雅苑座

見食評好似唔錯的自助餐，而且open rice有6折lunch Buffet優惠。來試下平均每人唔洗300蚊就有自助餐品。12點開始，去到已經好多人，以為週一會少人d，估唔大大家都幾得閒。冷盤海鮮有長腳蟹，大蝦，青口，蛤蜊四款，蟹腳不算肥大，不過都OK鮮甜，大蝦正常。沙律吧有各種菜自選，小涼菜等。刺身都係四款，有三文魚，吞拿魚，八爪魚，鯛魚，質素正常發揮。有Bbq，菇呀，雞翅，牛柳粒，粟米雞肉串，燒菠蘿等，味道不錯。熱盤種類都蠻多，炸魚柳非常棒，燒味也很不錯，果然係有中菜廳的酒店。甜品更加多選擇，提拉米蘇很好味，芝士蛋糕也不錯。雪糕係哈根達斯，綠茶，朱古力，士多啤梨，雲妮拿四款。還有即整pancake。坐窗邊位還有sea view。整體非常唔錯，推薦掛住食野，唔記得影靚相

好耐以前唻過兩次，但覺得又貴又麻麻⋯而且其實以前最鐘情洲際自助餐，關閉咗之後都好難再有自助餐睇得上眼⋯⋯⋯今次純粹係喺呢間酒店book咗一晚，唔知食咩好，又懶，打落去問又竟然有位，咁就事旦啦～點知水準好咗好多喎‼️‼️我平時食自助餐都對啲熱盤冇乜興趣，多數食海鮮多，但呢間竟然吸引倒我去夾唻食，仲要係好食㗎喎！擺盤仲擺得幾靚添👍🏾refill速度係超級快！其他酒店好少狂refill魚，但呢間會👍🏾食自助餐我都好少可飲湯，我今次係飲咗三碗🙈今次係鯊魚骨煲雞&雜菌湯，正到暈呀！中湯飲落係勁足料，好似啖啖精華咁！個西湯又係勁足料！甜品都做得唔錯，每款都做得幾好食，蝴蝶酥我都應該食咗起碼6塊😋👍🏾飲品方面，檸茶係自己沖嘅，另外有罐裝嘢飲、橙汁、西柚汁揀👍🏾而且service 仲好好！個環境係靚嘅～好浪漫feel~ 雖然整體水準我覺得都係未及以前洲際，但我都會推介！值得再唻！房客有7折

每次想食自助餐都總會諗起the greenery，貪佢價錢合理d野質素又唔差，大大話話呢幾年都去左十幾次。自助餐食評平時都好少寫，因為唔同種類既食物一定有好有壞，但今次真係太過份一定要俾個差評放工即興想食自助餐，以為疫情會好少人點知全層爆滿叫我地坐二樓，話俾個七折我地，咁呢樣我都無乜所謂既。去到又突然話有位於是又唔洗坐樓下，但只有八折，心諗是旦啦餓啦乜都好啦我地入座既時候大約七點半，一路食發生好多野食都好似限量供應咁，之前從來未試過壽司吧一入去個時都重有火灸三文魚同赤蝦個d，過幾個字再出去個時已經得蟹柳，再之後連師傅都走埋，個時都點係八點幾做乜事宜家壽司好貴？串燒就長期都淨係燒蔬菜，粟米蕃薯長期都有。但牛脷以前都係一堆堆放係道，今日食兩個半鐘無睇錯只係出左兩輪，重要有一輪得四串雞軟骨同腸仔好少少，每次行過都有貨係道。因為想食牛脷於是係counter前面等足五分鐘，本身前面已經有放男士等緊，點知出爐得四串，位男士都只敢拎一串八點幾個師傅又係放棄左繼續燒。其實串燒根本都唔值錢，唔知點解都係限量到咁食到九點幾，涼粉都食到見底勁誇張菜又係無refill咸野無野岩食唯有食甜品，點知排到我又係無晒

午市自助餐有折，於是安排一家人去跟家姐慶祝生日。疫情下仍然有很多人，有折關係吧！可能折扣關係，可以選擇食物比較不是貴價那些，海鮮只有阿拉斯加長腳蟹蟹腳、蜆、青口、蝦.... 當然他們的一向甜品選擇比較豐富，即整pancake不錯。甜品外，主食一般。而極度失望同埋從來未見過一間酒店咁渣的是生日安排，預先告訴他們有人生日，叫他們整一個生日祝福語牌，平日酒店會拿一件甜品然後把生日祝福語放在甜品上。結果他們只是把那個生日祝福語的牌放在白色的碟上，我們全家看見都覺得非常震驚，很難相信酒店的 presentation 會是這樣，同埋這個祝福語牌是收了$30 ，可以想像是一間星級酒店會這樣送上。還有牌上漏了家姐的名字 😣😣😣。不會再幫襯的酒店餐廳*相片中是我們自己加了芝士蛋糕放上生日牌，可以想像只有一個生日祝福語句牌就咁放在白色碟上的樣子嗎

見到香港連續多日都沒有新增個案，加上政府又放寬限聚令。加上母親節就到，所以邀請左兩老一齊你食返個自助午餐，我哋一行六人。上openrice有優惠65折。由於安全起見，餐廳都要客人每次令食物時，都要帶口罩，我都多次見到有客人忘記帶口罩拎食物時，都被職員提他們要帶口罩。冷盤區都有蟹腳青口蟹鉗蝦。湯必飲五指毛桃湯。另外想特別介紹一下佢哋嘅叉燒同楊州炒飯，可能大家都會覺得好普通姐，想提一提大家帝苑酒店入邊有一間中菜廳，而叉燒同楊州炒飯係佢哋嘅出品，所以有質素嘅保證，而有食過佢地中菜，就明白我係咩意思。甜品方面帝苑始終都有甜品鋪，所以係款式方面都較多，特別要食佢嘅蝴蝶酥。魚生方面對我來講今次就冇驚喜啦。我自己幾會比4星間餐廳，職員收碟服務好好。

情人節男朋友仔bk左食自助餐，本來都擔心呢啲時勢食自助餐，會唔會冒險左少少🤔一入到去～WoW～～果然係情人節呢！🥰周圍都飄住粉紅心心❤️未食都覺得浪漫。一坐低，侍應生就同我地詳細講解情人節自助餐安排😊👍🏼因應疫情的狀況，自助餐以放題的剔紙仔方式進行，除冷盤海鮮獨立order外，其他沙津、熱盤、壽司、刺身、燒烤及甜品等等都可以剔紙仔order一開始侍應生先給我們預備了2人份既海鮮拼盤，有龍蝦、海蝦、蟹腳、青口、螺、蜆等等，全部可以按個人喜好再order。個人最愛就係龍蝦，之後再落左三次齋上龍蝦😍美中不足既係啲蜆勁多沙呢！另外，我地都叫左刺身、甜品等等原來今晚仲有每枱一客牛仔肉，而且外觀都好精美，但個人覺得件牛仔肉太淋而且無乜牛肉味呢！可惜😞最後想讚一讚餐廳既安打，除每枱為客人準備粉紅心心氫氣球外，亦準備左一束好靚既花，同影相道具板，於進餐途中為每枱客人拍照留念🥰👍🏼

去過幾次，美中足系無生食，之前去頭一兩次去覺得ok 好食，特別中意食海鲜的我，長腳蟹，毛蟹，龍蝦，凍蝦，蜆。。系好新鮮同好食。。但之後最後12月再去，我已經覺得一般，因長腳蟹又廋又奀，又fill得慢同少，每當我行到出去隊到已俾人拎哂，成個夜晚只食得到一次，仲系拎到最廋嘅2隻腳，加上又無生食系好多人，好熱鬧，但食物沒有之前加得甘多，又加得慢，去飲品區，永遠都沒有檸檬，有茶但次次都等檸檬，，需要改善，d職員只顧住站在傾計。只會叫轉頭黎再攞，但永遠次次再叫先有。

今日同年長父母去食自助餐呀！係之前買定coupon因為新地會有newsletter通知我地會員有早鳥優惠。所以平了好多。三人行包兩個長者都$900有找。以Christmas and new year Eve 來講係平左好多。重點係帝苑酒店服務態度好好。佢哋見到我拖兩位長者，又幫手畢湯俾老父，又幫手整杯熱奶俾媽咪飲即磨咖啡。而且食物質數高及種類好多。甜品係重中之重，士多啤梨蛋糕超好食，蝴蝶酥及綠茶蝴蝶酥好早被清倉！斑斕班㦸好熱好好味。Hagen Daz ice cream 都好味。剌身唔錯可惜tuna 有根。熱食黃金蝦好食蒸魚超正！凍食蝦麵包蟹冇乜人食。西湯龍蝦湯夾蒜蓉包好夾。即整自助飲品吧凍檸茶凍奶茶熱咖啡都好乾淨。好期待下次再嚟一次Remarks走時漏咗個環保袋係餐廳，staff hurry to reach me at washroom so helpful!Also they assisted my old dad get in Car. Thank you so much

今年公司Xmas係出街食buffet lunch，環境較為昏暗，唔太光猛，聖誕節🎄氣氛唔太濃烈，可能有受外界影響喇。。。周圍看看食什麼好時，精緻的甜點是最吸晴😍..雖則沒有浮誇的佈置😆加拿大長腳蟹、青口，蝦都好鮮甜...可惜，蟹腳永遠都難添食😢..一出很快無了😆一口牛柳好好食，剛新鮮煎熟，好香口😋😍...羊架好好食，沒有騷味配埋薄荷醬更美味，芝士好好食不過餅干配搭只有一款太少😆帶子、甜蝦，三文魚都好新鮮，份量多少可配合要求變更，好有彈性👍🏻蝴蝶酥好鬆脆，朱古力蛋糕好好食，唔太膩，迷你cookie好好食...可惜，沒有空間可食Haagen-Dazs⋯⋯

久聞雅苑座自助餐大名，在waiting list已好多年，十二月初光顧了自助午餐，坦白講都幾失望。 服務的確好好，但係食物選擇少(我食午餐)，又多人，出面長期有人圍住個一圈長枱拎野食，搶手既串燒一出就無，啲人一拎就拎好多條，燒味部長期排隊，海南雞飯要叫個呀姐幾次先出到俾我，蒸點心又係好快拎晒，到最尾連cake都唔refill ⋯⋯根本全部野都係要搶，refill又慢，兩個半鐘其實我食左唔係好多款食物。最後我只好怒食無限量供應蝴蝶酥彌補一下(因為佢臨尾已經唔再refill，我諗住等少人啲先出去拎) 帝苑甜品好出名，但係蛋糕我只係食左朱古力cake ，其他cake賣相實在唔吸引，甜品吧亦唔算多款式，雅苑座話晒都係自助餐好出名，但食完一次真係唔想再試 ，好彩折後只係每人三百蚊。 今次真係失望而回....無下次。P.S. 我今次食午餐，無拿破崙，無opera，得粟米忌廉湯⋯⋯🙄🙄🙄🙄

閨蜜聚會想有些聖誕氣氛，可以選擇在這間餐廳吃自助餐，環境舒服，我們坐在鋼琴邊可以看到鋼琴演奏和歌手唱歌，感覺很有聖誕氣氛。食物也是高質素冷盤海鮮和日式刺身都很新鮮，甜品很好吃而且每台有鮑魚鴨掌送，還有燒烤，燉湯和很多熱盤的菜。愛吃海鮮和甜品的朋友可以選擇這家喔！

一般buffet都會分三方面評論： 環境、服務、食物。雅苑座嘅環境一流，有外藉鋼琴手和伴唱各式各類型嘅外語經典歌曲，大多是八九十年代😂🎤🎼，氣氛非常之好，又有情調。服務方面很周到，一坐低嘅時候，已經有侍應幫你將外套套入椅背套，侍應收碟效率高，極有禮貌，有好多五星級酒店嘅自助餐服務員都冇咁高水平既服務態度，係呢一方面最值得一讚。最後到食物方面，海鮮冷盤、壽司刺身、沙律、熱葷、甜品 都選擇好多，係性價比非常高嘅buffet之一。海鮮種類多，但沒有蠔，海鮮味道淡，尚算新鮮。沙律款式相對比較少。鴨肝夾過一次之後冇見過佢refill😂。燒味好有水準，叉燒係半肥瘦，燒腩仔外皮燒得好香脆。串燒選擇種類都多，好多都係即燒熱辣辣。海鮮吧，自選海鮮種類和份量俾廚師即煮，10分鐘左右。燒牛肉同火雞都正常質素。限量派發嘅拿破崙。每人只限一份嘅原隻鮑魚和鵝掌。每人一粒大大粒嘅帆立貝，兩邊煎到金黃色。甜品種類選擇極多，尤其以蝴蝶酥最出名，其餘既蛋糕西餅都好出色，Häagen-Dazs 雪糕六款口味，仲有班蘭味pancake。

生日食buffet慶祝下其實佢會送生日蛋糕 同會揾人唱歌但我覺得好尷尬 唔想全場觸目 就唔要呢個服務了龍蝦 蟹腳 凍蜆呢3個海鮮冷盤都好正!!!龍蝦佢己經開左邊 一打開係超多膏同埋個size都唔細而且肉質彈牙 有咬口蟹腳我覺得係最出色因為係超級鮮甜 再加上佢有少少肉汁 真係好正凍蜆既質素就唔太穩定普遍黎講係大隻+脹卜卜有時好鮮味 有時會無味睇彩數啦鮑魚 鴨掌呢個要用卡仔換既 一人一份  我坐底既時候枱面係無卡仔仲以為我無得食 原來係佢放漏左 嚇死寶寶了個醬汁做得唔錯 而且煮得好入味個鴨掌炆到好冧 一咬就爛 好食魚佢個魚都做得好出色 好似係斑黎鮮甜彈牙 個醬油又係做得好好應該有炒過個豉油夾左一堆熟食火雞同牛肉 我唔太識欣賞火雞肉真係比較粗造同硬 唔岩我食牛肉係燒得好靚既 而且仲鎖住左好多肉汁但我都唔太鐘意我都係鐘意蘿蔔炆牛腩蘿蔔吸曬味 而且炆得好冧 仲要係無渣!!!牛腩都索曬啲湯汁 但又保留到本身既牛肉味唔會攝牙罅既牛腩燒腩仔同叉燒都可以試下又係高水準之作燒菠蘿都係 食到停唔到口仲有壽司 同 魚生壽司啲飯唔好食 乾 同 硬 可惜甜蝦壽司都唔太新鮮食左個三文魚刺身就唔錯夠肥美 油脂豐富蝴蝶

第一次食帝苑酒店既自助餐因為坐近表演台 所以感覺熱鬧下面只係當晚既個別情況冷盤龍蝦 好多膏但無咩味蜆 好鮮甜青口 一般螺 一般長腳蟹 味道很怪 原因不明風乾火腿 也是怪味拎個陣差不多到尾 應該係放太耐熟食必飲那個中湯 我似左3碗以上每位限定一份既鮑魚鵝掌 好冧好味同樣每位限定一粒帶子 外表不太開胃炸蠔 不太ok甜品大部分都好食仲有幾款好特別但黑松露那個拎之前要諗清楚味道唔係人人接受到8點左右有人搖鈴一班人衝出去排隊都只係拎個拿破倫好似有點普通但當搞氣氛也可以接受

每逢6月份都會搵自助餐慶祝婆婆生日，今次上openrice 見呢間酒店有promotion ，我地就試下呢間晚餐自助餐。我地一行差唔多20個人黎到，餐廳一早安排好哂枱比我地。呢間自助式餐都算多野食，有凍海鮮（蝦、琵琶蝦、螺、長腳蟹腳）、鵝肝多士、燒味部、魚生、即煮麵食、熱盆、咖喱、甜品。我地咁多人有老有嫩都覺得好食。每人再有半隻新鮮蒸蒜蓉龍蝦、一隻聖子皇，好新鮮野味。如果有生蠔就再完美喇🙊我想特別推介佢既甜品，佢比起其他酒店既甜品多種類好多。佢每晚到都會推出超大既雜果拿破崙蛋糕，即刻切比人，佢既拿破崙嘅酥皮有好多層，加上佢既吉士唔太甜，超好食呀強烈推介