隨變火鍋

营业中

休息中

打邊爐開季啦🍲1. 蕃茄湯 $128超濃郁 酸酸甜甜 真點係重口味嘅蕃茄湯 淥咩都有蕃茄味2. 美國安格斯肥牛 大 $288都幾大份下 鋪得好靚 佢每一塊都切得幾均勻 唔會太薄 有幾毫米嘅厚度 肥瘦適中 唔會太肥 兩個女仔食呢碟都清唔哂3. 手打墨魚滑 $884. 四色餃子盤 $68呢兩樣自家製嘢都幾唔錯 餃子皮薄餡靚 墨魚滑都幾彈牙5. 炸魚皮 $386. 響鈴 $58炸物香脆 夠大份7. 稻庭烏冬 $288. 油麥菜 $38呢兩樣嘢十分掛湯汁 有得食埋蕃茄湯烏冬耶9. 燒雞軟骨 $22呢到有得叫埋串燒 滿足你兩個願望 都幾惹味……………………………………🌝卡位超大超好坐 仲有啲景望下 打邊爐可以坐得咁寬敞唔容易 而且有雞煲乾鍋串燒 都幾多嘢揀🌚散叫 人均就會比放題個啲貴啲……………………………………

麻辣湯底($138)，選擇左微辣級數，所以辣椒份量唔算多，湯底顏色亦唔會好紅，但係食材煮熟後仍然食到有微微既麻辣香味。頂級手切牛頸脊(小)($198)，約有10片，平均每片價錢唔算很便宜，但食材質素絕對稱得上哩個價，牛味濃，牛頸脊軟腍而且帶有少少咬口，白色脂肪位置食落仲有少少彈牙口感。即炸響玲卷($58)，共6件，顏色鮮豔，淥一淥就可以放入口，半脆半腍既口感，而且沾上麻辣湯汁，味道超正。桂花蚌($138)，份量都幾多，桂花蚌既口感我覺得似牛筋和牛骨髓之間，爽口而且有骨膠原。四寶餃拼盤($68)，每款有兩粒，我個人最喜歡豬肉韮菜餃和餛飩，因為韮菜味道好香，同埋餛飩好多蝦啖啖肉。隨變粉($28)，外表似烏冬，但口感完全不同，隨變粉煮熟後呈半晶瑩剔透，食落有d似紅薯粉，不過比紅薯粉更易咬開，果然有驚喜。

/ /正宗麻辣火鍋🍲嘆住海景食想食雞煲好耐啦 #麻辣控 必嚟❣️呢度嘅麻辣真係好正宗，又麻又辣啱啱好鍾意食濃味嘅人仲可以叫饞咀麻辣！雞煲個味會更加濃厚！ 隨便麻辣湯雞煲🐓今次我就叫咗正常嘅呢款，食落啱啱好仲有半隻雞，雞件食落好嫩！頂級手切牛頸脊🐮呢個牛真係冇令我失望！識落好嫩滑，牛味重！手打墨魚滑🦑墨魚滑真係有墨魚粒係入面！食落好彈牙！仲有啲蟹籽夾住多一種層次口感！響鈴卷真係好新鮮，超脆！！吸晒麻辣湯嘅精華🤩📍 隨變火鍋 (銅鑼灣)銅鑼灣登龍街18號V Point 23樓#銅鑼灣美食 #香港美食 #打邊爐 #火鍋 #麻辣火鍋 #手切牛 #火鍋控

「隨變火鍋」位於銅鑼灣登龍街V-point 23樓全層，高居臨下，一入去已經覺得好舒服，欣賞住窗外美景，品嚐美食，真係正正正😍😍椒鹽豆腐48食店推介多款精選小食，涼拌小菜，風味燒烤都好吸引，頭菜先來個椒鹽豆腐，炸得外脆內滑，入口即化，少少椒鹽，非常香口的小吃😋😋隨變干鍋醬汁雞$268源自四川的麻辣干鍋，相信是不少嗜辣吃貨們的最愛！干鍋的特點是口味麻辣鮮香，慢慢煸炒入味的干香的滋味非常誘人，光是聞著那個味就會讓人直流口水！雞件嫩滑，看出洋蔥🧅，青紅椒，年糕，椰菜花頭等有點焦色，乾乾的好滋味😍😍雜菌湯底（跟干鍋送湯底）吃完美味的乾鍋後，我們繼續打邊爐，食店有八款精選湯底可選擇，我們揀咗雜菌湯底，先飲啖湯底好鮮甜，真材實料👍火鍋配料：新鮮有膏鵝腸$78不只新鮮，有少少鵝油好咁香，爽脆十足😋新鮮滑牛🐂$98今日轉下口味，轉食本地滑牛肉，肉質鮮嫩多汁，肉味濃👍👍芹菜木耳餃$38每日手工新鮮食材包制的餃子🥟脹卜卜，大大隻，必食推介👍👍即炸響鈴卷$58即叫即炸，金黃鬆脆，火鍋必食😋😋

朋友都同我講無諗過打邊爐都可以對住特大靚景😍坐得係非常舒服！！而且出單好快手切牛頸脊好味到暈！不嬲鐘意食牛頸脊！一見到紋靚到呢心裡被療癒☺️☺️☺️麻辣湯底建議小辣因為真係愈滾愈辣又麻又辣口水鼻涕直流不過筷子🥢忍唔到不停夾🤣🤣🤣真係麻辣火鍋🤤🤤🤤🤤🤤🤤🤤象拔蚌刺身食好爽好鮮！落鍋烚兩野半生熟口感都好好而我就更喜歡刺身食❤️佢地既手工啤要點！打邊爐只要飲到既點可以無啤呢！#靚景陪你食隨變火鍋

一嚟叫咗個雞煲，事前吩咐想走莞茜，上菜發現無走莞茜，成煲幫我換走，不錯。可惜成餐飯見住一個勁高嘅女人，貌似女店主唔戴口罩喺店內出入vip 房，仲要周圍走之餘，喺食客用飯時無經同意拍照拍片🤷‍♀️. 無下次。仲order 咗佢地推薦嘅雲吞_皮厚，蝦無味，又硬；雞煲d 雞很滑，但明顯隻雞好細隻，勁多骨碎；墨魚滑都勁普通，樓下街市買仲新鮮；最後送咗兩杯香港製造嘅雪糕，味道很淡，食咗少少就放低。P.S. 員工態度很有禮貌

今日同女朋友係銅鑼灣行街之後想打邊爐就決定去呢間有風景有格調既火鍋店試下有多款雞煲選擇，有辣有唔辣亦有滋潤養生既湯底食材亦豐富，有牛肉，海鮮另外有串燒提供，是火鍋店小有的原味清湯雞煲好清甜既湯底，完全吸收左雞既甜味每一啖都清爽順喉雞件亦嫩滑，好食係開胃之選頂級手切牛頸脊好靚既油花係好高質既牛肉仲要係手切紋路會係最好唔會有筋影響口感推薦！燒牛舌芯食落有驚喜，估唔到火鍋店有呢個質素牛舌熟度剛好，中間微粉好好食

呢間雞煲係朋友介紹，話係銅鑼灣黎講有景睇價錢又適中嘅火鍋店今日大概八點左右嚟到，都唔算話好多人。跟住侍應就向我哋介紹唔同嘅煲入邊有啲咩唔同嘅材料，於是我哋就揀咗呢款雞煲—隨便麻辣湯雞煲食落味道唔錯，夠麻夠辣，雞肉都夠嫩，湯底攞嚟打邊爐味道都啱啱好，唔會話令到啲食材好鹹或者冇乜味我哋仲叫咗手切牛頸脊，有牛味之餘肥瘦適中，呢款值得推薦！之後再叫咗墨魚滑同埋即炸響鈴手打墨魚滑好彈牙😃仲有粒粒墨魚粒添！至於響鈴卷睇得出佢哋係啱啱炸起，唔會好似其他火鍋店嗰啲擺到淋晒，好吸味，配搭埋雞煲非常夾！邊間餐廳位置方便，嘢食方面都做得幾好，仲有靚景睇添，真係唔錯

朋友介紹下，今日去咗銅鑼灣登龍街隨變火鍋打邊爐，呢度地方寬敞， 窗旁有一列望海景卡位，感覺非常舒適，相信日頭可以望到更美的景色。湯底揀咗花甲雜菌湯，配料再加紐西蘭肥羊捲、鮮魷魚、韓式年糕、紅薯粉同埋炸響鈴。花甲雜菌湯底好值得推介，因為入面花甲超大隻又多，最緊要夠新鮮，配埋雜菌材料，個湯底份外鮮甜。羊肉捲就好有羊的鮮味但係一啲都唔騷，鮮魷魚亦好好味道，廚師切得大細均勻，灼一灼就可以食得。紅薯粉夠滑，年糕夠煙勒，炸響鈴亦都夠香口。

今日收工係銅鑼灣，天氣涼左想打邊爐，係時代廣場附近搵左呢間「隨變火鍋」質素好似唔錯，兩個人平日夜晚walk in咁岩有位，醬料費$20/人，先自選湯底，再叫野食。.湯底擇左冬瓜瑤柱湯$188，好足料既冬瓜湯底，原個冬瓜加埋勁多瑤柱，岩晒打邊爐怕熱氣既我降降火。.自選食材選擇都幾多，我地叫左「雲吞王$38」、「手工芝士蟹肉餃$68」、「三星蔥爆漿貢丸$38」、「油麥菜$38」、「炸魚皮$38」、「西班牙黑豚肉$138」。每樣食材單價都好平而且份量足，尤其欣賞佢地既手工餃類，食得出手工製，餃子皮好薄，而且餡料好味，好似芝士蟹肉餃咁，真係條條蟹肉好滿足。今次因為朋友唔食牛，就叫左西班牙黑豚肉，一樣好食😋，菜類同炸物類都係$3x起，係銅鑼灣單點火鍋黎講真係好抵食👍🏻 下次會再返黎幫襯。

同朋友喺銅鑼灣行街，突然好想食雞煲，喺openrice search到呢間喺登龍街v point嘅隨變火鍋，見到好似好多嘢可以食，又有雞煲又可以打邊爐，又有刺身串燒等等好吸引，決定去試下。上到去環境好闊落，裝修好靚，完全唔似一間火鍋店，反而似一間食西餐嘅舖頭，我哋被安排去到一個近窗嘅位置，望落去風景超靚，高樓大廈盡收眼底，淨係個景都值啦。最後我哋決定嗌佢嘅乾鍋醬汁雞-微辣，仲會送一個湯底。湯底就揀咗鮮茄湯底，咁就可以一邊打邊爐一邊食雞煲。雞煲嚟到熱辣辣好大兜，好驚喜嘅係同出面唔同，有好多菜伴碟，有椰菜，洋蔥，椰菜花，竟然仲有年糕㖭。年糕好煙韌好索汁，雞年都有好多塊，醬汁勁惹味，雞肉嫩滑，不過其實微辣都算係幾辣，唔食得辣嘅朋友可能就要嗌唔辣啦。因為我同朋友都唔係食好多嘢嘅，所以火鍋配料嗰度我哋淨係揀咗少少，佢個滑牛肉值得一讚 ，真係超級嫩滑，蝦滑都好足料，食到好多蝦肉，好彈牙。餛飩就大大粒，食得出係自家製，好有心思。響鈴同娃娃菜就正常發揮，浸落鮮茄湯都好好味。湯底好濃郁帶少少微酸，用嚟refresh一下雞煲嘅濃味就最好啦。整體呢間火鍋店坐得好舒服風景又靚，仲有好多款嘢食可以揀真係值得大家

在銅鑼灣，非常多選擇，假日同朋友想搵間環境靚的餐廳食午餐，搵搵下見到呢間餐廳有個無敵海景，真心覺得靚，座位又舒適。睇餐牌，估唔到咁抵食，叫了個中午沸騰酸菜魚既兩人套餐，包了多款菜色，先上冷盤，芥末牛舌和蒜蓉青瓜，初時以為二選一，點知兩樣都有，牛舌份量仲好多添，有麻辣味，青瓜夠晒醒胃。最特別係有雞腎串用來打邊爐，有芝麻黏住，增加香味，腎片烚十幾秒便可，夠爽脆。前菜，有彈牙燒墨魚丸和炸雞軟骨2串。主角酸菜魚鍋出場，雖然二人餐，都好大鍋，香噴噴，非常吸引。魚肉好滑，索了酸菜魚湯味，配菜還有咸酸菜，芽菜，豆腐，另外還有其他餸菜，包括響鈴，夠酥脆，有豆香味，還有火鍋佳品，四款特色丸及新鮮餃子，包括三星蔥貢丸，芝士丸，海膽丸，最新穎係芋頭泥包心貢丸，第一次食，味道又幾夾喎。四款餃子同樣新鮮包，有芹菜木耳餃，粟米蓮藕餃，韮菜餃，魚皮餃，最喜愛粟米蓮藕餃，夠爽口。最後還送上杯裝雪糕，完滿呀！

星期一晚飯時間，不用訂座。1. 隨變麻辣雞煲 - 惹味 ，雞有鮮味，配菜很夾 2. 牛魔王拼盤 3. 頂級手切牛頸脊 - 肉質很稔，但再叫多一碟時質素明顯下滑FB like 佢個POST 會有全單85折 。我們當晚５人用餐 ，都是由侍應生協助下like and share post，但在埋單時，好彩有ＣＨＥＣＫ單 ，你唔提佢，佢冇幫我地做８５折，所以切記要ＣＨＥＣＫ單!!

壽星朋友話想睇住靚景咁食酸菜魚！！！咁就決定帶佢上黎食餐好架啦一早book定有落地玻璃既窗口位，朋友未食已讚好呢度除咗火鍋、酸菜魚，仲有串燒燒烤可以揀我地除左嗌左份“酸菜沸騰魚”HKd$338+10%，仲嗌左啲火鍋配料同串燒呢份“一夜情(雞翼芝士腸)”HKd$28+10%同“蘇妹妹”HKd$28+10%都幾香口，作為前菜小食過下口癮都幾正之後呢日既主菜：酸菜魚鍋！！！份量好多一大盆之餘仲要勁足料除咗有滑溜魚片，仲有芽菜、冰豆腐同枝竹腐皮等等嘅配料呢度嘅火鍋配料有平日無咁常見既“鮮豬腦”HKd$58+10%雖然要好多人都唔敢食，但係我真係超鍾意食，嗰綿滑嘅質感真係其他嘢取代唔到架“隨變粉”HKd$28+10%粗身煙韌，口感特別，值得一試！！嘆住食住再飲啖肥仔水就特別爽

上星期和朋友到銅鑼灣逛街，下午茶時段想找個地方靜靜聊天一下，上網留意到這間火鍋店有提供午市套餐另外環境亦十分舒適 於是便和朋友決定一試他們提供的酸菜魚套餐有不少錢財和小吃，和朋友二人分享每人$100也不用，感覺性價比高先來前菜小吃，每一樣都有驚喜，不得不提芥末牛舌，牛舌冷盤處理入口爽口配有淡淡的芥末香，十分醒胃，另外燒墨魚丸惹味，外皮燒得香脆配搭少許燒烤粉，驚喜酸菜魚火鍋上枱，魚肉分量不少，採用香港人喜愛的魚柳，魚骨量少，非常易食用，另外湯底配有不少花椒，麻香十足，而且酸度適中，是一鍋中上級數的酸菜魚火鍋套餐奉送各類水餃和丸類，二人食用整個套餐的話10分飽肚，性價比極高個朋友吃完整個套餐後意猶未盡點了餐廳其他小吃，椒鹽豆腐十級推薦！外脆內軟，大排檔鑊氣水準聽從店員推薦額外點了他們的燒生蠔，他們是採用刺身級生蠔，入口果然與別不同，內裏肉汁非常多，以燒烤作處理增添惹味