影片
更多
2020-10-08
47 浏览
最近食咗太多油膩嘢，想轉下口味食健康啲。聽人介紹尖沙咀有間素食好高質，即刻搵友人嚟試下。晚市套餐有兩款前菜、一個手卷、一碗餐湯、一份主食同一款甜品。左邊係泰式香茅金柚鮮果沙律，柚子肉微酸好清甜，另外仲有爽脆嘅蕃茄仔。右邊係鮮味百靈菇刺身，菇肉炆得幾入味。兩款前菜都配有沙律菜好清新。手卷我揀咗香芒牛油果苜蓿，一口咬落去“索索”聲好爽口。芒果無酸味好甜，牛油果好香滑好好食。餐湯係牛肝菌桃膠忌廉濃湯，湯煮得濃稠飲落口感好順滑。桃膠大大粒，咬落幾彈牙。主食係花菇淮山栗子炆猴頭菇煲，花菇切片炆得好腍好入味。淮山好爽脆，外層有少少潺，令口感更滑溜。栗子肉唔粉仲好甜。跟餐仲有一碗珍珠糙米飯，飯味好香。最後甜品係榛子焦糖乳酪蛋糕，蛋糕芝士味好濃，底層餅底鬆脆，味道唔錯。
晚市套餐有兩款前菜、一個手卷、一碗餐湯、一份主食同一款甜品。
左邊係泰式香茅金柚鮮果沙律，柚子肉微酸好清甜，另外仲有爽脆嘅蕃茄仔。右邊係鮮味百靈菇刺身，菇肉炆得幾入味。兩款前菜都配有沙律菜好清新。
手卷我揀咗香芒牛油果苜蓿，一口咬落去“索索”聲好爽口。芒果無酸味好甜，牛油果好香滑好好食。
餐湯係牛肝菌桃膠忌廉濃湯，湯煮得濃稠飲落口感好順滑。桃膠大大粒，咬落幾彈牙。
主食係花菇淮山栗子炆猴頭菇煲，花菇切片炆得好腍好入味。淮山好爽脆，外層有少少潺，令口感更滑溜。栗子肉唔粉仲好甜。跟餐仲有一碗珍珠糙米飯，飯味好香。
最後甜品係榛子焦糖乳酪蛋糕，蛋糕芝士味好濃，底層餅底鬆脆，味道唔錯。
张贴
