雪山冰廳

营业中

休息中

自從上次係元朗食左個失望的雞脾之後，老公成日話掛住雪山既避風塘炸脾，於是又黎幫襯下啦!除左炸脾仲叫左好多野食😂始祖椒鹽豬扒飯(炒底)一黎到超香椒鹽味~豬扒份量好多，切好一件件方便與飯同食!豬扒炸得超香口又juicy，配埋炒飯底，仲落埋彩椒一齊炒，好有誠意~成碟飯好好食，油潤得黎唔覺得肥淋淋，只覺愈食愈好味!雖然有d辣椒仔係面，但成個飯或者豬扒都唔會好辣，正~香蔥碎牛肉蛋三文治(烘底)睇到menu幅相好吸引，之前都講過本人係蛋蛋控，見到幅圖已經知一定要叫!上到檯果然冇失望! 三文治飛邊烘得外脆內軟，個蛋如圖一樣好厚，混入蔥碎同牛肉碎，味道好平衡唔會太咸，蛋炒得好香!一啖咬落去好有層次感~好滿足!避風塘炸脾一如既往大大隻熱辣辣上檯!粒粒炸蒜同少少辣粉係炸脾上面引誘人食佢~~咬開外皮炸到脆卜卜，要小心D食因為真係太juicy，會漏汁同埋好熱，小心辣到咀~雞肉嫩滑，調味做得剛剛好，又香口又唔乾，不枉我地專登為佢而黎~榛子醬西多本身已經夠飽，但八卦望下meny見到榛子醬西多又好吸引喎~平時餐廳好少有得食嘛~於是當甜品咁叫埋黎食~(太為食喇~)😂😂😂😂😂西多又係熱熱的上檯，一大塊牛油半溶係西多上面

今日出深水埗行電子城掃下貨，行完街再到呢間雪山冰廳食晚餐，餐廳好有風格，牆身白色既格仔瓷磚，地板用左藍色撞白色，有古典風格既瓷磚，仲有好大幅手畫既畫，頗有特色既設計，有別於一般餐廳。其實係門口已經見到有得食波士頓龍蝦🦞每日限量50隻，其實都幾吸引到我！南洋風@創意龍蝦配搭波士頓龍蝦公司通粉 $88 /叻沙摻摻 $98/芝士焗波士頓龍蝦海鮮飯 $108一坐低就梗係問吓侍應仲有冇波士頓龍蝦啦！原來仲有，咋咋淋叫左波士頓龍蝦🦞食先！我就叫左一個波士頓龍蝦叻沙摻摻 $98〔摻摻即油麵和米粉混合在一起〕一上抬就見到勁大隻既波士頓龍蝦🦞分量十足！叻沙味勁香，配料豐富：雞蛋🥚、魚片、豆卜⋯⋯油麵有口感，而米粉吸湯，配合埋一齊食別有一番風味！波士頓龍蝦既肉非常易拆，另外餐廳仲比個夾黎夾隻蝦鉗，好貼心，食到好滿足。鐵板蝦乾肉碎啫啫芥蘭 $72芥蘭炒得剛剛好，翠綠得黎又唔會好硬，鐵板燒得好熱，食到最後都仲係暖暖地，蝦乾肉碎都爆得好香口，香氣撲鼻！不錯鮑魚啫啫滑雞煲 $78上枱熱騰騰，勁香既雞味飛出黎，鮑魚仲有4隻，$78黎講性價比好高！配上三色椒做配料，吸曬的雞味同醬汁，好惹味！鮑魚彈牙，唔係淋到爛個的，

🎈避風塘炸蒜雞髀（$35)炸隻大雞髀🤤！外皮炸到脆過蝦片😳又唔會好油！表面有d 炸蒜同辣粉👍🏻 啖啖肉🤣🎈爆餡蔥花蛋牛治（$26)關我蛋治😌既蛋治😚超厚蛋治！入面有咸牛肉👍🏻配埋蔥花🤣！又真係治如其名爆餡🧐🎈熱奶茶典型茶餐廳奶茶☺️🎈華田曲奇秒趣 ($9)華田底+ 曲奇雪糕！上面重有層軟滑cream 🥰甜甜星人☺️重有orea 餅食！ 飲落層次都幾豐富🤤🎈黑牛（$9)朱古力雪糕+可樂！ 爆泡既感覺🤣懷舊經典🎈照燒雞翼公仔麵+黑松露炒蛋多士（$46)有兩大隻照燒雞翼，厚肉外皮脆到雞翼尖可以就咁咬爛晒🤤松露將一大督係個蛋上面，加埋金黃色嘅厚多士🎈豬扒煎蛋撈公仔麵（$34)隻蛋係半流心俾你撈麵食🥰 豬扒超級大塊😌上枱嘅時候完全遮住曬啲麵😻🍴兩個撈公仔麵🥰都可以問姐姐拎多啲醬汁！如果怕太乾仲可以轉湯公仔麵添👍🏻☺️🎈芝士煎蛋菠蘿包（$28)外層脆既菠蘿包皮😳 軟熟既麵包☺️流心蛋爆汁成件事都幾夾高質深水埗茶餐廳🍴😌

今日去完深水埗電子特賣城， 買完平貨就行過附近就見到呢一間有波士頓龍蝦食嘅雪山冰廳，因為每日限量50份，所以問過有先行入去😁👍冰廳裏面播緊容祖兒同李克勤演唱會，可以一邊聽歌一邊食飯🤣🎆忌廉薄荷朱古力+$15 + 港式茶走紅豆冰+$15🎆薄荷朱古力入面有碎碎嘅朱古力粒，飲落清清涼涼帶點甘甜幾舒服紅豆冰就飲得多啦， 奶茶溝紅豆冰又真係幾少見， 原來飲落都幾夾，紅豆夠淋，又唔會太甜，不錯😁🌉鐵板蝦乾肉碎啫啫芥蘭 $72🌉上枱香噴噴嘅芥蘭，食落非常惹味，肉碎煎得夠香，份量都幾多，味道唔錯😀鐵板上熱辣辣，仲出緊煙🎇鮑魚啫啫滑雞煲 $78🎇同樣係熱辣辣嘅餸菜， 香味濃沃，都有幾多隻鮑魚， 滑雞都算大舊，食落香口，有三色椒作配菜，令到成個餸菜唔會好單調鮑魚都幾大隻㗎🌌波士頓龍蝦叻沙滲滲 $98🌌叻沙湯底椰汁味香， 原來滲滲嘅意思係麵底由油麵加米粉組合而成， 食落幾好味又過癮， 魚片彈牙豆卜入味， 波士頓龍蝦足半隻連蟹鉗， 蝦膏非常之多，而且肉質彈牙鮮味😋整體嚟講呢間冰廳都唔錯， 晚飯一流選擇都多， 尤其是小菜多樣化，值得推介🌟

雪山裝修之前食過兩次 今次係裝修後第一次食😬光猛左好多仲有插畫係牆坐得都幾舒服闊落～同裝修之前都係咁抵食睇menu好難揀呀好多野都想食所以同朋友決定叫哂想吃的唔理咩晚唔晚餐了🤭檳城特餐好豐富！！有碗叻沙（好多料！！）、櫻花蝦炒蛋（好大）同多士（好香）仲有野飲！叻沙摻摻我第一次食即係有米粉同油麵加埋一啖有哂兩種口感🤩個湯有風味有椰味好好飲（除左同麵一齊食我都有就咁飲😹）加黑牛都只係九蚊炸😼避風塘生炸脾又係好正手掌打開咁大隻🖐🏻個皮十級脆！！！！！！加埋d避風塘好惹味😋榛子醬西多士都係must叫！！d榛子醬一啲都唔hea你唔係淨係搽中間架！d邊邊都有榛子醬一d都唔馬虎🥰仲大大枝糖漿比我加到飽🥳🥳🥳菠蘿油大大個仲有冰鎮牛油😉😉😉上湯浸白菜大大碟仲有好多菇 d菇超大塊wakakaka🤣叫多個鮑魚啫啫雞煲跟油飯例湯！有成四粒鮑魚仔（影完發現仲有隻係下面😳）油飯又係風味系列重椰味正👍🏻華田曲奇妙趣有原塊oreo!好中意食oreo架我所以好開心✌🏻食到大滿足每人先百零蚊真係抵到爛！！！👅

懷舊冰廳的港式滋味今日一點半黎到係深水埗嘉頓隔離的雪山冰廳人多到一個點 勁好生意食物選擇好多元化 檳城 港式 環球美食都有我地就叫左兩主食兩小食加兩杯野飲埋單$241 都唔算特別貴 因為有個波士頓龍蝦啊喂！首先係推介的茶走紅豆冰($15) 叫左少甜剛剛好紅豆唔會煮到好爛 粒粒有咬口爆餡葱花碎牛肉蛋多($27) 十分十分推介！目測有兩吋厚 牛肉同葱花比例剛好 已調味的蛋漿炒得好滑 夾住牛油多士鹹香味十足！另外樽仔奶茶都係另一勁推介飲品 唔洗落冰唔會溝淡晒 茶同奶的比例剛好之後係避風塘炸蒜雞脾($28) 好大隻厚肉 皮薄得黎炸得香脆 炸蒜同辣粉勁惹味 主菜就係呢個勁架勢的波士頓龍蝦叻沙摻摻($98) 每日限量50碗！摻摻即係油麵撈米粉 口感豐富有咬口之餘叻沙湯底勁濃郁 仲有不得不提梗係成碗麵的亮點——龍蝦啦！有成半隻開邊龍蝦 勁多膏同肉！無花無假！另外一個主菜係始祖椒鹽豬扒飯($58)係雪山推介！上枱已經好香噴噴 炒飯底好乾身帶微辣 豬扒勁惹味 一舊接一舊停不了的滋味！整體黎講係好推介的一間地道港式餐廳 經過深水埗可以黎一試！

喺深水埗區有好多價廉物美的餐廳雪山冰室算係其中一間呢個差50蚊非常之抵食又飽肚最欣賞係佢件法式多士咬落鬆化, 牛油味 恰當好處個牡丹蝦炒蛋， 蛋心炒到嫩滑馬來西亞喇沙， 面底混合咗兩種麵， 分別係米粉同馬來西亞喇沙麵底。 兩種面底正好陰陽調和幾爽口得來又嫩滑。最正就係過喇沙湯底， 小小 麻辣 非常之香。 點樣配不一金馬來西亞秘製醬料給你。 味道有啲似豆瓣醬但又唔係豆瓣醬。魚蛋爽口彈牙， 仲有兩隻新鮮蝦， 蝦的肉質非常紮實， 食得出是新鮮、

近年，不知怎的，「冰室」熱潮大熱！迄立深水埗超過60年的老字號「雪山冰廳」，新店主接手後，把店舖重裝翻新，除了保留昔日兩幅舊畫和沿用懷舊地磚外，還加入新元素，如牆身畫上彩色魚，以此作新店招牌Logo。這條魚，小妹覺得貌似「鯉魚」。不免，想起一句話 - 魚躍龍門，身價百倍！ 餐牌選擇多樣化，新舊並重，且圖文並茂，誘人非常！懷舊食物如避風塘炸髀、紅豆冰、絲襪奶茶、始祖椒鹽豬扒飯等；新派作品，則有檳城叻沙摻摻特餐配搭日本櫻花蝦炒蛋、日式照燒雞翼撈公仔麵常餐配黑松露炒蛋！ 樽仔奶茶$15與樽仔咖啡$15，近年不時出現在冰室中。這兒，也可找到它們的蹤跡。 較淺色的，是C點的咖啡。 樽仔奶茶，一早沖泡好，茶與奶的比例恰到好處，夠滑且不會太甜，原汁原味，只稍嫌茶味未夠突出。 凍檸茶$19，茶香檸鮮糖漿甜美，入口爽神且夠冰凍，夏日佳選。 小妹，較為念舊，還是喜歡花生醬西多點兒。然而，C，卻對新品 - 榛子醬西多$28蠢蠢欲試，只好隨她去了 C，熟練地，把炸至外層金黃的多士，切成九宮格。 沾滿了糖漿與牛油的榛子醬多士，內裏盡是細滑甜美的榛子醬。個人

雪山冰廳有六十多年歷史前年大革新後由八十後的親戚接手新人事新作風內觀也煥然一新唯店內仍保留著兩幅舊壁畫先點始祖椒鹽豬扒飯炒底豬扒惹味沒有炸過火位炒飯底熱辣辣絕對是誠意之作再點招牌的海南雞飯 配油飯油飯散發著淡淡的椰香味雞肉是雞脾位非常嫩滑配以甜豉油和辣醬兩款五十八元的確非常抵食夾大件招牌之作還有避風塘炸雞脾港式避風塘口味別具風味雞脾生炸肉質仍能保持嫩滑飲品點了自信作樽仔奶茶甜度適中冰凍之餘不會被冰塊沖淡

近期多咗好多"冰室", 其實好多都係普通茶餐廳，食物無咩特別，更吾好講咩懷舊野。最近老公仔成日係深水埗做野，佢話呢間雪山冰室幾出名，咁抱住食餐普通午餐的心態就去試下啦，但估吾到吾錯喎舖頭裝修有啲懷舊feel， 新淨得哩有一種70年代的感覺食物選擇吾係好多但各樣都幾特別，吾係只得普通茶記的乾炒牛河同楊州炒飯當中竟然有波士頓龍蝦叫左份波士頓龍蝦慘惨 (即星加坡喇沙), 有成半邊龍蝦，肉質都吾錯，又多肉!喇沙湯吾會好辣，適合香港人口味椒鹽豬扒飯既飯係炒底，吾係好hea既蛋炒飯，有啲似係印尼炒飯，好夠味，配上炸得香脆的椒鹽豬扒，食到停吾到口本來好飽但忍唔住叫多個榛子西多士， 雖然係用榛子醬但比用咖吔醬更加冇咁甜，值得推介!最後不得提係佢既樽仔奶茶，好有茶味，雪凍但無冰更易入口，我吾係好飲奶茶都覺得幾好飲

今晚約了朋友吃飯，我們都好久沒有吃茶餐廳，所以就來到雪山冰廳吃晚餐。去茶餐廳怎麼可以不喝奶茶，這裡的奶茶跟外面的茶餐廳不同，他們不是用杯子沖，直接給的是一瓶瓶裝奶茶，很特別。他們的樽仔奶茶入口好滑，茶跟奶的比例剛剛好！😋啫啫通菜豬爽肉，通菜一點都不老。原來通菜加上豬頸肉一起炒，味道是不錯的。蝦米仔更增加了整道菜的口感，好惹味呀！另外，朋友叫了一道火龍果咕嚕肉，咕嚕肉的汁酸酸甜甜加上新鮮的火龍果肉，絕對是開胃之選～海南雞都很好吃，有驚喜呀！😍雞完全沒有雪藏味，雞胸肉都是嫩滑的，我下次來也一定會再點這個。我跟朋友都很喜歡咖哩牛肋條煲，咖哩很濃牛肋條軟綿綿的。茶餐廳的份量都挺多的，非常適合跟一大班朋友一齊吃！

星期日晏就黎到呢頭買野，想食茶記常餐，見最近係呢間就黎食。估唔到有咁多人，已有幾個排隊等位，等左大約十五分鐘左右就有位入。入面光鮮白色為主，仲有一大幅畫，大約都有五六十個位。姐姐落單做野好快手又搞笑，最鍾意呢啲人情味，上菜快。食物高質，味道濃味又足料，今次兩人叫左三樣野食加兩杯飲品，平均每人$70。雪山常餐(1) $44火腿炒蛋，炒蛋大份，火腿正常有兩塊。個厚多士係丹麥包黎，奶油香濃又酥脆，好好味。而個沙嗲牛麵，個湯唔係得個香，食落都好濃味。樽仔奶茶 (跟餐) +$9入口滑口，後有茶嘅甘味，難怪係招牌之一。避風塘炸蒜雞髀 $28大排檔風味令炸雞髀味道升華，外脆內嫩，仲幾大塊下。香蔥碎牛肉炒蛋三文治 $28餡料都幾多，味道岩岩好，唔會好咸，加左蔥反而仲多左種清新感覺。華田曲奇妙趣 $25華田好濃好濃，仲有粒粒朱古力，再加Cream，變到好香好滑， 好邪惡嘅飲品。

行完美荷樓就落深水埗醫下肚仔見到餐廳寫住自1956，應該係有啲歷史嘅老冰廳，就同朋友入去一齊試下啦雖然唔算好大，但店裡面環境都算乾淨整潔，見到有油畫牆我諗應該係裝修翻新過，感覺唔錯我哋大約係2:45pm入去，2個女仔喺未食午餐嘅狀態下，我哋叫咗3樣嘢試~首先係 檳城特餐($50) 有檳城叻沙摻摻+日本櫻花蝦炒蛋+牛乳厚多士，再跟餐加 $9 試吓店裡面姐姐推薦嘅樽仔奶茶。叻沙摻摻係油麵加米粉2樣混合一齊，亦都可以淨係叫一樣，叻沙湯聞落幾香，味道亦啱啱好唔會太濃或太淡，飲落唔會好重椰奶味，同埋摻摻一齊食嘅口感都幾豐富，不過如果可以多啲湯就好了！叻沙有蝦有魚旦片同豆卜，建議唔好拖咁耐食如果唔係啲麵會索湯㗎！啱啱嚟熱辣辣嘅時候就最好味！而厚多士比想像中好味，麵包邊脆卜卜而中間就好軟腍腍，每啖都有牛油香都幾邪惡㗎！炒蛋都滑身但櫻花蝦味就唔算太出～樽仔奶茶我個人嚟講好鐘意啊！一嚟唔會有茶嘅苦澀味，而奶都幾香滑！甜度係中等偏甜，想試嘅可以就咁買樽拎走飲避風塘生炸雞髀 配紅豆冰 ($35) 炸雞髀魅力沒法擋啊～ 炸髀面頭嘅炸蒜同埋雞皮都係脆卜卜！有好小好小嘅辣但相信大部分人都接受到（本人譚仔食清湯哈）

雪山冰廳，門口招牌大大隻字寫住自1956 ，就知佢歷史悠久，諗住佢都係食Ｄ傳統冰室野啦，點知入到去食，發現有驚喜喎，食Ｄ野又幾潮喎！叫左常餐試下，發現佢有別於一般既常餐，多士換上左即烘丹麥吐司，牛油味超濃，好香口超鐘意！佢既常餐配搭，更換上櫻花蝦炒蛋配喇沙！櫻花蝦令炒蛋多左份鮮味，而且多左Ｄ咬口。常餐價錢，但喇沙非常足料，鮮蝦都有兩大隻，而且湯底好多椰香！好鐘意呀！女仔黎講，呢個常餐份量夠晒有突！

難得放假，就同姐妹周圍去影下相食下野，嘆返一日。之次有朋友同我提及過呢間雪山冰室，咁我地就plan好咗，係石硤尾果邊相完相就行過黎食個下午茶。餐廳唔難搵到，如果仔細睇，會見到一個懷舊式招牌，可惜唔係好影到。今次我地叫左兩個餐加一個小食。分別係避風塘生炸雞脾配紅豆冰、特餐(櫻花蝦蔥花炒蛋、多士＋喇沙摻摻）配樽仔奶茶同埋一件榛子醬西多士。個人至愛：雞脾真係要試下，肉質唔「鞋」，切開有肉汁。最鍾意係佢既調味，有好少好少既辣，好香口。茶餐配既紅豆冰超多紅豆，紅豆控必點。至於特餐，平時唔太食蔥既我，接受到炒蛋入面既蔥，加上蝦既味道，意外地夾而佢既多士唔係普通方包，有少少似係丹麥包。摻摻湯底都唔錯，雖然唔係話超級濃，但絕對係中上質素。料有魚片、豆卜同埋蝦各兩件。麵底有油麵＋米粉，口感唔錯。油麵唔係㵉pat pat 果種，係比較彈牙既。加配既樽仔奶茶偏甜，不過勝在夠滑。朋友係Nutalle鐵粉，所以佢一早就話要叫榛子醬西多士。😏個人認為榛子醬味唔夠出，糖漿有啲蓋過左榛子醬味。整體黎講好食既，想試既不防try try佢。埋單前加多支樽仔咖啡，反而咖啡甜度適中，比起奶茶，我都係鍾意樽仔咖啡。