雪山冰廳

营业中

休息中

今日和朋友游玩完嘉頓山後便在附近晚餐，我們看到有間餐廳叫雪山冰廳好像挺受歡迎，而且餐廳的裝修還挺懷舊的！四周好畫滿了一些壁畫，感激很有舊時茶餐廳的味道。因爲行完山！我地都好肚餓所以叫小菜食飯，我地點了3快小菜，包活有通菜豬爽肉，海南雞和咖喱牛肋條煲。所有小菜均可以+6蚊配飯和湯。海南雞：鷄肉已去骨，鷄皮夠爽，肉質結實嫩滑，配黑豉油幾泰式酸辣雞汁十分惹味。咖喱牛肋條煲：這道菜值得之贊！因爲做的很不錯，首先咖喱味道濃烈，而且不會很辛辣，任何人都適合食而牛肋條整得很軟霖，配埋咖喱簡直令人不知不覺多食左兩完飯。通菜豬爽肉：通菜翠綠加埋豬爽肉，少少辣椒一起炒，火候夠之餘亦很惹味。最後不得不提的是餐廳的木樽仔奶茶，餐廳奶茶夠滑，茶底醇厚而且不會太甜！值得推介。

又去我最鍾意嘅深水埗區覓食， 你家雪山冰室喺深水埗地標嘉頓麵包廠隔離， 寶血醫院對面， 其實唔近地鐵站，所以我話係街坊食堂，因為住喺附近嘅街坊會特登行過嚟幫襯❤💕今日好肚餓，所以同朋友諗住食好啲，叫咗想食好耐嘅波士頓龍蝦喇沙摻摻(摻摻嘅意思係油麵加米粉😙😙)， 好足料有半隻開邊龍蝦、雞蛋 、魚片頭， 最正嘅都係個喇沙湯底好濃好好味，yummy! 另外叫咗蔥花蛋醉牛三文治同避風塘炸肶， 呢兩個係我每次嚟都必點嘅小食， 份三文治其實好大份好厚 ，一個人食一份會好飽， 炸髀就最欣賞佢側邊嗰啲避風塘脆脆， 好惹味香口😜最後梗係唔少得叫呢度招牌嘅樽仔奶茶同樽仔咖啡， 奶味好夠濃， 唔怕會被啲冰溝淡曬👍👍👍👍

又再一次證明IG既野千萬別當真，認真便輸了。小编今日慕名而来就系为左碗沙爹面，D IG食评吹到呢，又蒙混到小编我呢个纯洁心灵啦。唉！ 面条系不错既，系小编喜欢既QQ感唔太软，但沙爹味一D都唔香，根本就唔系老香港沙爹味道。吹到呢，系就系1956年开但Ｄ味道系咪完全承继到呢？　如果你住附近小編覺得可以一試，但如果好似小編甘由對面海山長水又遠甘過黎為左呢個一般常餐，就無謂啦！而事實又一次證明ＩＧ既野真係信１成眼目失明呀。以為呢度既沙爹拍得住永順，甘小編又有一個好選擇，點知仍然令小編失望。如果大家有食過好味既沙爹面記得通知聲小編呀！麻煩曬！

超級推介‼️‼️雪山冰廳❤️好高質既冰室 好好食😋😋😋-⭐️香蔥碎牛肉三文治超好食‼️佢啲蛋唔係全熟 係炒滑蛋個種 再夾埋啲碎牛 個口感係好滑 最後悔係唔記得烘底😭-⭐️檳城特餐檳城叻沙摻摻配日本櫻花蝦炒蛋+牛乳厚多士好癲 呢個都好好食😭😭😭佢呢個炒蛋同牛治個果唔同 呢個比較重口味少少 多左份咸香😋個多士無得頂‼️‼️‼️個叻沙好濃味🤤呢個餐要獨食啊🤣🤣🤣-⭐️鐵板XO醬乾炒豬排公仔麵都係好食 不過呢個有啲辣😋個豬排超入味又唔太硬麵岩岩好 唔會太咸🤤🤤🤤-⭐️忌廉薄荷朱古力超濃薄荷味 有佢中和左朱古力啲甜度 所以個感覺好清新 正❤️好飲‼️‼️‼️

星期日夏日炎炎 想整杯又甜又凍既野飲。行過深水埗 就試下呢間 英華女校對面既冰室。下午茶時段 緊係揀下午菜食喇喇沙 西多 同炸脾想讚下個喇沙 雞肉好滑 湯底夠濃 米線份量都夠 個湯好飲到飲晒😜。個西多好失望 因為好多人都話個西多好食。唔知係唔係師傅失手 西多上碟果陣唔夠熱 入面朱古力醬 凝固左 ，同埋我覺得西多同朱古力唔太夾。薯條都唔算太熱 扣晒分雞脾我期望係有避風唐味 但食落似係一隻普通生炸脾 係好食 但唔值$28，炸得夠乾 骨同肉分開杯野飲係我入黎既目的 無失望 好甜 夠奶夠cream!題外話 地板好痴立立同濕。食得唔太舒服

深水埗近年食店數目如雨後春筍，轉眼間已變成美食天堂。假日一到，人潮湧至，因食物價錢對普羅大眾來說，尚可接受。今日下午路經青山道，見一餐廰門外人龍初現。因未食午飯，便排隊試試。餐廳叫雪山冰廰，記起朋友説是老字號。急不及待，叫了2個下午茶餐，包括干炒牛河及檳城叻沙海南雞米線。干炒牛河鑊氣夠，牛肉份量多，鼓油均勻地分佈於河粉上，加贴辣椒酱，味道立刻提升。美中不足是油落得多了點。叻沙湯底滿是椰汁味，咖哩份量恰到好處，另加小量炒過的蝦米，非常不俗。米缐非常腍，滿滿的吸收了湯的精華，好吃。雞件味道有點鹹鮮，亦不錯。埋單$80多，價格公道。怪不得深水埗滿街是尋找美食的人。

同行遊人無乜胃口，叫左個常餐其實個雞翼麵好簡單！但咁撈法又okay好食，而個黑松露都足料正常！都有應有嘅香味😛😋我今次都有叫佢嘅樽仔咖啡！味道夠香濃， 咖啡味唔會俾奶味蓋過。至於我就嗌左焗豬扒飯!Er... 可能都唔算係自己Favourite嘢食，所以感覺一般...其實蕃茄味正常夠香，但係豬扒就真係一般....件數多，夠厚但就似乎老左少少而個飯就係炒飯底，但飯粒似乎都比較硬最後都食唔晒。其實之前都食過呢間冰廳，嗌其他反而幾好味...但今次個豬扒飯拉低分左!所以叫岩嘅嘢食真係好重要!

難得平日放假，要出深水埗拎手作野，突然又想食下茶餐廳。友人話以前住附近既時候食過呢間，於是帶我黎食下！餐廳2點後仍然很多人，座位都算多！由於未食早餐，所以叫左多款食物試下！爆餡蔥花蛋牛治($30)，友人極力推薦，呢個蛋牛治超厚，炒蛋配有蔥花同牛肉一齊炒，蛋好滑而且仲有蛋汁，蛋本身已調味，味道剛剛好！避風塘生炸肶配海苔薯條($35+$8)，呢度既雞脾即叫即炸，黎到既時候熱辣辣，雞脾香脆，面頭灑有避風塘炸蒜，都有點辣，但非常香口！薯條是粗薯條，唔會落太多鹽！檳城特餐($50)，呢個特餐有喇沙有炒蛋！係茶餐廳食到咁正宗既喇沙真係第一次！湯底有少少辣，粉係摻摻粉，即油麵加米粉，配料都好足，有蝦、魚片、豆卜，蝦用上新鮮有殼蝦！炒蛋用上櫻花蝦炒，炒蛋好滑！太陽蛋香腸焗肉醬意粉($42)，肉醬意粉內有切粒既腸仔，有少少茄汁既酸味！雪糕紅豆冰，雪糕用上曲奇雪糕，紅豆綿綿，整杯唔會太甜！另一杯係茶走紅豆冰，兩杯茶餐時段都係+$9就可以飲到！總括黎講，雖然是茶餐廳，但坐位都算舒適，食物質素都幾高，有機會出開深水埗可以再試！

呢一間 冰室真係好有懷舊嘅感覺 （奶茶張相嘅磚牆）上網睇番原來已經有成半個世紀嘅歷史  而且味道都唔差 睇下餐牌入面有好多香港特色食物 例如港式炸雞髀茶餐廳別叫嘅西多士 仲有港式奶茶 除此之外呢度仲有檳城風味嘅菜式！最推介嘅係佢哋嘅奶茶 茶底夠香溝埋奶 比例啱啱好 另外就係佢哋嘅波士頓海鮮龍蝦飯好抵食 $100蚊都唔使！入面已經有一隻完隻波士頓龍蝦 兩個青口 仲有好多海鮮例如蜆同埋蝦等等  好足料！！！兩個人share都食吾曬

香港的冰室/冰廳已經愈來愈賣少見少，只是近年人們開始懷舊，這些冰室/冰廳有微微復甦的跡象。今次，我們來到深水埗的雪山冰廳，緬懷一下舊時光（說得我好像很老一樣XD)，同時享用一下美食。店子離地鐵站不算遠也不算近，離遠便見到大大的招牌，毫不花巧的寫著「雪山冰廳」四個大字。看看餐牌，有提供茶餐小食，也有提供晚市小炒，飯麵都有供應。左：港式茶走紅豆冰右：普通紅豆冰 冰室的其中一個特色就是提供其他快餐店/茶餐廳沒有的飲品吧！其實我真正想喝的是忌廉薄荷朱古力，但不知道為何當時傻傻的跟著朋友點了紅豆冰。雖然紅豆冰的味道也不錯啦！紅豆又甜又大顆。榛子醬西多士 $28煎到金黃色的西多士，上面有一塊半融的牛油，再提供糖漿，隨意落多少，內裡還有甜香的榛子醬，超邪惡的，但又讓人很滿足。避風塘生炸脾 $28 又是一道超邪惡的小食！跟普通茶餐廳的炸脾不一樣，這裡是避風塘口味，即薑、蒜、辣椒炒成的香、辣、惹味。雞脾的油隔得乾淨，雖然是炸物卻不覺油膩，雞脾肉多，調味香口惹味，值得推介。波士頓龍蝦叻沙摻摻 $98想不到能在冰廳食到波士頓龍蝦！半隻龍蝦比手掌還要大，肉多鮮味。以防有人不知道，摻摻即油麵混米粉，一次可以食到

放假去開深水埗買野，搞到2點先搵食，記起呢間冰室新裝修左一段時間都仲未去試，拿拿臨就去搵佢！午餐時間爆晒場啦，好彩咁岩有位唔洗等。因為太肚餓既關係，我同朋友決定叫個主食再加個小食，佢仲話要加多份炸脾炸魚薯條 $30一𠝹開個魚，好感動、好有誠意炸魚一來唔係勁厚炸漿，仲要係新鮮魚扒、連魚皮！！啲魚肉係岩岩好煮熟，非常嫩滑、熱辣辣，質素仲好過好多西式餐廳！認真大件夾抵食！要讚鐵板XO醬乾炒公仔麵呢個炒公仔麵有啲驚喜，第一，非常大碟！第二，原來有豬扒豬扒好入味又鬆軟，一咬就斷，正註：食到最尾都仲有煙出，同埋「麵焦」椒鹽豬扒炒飯朋友叫左呢個飯，我都試左少少，非常惹味又夠乾身！有啲似菠蘿炒飯風味啲豬扒同炒公仔麵既應該是一樣的。炸脾呢度既招牌，望去周圍既枱，唔難發現有人都同樣叫左炸脾黎食。忌廉薄荷朱古力總結：每樣野份量真係好多我決定下次唔會再食正餐又加小食不過一定會再黎！

深水埗悄悄開左一張裝潢很特別的冰廳牆身係一幅好鮮豔的抽象畫18:00去到，發現依個時間好好又有下午茶餐1430-1830，又有晚餐餐牌下午茶餐☕️價錢好相宜炸魚薯條🐠🍟炸魚即叫即炸，炸到金金黃黃兼外脆內軟一咬下去便是嫩滑的魚肉點埋千島醬一齊食， 好滿足啊相比之下薯條就反而有點遜色雖然用咗香草調味，但係鹽味不足新鮮炸起熱辣辣既榛子🌰西多士面層好香脆，但一啲都吾油膩面頭有層牛油好香同埋鹹鹹地雖然不是流心，榛子醬落得一啲都唔會吝嗇一次過食到鹹鹹甜甜，超滋味阿華田曲奇妙趣平時去茶餐廳我都好鍾意嗌凍阿華田但係次次都會覺得唔夠味呢度就唔同啦，超香濃阿華田味再配上一球曲奇雪糕加忌廉，超香滑招牌避風塘炸雞脾🍗雞脾size好大隻，成隻手咁大即叫即炸😍炸得超香口切落去「卡」「卡」聲上面有一大層炸蒜配上七味粉雞脾醃得好入味食落肉質嫩滑多汁，吾會似坊間個d食落好柴店家標榜是微辣🌶但食落真係吾辣重要好惹味超推介👍🏻👍🏻店員招呼好好，重好有禮貌。今時今日茶餐廳咁既服務態度真係愈來愈少食物有質素，有驚喜。仲有一樣好特別，我哋食到一半嘅時候咁啱係晚上七點原來個鐘會響，仲有特別嘅鈴聲，好有懷舊的感覺

Massive portion and reasonable price ended up a pleasant evening with a stuffed belly. The presentation of Bake Boston Lobster with Seafood cheesy Rice surprised me. Though it is a local restaurant, Chia Chan Tang, their dishes are reputable. The dish was coved by assorted seafood, cheese and other ingredients. Cheesy white sauce didn’t cover the savour of the seafood, but matched so well with the fried rice and seafood! Which I couldn’t help myself from finishing the bowl of rice. To sum up i

好友搬遷到深水埗的關系，所以我也多了來青山道這邊食晚餐。今晚就來到青山道的雪山冰廳，餐廳有六十多年歷史，剛剛經裝修重開，形象煥然一新，兩邊是卡位，寬敞舒適。見到非常多菜式，有鮑魚啫啫雞煲，中式香煎牛仔骨...等，主打全港唯一正宗檳城風櫻花蝦炒蛋特餐,熱辣辣新鮮足餡榛子流心西多,即叫即炸勁大隻避風塘炸蒜雞髀...等等。鮑魚啫啫雞煲$78鮑魚啫啫雞煲,#裏面配菜有雞髀菇、苳菇、青紅椒及配料蔥蒜薑等。鮑魚不是很大隻，但有4隻之多，雖然不是很大隻，但肉質腍滑有鮑魚味，濃郁的雞汁令鮑魚更為惹味。輕微走油的雞肉，肉質嫩滑入味。中式香煎牛仔骨$72中式香煎牛仔骨，牛仔骨都很大件，芡汁酸酸甜甜，非常惹味，牛仔骨肉質夠腍滑，惹味酸甜的芡汁，連平時對食物有要求的先生也都忍不住讚。鹹蛋黃肉碎四季豆$72鹹蛋黃肉碎四季豆，平時見得多的是欖菜肉菘四季豆，見到這個鹹蛋黃肉碎四季豆都幾吸引，所以要多一個菜。四季豆已被乾扁到有點皺皮，很干身，面上沾著的細細粒的蛋黃碎，見到已很吸引，四季豆非常爽口入味，入口先感覺到咸蛋黃特有的咸香，整個菜炒得很夠鑊氣又香口。

-香港特色美食到處都係🍳但係一間有超過半世紀歷史既小店就唔係周圍都有啊-❣️避風塘生炸雞腿一上枱就已經香到爆超級大隻，而且係完全無厚厚既炸粉包裝上面有炸到又香又酥既蒜蓉一咬落去就係超級脆雞肉一點都唔乾唔柴仲要係有肉汁架雖然係避風塘口味但係完全唔會辣怕辣既朋友一定要試下-❣️榛子醬西多個人平時唔太好西多士因為怕好膩好多油既感覺呢款有榛子醬既西多完全打破我既想法一點都唔膩，榛子醬又唔會過多所以唔會太甜下午茶叫一份絕對係滿足啊-❣️濱城特餐-濱城叻沙摻摻配 日本櫻花蝦炒蛋配牛乳厚多士摻摻係油面同米粉兩種麵類配住叻沙一齊食都好適合而且湯底非常濃郁面完全吸收曬叻沙既味道又香又濃，再帶小小微辣很開胃，很不錯特餐配的炒蛋非常有驚喜櫻花蝦和紅蔥頭令成個炒蛋香到爆而且口感同普通炒蛋唔同-❣️波士頓龍蝦公司通粉龍蝦有半隻，肉質算不錯唔會鬆散既，而且仍然有鮮味成個通粉既份量有點嚇人女仔一個人應該完成不了吧-❣️華田曲奇妙趣味道可以，建議可以做成冰沙肯定會很受歡迎啊-❣️茶走紅豆冰紅豆份量好多而且不會過甜也是下午茶必備