雪山冰廳

营业中

休息中

今日出去深水埗陪細佬食lunch，行過見到呢間雪山冰廳裝修同嘢食都好吸引，一於入去試吓啦。嗌到成枱都係食物。避風塘炸蒜雞髀:炸雞髀好大隻，唔會好乾身。外皮脆卜卜配埋避風塘炸蒜好惹味。爆餡蔥花蛋牛治，勁厚嘅蔥花蛋啊，方包一啲都唔馬虎，好軟熟。雪山常餐，炒蛋好滑，沙嗲牛肉好足料。最驚喜嘅係嗰份丹麥多士，好鬆軟好香牛油味，我諗我下次嚟都會再食呢個多士。港式茶走紅豆冰，食咗咁多嘢飲番杯紅豆冰完美結束今日嘅一餐。

深水埗嘉頓面包附近有間雪山冰廳，雖然我係黎食晚餐，但見到個爆餡蛋牛治相當吸引，即刻order一份黎食！爆餡蔥花蛋牛治，真係好足料，加埋蔥花好香口，蛋汁牛肉餡juicy,有烘底更香脆！小食黎講十分推介～主食就揀左招牌海南雞飯，雞肉夠嫩滑，雞皮都好滑，正！跟餐加配樽仔奶茶，無冰溝淡茶味，就最香滑濃味，係我既每次必飲！另一個主食係芝士白汁漢堡扒蛋包飯，好大塊漢堡扒，唔係急凍一塊塊普通既漢堡扒，呢啲人手整既漢堡扒肉質更彈牙，厚度適中，保持肉汁！

男友難得放假，可以在家中自然醒再出發準備了一天的行程。這幾天一直說好久沒吃過冰室，便找了一家在途中的試一下。剛好十一點多來到，還可以點早餐，男友要了一份歐陸早餐，我則是一貫貪心的點了兩份我想吃的食物。歐陸早餐 $40男友點了選項一的歐陸早餐，有的是吉列豬柳、炒蛋、茄汁焗豆及香酥丹麥多士。我不吃豬但男友吃得津津有味。我試了一下炒蛋配上丹麥多士，超好吃的！丹麥多士真的是賣點呢！避風塘生炸肶 $28看到避風塘我就忍不住了，點了一客。雞肶是新鮮炸好的，上桌的時候熱騰騰的，所以要給點耐性呢！超級惹味，雞皮香脆內裡滑嫩！芝士煎蛋菠蘿油 $26第一次吃上加了芝士煎蛋的菠蘿油，味道口感挺特別的！個人會比較希望芝士更融化一點。樽仔奶茶 $25（跟餐$9）樽仔奶茶瓶子印上冰廳logo，茶味濃香，甜度冰度剛剛好！值得一提的是我這個白痴把奶茶倒翻了店員也馬上來幫我們清潔好⋯真的太不好意思了！

去完黃金商場，又有間在附近，就去試吓啦。入到去已經三点幾，嗌個下午茶餐榛子西多配奶茶，有啲失望，不知道是蛋貴或榛子醬貴呢？！榛子醬少得驚人，差啲食吾到有味，蛋醬又少，叫做浸濕咗塊麵包咁，香味都冇，唯獨咬落口，冇乜油。奶茶茶味濃，但不夠滑。另一份是咖哩牛肋條湯麵，牛肋條夠腍夠入味，算不錯，再加$9轉樽裝凍奶茶。地方寬敞，食物一般，2人@40，食个tea，下次可以試其他。

出深水埗唱yen, 揾間茶餐廳食個light lunch, 行行下見到li間幾新嘅冰廳隔離掛住舊嘅招牌, 睇睇Openrice嘅相原來重新裝修過, 入面坐滿哂但等一陣就有位, 卡位比舊式冰室大張好多整體非常乾淨. 睇睇個碟原來1956年到而家好有歷史呢.>雪山檳城風特餐 (HKD52) 🍜叻沙摻摻每次睇到menu有叻沙都食, 鐘意味道勁豐富嘅馬來風味湯底, 當然唔少得好香嘅椰漿, 配料都OK多款: 有厚切魚蛋頭片, 鮮蝦🦐, 豆腐卜, 炸脆蒜, 最正係一大羹辣醬, 辣得黎friendly人人啱食, 油麵同米粉加湯底口感好正, 夠哂濃香😋.•🍳🍞櫻花蝦炒蛋多士 厚多士有驚喜!! 事關我都未食過咁特別嘅多士竟會出現喺冰室👏🏻. 厚切烘成金黃, 一搣原來係有啲近酥皮麵包嘅質感, 啖啖都極邪惡🧟‍♂️, 炒蛋好滑, 櫻花蝦嘅分量真有點誇張, HKD52有咁多野食好抵.>爆餡蔥花蛋牛治 (HKD27)每邊全部烘底嘅三文治🥪誠意分一百💯, 話佢爆餡一啲都無浮誇, 炒蛋滑之餘充滿牛肉葱花, 咬開都見到啲蛋有層次一層層喺pan上推熟, 細心留意塊多士比一般冰室厚好多.>避風塘炸蒜

放工2.0鐘搵好嘢食，去到深水埗呢個美食天堂，先前聽過一個YouTuber講介紹過呢間餐廳有bookmark到所以我哋今日就試一試係咪真係咁好食。餐廳環境似一般茶餐廳格局，環境一般餐枱擺位比較貼座位有一點窄。我哋睇睇餐牌見到有下午茶餐但係亦都想試一試招牌嘅豬扒飯於是我哋叫咗個熱狗和豬扒飯其實我哋一開始並不是想叫這款普通熱狗而是一款潛艇不過俾佢餐牌內容誤導了，不過唔緊要熱狗就相對比較一般都係普通番茄醬加芥蘭加酸瓜茄蕃茄生菜，薯條係粗薯條質感好好，椒鹽豬扒飯係炒底內裏有蛋絲菜粒蔥花等等，豬扒入味，但稍微有點乾身。另外叫了樽裝奶茶，甜度預先調教好，亦不錯！

1956年開業既老字路，最愛佢地既下午茶餐。今次食麻辣雞米線，湯底都幾夠麻。份量仲比之前多左，其實當午餐食都一樣可以。至於紅豆冰就有非常香滑花奶配甜甜既紅豆，次次食都好滿足

雪山冰室係深水埗都幾有名氣下 係老字號茶餐廳 最近好似翻新左 所以專登約埋朋友去試下黎間有名既懷舊冰廳 黃金脆瓜炒蝦仁 $65(好味指數: 😋😋😋😋)最近黃金產品真係好hit 一見到有關於黃金既菜式就想試 蛋黃醬好多 基本上每一啖都有蛋黃既味道芝士焗波士頓龍蝦海鮮飯 $108(好味指數: 😋😋😋😋)個賣相非常吸引豐富 有半隻波士頓龍蝦而且仲好大隻 而海鮮飯仲係炒飯底入面仲有魷魚 蝦仁 青口黑松露沙拉一字骨 $78(好味指數: 😋😋😋😋)超多黑松露同沙拉而且同一字骨超夾 有黑松露既香味 又有沙拉既甜味 一字骨仲炸得好香避風塘生炸雞脾 $28(好味指數: 😋😋😋😋😋)雪山冰廳既避風塘炸脾好出名 雞皮炸到好香脆肉質好juicy 再配埋避風塘風味真係好夾 d炸蒜好香好惹味將雞脾再提升一個層次樽仔奶茶 $25(好味指數: 😋😋😋😋😋)當然唔少得港式奶茶 茶底好香 奶好滑 甜度岩岩好😍(5分為最高)整體食物質素: 😋😋😋😋性價比:💰💰💰💰推薦指數:👍🏻👍🏻👍🏻👍🏻

早幾日係深水埗黃金買野，順便同閨蜜👭行街街，就到食飯時間，行到嘉頓位置，見到呢間座無虛席既餐廳，決定入去一試😍餐廳🍴名仲用投射燈射在地下，顯然而見🥢望望餐單，除左香港🇭🇰地道美食蛋牛治、菠蘿油、公司三文治🥪，仲有快餐，焗飯、日式蛋包飯🥚、太多不能盡錄，多到花多眼亂🍴🥢😂叫左個檳城特餐，包左：1.檳城叻沙摻摻：摻摻即是油麵和米粉混合在一越, 叻沙味濃👍🏽配料有豆卜蝦米, 🦐仲有兩隻彈牙蝦，跟在新加坡食的叻沙摻摻一樣好味.2.日本🇯🇵櫻花🌸蝦🦐炒蛋🥚配香酥丹麥多士🍞：日本🇯🇵櫻花🌸蝦咸咸香香，配落充滿牛奶🥛香既滑蛋🥚是絕配，而且仲要係🥪丹麥多士好酥脆，有牛奶🥛味香，配滑蛋食一流🌹另外叫左個爆饀蛋牛治🥪：烘底是基本，兩邊烘至金黃色，蛋牛🐂饀真係滿到就溢出，望落吸引😍咬落去粒粒牛肉粒都望得好清楚，咸香味，加埋香蔥調一調味，蛋香濃郁牛味重🍞❤️食食下吾夠飽，叫多個川味麻🌶魚片雞肉米線🍜：米線超焾身，不算太🌶，反而係麻麻香香🥢又吾會太油，而雞肉份量多😌鐘意飲奶茶☕️既我地叫左兩支樽仔奶茶，出奇地吾會太甜，茶味香濃，奶味夠出，不錯🥛總結：平民價錢，食物款式多，質素👍🏽

位置話近唔近，話遠唔遠，不過好食既餐廳多數都係因為咁先可以提供高性價比既野俾我地小市民。呢柸係華田曲奇妙趣，華田本身都有少少甜，所以我就叫左走甜，加埋上面既cream，甜度岩岩好。口痕就叫左薯條食住先，新鮮炸起，唔會林糍糍。炸雞搥都係小食一部份。味道唔錯椒鹽鮮魷好味，炸粉唔多，不過就有少少辣。啫啫芥蘭幾有鑊氣，同埋好多肉碎係入面鮑魚雞煲炒得好有味，份量都幾多。呢個就係火龍果咕嚕肉，平時食開菠蘿，呢個轉左新玩法用火龍果，個汁少左d酸味，但係多左d甜味，值得一試

同朋友去深水埗一帶食嘢。見到一間幾有香港特色嘅店舖，招牌店面都好有懷舊嘅香港風格。價錢都合理，就入咗去坐啦。咁入面都係好多卡位，都算係幾新潮嘅一間冰室。咁我同朋友就嗌咗兩個餐，分別係火龍果甜酸排骨，同埋椒鹽魷魚。一個湯，都好足料。有雞腳，冇乜味精而且好夠熱，我同朋友都好鍾意。其次火龍果甜酸排骨賣相非常特別，而且火龍果食落酸酸地，甜甜地，好有特色。椒鹽魷魚炸得都幾香，可惜粉厚咗少少，不過配合豆腐，同埋一啲香料，食落都非常香口。我哋仲叫咗樽仔奶茶，其實飲落冇乜特別，中規中矩。不過特別之處係幾有港式嘅感覺，我諗大家都係想食呢一種懷舊嘅vibe。

與友人相聚，路經青山道62D號，這裡有一間名為雪山冰廳。忽然食指大動，嚐試此店之美食，店內的裝飾帶點懷舊感覺，花階磚地及牆上劃了一幅大壁畫，和幾盞吊燈點綴。坐下来首先叫了一杯忌廉薄荷朱古力特飲，和一碟椒鹽豬扒飯。那特飲將忌廉加入朱古力中，令到朱古力更加幼滑，而帶點薄荷，有凉喉的感覺，此配合恰到好處。而椒鹽豬扒飯，用一大片炸成金黄色的豬扒，與椒絲及蒜粒伴随，带有辣味的蒜粒混合些鹽花，帶出豬扒的鲜味。此店中之小食，還有整隻雞翼之比翼雙飛及炸雞肶值得推介，十分滋味。

平時都特別鐘意食小菜,氷室既小菜一直覺得比較穏陣,唔會太差,地方又比大排檔好好多,地方最緊要近屋企雪山氷廳平時食開佢既櫻花蝦,今次晚飯就試左佢地既小菜,質素算好好,很满意首先2人餐真係好抵食,有海南雞半隻+一款晚餐+炒菜一蹀+白飯2碗,再跟2杯野飲$168海南雞好滑,皮有少少厚,但都係好滑,醬汁好濃,送飯一流金銀蛋蝦乾浸時蔬,估唔到咁大碟,勁多料,鮑魚啫啫雞煲,好香,有5-6隻鮑魚仔,估佢唔到呢個價錢可以有鮑魚雞食,抵!!跟餐有一碟西蘭花紅豆冰少甜,味道岩岩好,正!

今日去黃金行街，行經青山道近嘉頓，看見"雪山冰室"門口宣傳，見晚市有滋潤燉湯加蒸魚幾抵食，一於入去試試。滋潤燉湯二人套餐 $168两盅燉湯螺頭杞子赤肉先來两盅燉湯，湯清甜滋潤足料。是日有幾款海上鮮選擇，我地揀在蒸黃花，有驚喜，魚夠大條足夠二人份，魚新鮮嫩滑。花膠海鮮煮雜菜煲 +$10雜茶煲份量同樣足，當中有花膠、厚身石斑片、蝦、魷魚、鮑魚片、香菇、雜菜和蟹柳等，整體不錯，厚身石斑片最吸引。再有两碗白飯。熱飲 +$6港口味雪糕紅豆冰 +$15紅豆粒粒夠蓉，甜度正好。招牌海南雞飯 $60這裡還有招牌海南雞飯，雞肉夠嫩，蘸上两款醬汁更有風味。樽仔奶茶 +$9這裡招牌必試的就是自家出品樽仔奶茶，飲落果然特別香滑。

今日難得放假，就相約朋友一齊去了深水埗買Game，順便去找找附近有什麼美食！行過見到有間(雪山冰廳)，我二話不説就入左去坐低左，因為有我最愛的炸雞髀！避風塘炸蒜雞髀$28呢隻雞髀炸得外脆內軟，非常多汁亦都非常嫩滑！配上避風塘炸蒜，完全係天作之合！單點$25支，跟餐加$9蚊(紅色樽蓋) 樽仔奶茶，(黑色樽蓋) 樽仔咖啡食完炸髀，有點口喝！原本想叫凍檸茶，不過，店員極力推介樽仔奶茶和樽仔咖啡！奶茶夠滑又好飲，甜度適中！咖啡媲美Starbucks！招牌海南雞飯 $58油飯香氣撲鼻，而且個海南雞沒有任何雞腥味，亦都唔會有好多肥膏！配上甜豉油和辣醬，令人不禁想添多碗飯！