影片
更多
2020-10-04
756 浏览
長假期食得太多油膩野，想食返清淡啲將功補過。今次揀咗間素食餐廳，食完都冇咁大罪疚感。同友人叫咗一人一個set dinner，都幾多選擇，我揀咗D餐 - 白松露蘆筍茄子紫薯千層闊麵。有前菜、手卷、湯、主食同甜品，好豐富。前菜 - 柚子沙律同百靈菇刺身第一次食菇刺身，好鮮味。柚子沙律好 refreshing，好健康。香芒牛油果苜蓿手卷 - 好有創意，用苜蓿代替傳統手卷嘅飯，更健康。苜蓿好高纖維，營養價值豐富，口感又爽脆，同牛油果、芒果味道夾，好特別嘅一道菜！猴頭菇竹笙黃耳無花果百合燉湯 - 睇個名就知好養生，好清甜嘅湯，又足料。猴頭菇又係好有益，全部食材都可以食埋，夠哂進補。白松露蘆筍茄子紫薯焗千層闊麵 - 好 creamy，芝士焗得好香。本身以為好膩，但原來闊麵中間放咗茄子同紫薯，中和返芝士同白松露嘅油膩感，好創新嘅配搭。蘆筍好清甜爽口，正！古法黑芝麻糕 - 低糖，香濃黑芝麻味，口感煙韌，好食！
同友人叫咗一人一個set dinner，都幾多選擇，我揀咗D餐 - 白松露蘆筍茄子紫薯千層闊麵。有前菜、手卷、湯、主食同甜品，好豐富。
前菜 - 柚子沙律同百靈菇刺身
第一次食菇刺身，好鮮味。柚子沙律好 refreshing，好健康。
香芒牛油果苜蓿手卷 - 好有創意，用苜蓿代替傳統手卷嘅飯，更健康。苜蓿好高纖維，營養價值豐富，口感又爽脆，同牛油果、芒果味道夾，好特別嘅一道菜！
猴頭菇竹笙黃耳無花果百合燉湯 - 睇個名就知好養生，好清甜嘅湯，又足料。猴頭菇又係好有益，全部食材都可以食埋，夠哂進補。
白松露蘆筍茄子紫薯焗千層闊麵 - 好 creamy，芝士焗得好香。本身以為好膩，但原來闊麵中間放咗茄子同紫薯，中和返芝士同白松露嘅油膩感，好創新嘅配搭。蘆筍好清甜爽口，正！
古法黑芝麻糕 - 低糖，香濃黑芝麻味，口感煙韌，好食！
张贴
