雲南啊老表黑山羊湯鍋米綫 (觀塘工業中心) (已搬遷) 新店位置

觀塘米線又一好選擇！依間就係喺馬路邊唔係好起眼嘅雲南羊肉米線舖頭！好有驚喜！主打雲南風味米線，同我之前去雲南食嘅味道湯底一模一樣咁制，同埋佢有分兩個size，大碗同細碗，今次Order左碗細嘅，唔好以為細碗就係好少，份量其實係超多，食到尾基本上都食唔晒！米線爽滑！羊肉又多又唔騷！酸辣湯底夠嘢味！絕對可以番check！！！！！另外叫左小食，口水雞同木耳，口水雞夠麻香，雞肉夠嫩滑！木耳夠清新，又爽口！如果想食到正宗雲南風味米線，咁就一定要來觀塘一間啦！

平時係觀塘返工，周圍都好多選擇，今次同同事去試下離公司遠啲既雲南啊老表黑羊湯鍋米線呢間野果然出名，十二點半已經坐滿曬人米線主要有幾款，我同個同事一人嗌左個米線。我嗌左碗牛腩湯米線($45)，朋友就食羊肉米線($45)我地都唔算大食，所以叫左細碗！等左一陣，兩碗米線就已經送到。牛腩湯米線都幾入味，份量俾想像中多。朋友個羊肉都幾好食，羊味還可以我地仲叫左個美味口水雞小食($28)share係觀塘返工既朋友lunch不坊黎試下！

平時在觀塘區上班, LUNCH也可不便宜.. 但是這家蒙古黑山羊米線就非常經濟實惠, 用了$45蚊 + 細碗再加底$2, 羊肉和米線的份量很多, 羊肉味也很香, 很嫰, 上湯米線湯底也嘗到羊肉味, 米線就略腍身了一些, 但是以$45的兩人份量, 真的很不錯了, 結果兩個女生也吃不完.提提大家: 這家餐牌的款式和價格是全天供應的, 下午2時以後去會比較少人^^The Yunnan-style lamp mixian just priced at $45 (add $2 for more noodles)!! Enough for two .

今日去左搬舖後的表哥黑羊米綫食午餐，睇下佢水準有冇下降先。。。。佢地餐牌多左好多選擇，今次揀左兩個湯底，一個係酸辣，另一個係清湯。關於湯底：個酸辣湯底呢。。。本來羊肉湯底係非常清甜，由於酸菜味道介乎於酸菜同雪菜的味道，不至於太搶，所以就算揀左酸辣湯底仍然會飲到湯的鮮味。羊肉當然唔駛講，仍然保持水準。羊味非常足，煮的時間剛剛好，食完唔會有痴牙的感覺，最重要係唔羶。每張枱上面都有一樽辣油，可以先試湯底再落辣油，落左辣油之後好似飲左另一個湯底咁～湯底會再鮮左。值得一試！另外仲叫左兩個小食，卤海帶同埋迷你青瓜海帶夠凍，不過卤味就比較清，如果鐘意食海帶都不失為一個選擇。迷你青瓜,不算迷你，賣相一般，本來預計喺米線舖入面食通常都會係好爽口，咬落每啖都係＂索索＂聲，但係呢個同預期都幾大出入，入口亦都偏稔。完全無爽口的感覺。

以前未搬之前成日過嚟食午餐，嗰陣仲記得係觀塘廣場入邊朋友都話呢間羊好出色，唔會太酥啱香港人口味，但又食到佢特色嘅風味。呢度冇套餐不過如果叫碗麵嘅話嘢飲可以半價，我就揀咗佢嘅蜂蜜，好少餐廳有蜂蜜所以我都覺得幾唔錯。叫咗個細碗但係已經覺得好大碗對於我係女仔黎講，但係食落又唔覺得好油膩，同埋太飽。所以份量啱啱好我仲落咗啲辣椒油，我覺得辣椒同埋羊肉係超級襯托。呢度羊肉嘅份量都幾多，而且非常之嫩口，放入口啱啱好。另外配埋啲蔥花同埋辣椒油， 真係食完返尋味。朋友建議我叫呢度嘅口水雞因為話佢好大碟又抵食，果然冇講錯呢度嘅口水雞啲肉好，骨頭就唔係好多。夠晒抵食，口水雞唔算非常之嫩，但係好有口感同埋雞味，另外佢嘅辣醬唔係出邊紅色嗰啲，食落口亦都唔會覺得好油膩。可以睇到佢嘅份量幾多而且啲肉仲要好大件，一個小食加套餐連埋嘢飲＄100有找，係觀塘食午餐同晚餐都係好嘅選擇。

牛羊雙併米缐凊湯味跟坊間味精湯完全不同，濃郁羊肉之餘不"確"喉，那怕湯面有一層薄薄的油也無損清甜的鮮味，令從不喝麵湯的我也忍不住一匙接一匙把半碗湯喝掉。牛腩燜得極淋，不肥得來亦不韌，根腩相連的最好吃，相比之下羊肉更勝一籌，麵線彈口夠熱，配上羊牛一起，滋味非常。避風堂麻辣雞翼麻味比辣味重，過癮之餘不用飲料止辣，皮脆肉嫩，值得一試！自家製豆漿由於米線湯底太美味，不經意差不多全喝掉，豆漿只品嚐了幾口，喜歡它香濃豆味同時不甜。總結看似平凡，實則驚喜！

呢間米線真係食極都唔厭，已經食過無數咁多次，一個月都起碼要食幾次先安樂，可能其中一個原因係我好鐘意食羊啦羊肉米線分大碗細碗，價錢唔係差好遠，但大家唔好因為咁而輕易叫大碗，其實細碗都已經係好大份量，女仔分分鐘連細碗都會食唔晒，記得叫野食要對住幅牆左望望右望望，因為佢個MENU就貼晒係幅牆度下午茶會送豆漿，觀塘區番工人士唔肚餓可以等到下午茶先黎食會抵D豆漿 ($6)、凍奶茶 ($6)飲品跟米線叫會有特價，大部份都只係$6，抵叫涼拌青瓜 ($19)唔想食菜咁單調，所以就叫左涼拌青瓜，呢個係正宗手拍青瓜，而唔係切開的，青瓜會更入味，味道唔辣，酸酸地美味口水雞 ($28)口水雞只係$28好抵食，份量都唔少，食落只有好少的辣味，可以迎合到大部份人口味，雞肉整得都幾滑，黎到呢度必叫食品之一羊肉大碗 ($57)、細碗 ($45)上圖係大碗下圖係細碗，我就細碗都食唔晒，而老公食大碗就勁滿足，米線煮得岩岩好，唔會太淋有少少咬口，羊肉可以揀有無皮，唔鐘意食皮的朋友可以要求淨係要肉，湯底完全無味精，亦係我咁鐘意呢度碗米線的原因之一，食完個人暖立立，如果冬天食就應該更正

下晝6:00既時候因為咁岩同男朋友經過觀塘法院個邊而且亦係岩岩面試完好肚餓既關係而從mtr d4出口落左去叫外賣拎走一入到間店鋪望到得4-5張枱坐左人望到一位姨姨拎住D碗放入碗槽然后先過黎收銀台點餐首先我地叫左2碗羊肉細碗米線同2杯涷檸荼total:$104蚊原先仲唸緊會吾會好少，但系食完個陣先知對於我黎講好多，服务態度都好好雖然我第一次黎食，但系我覺得其實都好正，羊肉都好大一塊，冇話其中一塊切細左值得推介

羊肉我都好少食，因為整得唔好真係好臭，但整得好，係會令人回味就好似依間的羊肉，有得選擇帶皮或淨瘦，我當然兩樣都試下，淨瘦羊味濃，有奶油感覺，而帶皮就羊騷味再濃點真係個人喜好，雖然我聽到好幾個人落單，都係要帶皮😜我為食就兩樣都要

雲南啊老表黑羊湯鍋米綫 - 餐廳名好長但深刻，餐廳都算大間，座位夠多。 點餐，先叫了羊肉米線有帶皮，細碗的($45)。 初時以為會好肥，原來皮剛黏住肉，肥膏唔多，皮質爽口，羊肉稔身，唔算羶易入口，而且羊肉味香，夠稔。湯底以羊肉味為主，鮮甜，湯底用了好多羊加秘製配料料熬足 3小時而成，羊湯味醇兼且濃郁，聽店員講每碗米線會先加半茶匙羊油，才下羊湯，羊味沒法擋；米線夠稔身大碗飽肚。加了酸菜更惹味。另外點了豬𦟌米線$37，肉質夠滑，唔鞋，豬皮爽口，湯底鮮甜。 小食叫了口水雞 ($25) 之前都驚會好辣，好在唔會，雞皮爽脆，雞肉滲透秒製辣汁入味。再叫多個小食，避風台麻辣雞翼$20，微辣，帶芝麻香，好抵呢個價錢有5隻，濕濕地的醬汁，唔會烤至極乾身，入味。叫埋兩個餐飲加$6@，奶茶夠滑，咖啡，好滿足。

為左賀一賀朋友搵到新工，就約左去一向岀名多野食既觀塘食飯，朋友話佢新公司附近有間食羊既唔貴，lunch 好多人排隊，話想試下喎，不嬲我都中意食羊既，就一口應承左啦！餐廳位置都算易搵，我朋友係工業中心番工，係正佢附近，地鐵站行過去都好就腳，去到晚飯時間都唔算話好多人，但都無乜空位架，本身間店係觀塘廣場既時候食過一次，今次再食過翻尋味，搬左店地方大左又開揚左，同朋友坐得仲舒服左。好啦到重點，叫左羊肉米線，估佢唔到啲羊肉都算多，又幾有羊味，最重要係唔蘇，個湯又唔算油，睇得岀個面都幾足料，冬天不嬲都中意食羊腩煲既我，呢碗野既性價比真係叫高！面有分大細兩個size，其實一份大真係都幾大份，所以如果唔係咁肚餓，兩個人share 1份就ok，我見其他人都係咁😂我個朋友麻麻地食羊肉，就叫左個雞肉米線，佢話雞肉同其他米線店唔同，都幾嫩滑同食得岀個湯庭都煲左一段時間，都幾正，我都忍唔住偷食左幾啖！食完主食，點可以唔試下佢嗰啲小食？平時去x仔都係最中意食佢既小食，見我地都有啲肚餓，就叫左口水雞同木耳，口水雞唔會好重口味，辣辣地幾開胃，不嬲唔係好食得辣野既我，都食左半碟😂至於木耳，醃得幾入味又唔會太林，咬落去

午餐唔知食乜好，行過見到老表黑草羊， 舊舖在觀塘廣場， 但搬咗之後都冇食過，星期日人唔算多都搵到位。3個人， 叫了兩碗細一碗大羊肉米線，另加個鴛鴦水餃。細碗的羊肉米線都好大， 蔥花另上， 方便有啲唔鍾意食蔥味的朋友， 本人鍾意食蔥， 喜歡看見湯面上鋪滿了蔥花的模樣。 味道和份量跟以前舊舖一樣， 沒有因為搬遷而有所改變， 都是鮮甜美味，沒有羊肉的羶味，在秋天食羊肉飲羊湯， 覺得特別補身鴛鴦水餃 - 餡料分別是白菜和韭菜豬肉餃，各5隻，可以試到不同口味。 白菜水餃味較淡， 始終不及韭菜味濃， 但皮薄料多， 可以一試。簡簡單單完成個午餐， 又可以飲到至愛羊肉湯 ，覺得好溫暖。老闆懷舊兼環保，仍沿用舊舖的餐牌

早前係觀塘上完堂後, 便係附近覓食, 見到一間叫雲南阿老表黑羊湯鍋米綫的食店, 個名幾特別, 原來主打羊肉, 但唔好羊肉的我, 見到羊肉外, 還有我愛食的牛腩, 所以便入去試下. 一入店內, 已經聞到羊肉味道. 大多數客人都係點羊肉, 但我就點了牛腩湯鍋米線. 份量有大或小, 我選了細碗. 加$6-8可以配飲品, 我點了熱檸蜜. 我再點了小食, 選了麻辣豬耳. 店員先奉上熱檸蜜. 再來是麻辣豬耳. 對於唔食得辣的我, 這個微麻辣我完全接受到, 而且覺得幾惹味. 豬耳軟硬適中, 口感剛剛好, 幾好味. 主角牛腩湯鍋米線上枱. 估唔到細碗都甘大碗. 牛腩份量正常, 牛腩偏瘦, 啱晒唔鍾意肥的我. 而且肉質夠稔身, 夠肉汁, 完全唔乾和硬身. 米線份量幾多, 唔會太軟身. 這個湯真係要飲多幾口, 無太多味精, 牛味幾香濃, 非常好飲, 我自己飲了唔少湯, 飲完也不覺得渴.

一直想去雲南走走，聽說風景很美，卻一直沒有機會。身體未能親歷其景，不如先讓味蕾感受最有風味的味道！這天午餐與朋友來到雲南啊老表黑羊湯鍋米綫，就再觀塘港鐵站附近，地點十分方便！來到此點，當然必點招牌菜－－羊肉湯煱米線！胃口不大的我選了細碗，那就可以在胃中預留一些位置予其他小吃！湯底以清淡為主，羊肉肥瘦適中，加上滑溜溜的米線，充滿風味！美味口水雞非常出色，辛辣度5分中大約是2.5分吧！看看皮多黃，肉質十分滑，而且辣是那種香口的麻辣，為味蕾帶來一陣陣的快感！加入羊肉米線之中更是惹味呢～避風塘麻辣雞翼十分香脆！表面煎得脆口，加上黑椒及少少芝麻，以及麻辣味，好香口呀～作為拌菜確是不俗！小小的午餐，價格相宜，米線不過是45元，小食亦是介乎10多至20多元，多叫幾碟也不傷荷包，又能享受不同的豐富小吃，真是好吃又划算呀～下次定必再來，相信會納入本人的定期LUNCH餐廳LIST!

落地鐵後沿住觀塘道向藍田方向行無幾耐就會見到。一入到去就比香味覆蓋住，坐低就叫咗個雙拼米線。環境比以前喺觀廣個時大、坐得好舒服落單後無幾耐就上菜。唔好以前呢度主要食羊肉，所以啲牛腩會無咁好食。牛腩好淋，好有牛味，咬講去一啲都唔韌，入口即溶勁好食羊肉又係，一咬即溶，羊味重，令到個湯底好香唔夠喉，下次再黎會直接叫羊肉米線，因為好少地方會有羊肉食除咗米線，仲可以改做米粉，亦可以要多蔥。可以跟據自己嘅喜好黎做唔同嘅配搭