影片
更多
2018-05-07
90 浏览
今日仍是茹素的日子，要我老公陪我食素一段日子，簡直難過登天，因為佢成日話食素好悶又唔飽，而且素食多數是中式或是偏向清淡，但今晚已經幫我兩洗腦了！我之前上網見到呢一間店舖用我最喜愛嘅紫色作為店舖嘅主題，而且又係素食，所以我一早訂了七點到呢間餐廳試吓！一入到呢間餐廳見到全部都係用紫色作為背景，真係感覺好浪漫同埋陶醉，店員嘅制服都係紫色㗎 ，同一般嘅素食餐廳感覺好不一樣，呢間店舖亦沒有宗教作為主題，只係用素食就係標榜，所以任何宗教信仰嘅人都可以好舒舒服服地在這間素食餐廳進食！我哋兩個叫咗兩個唔同嘅dinner set ！我覺得套餐嘅價錢會比較合理同埋實惠，因為我每樣野都想試，套餐包括了前菜丶手卷丶湯品丶主食丶甜品及飲品，計返大約只是＄300一個人其實物有所值！另外，對於一個素食者，餐牌上會提醒有些素食者免奶類或蛋類的食品，突顯細心。從左起，香干伴馬蘭頭丶泰式鮮果沙律、雙薯藜麥蘋果雪泥，我不得不超級讚，香干伴馬蘭頭是上海菜，再加上泰式沙律及西式嘅薯蓉，一次過食晒三種唔同國家嘅前菜，有心思，最好食嘅係泰式沙律，質料十分之開胃，酸酸地又有薄荷味，超級清新！超級推介！湯品是羊肚菌竹笙黃耳百合燉湯，我
我之前上網見到呢一間店舖用我最喜愛嘅紫色作為店舖嘅主題，而且又係素食，所以我一早訂了七點到呢間餐廳試吓！
一入到呢間餐廳見到全部都係用紫色作為背景，真係感覺好浪漫同埋陶醉，店員嘅制服都係紫色㗎 ，同一般嘅素食餐廳感覺好不一樣，呢間店舖亦沒有宗教作為主題，只係用素食就係標榜，所以任何宗教信仰嘅人都可以好舒舒服服地在這間素食餐廳進食！
我哋兩個叫咗兩個唔同嘅dinner set ！我覺得套餐嘅價錢會比較合理同埋實惠，因為我每樣野都想試，套餐包括了前菜丶手卷丶湯品丶主食丶甜品及飲品，計返大約只是＄300一個人其實物有所值！另外，對於一個素食者，餐牌上會提醒有些素食者免奶類或蛋類的食品，突顯細心。
從左起，香干伴馬蘭頭丶泰式鮮果沙律、雙薯藜麥蘋果雪泥，我不得不超級讚，香干伴馬蘭頭是上海菜，再加上泰式沙律及西式嘅薯蓉，一次過食晒三種唔同國家嘅前菜，有心思，最好食嘅係泰式沙律，質料十分之開胃，酸酸地又有薄荷味，超級清新！超級推介！
湯品是羊肚菌竹笙黃耳百合燉湯，我未試過咁好飲嘅中式素湯，真係落足料，黃耳煲到好淋，正！飲落去超有養顏滋潤補身嘅感覺！
我丈夫飲菠菜桃膠忌廉濃湯，影出嚟好似好少咁，但係真係好大碗，超級濃郁嘅黑松露味道，菠菜味都好濃郁， 打得好幼滑，中間仲有一粒大大粒嘅桃膠！
我兩款手卷都有叫，兩款嘅味道都好清新，有啲似軟殼蟹，手卷不是用飯做，而是苜蓿芽，我都未試過，是一種植物嘅幼苗，沒有草青味，又唔怕食咗會肥，好好味又健康，順便清一清口腔食主菜，讚讚！
我老公超級讚呢個黑松露意式野菜焗螺絲粉，佢好少讚好食㗎 ，我都想知點解，發現黑松露嘅味道超級香濃，又多芝士，最重要係上面嘅野菜係用外國貨，例如用意大利青瓜，另外螺絲粉同我平時買開嘅完全唔同，層次十分之多，充斥了好多忌廉汁在螺絲粉中間，淨係呢一點我已經睇得出呢間餐廳無論在烹調以及入貨，廚師落左好多心機！好感動！我超級推介呢個螺絲粉！
日本南瓜鮮豆包大啡菇焗千層麵一樣好熱辣辣香噴噴，超級多芝士，千層麵好難整得好好食，但係呢間餐廳用咗素食嘅食材去炮製千層麵，別一番風味，上面已經鋪滿超級多芝士，有拉絲的效果，而且香草好香，大啡菇配上千層麵及豆腐麵筋南瓜等等食材， 很創新！
呢間餐廳最好就係提供甜品，因為同朋友傾計唔使轉另外一個場地，現在外面搵位好困難，呢度可以叫甜品一站式慢慢嚟，我哋加錢叫左伯爵茶千層蛋糕、又叫咗夢幻泡芙，我老公喜歡食芝士蛋糕以及千層蛋糕，不過我就個人喜歡食泡芙，雖然有啲肥同埋邪惡，又會多吉士忌廉，不過真係好鬼正，佢裏面嘅吉士醬好香，而且泡芙係自己整嘅，一陣風就已經冇晒，我相信好多女士都好鍾意！
最後我哋叫咗藍蝶花雪梨茶及特濃朱古力作為晚餐嘅總結，作為一個護士成日都會關心健康，但係今晚可以滿足到我另一半的肚皮，更令佢知道素食係可以很美味又健康！每人＄300多少少，真係食到好飽好飽啦！有機會大家真係要去試吓！另外想讚一讚比方十分之清潔，在你食手卷之前會比濕紙巾你，以及店員服務態度十分之好，發現你食完嘅餐碟好快就會幫你收，因為枱面唔大，咁樣我哋就可以好舒服享受我哋嘅晚飯
张贴
