雲南啊老表黑山羊湯鍋米綫 (觀塘工業中心) (已搬遷) 新店位置

今日天氣降至12-13度，很想吃熱騰騰的食物暖，係時候吃羊肉了，到了觀塘觀塘道工業中心一期地舖，一間雲南食店，店名叫「雲南啊老表黑羊湯鍋米綫」，好長既名...😂一入座感到環境親切，很有中國傳統格局，又看到食物宣傳「少數苗族風味」文字，好像回到少數民族的家中肚餓了！我急不及待點了碗黑山羊米綫(無皮)細碗装，但竟然大大碗，份量十足，只需47元，好抵！若細食D可以兩個人share一碗也得，價錢實惠！羊肉很淋很香羊肉味,但無酥味。米綫彈牙，濃濃豬骨湯底，真的很有地道滋味🍜另外，我們又點了牛腩米綫，都係細碗装，—樣大大碗，牛腩好腍好香牛腩味，再加些麻辣辣椒油，雲南風味十足🍲接著又點了小食(美味口水雞)🐥，只需28元，啖啖麻辣雞肉味，又滑又有鮮雞味，份量十足。至於涼拌木耳， 好香麻辣味，又滑又大塊 ，只需20蚊，總之呢度食 碟碟大大份，全家人一齊去食都幾實際， 之後仲可以去行apm添。

天氣漸漸變涼，經常手脚冰冷的我，常常被媽媽叮囑要多吃羊肉等溫補的食物。但在香港，不是每個街市都有得賣，況且又懶得煮。途經觀塘工業大厦，見到在黑羊湯米綫，馬上進去吃羊補身。小小的店舖裝修得很簡單。由於是午飯時間，要等了一會兒才有位。坐下叫了一碗小的羊湯米綫和一客口水雞。食物來得很快，米綫一送上桌上，羊肉獨特的香味扑鼻而來。先喝一口羊湯，又熱又鮮甜。再吃一片羊肉，羊肉切得很薄，滑滑的一片，很好吃。很香，但沒有羶味。雖然是小碗米綫，但份量一點也不少。女孩子吃，絕對够飽。口水雞的賣相也不俗，ㄧ層紅色的辣椒油鋪在黃澄澄的雞上。試了一口，麻辣味十足，令人越吃越上癮。吃完一碟後，两片嘴唇變成深紅色，不用涂唇膏了，而額頭也不停流汗。過癮極了!

觀塘食午餐呢一個真係一個好去處，因為呢度超多人介紹！羊肉米線 食落唔會太大陣羊味，而且食落好似牛腩既口感，而且羊肉比超多🤤面既份量又阿大，唔會擔心食唔飽雞肉米線 唔會太油，雞又唔會太老，食落幾好食，由其係個湯底，唔邁唔知係將本身個湯加埋雞既油混合整出黎，平時雞汁送飯已經好正，雞湯食面你又試過未呢？美味口水雞 口水雞一定要試 同出面既做法勁唔同，超好味，最重要係口感同味道，而且唔會辣之餘，個d口都幾正好香，同埋唔會太油避風塘麻辣雞翼 你既不二之選，食落好有雞味同埋d醬料整的好好食，醃到d雞翼超好食，總之正丫😆😆😆

晚飯時候去的，叫左份小碗清湯羊肉米線，結果上黎發現個碗足足比我塊面仲大。同行的兩個frd叫左大碗，根本食唔曬。湯底夠清，羊肉冇臊味。咁凍的天氣，食完真係好暖身。涼菜叫左涼拌木耳，涼拌豬耳同口水雞，三樣都唔錯。

今日同朋友去觀塘買完野見仲有少少時間先夠鐘睇戲，所以打算揾啲嘢食醫下肚。朋友想試下呢間嘅雲南米線，於是我地就入左去覓食。餐廳入面環境是正，入到去坐底見周圍啲人嘅麵都勁大碗，餐牌選擇貴精不貴多，樣樣都好有特色。我自己叫左雞肉豬骨湯鍋米線，見隔離枱碗碗都咁大份糧，所以就叫左細碗。豬骨湯底好濃郁，成碗入面唔止米線多，連雞肉都有好多，雞肉好嫩滑好新鮮。同朋友叫左避風塘麻辣雞翼share，雞翼煎到香脆，整到好入味，食落麻麻地有少少辣，野味香口。食完真係勁飽又滿足！

近日天氣轉涼，昨晚發夢食到羊，好，今日一於夢境成真，晚上時分，人來人往，排隊的等太耐，在觀塘周圍行都好似冇咩選擇，終於行到去觀塘工業中心比較小人0既地方，突然嗅到羊味，奇怪在就係條街上嗅到，可以原住條味行，要搵0既時間都慳番，慳水又慳力，咁依間叫雲南啊老表黑羊湯鍋米缐、先講服務，一入門口，見冇咩人招呼，唔緊要，通常好味個0的係比較有性格，嘩，不得了，坐冇虛席，好在都有位，都係見位就坐，簡單快捷。Menu 可以唔使點睇，都係睇下咩價錢為主，因為個店名話左俾你知係食羊都主。男如果好肚餓，可以食完唔使點樣諗宵夜。女如果食完仲要食，可以食多碗。一叫即到，快過打邊爐，份糧足料，價錢優惠，伴菜叫左口水雞及豬👂。小心，口水雞0的味會令人流口水。羊肉配上湯，一試可再試，口感係鮮，一匙湯，一口羊肉，肉感似食剌身，感覺入口即溶，要一試再試先食得真0的味。豬耳真係好好0既伴菜，爽chew彈辣總括來說，依餐係值食之選、埋單200都唔洗，可以就非常抵食，食物質素有保證。

又開始凍凍地，開行觀塘搜尋下有咩食除左羊腩煲外仲有羊既米線，嘩嘩嘩！緊係試下先啦一入到去坐底緊係睇下餐牌食乜好，望望周圍牆壁仲有D菜式貼係度供客人選擇好！就叫左一碗細既有皮既羊肉米線 ，一個麻辣豬耳 ，一杯凍檸茶 試下先😎米線一黎已經聞到好有羊既香味，有皮既羊肉有咬口有唔會太肥，米線份量都好夠，d湯底👍🏻👍🏻值得飲下，一碗細既羊肉米線份量已經好飽 ，天氣凍凍地真係要食下羊肉暖下身試下個麻辣豬耳 唔係好辣 啱哂食唔到好辣既朋友試食下呢餐已經好滿足暖身及補身👏🏻

琴日去咗觀塘接朋友收工，佢話有特別野介紹我去食，佢知道我鍾意食羊肉，所以佢就帶我嚟呢一間專食羊肉米線嘅餐廳度食飯，呢一間餐廳雖然裝修比較簡陋但係絕對唔可以睇小呢一間餐廳嘅食物質素！我個朋友話呢到既雲南米線，同雲南當地既米線沒差😝 因為我朋友之前去過雲南旅行，所以佢咁講我無懷疑過呀！加上佢係雲南米線既愛口者，食米線多過食飯LOL一係愛羊之人再加一個愛米線之人，難怪佢咁興奮帶我黎呢間羊肉米線餐廳到食晚餐!呢到既menu一目了然，只有幾款，大部分都離不開羊肉、羊肉同羊肉，不過我驟眼見到可以轉做牛肉，所以如果你係頂唔到羊肉個陣味道，或者唔鐘意食羊肉的話，你亦都可能簡牛肉的! 同埋佢主要兩個價錢可簡 一大一小, 大的五十幾蚊，小的四十幾蚊，但係我覺得如果你唔係全日無食野，基本上食小的已經可以飽到上心口，同埋我覺得如果你係好肚餓既話，我都唔太建議你簡大的，因為佢地既小食都好多元化，例如 麻辣雞翼、手拍青瓜等等!!今次我靜係簡左羊肉米線啦!! 之後仲簡左麻辣雞翼同手拍青瓜! 首先講下個羊肉米線，佢個湯底真心好重羊肉味，好濃郁，如果真係好鐘意食羊的話，一定會好想將成碗湯飲掉了! 再講羊肉，羊肉都幾嫩，

天氣冷左幾度，食羊就暖身。諗左好耐要有皮定淨瘦，又想好食羊味重，又想健康淨肉。每人一碗米線，小食可以share，再一杯野飲。胃暖，人又暖。先食美味口水雞 28元，以為好多辣油嚇死！但食落香麻而不辣，雞肉都好多。雞肉嫩身帶入味，開心！同平時一大辣醬既口水雞不同呀。涼拌木耳 20蚊份量大，微辣帶蒜味。木耳好爽口，仲有少少酸，好開胃。黑羊肉帶皮大碗及小碗，大係57元小係45元。大真係大到，我覺得兩個女仔食都得！羊肉量都多過小，好正。米線沾滿羊肉少蘇味，雖有蔥花，但一d都無cover羊肉味。你會覺得好重羊蘇味，但食落唔會，岩岩好。黑羊肉皮係唔會食到一口肥，欣賞！熱檸水常飲，熱茶蜜第一次聽係茶加峰蜜。有茶乾乾地再配蜂蜜暖身。今餐好補，今個冬天不會冷！以地理嚟講，環境ok，衛生好。

今日去咗一間專食羊肉米線嘅餐廳度食唔餐，因為平時成日都食西餐，例如意粉牛扒個一類，所以就開始鍾意返一啲雲南米線或者中式嘅餐廳。你一間餐廳裝修非常簡陋，有啲似大陸嘅人細小館，我大概1:00去到，差唔多有八至九成滿咗，我同朋友兩個人好快就安排去坐卡位，餐牌上唔係話有好多野選擇 ，定係佢係每個人都係為咗食佢哋嘅羊肉，羊肉米線有分帶皮或者淨瘦 同埋大碗同細碗，大碗＄57 ,細碗＄45，如果係女仔或者唔係話太大食嘅話，我都建議揀洗碗已經OK ,大碗size大概係好似譚仔嘅過橋米線套餐咁大碗如果係女仔可以揀大碗share。羊肉份量都幾多，而一片片嘅形式呈現比所有嘅客人，大概一個細size有10片羊肉左右，食落去羊肉都幾亂畫，湯底非常之濃郁，羊尾特濃！😳之後仲加左幾蚊飲熱檸蜜，嘢飲就冇乜大特別。

前嗰排成日食西餐或日本嘢食， 有少少掛住啲米線，唔想食親米線都係乜哥乜仔， 我要推介呢一間平靚正大大碗嘅餐廳。呢間主打食羊嘅，店名好長，叫 雲南阿老表黑羊湯鍋米綫，佢有分店架，我今晚食嘅係觀塘油站旁呢間。入到去，覺得好似返左屋企， 裝修簡約，有電視，感覺輕鬆自然，要了碗羊肉細碗，但一啲都吾細碗，勁大碗丫，我原本吾知，又見佢加底只係加2蚊，真係平到邊度搵，所以仲加左底，上碟勁大碗丫真係，係平時乜仔嘅大碗個隻，好似仲要大碗，真不知道嗌大碗會有幾大碗呢…講返味道，好有媽媽嘅感覺，羊味好濃，羊肉肥瘦適中，份量好多，多到覺得佢點解可以只賣45元， 我覺得分量多個平時食羊腩煲嘅羊肉 ，佢會帶皮嘅，爽口嫩骨，湯飲落去冇半點味精，好食， 真材實料。食完暖粒粒岩晒呢個天氣食。朋友點了 豬骨湯鍋米線選豬手細碗，37元， 豬手應該係烹調過嘅，味道出，煎香過吧，湯底豬骨味濃，都係冇味精嘅感覺，舒服好食。再要了口水雞，雞滑份量多，兩人share嚟食，辣辣地正丫。我覺得佢又平又好食又真材實料，呢d咁有人情味，不是大集團嘅，我地應該要加倍支持，咁好食嘅野，要努力做下去啊，真心係好食，值得推介。

冬天轉涼食咩好？羊肉羊肉羊肉🐐🐏🐑食完暖笠笠🤤 今朝去左觀塘做野，做完都一點，趕住番公司開會就諗住快食個米線，搵到呢間雲南丫老表黑羊湯鍋米線，仲要勁近地鐵只需兩分鐘路程，就行左去試下！佢門面唔係好靚個d，有好多佢個張有少少老套既key visual🤣瘋狂贊揚食羊有幾好😂一點去係full house的，不過一個人好易搵位，即刻有得入😍呢到choice唔多，大多數人都係食羊，有細同大碗分，女仔叫細碗就好了🤗湯底有好清香既羊肉味，一d都唔油膩，包無味精🤞🏻細碗其實都好大碗，勁多羊肉，性價比高羊肉煮到好林，一d都唔韌，有好清香既羊騷味😍😍😍 羊肉可以選擇肥(連皮)或瘦，落單唔特別講就會mix，就算揀瘦都唔使擔心會韌，舊舊都好林中意食羊肉既朋友一定唔可以錯過要去試下喔😍😍😍 上菜好快，落左order 兩分鐘就到了，岩曬長期趕時間既香港人🤣🤣

好難得發現香港有羊肉麵食，而且香港極少羊肉麵，一心懷住希望試下，點知覺得好一般。而且豬耳又切得太厚，唔入味，好似只係淋左d辣油就算。分最絕對夠，因為唔太好味，所以餘下好多。而且環境都好油淋淋，唔會再試啦。

先講講呢間米線店既特色，羊肉超好食，而且細碗米線勁大份，出乎意料。羊肉米線 羊無酥味 而且羊肉每塊都唔會少，而且只係睇d面同餸都知有幾大😂，個份量唔講，細碗都已經係二人份量，而且米線好有咬口，而且個湯配埋羊肉既精華，簡直係一流。雞肉米線 不但保留了雞既味道，而且個湯加埋雞件既配搭，連埋雞油同湯既混合，兩者都好完美。我會形容為譚仔米線既進階版美味口水雞 大大份，而且d雞好滑，加上四川麻辣，好開胃。加埋d雞無咩碎骨。避風塘麻辣雞翼 好食而又不油膩，而且會有一種香麻既味道。如果個雞翼係炸既話，實勁好食。(灬ºωº灬)♡

今日同老公去觀塘行街街，經過呢間雲南啊老表黑山羊湯鍋米線，係門口已經聞到好香嘅氣味，所以走入去食。我們叫咗羊肉湯鍋米線我選了有皮，牛腩湯鍋米線，口水雞和避風塘麻辣雞翼，仲有凍檸樂和凍檸七。先講羊肉湯鍋米線啲羊肉好多，好有羊穌味，米線都好多好彈牙，份量好足，湯底好鮮甜。牛腩湯鍋米線，啲牛腩勁林，入口即溶，真係勁正，我加咗酸菜，酸酸辣辣食咗好開胃，牛腩嘅湯底比羊肉湯底更濃味。口水雞又麻又辣，好刺激。避風塘麻辣雞翼都係好好食，同埋20元有5隻雞翼勁抵食。佢係係工業大廈開，所有好大地方，坐得都幾舒服，都好多人食，坐到爆曬。