雪山冰廳

营业中

休息中

一行2人黎食-2人餐晚餐時間黎到雖然都有3/4客人食緊但好彩都有卡位可以坐得舒服咁食海南雞/半隻(肉身幾好,唔會嚡口)配個汁係隔離偶然點下都唔錯,酸酸辣辣汁幾開胃南洋咖喱豬脾肉/煲上咖喱汁好食,無好重味精~唔會越食越口喝,薯仔入味夠腍身~豬脾肉有少許美中不足肉質有啲似豬排🥩,有少許嚡口蒜蓉炒雜菜乜菜都有啲,無挑剔之處炒得幾香及有鑊氣,有味但唔會重味精的~叫了2樽既樽仔奶茶我個人覺得幾好,有奶味但不會過重凍凍地唔需要加冰都岩入口

食過一兩次 地點唔算偏遠好多特別款嘢食🤤普通茶記小菜常餐有 質素都唔錯仲有加入新元素 除港式外有唔同菜式粉麵下午茶🤩兩個人今次食午餐 兩個飯share呢個超級推薦🤤🤤🤤！！！食過最好食嘅椒鹽豬🤩飯底係炒底 粒粒分明 幫成個飯加咗好多分好細心 唔係到到都有炒底 仲要炒得好🤩豬扒炸得好香 肉質唔韌 椒鹽味重 好正🥰仲有呢個新派啲嘅海鮮飯🤩佢sell有半隻波士頓龍蝦 上碟都幾震撼 好足料龍蝦都幾大隻 好多膏都算多肉！除咗龍蝦外都有好多海鮮 青口魷魚蟹柳等等仲有西蘭花等菜配埋 唔會食海鮮食到口寡寡😂重點！就係佢個飯又係炒底🤤有多層味道撈埋啲芝士同海鮮 真係好正🤤🤤🤤108都幾抵🥳

又到月尾時間，加上新年我地就唔周圍去喇，今日晚餐揀左係男友家附近嘅餐廳。呢間餐廳平常都幾多人嘅，男友話呢間野都好多年歷史，前身叫雪山茶餐廳，轉左手之後就裝修成新式茶餐廳喇。當日收工8點到達，已經坐滿人，幸好唔使等太耐位。鹹蛋蝦干蒸肉餅 $72 套餐連白飯 - 呢個肉餅肉質唔係結實但亦唔算係太鬆散，肥肉比例唔少所以會有油香，呢個幾好送飯，實在太耐冇食肉餅喇黑松露沙拉一字骨 $78 套餐連白飯 - 醬汁都幾多，味道算唔錯嘅亦唔會過好鬼大舊骨又冇肉咁。但如果唔鍾意多醬嘅朋友就應該麻麻地佢喇上湯浸菜心 $35 - 菜心夠嫩都唔會差嘅凍奶茶 - 正常質素，口感順嘅，唔會鞋烚烚有驚喜係佢連原條蒸魚都有，下次都可以試下喎 最要讚嘅係d侍應姐姐服務好好，會幫忙控制人流，如果有人坐太耐而外面有人等，姐姐會好好態度咁提醒

下午行經雪山冰廳，被佢門口個招牌吸引住，大大隻龍蝦🦞叻沙摻摻紅卜卜好吸引！龍蝦crossover 南洋風好有創意啊！店員一見到我就出來招呼，好識做生意😁雖然都係茶餐廳一間，呢度嘅裝修比較新穎又乾淨光猛，牆上畫上一幅顏色鮮艷嘅抽象畫，令人精神為之一振食慾大增！下午茶時間冇理由食龍蝦咁heavy😅留返下次再試！我好鍾意食喇沙，所以叫咗檳城喇沙海南雞米粉。份量唔係好大，但係一食入口味道濃香有驚喜。海南雞好嫩滑🤤湯底夠濃，啲米線好幼滑，微辣有椰香，充滿南洋風味。青山道一帶餐廳食肆非常多，我入座之後都陸續有人進來，下午五點幾都仲有拾多個客人，可能係我旺財🤗加上食物有質素啦！😋😚

雪山冰廳嚟到深水埗，雖然係屬於舊區，但呢間茶餐廳嘅裝修一啲都唔馬虎，望落去環境闊落，乾淨衛生，而且內部嘅裝修睇得出有用心機，就例如牆上邊果幅噴畫，係專程請個噴畫師黎噴，見到一條活生生嘅龍吐珠。食物方面，主食嘅黑松露沙拉一字骨$68，都幾特別，除咗平時食開一般嘅沙拉醬之外，面頭仲落咗啲黑松露醬，食落甜甜咸感，帶有啲松露味做點綴，再加上佢本身嘅沙拉骨煎炸得啱啱好，就算有醬係上面，都仲好脆，睇得出即叫即煮。而小食方面，港口味炸肶$22都要一試，即叫即炸，記得要用手先多道地惹味，入面仲幾多汁同好滑添。

趕喺年廿八去深水埗買揮春，仲喺附近搵到好嘢食，下午茶時間坐滿哂人(注：人多難免要搭枱)，睇嚟真係幾掂！豬太郎同家姐即刻揀好主食同小食，連侍應姨姨都笑驚我哋食唔哂#檳城叻沙摻摻配日本櫻花蝦炒蛋奶油牛角酥 $48下午茶特餐好大份！叻沙摻摻湯底唔會太辣，有豆卜、蝦，同魚片各二，份量啱啱好！跟埋一齊嘅牛角酥配埋日本櫻花蝦炒蛋一齊食又得，分開食都得！炒蛋有勁多櫻花蝦，大滿足！#流心楱子醬西多士 $25肥妹仔必食！熱辣辣嘅西多士，外層香脆，仲唔使再加糖漿都夠哂甜，楱子醬佈滿整件西多士～一個字，正！#日式照燒雞翼 $22雞翼兩大隻，滿滿嘅香甜照燒汁，topping嘅木魚絲，淨係睇都夠哂過癮！#炸魚薯條 $30食到差唔多唔記得咗仲有炸魚薯條！熱辣辣上場更加吸引～薯條炸到硬脆，#華田曲奇妙趣 臨新年都咗熱，飲返杯冰凍飲品，有雪糕又有曲奇趣趣，唔算太甜，好好味！#樽仔招牌奶茶 #樽仔忌廉咖啡 自取價$15臨走前，店員仲介紹特色樽仔飲品，價錢相宜，豬太郎各買一款返去試下！btw呢度食物質素高，價錢又抵食，值得推薦！

來到深水埗 今次試試人氣新派的茶記 很驚喜真的有與圖片相符的焗飯和特餐芝士焗波士頓龍蝦海鮮飯一上枱 好震撼 佈滿白汁 芝士 海鮮半隻波士頓龍蝦 比預想的大 更有膏 但焗得略為有點乾青口沒有雪味 但同樣有點乾 魷魚則不會太韌還有很多配料 鮑魚片 魚 蟹柳 青椒 西蘭花 等等 很豐富底層的炒飯 份量也很多 整體濕潤不乾 吃完整個非常飽肚特餐檳城喇沙摻摻 配 日本櫻花蝦炒蛋 奶油牛角酥🍳炒蛋很足料 啖啖櫻花蝦 炒得好滑嫩 香蔥配搭櫻花蝦 使炒蛋更香 味道更豐富🥐牛角酥暖暖的 很酥脆 內含奶油 入口更甜更香🍜叻沙湯底味道濃郁惹味 不算太辣摻摻即油麵和米粉 兩種粗度韌度不一的麵很掛湯汁 口感更豐富魚片彈牙 豆卜吸湯 還有蝦$48就有一個特餐 性價比頗高樽仔奶茶 (+$7)入口順滑 茶味濃 但奶味較淡很喜歡無冰的奶茶 喝多久也不會淡

之前見 Facebook 好多人講呢間餐廳，放飯時間特登撩同事去食，由於已經係下午茶時間所以餐廳唔係好多人。特餐(檳城叻沙摻摻配日本櫻花蝦炒蛋+奶油牛角酥) $48無論係下午茶定常餐，佢嘅選擇都非常多，好多仲好有特色，最後我都係想食佢個招牌-叻沙。作為常餐黎講佢真係太犯規，櫻花蝦炒蛋+牛角包，太高質～首先炒蛋佢每一口都有櫻花蝦，蛋炒得相當滑，仲有蔥花吊味，鮮味好足。至於個牛角包都好酥脆鬆軟，之前試過一d 餐廳個牛角包又細又難咬，佢簡直係另一個水平而且唔油膩，夾住蛋食都好正～至於叻沙份量都幾大，油面多過米粉，彈牙入味，我無撈曬d 醬料已經好夠味，但重口味朋友可能要撈曬啦。食材方面佢d 豆卜索曬湯所以味道好豐富，係最好食嘅食材，魚片都彈牙爽口，不過蝦就粉左D，鮮味欠奉，但整體而言都算高質！皇牌咖喱牛筋腩飯 $52男人的浪漫-咖喱牛筋腩飯一樣有水準,一上檯已經香噴噴,馬鈴薯同牛筋腩相當入味,唔會太辣但夠惹味,薯仔好腍超搶分~~而牛筋腩無o羊脂肪亦好有口感,不過對男士而言可能會唔係好夠飽,但的確係值得叫皇牌的~~流心榛子醬西多士 $25其實食完常餐已經好飽,不過見到佢個樣咁吸引又忍唔住叫埋XD

雪山冰室在深水埗紮根六十餘年，曾有過倒閉的危機，最後都逢凶化吉，當中的高低起跌側面描寫了深水埗變遷的軛跡。冰室前年易手，重新裝修過，再不像以前般古舊樸實。內裏格局摩登，以卡座位主，人不多時頗為舒服，但就少了分舊日的情懷。放工後，時間尚早，還趕得切吃下午茶，但如果老板將下午茶時間改作14：30-18：30就更加好了，因為其實下午茶的食物更得街坊歡心。店內客人不多，店內的姐姐很寬容及熱心，點餐時要掃qr code落單。天吖！冰室真趕得上時代，如此高科技，令人措手不及。多得姐姐出手襄助，我這科技百痴才成功點到食物，然後我又提出了好多特別要求，冷冰冰的程式又如何處理得到，又怎及得上活生生的人才呢！繞攘了一陣子，終於可以開餐。首先上場是生炸雞髀，皮脆肉嫩，是真的由生肉開始落鑊油炸。所以炸好時，內裏的肉才僅熟，切開外皮，豐沛的肉汁流出，是極致的享受。雞髀醃得非常入味，炸好後又撒上七味粉及辣椒粉，微辣，完全不覺單調，足見心思，值得推介。第二樣上場的是喇沙海南雞米粉，喇沙味道濃郁，配上銀絲米粉，索飽湯汁，格外滋味。海南雞没有佐醬，又没有配雞飯，其實不算是海南雞，只是白切雞。給了胸位，但亦不粗糙，而且有

今日要泥深水埗辦d事，快手食個飯先。我見SSP頭幾名港式餐廳包括呢度，就泥試試。值得一提既係星期日早餐供應時間至2pm，平日就至11:30am，想試早餐既都可以午餐時間先泥。搖勻後飲，整體味道偏淡，微弱茶味、奶味、甜味。各方面濃一點更好。有大量紅豆，過甜，完全蓋過奶茶味。飲到尾有股酸味，怪怪地。奶油牛角酥冇咩特別，炒蛋算滑，但調味方面偏淡。叻沙既豆卜當然最入味，魚片最讚，彈牙爽口。蝦唔知係邊個懶，冇剝殼，冇開邊。湯底有椰味，但唔夠香同熱。整體有3粒⭐️既。椒鹽豬扒重口味，偏咸，幾冧，都唔錯，炸得脆一點更好。炒飯差少少穫氣，調味唔算濃，同塊豬扒balance返。如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

今晚去咗深水埗行街，買新年嘅裝飾，行完一大輪就喺附近搵咗間野開餐！雪山冰廳係一間好乾淨企理嘅茶餐廳，而且食物都比普通茶餐廳新穎！除咗有晚市套餐，最正就係有啲波士頓龍蝦嘅菜式（估唔到喺茶餐廳都可以食豪啲！）摻摻即係米粉溝油面，口感幾豐富嫁！叻沙好香，好足料：有龍蝦、 糖心蛋、魚片！ 湯底嘅味道香濃，我整走左面頭啲辣醬，所以唔會好辣。龍蝦啖啖肉，新鮮好味我哋另外點左兩個小菜：椒鹽鮮魷同埋海南雞。椒鹽鮮魷炸得好香脆，鮮魷唔會好硬$68大大碟好抵食！海南雞都好正！皮脆肉嫩， 而且唔會好肥！同埋鋪喺面嘅啲醃青瓜同埋醃紅蘿蔔都好味，酸酸甜甜咁樣好開胃！黎茶餐廳一定要飲奶茶咖啡！呢度嘅奶茶咖啡係一樽樽咁樣㗎。奶茶嘅味道幾香，而且飲落好滑！咖啡我就覺得甜左少少。總括來講雪山嘅嘢食都唔錯，而且價錢實惠，雖然離地鐵站遠少少，不過如果黎深水埗買嘢，都值得行多兩步上嚟食嘢！

波士頓龍蝦海鮮飯啖啖龍蝦肉加好大量海鮮。做梗108蚊 冇因價就貨 真係好正。 。。。。波士頓龍蝦摻摻因為叫個龍蝦飯質素唔錯就試埋個摻摻。 好多龍蝦子好正。 沙嗲海鮮煲呢個用材豐富新鮮。 送飯一流。。。。麻辣雞絲米線 $30呢個去親茶餐廳都會叫。 比出面做得算中上水準。 d雞肉係一片片, 好入味。 唔會太辣。 。。。。餐廳好似係新開梗。 都有唔少一家大小同情侶幫襯。。。。呢度既裝修都好有舊香港既感覺。 而侍應十分親切。。 係我心目中係一間中上水準既抵食茶餐廳

放工後同男友去完黃金商場買完野，就黎試下呢間港式風味懷舊冰室先嗌左杯雪糕🍦紅豆冰，紅豆既份量有成半杯咁多，配埋冰凍既雪糕，簡直無得彈無骨海南雞(半隻)，除左件件都啖啖肉之外，仲又嫩又滑䱽魚份量幾足，蒸既時間亦都岩岩好，配上豆豉同甜豉油食，絕配咸魚煎肉餅，用上大澳咸魚粒去煎，好有咸香味又勁送飯由於我地最後先食榛子流心西多士，無左流心效果，但依然問題不大，因為到枱時我地已經將牛油連糖漿混合好，配埋裡面既榛子🌰醬食落去，已經相當滿足西多士又鬆軟又帶少許香脆細心位係糖漿係另上的!想讚下d員工，雖然係上左年紀既老一輩，但做起野上黎又快又有水準，態度仲好親切Tim!我地兩個食左咁多野再加多杯凍檸茶都只係二百幾蚊，食到超飽又滿足，一定會再黎食

《懷舊冰室🍧》💰$22 港口味炸脾避風塘式炸脾🤤椒鹽蒜蓉享面...大大隻炸到脆卜卜💰$108 芝士焗波士頓龍蝦海鮮飯半隻波士頓龍蝦、青口同蝦🦐配埋炒飯底，份量十足💰$25 懷舊黑牛懷舊風味...朱古力雪糕享面，底層係可樂💰$25 樽仔招牌奶茶我最鍾意茶味濃既奶茶，呢個樽仔奶茶岩哂我口味🤤。#深水埗#懷舊 #冰室 ...……………………👧🏻肥妹小編.........................

冰室,又即係冰廳,有人話佢地係茶記演變既前身。今晚黎到呢一間雪山冰廳食晚飯,我見餐牌同職員既衫都見到佢寫住雪山冰廳1956,換言之呢一間店都有六十多年歷史,可以算得上是老冰廳。但唔好見佢1956,就以為呢到好陳舊,我估佢係裝修過,都幾與時並進,裝潢新穎,乾淨衛生。每月不同的小菜晚餐?因為我見menu寫住一月份,即係每月有新菜單?又幾好喎!我地叫左$68鮑汁海參扣滑雞煲。另外, 見到menu有以波士頓龍蝦為主既三款菜式,每日限50份,咁當然都試下佢啦,老冰廳有波士頓龍蝦食wo。$108芝士焗波士頓龍蝦海鮮飯。雖然係晚飯,但我比其中一個小食所吸引: 就係流心榛子醬西多士,見價錢都係$25,就點左一個黎試。係落單之後,我觀察左一陣, 普遍店內員工都有一定年紀,但全部好友善好有禮貌。大家落單時,不妨請俾小小時間佢地寫單。飲品方面: 其實本身都叫+28叫敦湯, 但係賣曬😭唯有下次再試點左$25港式茶走紅豆冰 (跟餐$12)呢杯野好有香港既味道，真係港式呢個名當之無愧，每一啖混住啲紅豆，比普通既紅豆冰更好味。$25華田曲奇秒趣 （跟餐$7)哈哈，我唔係小朋友見到都噤開心，如果係小朋友應該重開心，好