雅 ‧悠蔬食

营业中

休息中

從未如此遇到咁差嘅的一位接待員，係咁催我哋張檯走(過左8點少少), 呢位接待員居然仲同食客鬥咀，最後仲當住我哋(客人)面前大大聲講：「呢張檯全部嘢可以清走！！」😳😳 咁嘅服務態度真係不知所謂 ，不知所謂，不知所謂！ 其他檯都係差唔多時間入座，但係淨係催我哋檯走！！咩道理呢？真係食得好受氣😡

早前公司新來了一個從外國回來的新同事，佢話現在歐美國家好興素食，完全唔係我以前諗的食齋或者宗教概念，素食是新時尚，我梗係要跟佢體驗一下啦。蒲踏出𨋢門 ，餐廳裝修好新派，用粉紫色配上白色的椅子及天花，又摩登又光猛， 午餐選擇有中式(筷子)，西式 (刀叉) ，仲有fusion版。🥦我點要 一份 冬菇淮山栗子豆腐配珍珠糙米飯，這個午餐有好多個course，老火湯是印度椰子雪耳湯，加上西瓜哈密瓜藜麥黑醋沙律， 酸甜度適中，這已經好有睇頭。🍜 同事點了一份 台式大滷麵配香酥雲吞，西式白湯是 忌廉粟米濃湯，配上蒜蓉包，這個湯香濃多料，相當唔錯。我們額外加了$20，要一份 班蘭千層蛋糕，唔係好甜，好滿足。最有趣的是他們的電視機，正在播放煮素食的 YouTube 片段，我睇得十分入神，唔肯離開。服務唔錯，當服務生送上甜品時，還送上祝福語句，值得一讚。餐廳地方闊落，裝修用粉紫色及白色裝修，清新優雅，感覺好年輕的OL，下次要再來。 😃

同友人食lunch,想食得特別又唔想太誇張。。。於是上網搵吓，見到呢間新派素食，上網訂位啦！訂咗12點幾，早到咗都可以入座，可能太早，只係得兩枱，睇完餐牌就點餐了食到一半，已經坐滿3分2座位；呢到紫色嘅佈置真係令人好舒服，加上侍應同食物質素都好高，難怪上樓鋪都咁多人。食過呢餐真係對素菜改觀。。。

都有一段時間冇食素菜，同事帶我嚟此餐廳，餐廳在商業大廈內，樓下亦冇乜宣傳，可能都係做熟客為主，裝修似西餐廳多於傳統素食餐廳。頭盤有中湯同西湯選擇，西湯做得正宗，忌廉味香濃，有層次。蒜蓉多士亦有西餐廳水準。中式素小炒配珍珠糙米飯，呢款係最傳統嘅素菜餐廳菜式，豆腐、冬菇及淮山等材料，味道香濃，餸飯食一流。台式牛肉麵配炸雲吞，湯底層次感豐富濃厚亦算正宗，牛肉外觀幾可亂真。飯後甜品加$20，椰香斑蘭千層糕班㦸，忌廉濃厚，似忌廉蛋糕。鮮奶咖啡內的奶比一般更濃，感覺特別。

野食唔多選擇，仲要人頭$200 min charge, 7大1細 食左$1600 好唔抵！如果好味其實係冇問題，但係食物又唔太精緻、份量又細、食完都唔係好飽，坐得又唔係咁舒服，又污糟⋯ 真係好一般⋯ 叫左個洋甘菊茶，但唔知點解一陣薑味，初初以為比錯，點知話洋甘菊茶係有薑味😲另外 最深刻係個甜品紅豆糕，勁唔好味！好”削” 得d粉，衰過酒樓嗰啲，仲要無厘頭加杏仁粉，成陣杏仁味，好奇怪⋯ 最出色係個黑松露飯，幾有菇味幾好味～ 其他食品都係一般正常。

【#SUPERMAMA開心SHARE】找「素」的「素」養@雅‧悠蔬食找素，是人生快事啦 近日因為疫情之故，很少和朋友外出吃飯 然而，難得有人約我食素 還是非常漂亮的餐廳 於是，就和朋友去尖沙咀的「雅‧悠蔬食」一起聚一聚養生健康，仲要好味 今次真是見識了我們先在店外探溫 然後才入店餐牌選擇多，我們叫了2個set前菜好豐富 一般都只有1款 但1個SET卻有2款 包括： 1.華都夫薯仔合桃冰菜沙律 2.黑木耳拌青瓜苗清爽鮮甜又開胃，我比較中意沙律 蘋果好甜，薯仔又林香芒牛油果苜蓿芽手卷 顏色吸引，味道鮮香 苜蓿芽配紫菜的口感原來可以咁夾蘆薈西蘭花忌廉濃湯 顏色翠翠的，好香濃的西湯黑松露野菌意粉配吉列菇菇 賣相很吸引，味道亦充滿黑松露香 吉列蘑菇炸得香脆套餐包一份甜品 其實都好飽了，但都要一試 因為係素食甜品 榛子咖啡乳酪蛋糕 唔錯，夠晒厚，有好香咖啡味 原來仲可以畀客人決定是否走奶 好細心呀！

✿╮❤╭✿ ✿雜感女生   好味日記✿ ˚*•✰。雅‧悠蔬食．高質「素」。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 素食，是時下流行的健康飲食法則 要吸引肉食獸入場 素食餐廳一定要想想新意思今次與肉食王朋友拜訪了尖沙咀的「雅‧悠蔬食」 餐廳做足消毒，而且裝修雅致 氣氛舒適 連餐單都十分吸引令肉食朋友深表滿意餐牌有單點亦有套餐 個人認為套餐極具吸引力款式多樣，份子豐富，CP值高前菜有2款：華都夫薯仔合桃冰菜沙律+香椿黑木耳拌青瓜苗 蔬菜十分新鮮，入口有清新開胃的感覺 特別是拌青瓜苗很有新鮮感手卷：香芒牛油果苜蓿芽手卷 非常美味的卷卷，特別是芒果伴牛油果的配搭份外有果香層次，好甜好滑舞茸淮山黃耳竹笙雪蓮子燉湯 滋潤的湯水總是我的最愛 這款素湯，材料足，味道香濃 竹笙、舞茸的口感非常引人 想不到素湯也可以很好飲沙爹猴頭菇豆卷串燒配墨西哥薄餅 猴頭菇是出奇的食物 極有雞肉的口感與視覺 墨西哥薄餅點上香口不辣的沙爹好食！榛子咖啡乳酪蛋糕 質感

-又來這裡吃素食🥗每一家分店都吃過了xd♥《蘆筍西蘭花桃膠忌廉濃湯》沒有想過這樣的配搭🙊意外地合適，又足料～湯底濃郁，豐富有口感😋最重要的是非常養顏！！♥《前菜》華都夫薯仔合桃冰菜沙律+黑樁萵筍黑木耳拌青瓜苗❤️前菜雖小，但絕不單調乏味！材料豐富新鮮，不馬虎求其🤓♥《香芒牛油果苜蓿芽手卷》細心提醒要盡早吃‼️否則紫菜會軟掉喔(x.x)這是個香甜清新的配搭🌯重點是苜蓿芽代替了飯～健康也不會太飽，滿意‼️而芒果及牛油果熟度剛好～份量少，主菜前開胃一流🥰♥《菠菜合桃野菌忌廉燴意大利飯》色、香、味俱全！正宗意大利硬飯粒🍚每一粒都沾滿醬汁～沒有一粒漏網之魚喔💪🏻香脆椰菜花也令人驚喜！名副其實脆卜卜，好味道😘♥《杏汁椰香紅豆糕+榛子咖啡乳酪蛋糕》紅豆糕杏汁味超重💕蛋糕硬身，有餅底～兩個都是不錯之選😚♥小提示 Tips：晚餐最低消費$200 ，比較貴，不過公主式的裝修和食物質素認真很不錯，吃素的朋友不妨一試啊🥳

鐘意試新穎素食嘅朋友可以試吓呢間啦~今餐同幾個朋友一齊食，所以都試咗唔少食物。香芒牛油果苜蓿芽手卷Refreshing，開胃。芝士黑松露薄餅脆口，好足料，好好食！泰式腰果糖醋猴頭菇 味道同賣相同咕嚕肉好似，好好食！但係呢碟唔記得影相！焗蘋果酥皮盒好Surprise，原來唔用牛油，都可以整到酥皮，而且個酥皮都好薄身同脆口。整體嚟講食物好好食，環境就，可能因為地方細咗少少，所以坐滿嘅時候有d嘈雜。同埋侍應好似想趕人走咁，收野收得好快，又趕住要埋單。但整體服務都好好，訂位前一日會先確定訂座資料，問你有冇其他服務requires，介紹食物俾我地，呢間值得再幫襯。P.S. 每位晚市最低消費 $200

今天約了一位茹素的朋友共進午膳，很理所當然的選了一家素食餐館～中午時分，這裡提供多款午飯套餐，套餐裡包含了一杯飲品和一碗糖水，十分豐盛👍🏻我點的是海南雞飯，米飯很足，蘸海南雞的醬料風味十足！所謂的海南雞其實就是豆皮之類的食材吧，不知道是否心裡作用，吃下去還真是有點雞味😂然後我朋友點的是日式鰻魚飯🐟朋友對它的評價很好，就連平時食量不大的她也一口氣把整個吃光！另外，我在等侯朋友到來的期間一直在翻單點的menu，發現原來這裡有賣蛋糕😲那個🍓千層蛋糕看起來好好吃，將來又有多一個地方選購生日蛋糕了～

抗疫了一段時間，身心都要放鬆，相約好朋友一聚，開心渡過一個午餐。今次朋友提議食素，偶然在社交平台見到這間餐廳，是新派素食，決定一試。先說說室內，裝飾以紫色為主，氣氛走優雅路線，但空間感不足，枱與枱之間較迫，說話大聲點都好似太嘈，不是聊天好地方。食物方面，意外地，星期日都有套餐選擇，味道不差，但餐後點了熱咖啡竟然不是熱的，這點令人失望。甜品卻不錯，雪糕朱古力蜂蜜多士粒，不但好味而且很大盤，很飽。雖然我們坐了2個多小時，餐廳亦有很多座位空出，但竟然叫我們結賬，這個有點點不是味兒。

食左幾次呢間餐廳，越做越好，今次忍唔住要寫佢食評！係外賣平台嗌左個中午set lunch【和風淮山野菌燴扁意粉配紫菜豆卷便當】，番到office打開，豐富到一個點。食物盒有兩層，有齊小食、沙律、生果，同埋主菜：沙律酸咪咪，D 菜又爽口小食我就麻麻，但都睇到佢唔係求其炸夠野俾你食生果仲有柚子做調味，超fresh至於主菜扁意粉味道都唔錯，唔會太重口味，又有我至愛既蘆荀仲有個兩杯，一杯係餐飲檸蜜，味道唔錯，酸甜適中；另一杯不得了，係糖水 - 木瓜雪耳無花果雪耳海底椰粒，我打開蓋個下直情打左個突，成半杯都係料，老細駛唔駛咁老實？呢杯係送架咋成餐加埋$70有找，係尖沙咀呢個價隨時淨係食到碟超肥又無菜既碟頭飯

食物味道不錯,但服務好差！個侍應放底配菜後,隔兩分鐘話拎錯左.佢拎走碟菜,之後行個圈又放番底.30秒後又話「吾好意思,拎錯左」,又拎走多次拎錯野！母親節飯,真心勁失禮！

第一次黎食，爸爸生日，想特別啲搵間素食餐廳，唔洗下下大魚大肉。朋友介紹，雖然價錢對我黎講有少少貴，但食物質素、味道、份量都值回票價餐廳環境優雅，淡紫色為主，舒服嘅感覺。每人點左個晚餐，餐湯有中式菇湯同西式牛肝菌忌廉湯。中式菇湯超清超清甜，西式牛肝菌忌廉湯超濃郁同creamy! 每個餐前菜都有兩款：南瓜蓉同陣醋雪耳，非常清新開胃！還有一件手卷：蘆筍或芒果牛油果，佢嘅紫菜係有三層，就算唔即刻食都唔會好易變軟，呢樣好好，出面手卷好少見會包幾層。一樣係咁清新好味。終於到主菜，我叫左焗牛油果闊傑麵，入面仲有紫薯、茄子，雖然唔係好大份，但已非常足夠，超飽。爸食栗子雜菌煲配飯，好多款菌，惹味！老公就食未來漢堡，佢話完全唔覺得自己食緊素菜我試左個炸椰菜花，好似薯餅，味道香口。最後以甜品結束，中式加西式，都係唔會太甜又好食。非常圓滿特別提下佢地嘅招呼都好周到，好有禮貌，好alert你飲晒杯水就幫你加返，又得閒留意下你有冇需要，Good

依間餐廳計埋今次，係食第三次lu，兩次食尖沙咀依間，一次食荃灣新開分店，今次生日都揀依間食，因為未同友人試過，所以就想同佢一試啦，都幾鐘意依間餐廳個格局，因為主色係紫色，望落感覺都幾舒服~ 一坐底先叫左兩個午餐，一個係素鰻魚定食、另一個就係素墨西哥餅配牛蒡沙律我同友人就分別叫左兩杯唔同野飲，我叫左杯鮮榨果汁，佢就叫左杯蝶豆花飲品，上次都飲過鮮榨果汁，因為覺得唔錯所以再encore啦先黎個南瓜餐湯同蒜蓉包，個湯都唔錯ge~整體我覺得都唔錯架，大家都可以試下，個素鰻魚都整得幾似，飯都用左珍珠米，像真度都幾高~反而個素墨西哥餅配牛蒡沙律，我會偏好個沙律多d，對個餅就一般啦，但欣賞食落口時都係熱，起碼廚房都有用心整過，不過總括都係唔錯~ 反而對個糖水就真係一般啦，因為d雪耳都未熟透，仲係硬ge...食左之幾啖都唔想再飲啦