雅 ‧悠蔬食

营业中

休息中

約會友人 中午，品嚐新派素食店，簡單型格裝修，白色 紫色為主，舒服舒適叫套餐就是最化算了吧餐湯 ：黑松露淮山桃膠忌廉濃，有桃膠，感覺幾特別香滑濃郁，粟米...粒粒蔬菜等等，豐富口感香草蒜蓉香脆法包，惹味😋主菜： 大啡菇野菜炒烏冬切條啡菇，白菇，紅蘿蔔、椰菜絲烏冬好滑溜，份量多雜錦天婦羅甜甜南瓜、冬菇、茄子韓式籚薈柚子蜜開胃醒神，味道適中另加 $15 有甜品：柚子籚薈乳酪蛋糕我的至愛 芝士蛋糕，略帶酸酸哋😋

素食近幾年大行其道，中式，西式多樣化。我自己比較喜歡西式化的，款式變化多端之餘，味道清淡。中式會覺得油膩一點，過於傳統。呢間素食餐廳來過一次，合我胃口，非常推介。南瓜粟米雪耳桃膠忌廉湯配法包湯底濃稠，南瓜味濃。雪耳，粟米，桃膠有著不同口感，正！烤焗牛油果墨西哥薄餅薄餅脆口，餡料除了牛油果外，還有蕃茄，瓜類...口感豐富，份量剛好。配菜是紅菜頭乳酪沙律，清新開胃。柚子青檸蘆薈冰茶小清新的飲品，味道清香透心涼。

Happy Friday,放左工老公帶我去尖沙咀試新派素齋餐廳-雅.悠蔬食。環境以紫色為主，襯托出高貴格調。餐單菜式有好多款，單點或套餐都有。入座後侍應好細心，拎左兩個籃俾我地放袋。我地點左六樣野食，兩個小食，兩個主菜，加兩杯飲品。黑松露薯蓉焗大啡菇：老公好鍾意食菇，必叫小食之選。大啡菇勁大隻，入口勁多芝士同薯蓉，仲有黑松露點綴。泰式香煎如餅：如餅勁大塊又夠熱同香口。擔擔麵：哩度擔擔麵無肉碎，但湯汁勁多，撈住擔擔麵來食勁好味，食到有花生同紫菜味道，叫左小辣唔算辣。泰式鳳梨炒飯：哩個炒飯炒得好出色，每樣材料切得好幼細，有蕃茄粒、青椒粒、鳳梨粒⋯連我唔鍾意食青椒既人都覺得好好味，食落有口感，濃味但唔油膩。最後叫左兩杯清潤蘋果雪梨汁，飲落好清潤，仲有粒粒盧薈粒係杯底。餐廳出菜都好快，食物質素高，賣相吸引，性價比。今晚晚餐相當滿足😋😊

講起食素食，好多人都會覺得清淡，想起中式齋鋪。其實呢個都係我既感覺，不過今日試既呢度，就推翻哂上面既固有印象。一入到既風格，已經有一種高雅既感覺。坐得好舒服，第一印象已唔錯。當然，餐廳最重要既係食物。先試左小食，泰式香煎如餅，望落似泰式蝦餅，雖然係素食，但鮮味比肉食有過之無不及，出色。之後就係擔擔麵，辣味適中，食麵連湯一口食，濃厚滋味。主菜係招牌菜黑松露薯蓉大啡茹，叫得招牌菜，精彩可期，薯蓉焗到好香，有好濃黑松露味，菇既鮮味咬落又有juicy。一定要試。最後係，泰式鳳梨炒飯，雖然無任何肉，但好開胃，幾種味夾起嚟好有層次。一餐飯，有哂中，西，泰風味，素菜都有哂咁多玩法，值得捧下場。

前幾日食烤肉太豐富，於是是夜約朋友到這間她推薦的素食館，來個「無肉」晚上！我們兩人點了一個二人套餐，有兩個前菜、一個手卷、一個湯、一個青咖喱猴頭菇主菜和一款甜品，之後再點多一個鰻魚pizza。首先是兩款前菜，蜜桃火龍果蜜瓜沙律很新鮮，而且水果都是很甜；另一款日本黑豆配吉列天貝也很特別，口感有點像芋頭般綿滑，而且日本黑豆果然很甜！手卷我們選了香芒牛油果手卷，最驚喜是紫菜十分脆！而且芒果搭配牛油果沙律很開胃，裏面有一些炸脆，增加口感，苜蓿芽味道亦很清新！我們選了黑松露淮山桃膠忌廉濃湯，一上菜已聞到濃濃的黑松露香味！忌廉湯很滑，也很喜歡桃膠像啫喱的質感，沒想到原來和忌廉湯也這麼配合！而主菜青咖喱野菜猴頭菇配印度薄餅更是今餐最滿意！青咖喱很重椰香味，對我們來說不辣，而且有泰式香料和紫蘇葉的香氣，加上猴頭菇和其他配菜像泰式圓茄子、芋頭、椰菜花等吸收了咖喱的精華，很好吃！想不到猴頭菇的質感原來和肉類也有幾分相似！不過最令我驚喜定是印度薄餅了，一拿起來已經感覺酥軟鬆化，食起來充滿酥油香！配上青咖哩真是很搭，令我們一口接一口！我們另外點了照燒汁素鰻魚手作Pizza, 味道也很好！Pizza亦有芝士拉絲

2020年呢個疫症年令人不得不關注到自己的健康問題，抵抗力由日常生活影響，所以飲食習慣也需要多加留意，食開素菜的友人今天約會來到幾少女心的樓上鋪食午餐，門口出面已感受到一份紫色系列的吸引，店內寧靜舒適，岩哂我地呢D優雅健康美麗人妻。哈哈打開MENU有8款午餐揀選，同朋友一致揀左兩款前菜例湯，1. 木瓜甘荀雪耳花生湯配藜麥蘋果沙律、2.椰香南瓜甘筍濃湯配香脆法飽南瓜甘筍湯濃郁好味。將香脆法飽浸落個湯非常滋味，木瓜甘荀雪耳花生湯是養生湯, 送上健康藜麥蘋果沙律，品嚐雙重健康補品。蒲燒玉子淮山蓉素鰻魚配日本珍珠米 $98所謂的鰻魚其實是用淮山蓉揉成的魚餅，魚皮是紫菜而成的質感，就咁睇賣相真係有個疑問，而食落出奇咁個口感同味道都有鰻魚原味嘅味道，甜甜地嘅饅魚汁加入珍珠米同玉子，配菜有青豆醃蘿蔔、及薑是件豐富又健康的一客。 台式大滷麵配香脆腐皮卷及天婦羅南瓜$98 滷水香味出色，入味滿意，牛肉是件件幾有口感的麵根，吸收左當中的精華，配上南瓜天婦羅香脆中亦多一份健康感，炸雞腿的腐皮卷同樣脆口，加了跟餐價$20的甜品，班蘭千層蛋糕，面層忌廉香滑，一層層班蘭蛋皮夾著芬香班蘭味。飲品跟餐升級左檸檬蜂蜜生

終於....終於都等到限聚令放寬啦！！好耐冇見既朋友終於都聚首一枱...我們相聚於cafe, 有別一般嘅cafe, 揀咗一間素食cafe之前一直都好想黎食，見到裝潢典雅，感覺寬敞舒服，係相聚好地方午餐、晚餐都有set，款式仲好多前菜叫左藜麥蔬果沙律🥗菠蘿🍍好甜，藜麥多，新鮮蔬菜配上菠蘿百香果汁，甜甜酸酸，入口fresh之餘，仲好開胃泰式鳳梨炒飯，份量好多，女仔嘅話，可以同朋友share，試多D唔同菜式飯粒吸收了醬汁，入口香而不過咸 ，配上素肉鬆，豐富配菜同菠蘿，令炒飯味道豐富而不覺膩就算不是素食者，餸菜味道也令人非常滿意女士們又點會缺少甜品—椰香班蘭千層班戟，係推介食品之一薄薄的班戟皮帶有香濃班蘭味，加上幼滑忌廉帶有椰香，入口配搭更令人難忘令人感到驚喜的是素食餐廳🍴也有着出色手藝，cafe 也可以創造健康生活風格，而不失典雅氣派

生日週食餐素食開羅！朋友帶路，平日上到嚟都幾滿場喔。素食好少食，叫套餐唔洗煩。黑松露淮山桃膠忌廉濃湯Creamy爆燈，比平時飲嘅忌廉湯更加香更加濃夾更加結！多得淮山桃膠幫手，好美顏去濕，黑松露味道突出！鹿茸菌冬瓜黃耳竹笙百合雪蓮子燉湯喜歡鹿茸菌脆口，材料齊全。 竹笙好入味，上哂色！百合雪蓮子粉嫩粉嫩，感覺有啲似食糖水舖嘅燉糖水，哈哈！蜜桃紅火龍果蜜瓜沙律水果幾款，紅火龍果令大家顏色紅紅！蜜桃甜、紅火龍果滑腸、蜜瓜脆口，多重口感享受！素食都做到！「紅」運當頭生日週！日本黑豆亞塔子伴吉列天貝日本黑豆亞塔子甜甜地，有d似蜜豆！吉列天貝薯仔口感。露筍素香鬆苜蓿芽手卷脆紫菜嘅時候食更加好食！香芒牛油果苜蓿芽手卷上面蘆筍紫菜就係脆脆口感，呢個就係軟棉加脆口感！9月既芒果都仲幾甜！牛油果南瓜紫薯藜麥焗千層闊麵 $228外型8成似肉色既焗千層闊麵！紫薯就係做「肉」，色澤好似！芝士配麵焗好肥呀，素食嚟既，唔肥唔肥！食完依加已經好飽啦！有個素魚蛋既，幾特別！得三粒咋，食左兩粒既幸運兒揮手區！btw~素食店既店員全都幾溫柔，輕聲輕語！牛肝菌松子菠菜忌廉意大利飯配三色黑醋車厘茄 $228黑醋車厘茄甜中帶酸，藜

最近突然愛上素食，原來宜家啲素食餐廳都好好食，環境新派而款式都好多元化，今次試咗呢間嘅午市先嚟香脆嘅法包，入口好脆身，仲有係牛油蒜香味仲有香濃忌廉湯，入面好多蔬菜粒，飲落都滑身又有啲菜粒咬口蒲燒玉子淮山蓉素鰻魚，賣相成個日式便當咁，飯底用咗日本珍珠米，飯粒分明又軟熟，而素鰻魚口感都好似，咬落去仲有蒲燒醬油味，仲有青豆及紫薑等配菜最後加錢追加咗個甜品，呢個係榛子咖啡乳酪蛋糕，食落好幼滑，咖啡味好出好香濃

相信2020年整整半年間，世界各地最關注的一定是健康問題，日常飲食營養已經唔可以輕易忽視，新派素食潮流感染力亦尤其重要。今日來到一間較寧靜的樓上素菜店午餐，餐廳環境用以紫色作主題，既舒適安心又不失優雅。疫情期間，二人能坐四人座位空間感較大。午市套餐有8款選擇，前菜及湯品可選擇兩款，A椰香南瓜甘筍濃湯配香脆法飽、B木瓜甘荀雪耳花生湯配藜麥蘋果沙律飲品升級:紫貝天葵荔枝梳打、檸檬蜂蜜生薑茶甘筍濃湯口感濃郁。配埋鬆脆法飽浸湯，牛油蒜香味就更加出色。台式大滷麵配香脆腐皮卷及天婦羅南瓜$98 上檯已聞到濃香滷水味，材料都滷得好入味，用上麵根取代牛肉也味道依然。讚!天婦羅南瓜是健康之選，炸雞腿的腐皮卷，中間有雪條棍支撐就要小心食用了。蒲燒玉子淮山蓉素鰻魚配日本珍珠米 $98淮山蓉揉成魚餅的形狀，紫菜作魚皮，就咁睇外型真心唔似鰻魚，但味道同口感都滿足，微甜饅魚汁配珍珠米加玉子、醃蘿蔔、青豆及薑是件豐富又健康的一客。 甜品時間額外加了$20的班蘭千層蛋糕，層次不錯, 可以一試, 忌廉感重，因為怕肥所以自行剷走面層的忌廉。👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️

今日嘗試一間尖沙咀嘅新派素食店，入到去已經見到裝修好型格，主要色調係紫色同白色見到餐牌當然主打係新式素菜，每一道菜色睇圖片都覺得好豐富，而且款式有好多，完全唔知揀邊一款先好，所以唯有叫套餐首先有餐湯，原本以為係普通嘅忌廉湯，點知食落去裏面有桃膠嘅，感覺幾特別之後有兩碟前菜，火龍果沙律同四喜烤夫，火龍果沙律食落去酸酸甜甜，幾開胃，而烤夫就幾有咬口跟住有香芒牛油果手卷，一咬落去脆卜卜，原來裏面嘅唔係白飯，係類似菜嘅嘢，叫苜蓿芽，幾清新終於到主菜出場，係千層麵，用咗番薯片同幾款唔同嘅蔬菜喺上面一齊焗，所以味道有好多層次，同埋食落好健康另一款主菜係青咖喱配薄餅同飯，咖喱夠辣勁，就算裏面無肉，但係味道都好豐富，配薄餅簡直係絕配最後仲有幾款唔同嘅糖水同甜品，糖水夠晒滋潤，而且好足料。至於芝士蛋糕整得唔膩，有少少乳酪味，酸酸地幾好間餐廳真係強烈推薦比無論食或者唔食素食嘅人士，因為真係可以感受到不一樣的新派素菜

每逢初一十五, 朋友都會食齋嘅, 今晚同朋友一齊食飯, 就當以跟佢一齊食曬啦 呢間餐廳2年之前都食過, 今次再度回味, 食個晚市套餐, 貪佢咩都有, 大包圍, 有前菜, 手捲, 湯,仲有main course, 甜品, 都係二百蚊around,先食個手捲, 蘆筍素香鬆苜芽手捲, 青綠色嘅菜蘆筍, 非常之爽脆, 個紫菜keep得非常之好, 完全冇淋, 咬落去有飯香, 開一開胃先之後呢一個湯品, 叫咗個中湯, 舞茸竹笙蓮子燉湯, 非常之足料, 鮮甜味道完全滲入咗個味蕾, 飲落去非常的清香, 冇味精, 不錯不錯主食嘅有幾款, 我就要咗個西式嘅 黑松露露筍野菌炒扁意粉, 配吉烈蘑菇 .扁意粉炒到非常之香, 又夠彈牙, 黑松露嘅味道非常之吸引, 點綴成個扁意粉, 吉列蘑菇, 非常之脆身, 又juicy 甜品就選咗個乳香乳酪蛋糕, 香濃嘅乳酪 , 再加榛子嘅味道, 非常之香濃

是日食得太飽了，所以晚上不想太heavy，就決定食素食。因為我們都超級懶,所以就直接點套餐；套餐有湯、前菜、主菜和甜品，真的會吃到爆肚，哈哈！*紅火龍果藜麥沙律伴無花火黑醋先來就是紅火龍果藜麥沙律，吃少少水果開胃；酸酸甜甜的，很清新。*四喜烤夫是一吃不能停口的前菜；煮得很入味，不會太咸，且帶少少甜味。*太子參黃耳馬蹄花菇燉湯選了中湯，因為中湯不會飲到太飽；而且搬出去住少飲了湯，都想出街可以有少少湯水；這個燉湯很清甜，又暖胃。*香芒牛油果苜蓿芽手卷手卷都是包飯的，但這裡的手卷是以蓿芽代替飯，比較似沙律；可以少一點澱粉質；香芒甜甜的，很開胃；牛油果亦很CREAMY。*黑松露蘆筍野菌忌廉燴扁意粉配鹽酥白靈菇（$238）超香的黑松露香味；意粉忌廉汁都委夠，每一條都沾到醬；意粉又煮得剛好，不會太軟；鹽酥白靈菇增添了一些口感。*伯爵紅茶乳酪蛋糕其實已經好飽，再吃乳酪蛋糕真的很膩，但都試了一口；怎知道，原來有淡淡的伯爵紅茶香，中和了一點膩，最終自己ＫＯ了一件。

平時餐餐都食肉，間唔中都要食得健康啲，依間餐廳同以往嘅素菜館好唔同，比較新式，中西菜式都可以一次過食晒，所以約埋朋友試下！餐廳裝修以紫色為主，感覺柔和舒服Dinner set 好豐富，有前菜、手卷、湯、主菜，甜品，價錢都係$228-238前菜有紅火龍果藜麥沙律配無花果黑醋，火龍果配黑醋，甜甜酸酸好開胃，另外四喜烤夫好入味。香芒牛油果苜蓿芽手卷，苜蓿芽取代左白飯，食落清爽帶有少少青草味，配埋香甜芒果同牛油果，感覺好清新太子參黃耳馬蹄花菇燉湯材料豐富，好滋潤，無左肉既肥膩感反而仲好飲椰香冬陰鮮蔬意大利飯配吉列蒟蒻西式意大利飯配上泰式冬陰公醬原來都幾夾，有椰香味，仲有少少辣，中間仲加左好多蔬菜粒，增加口感，不過略嫌味道濃左啲。吉列蒟蒻有驚喜，食落似炸魷魚圈，煙煙靭靭。和風照燒汁素鰻魚手作薄餅 $148素鰻魚食落口感都幾似魚肉，加埋燒汁甜甜地幾好食，不過要襯熱食，如果唔係個餅底硬左無咁好食。擔擔麵 (中辣) $58湯底濃郁，平時食開少辣既我都接受到中辣，食落有少少辣既刺激感，雖然無肉碎，但芝麻同花生味已經好香濃！椰香斑蘭千層班㦸 (跟餐+$25)班㦸雖然有啲厚，不過好香斑蘭味，椰子忌廉好濃郁，

2020年7月6日 星期一距離我同女朋友嘅婚禮只係剩返一個星期，好多事情都準備得七七八八，不過受到疫情影響，好多嘢都未必控制到，所以都幾擔心。不過飯點都要食嘅，今晚就去到尖沙咀食呢一間素菜餐廳位置於一間大廈裏面，一出lift就見到晚市有套餐可以選擇，分別有前菜、手卷、湯、主菜同甜品，感覺好似有好多嘢食於是我哋每人叫咗一個套餐，首先嚟到嘅係湯，周打黃耳桃膠忌廉濃湯，冇諗過黃耳同桃膠都可以同忌廉湯煮埋一齊，食落去又幾配合之後有前菜四喜烤夫同紅火龍果燕麥沙律伴無花果醋，燕麥沙律食落去酸酸甜甜，幾開胃，而烤夫都幾飽肚，浸得好夠味至於手卷係香芒牛油果苜蓿芽手卷，嚟到嘅時候真係以為係同普通手卷冇分別，點知咬落去發現裏面原來冇飯嘅，取而代之嘅係牛油果同苜蓿芽，感覺幾清新跟住終於嚟到主菜，牛油果南瓜紫薯藜麥焗千層闊麵，上菜嘅時候充滿芝士嘅香味，切落去見到闊麵上面有南瓜片，食落去非常爽脆，而且隱約仲食到紫薯嘅味道，都幾多層次另一款主菜係青咖喱野菜猴頭菇配印度薄餅同飯，青咖喱好夠香味同有少少辣，用薄餅點黎食簡直係絕配，完全食到咖喱嘅味道最後仲有甜品伯爵紅茶乳酪蛋糕，乳酪蛋糕整得creamy，充滿伯爵茶嘅味