛腩、牛筋、牛筋丸、墨魚丸、貢丸、豬肉丸、鯪魚球、魚皮鮫、魚蛋、魚片、紫菜）可以每樣都試吓，再加杯熱豆漿。分量十足的大碗麵，咁多餸中，我最鍾意大大粒雲吞、彈牙墨魚丸和魚蛋、牛腩牛筋爽口軟腍、紫菜爽脆，我就鍾意浸林食，粗麵口感嚼勁紮實，湯底有香濃腩汁，真係忍唔住飲多幾啖 ，配埋杯豆味香濃的豆漿，真係冇得頂！我一邊食，一邊睇姨姨包雲吞，真係自家製，即包即食，好新鮮👍🏻，不止老闆為善最樂，店員好親切，有啲熟客到店食嘢，都會傾幾句。