雲南啊老表黑山羊湯鍋米綫 (觀塘工業中心) (已搬遷) 新店位置

今日兩點鐘黎到，店內依然人流不絕。餐廳環境都幾闊偌，坐得都幾舒服。不過門面有啲難認，所以都揾左一陣先搵到。我平時甚少食羊，好怕個陣羶味。但我唯獨鐘情呢度既羊肉，羊羶味濃郁得黎又容易入口，相信平時唔食羊既人都會接受到👍🏻羊肉酸辣米線之前都食過清湯，對於我黎講略嫌太清淡，所以今次就試試酸辣湯底拼羊肉，雖然已經嗌左細碗，但食過既人都知呢度既細碗份量不容小覷，所以我特別叮囑店員只要半份米線，廢事食唔曬🙅🏻‍♀️酸辣湯底其實幾乎唔辣，但比清湯味道層次更豐富，而且每一口都充滿羊羶味，令人回味無窮。羊肉有得選擇有皮/無皮，偏瘦/偏肥。我落單既時侯無特別要求，佢就比左無皮同偏瘦既羊肉我，口感軟稔，幾好食，下次想試下食偏肥既羊，貪佢羊羶味道更濃～清湯豬肉米線湯底清清地，帶點蔬菜既香。羊肉同豬肉都唔錯～口水雞雞肉嫩滑，份量都多，但真係好辣！份量多，4人一齊分享冇問題！叫左凍同熱既蜂蜜各一杯，微甜解辣，非常正！

食米線嘅舖頭隨處可見，但以羊肉作主打嘅就冇見過，咁啱今日行經觀塘見到大大個招牌寫住黑山羊湯鍋米綫，就同朋友入去試吓。我地點咗一碗細羊肉米綫和一碗牛腩米綫，雖說是細但個碗比我塊面還要大，真誇張！平時出街食嘢唔會飲啲湯，今日見佢個湯好淸便試飲一啖，清甜得呢有啲肉香，又食唔出佢用咩做材料，呢d可能就係秘方啦。不知不覺飲完一啖又一啖！肉質偏廋，軟滑有肉味得來唔羶。米綫都煮得軟硬適中。食完呢碗嘢已經好飽叫咗兩個小食， 口水雞翼 和韭菜餃子， 兩個小食都好大碟， 韮菜餃 皮薄 咸多， 食落啖啖韭菜味 超正👍 口水雞我嫌唔夠辣可以再辣啲就正喇！

間餐廳個名其實幾搞笑，雖然知道冇關係但諗起某套電視劇有菜脯任食唔嬲！豬肉米線(細碗)　$36雖然佢主打食羊，但試左其他，食唔到羊同牛既你唔緊要，店裡面仲有其他選擇，豬肉同雞肉都有，一定有款岩你。豬肉份量適中，唔係瘦肉而係五花肉，帶肥膏，湯底係豬骨湯，清甜，同出面食既唔同。米線幼滑易入口蒜泥白肉　$30分開左蒜泥，中意一塊白肉配幾多蒜泥就自己控制，每塊都帶肥膏。涼拌鳳爪　$18呢個就比較辣，幾入味(跟餐)凍檸茶　$7

幾年前黎食過一次，果時店舖仲係位於觀塘廣場，之後間店唔見左！以為結束營業，原來係搬左舖，其實都搬左好耐，一直冇留意到，店舖比之前大左不少羊肉酸辣細碗　　$45對上一次黎食都係專登為左食羊肉先黎，上次就揀左清湯同有皮羊肉，今次就揀酸辣湯底，不過唔記得左要求有皮/淨瘦，於是店員比左淨瘦羊肉。細碗對我黎講都唔算細，湯底帶清甜既羊肉味！完全唔會有羶腥味，而酸辣係另外加左酸菜辣椒落清湯到，所以略為不夠辣，羊肉薄切亦唔韌，好中意個湯底！米線都煮得好好，焾而不爛，容易咀嚼。牛腩湯鍋酸辣米線(細碗)　　$36嚐嚐湯底，能嚐出應該用上了牛骨做湯底，而牛腩頗鬆軟，帶濃郁既牛味～同樣唔差避風塘麻辣雞翼　　$22其實唔辣，偏咸但幾惹味，如果肉質嫰少少就更好凍鴛鴦　　$7(跟餐)呢個真係比較失望，只有甜味，建議如需餐飲，飲罐裝/豆漿星期六既下午茶時分黎食都唔算少人，餐廳都有三分二人，估計星期一至五中午都一定FULL，仲要係工廠區，不過食好野就一家多人架啦

最近天氣真係好焗,, 個天又落唔到雨整到成個人都唔想食飯, 淨係想食有湯的野約左官塘區的朋友行開工業區見到有間係食羊肉米線..又幾特別就入左去食本身我對羊的一般.. 不過外間食得太多小鍋米線..所以今次就叫左羊肉米線試下, 有分細同大碗我眼見細碗已經好夠食~一上台真係覺得細碗都好巨型, 真係大件夾抵食!!!羊肉一點都唔肥, 帶點羊羶味, 紋理好清晰, 好腍再飲啖湯, 湯底好清甜又唔油膩!! 米線質地好細滑, 軟硬適中呢隻麵質同坊間的唔一樣, 一食就愛上避風塘麻辣雞翼呢個小小辣已經好惹味麻辣豬耳比想像中辣同比較酸.. 個辣度係去到喉嚨度呢個有驚喜, 而且份量都好多係官塘區價錢合理, 會再有下次

公司附近食厭左，同同事今日黎左觀塘工業中心一期呢邊覓食~重遇呢間本來係觀廣嘅黑山羊米線，緊要試一試！😎涼拌土豆絲味道酸酸辣辣，土豆絲好爽口，食落好開胃！用黎做前菜一流！羊肉米線（無皮）🐐湯底清甜，羊肉唔會好so，而且肉質幾腍。米線嘅份量超多，啱晒大胃王呀~~牛腩清湯米線🐂先飲啖湯，雖然係清湯，但味道一啲都唔單調，清得黎又帶點葱花香，飲落無味精👍🏻米線亦唔會太腍，牛腩肥瘦亦適中，唔好有好多筋，仲帶吸收晒湯嘅香味添😋口水雞雖然有啲辣，我呢啲唔識得辣嘅人食到出晒汗，但卻又實在食到停唔到口，醬汁唔係死辣，係好香口嘅麻辣🤤而且肉質仲超滑嫩👍🏻估唔到食物質素唔錯，睇黎黎緊lunch hr又多間飯堂選擇喇～

返工最開心嘅時候就係等食飯，食飯最開心嘅時候就係可以同同事傾計，坐埋一台！今日又黎到小組飯局嘅日子，我哋又行遠左少少，同事鍾意食羊，所以大熱天時都去食羊肉米線。由公司出發，大約都要20分鐘，喺觀塘泳池對面。行過鋪頭，唔為意嘅真係會錯過，門面唔係好顯眼。大約1:15嚟到，店舖真係坐無虛席，估唔到咁多人！之前喺佐敦食過佢嘅分店，知道呢度主打係羊，唔食羊嘅都可以食牛，呢兩樣都唔食嘅點算？佢哋當然仲有其他選擇，例如雞絲或者其他丸類；佢哋仲有好多款嘅小食比大家額外單點。因為我唔太好牛又唔鍾意食羊，所以就揀咗個細韭菜水餃清湯米線 $36水餃多到令我哋幾位都好驚訝!一碗細水餃米線都有八隻水餃當然唔係自己包， 睇得出係急凍貨，不過味道都算唔錯，皮唔會特別厚，韭菜同肥豬肉嘅比例大約1:3。米線煮得啱啱好，清湯湯底真係好清，感覺相對健康。想多啲味道，記住落埋佢哋嘅菜脯爽脆麻辣，好開胃！我地幾位同事叫咗2個小食share麻甩口水雞 $30睇落好似好辣，因為辣椒油嘅顏色影響，不過食落其實冇豆角咁辣。雞肉肉質唔算好滑，不過不失，勝在份量大，骨又唔算好多麻辣豆角 $20估唔到呢個豆角比口水雞更加辣！豆角爽脆，以呢

首先佢哋嘅米線真係 真係 真係 好大碗！！！（因為太重要，所以講三次🤣）就算係細碗冇兩個人share，好大機會食唔哂😂所以抵食，絕對適合用嚟形容呢一間米線😗Menu選擇都唔小，基本上d開胃小食都有齊哂🤗嗱，真係做好心理準備先叫大碗🤣🤣細碗既話，麵條係com住d湯㗎，真係多到你唔信😝😝 以呢個價錢同份量嚟講，真係一啲都唔貴😋如果晏食飯既朋友，都可以試下佢哋嘅下午茶，叫任何米線或者粉麵，都會送一杯飲品，抵呀😘雞肉酸辣湯米線雙拼牛肉羊肉酸辣湯米線佢地既湯底，用左中國青島黑草羊煲既湯底，羊味非常之濃郁，上米線前先會加d羊油落碗麵到，所以令到個羊味更突出。雖然叫咗個雞肉酸辣湯米線，但羊味較濃既關係，所以雞味較淡，但雞肉非常之嫩滑。而佢哋見牛羊亦肥瘦適中，味道非常之香濃，所以酸辣味都唔太突出🤗但岩哂d羊羊愛好者😎手拍青瓜， 味道較濃味而且青瓜非常之爽口😋😋避風塘麻辣雞翼，如果叫個飯黎食都幾好味㗎😁

呢間係中學時代同朋友補習前經過觀塘廣場 就會聞到好香羊肉味嘅小店😍 一直好想試 今日終於搵番💕宜家原來搬左過黎工業中心一期呢邊 感覺上地理位置冇以前咁多人會經過但環境比以前衛生整潔🙈 但係入面都仍然唔少舊客仔黎食! 最出名當然係羊肉米線 仲有得揀淨瘦同帶唔帶皮 又可以揀清湯酸辣 大碗定細碗🤤唸緊細碗夠唔夠飽 店員指一指原來細碗已經係平時譚仔份量😂 湯底好清 係屋企完全冇味精嘅感覺 好難得可以係出面用咁清嘅湯底👏至於羊肉係羊脾位置 完全唔肥 肉質鮮嫩 好稔 冇羊羶味😭🤤米線唔會過稔 食落爽彈牙😌呢碗係朋友叫嘅牛腩米線 估唔到湯底一樣清 而牛腩有好濃嘅牛味叫左蒸餃子 一半白菜一半韭菜 皮薄多饀 味道偏清淡 可以沾上醋食😆避風塘雞翼 比較乾身 但幾入味 少辣🙈凍檸茶 夏天當然食碗米線 要凍飲解下喝 一流享受🤤

又去觀塘接朋友收工，近排打邊爐太多，食滯左，晚餐唔想甘heavy ，朋友建議食雲南黑山羊米線🍜雲南羊肉米線，真係未試過。觀塘工業中心一期地下，好易搵到，星期六晚上，都好多人，餐廳座位好多，入到去，店員叫你隨便坐牆上貼滿雲南風味小食，同埋一入去就聞到好香的唔知羊肉定牛肉湯味，但一點都不羶。見到人地食好大碗米線🍜羊牛肉酸辣米線，大碗$48，真係超級大碗，湯底好清，但有辣味，好好飲，很香的羊肉湯，其實好有大陸風味，真係一點都唔羶，我係好怕羊羶味，羊肉好嫩。再叫了碗牛腩湯鍋酸辣米線🍜大碗$48。其實一碗兩個女仔食，完全冇問題😂我地貪大食，牛腩仲好食，全部牛腩都有筋位，小小肥位，好甘香，個湯底👍仲有自制菜莆可以任加，我加了好多，更出味。米線係煙韌彈牙那隻，唔係一夾就斷那隻，我鐘意👍涼伴木耳$20，不過不失，辣得過癮去到邊，我都要食的口水雞$30，味道不差，好食的，雞肉滑，但賣相差左小小，可能星期六忙啦，見店員做到冇停手。食埋杯涷檸檬茶，作結尾。不錯，可以再食，特別風味，羊肉米線🍜出面食唔到。下次想食水餃🥟

觀塘的樓上cafe甚有名氣，我換轉偏偏找所以找工業區的地舖吃。小店門面簡約甚至是有點隨便，下午茶時分卻是人流滿滿。想在香港吃羊原來一點也不容易，羊主要在放題或西餐出現，一般都是燒羊架或保雲酥焗羊架的方式烹煮。中式做法就有羊腩煲，但不合季節吃又太滋補了吧。羊肉米線就可滿足一下吃羊的心癮，又比較平。大碗羊肉米線為洗面盤般的大，除非你胃容量比常人大，一人就不要挑戰啦。羊皮和脂肪是羶味的主要源頭。對於羊肉的羶，人的反應很極端，接受羊味的必然愛偏肥的羊。羊肉可要求有皮無皮，偏肥偏瘦，湯底又可選清湯或酸辣。我的正常肥帶皮羊肉清湯米線肥瘦均勻，湯底沒有太多油浮面。米線比譚仔的略為粗一點，屬較為吸味的米線。米線入口順滑而且米味重，隨著浸湯時間愈久也沒有因此而發脹。羊肉切成較厚的肉片，熬煮至淋滑，不花力氣就可以嚥下。羊肉淨肉的部份不羶，羊皮就怕羶味的人可以走皮走肥。略嫌辣椒油淡口，沒有中式粉麵的蒜香，也沒有一吃醒神的辛辣。檸檬茶也不是香港口味，是我喝不慣嗎？比較接近偏甜的枝裝檸檬茶，檸檬味淡。避風塘麻辣雞翼比較一般。避風塘為濕炒的辣椒乾與蒜頭爆香，油份太多。麻辣程度不高，$22有五隻價錢相宜。滿以為中國

今日難得黎到觀塘，當然要試一下特別餐廳。這間好多人讚的羊肉米線，我同姊妹一於來食！星期六客人都好多，應該都幾出名喔這裡有雲南粉麵，出名是羊肉，也有牛、豬、雞選擇，還有涼拌小食自助調味又取餐具姐姐幫我們落單我叫了大碗羊肉（瘦肉）米線米線好滑又大碗，份量多，唔會硬好易咬；羊肉好多片，一點也無羊羶味，好瘦的羊肉，有口感的厚度，好正好美味最好保保身又愛羊肉的我姊妹要了細碗牛腩米線用白色碗，米線還是一樣好，牛腩唔硬但却比較肥可用支付寶付款，更方便客人

要左大碗羊肉米線，兩個人share。好快就有得食，一上台一睇，個碗的確幾大，米線可能一人分到兩小碗。聽到隔離台熟客話要加底，先知原來可以免費加底。可能我地兩個都大食，其實食完都唔係好飽，但起碼唔餓囉！如果有下次，會加底😂羊肉要左淨瘦，切薄片，份量都算多，有十五片或以上。羊肉可能切薄片既關係，唔重羊騷味，都幾嫩。但就冇咩口感，同米線一齊食，唔知自己食緊羊肉。主角羊肉質素算普通，未太出色。米線幾順口，食完一啖又一啖。屬於幼米線，唔差既，正常貨色。湯底第一啖食算幾清甜，我有surprise左。平時出街食咩麵、米線都好，我都唔會飲湯，今次破例飲左四啖😂可惜湯面浮住好多油脂，怕油膩既我會扣少少分。羊肉、米線同湯一齊食，幾正嫁！餐廳仲有提供辣菜甫，幾脆，辣勁後上，加埋會增加口感，但中意清淡既話就唔洗加啦！我淨係飲左四啖湯，但食完之後，竟然超級口乾，個湯應該落左無數味精。本身仲覺得幾好食，可以再黎，不過味精咁勁我諗試過就算啦！仲叫左韭菜豬肉餃，上到台仲熱辣辣。餃子皮薄、少少煙韌，唔會係粉既感覺，不錯。餡料都ok既，未算太多，但調味唔會over，不過韭菜味唔出。冇湯汁，整體接受到，正常野吧！觀塘哩間依

好耐未得閒寫食評喇，今次呢碗米線真係好好味，要同大家特別介紹下🤗之前睇左comments個個都話值得一試，住係觀塘的我終於有機會可以試喇。揀左平日既9點左右黎試，所以完全係唔洗等位而且仲有好多位。直接叫左一大一細羊肉米線原味，加多碟水餃。一黎到，真係想像唔到點解可以咁大碗，望落啲湯好似好清咁，但一飲，真係好鮮甜好濃郁的味道，啲羊肉有皮同肉，一啲都唔so （其實so味我都食到）幾十蚊食到呢個質素真係好抵，聽聞以前仲要三十幾蚊就有。之後碟羊肉餃子，都很好，不過個人覺得未話好食到叮一聲既感覺，但男朋友就好鐘意食！埋單都係百幾二百蚊就食到飽。下次諗唔到就食呢間無有錯。因為好食所以已經encore左第二次，今次識揀，揀左一碗細既配餃子同口水雞，碟口水雞啲雞肉好嫰滑，不過幾辣男朋友食唔到，咁就唯有我頂硬上食埋佢，但愈辣愈好味😅最後結論，值得一去！

前排同朋友傾計得知，觀塘有間幾有名專食羊肉麵嘅小店！小妹係觀塘返工，有日加班後就同老闆去試試！門口唔起眼，但地鐵站岀口行幾分鐘就到！一入去，就聞到陣陣嘅羊蘇味。愛羊肉嘅我聞到就流曬口水。裝修有云南嘅感覺。牆上貼滿運量風景照。眼見大多人都點同一樣嘅食物，就係佢地嘅招牌，羊肉米線！有大同細之分。羊肉可以揀瘦肉或者連皮羊肉。我地都揀左連皮羊肉！等左十分鐘左右，其中一碗麵就到左！開頭，我重以為呢碗係大碗，點知，下一碗更大！所以女孩子點小碗就足夠！湯頭好清，不是濃湯。米線十分有驚喜！米線好滑，似乎係加上羊肉的羊油，令到米線更香滑。羊肉是切成一條條，皮連瘦肉，口感不錯！以四十幾蚊嘅價錢，性價比係不錯，住附近又愛羊肉的街坊們可以一試！