隨變火鍋

营业中

休息中

上星期和朋友到銅鑼灣逛街，下午茶時段想找個地方靜靜聊天一下，上網留意到這間火鍋店有提供午市套餐另外環境亦十分舒適 於是便和朋友決定一試他們提供的酸菜魚套餐有不少錢財和小吃，和朋友二人分享每人$100也不用，感覺性價比高先來前菜小吃，每一樣都有驚喜，不得不提芥末牛舌，牛舌冷盤處理入口爽口配有淡淡的芥末香，十分醒胃，另外燒墨魚丸惹味，外皮燒得香脆配搭少許燒烤粉，驚喜酸菜魚火鍋上枱，魚肉分量不少，採用香港人喜愛的魚柳，魚骨量少，非常易食用，另外湯底配有不少花椒，麻香十足，而且酸度適中，是一鍋中上級數的酸菜魚火鍋套餐奉送各類水餃和丸類，二人食用整個套餐的話10分飽肚，性價比極高個朋友吃完整個套餐後意猶未盡點了餐廳其他小吃，椒鹽豆腐十級推薦！外脆內軟，大排檔鑊氣水準聽從店員推薦額外點了他們的燒生蠔，他們是採用刺身級生蠔，入口果然與別不同，內裏肉汁非常多，以燒烤作處理增添惹味

今日老細請客，我們一行四人到隨變火煱吃2個中午沸騰酸菜魚套餐，環境行好，全是落地玻璃!前菜有蒜蓉青瓜，十分開胃，芥末牛吞加上沙律醬，味蕾大開!酸菜魚放在熱爐上滾，味道鮮味，加上酸菜，十分惹味，而且夠晒辣!四色丸很特別，包括三星葱爆貢丸，芝士丸，海膽丸和自家制的芋泥包心貢丸)，爽口彈牙!四色餃有芹菜木耳餃，粟米蓮藕餃，韭菜餃及西洋菜餃也很入味，口感一流!另外還包白飯，及凍檸茶，才168元，真的很抵食呀!

放假總會想邊食好味嘢 邊望望藍天望望街景~又黎到我地飯堂之一嘅登龍街, 今次响開揚感十足嘅餐廳 開心歎個酸菜魚先~天氣熱辣辣, 除咗叫 酸菜魚必飲嘅 王老吉 $16之外, 第一時間叫個凍檸樂 $25 黎解解暑~ 但係,呢個凍檸樂 係完全無氣嘅 -_- 飲著 我倆心中無奈, 情況 就如大食會過後 响屋企慢慢飲嘅最大支裝汽水一樣… 其實呢, 25蚊 期望係開罐裝可樂 正常不過吧其實… 呢度嘅同事都好 nice, 提醒我地食咗啲滑滑魚肉先, 再慢慢簡配料都唔遲架~我地都覺得 魚肉真係淋滑, 厚身無腥味, 好好啊! 對我呢個超級怕骨怪黎講呢, 要注意有啲魚片帶點碎骨, 專心慢慢食就好了~ 手工韭菜餃 $38正常餃子味道, 饀量適中。西班牙黑豚肉 $138呢個黑毛肉質味道都幾好啊, 夾起响湯中輕鬆揚開輕涮就 ok 了~均稱唔膩, 感覺剛好呢~ 冰菜 $38吸收咗酸菜魚湯底嘅紅薯粉帶微微咬勁, 唔錯啊~

又到了一月一度的酸菜魚時間，姊妹們自從去深圳食過酸菜魚後，大家都話香港好難搵到好吃的酸菜魚。今日我哋就到銅鑼灣V Point的隨變火鍋。因為有個幾抵食的酸菜魚套餐，二人份只需$168仲免加一。我哋四人到來，就叫了兩個二人餐。前菜先上，有蒜蓉青瓜和芥末牛舌。兩份都幾醒胃㗎。跟住有燒墨魚丸同雞軟骨串。 雞軟骨串好好味呀！有啲咬口，唔會太乾，又燒得焦香，好味過普通雞肉串燒。仲有一個冷串串，是很地道的四川菜，有窩筍，雲耳，牛舌…味道清新，不會太辣。串串不同，睇你抽中邊一款。之後酸菜魚上枱喇。2人份量都唔少，滿滿的一鍋。店員話等佢慢慢煮好，先食魚，跟住再加其他配料落去做火鍋。二話不說，先嘗一口湯，好惹味。忘記了叫少辣，所以都幾辣㗎。魚肉白雪雪，滑溜溜，味道唔錯。吃著吃著，魚肉差不多吃光了，放四色丸，四款都唔同味道。我最鍾意有芋頭個款，外面是豬肉丸，包著一小塊芋頭，豬肉丸鮮甜，芋頭香口，兩款味道融合得很好。跟著放餃子，四款不同味道，款款都唔錯。差啲忘記了仲有響鈴，放入去淥10秒就食得。食下食下，出汗㖭！要叫飲品解解渴，大家不約而同都選了檸檬可樂，嘩，好有趣呀！是一壺上的，超級可愛。吃飽還每人送一個

由於上次同朋友去過下午嘅隨變火鍋，又有靚景，又有得食好嘢，每人都唔使$100，於是再下一城，約唔同嘅朋友食多次。可能上次係啱啱推出，今次嘅酸菜魚下午套餐，有少少分別。前菜同小食同上次嘅一樣，打邊爐嘅火鍋料亦都冇乜唔同，但多咗一份自家製響鈴。原來都仲係推廣期，仲送咗一份冷串串，有萵筍，仲有我最愛嘅雲耳。冷串串以為你會覺得好辣，但係佢用水浸住咗，所以辣極有個限度，最啱我呢啲唔食得太辣嘅人。前菜有蒜蓉青瓜同芥末牛舌，同上次一樣，幾好。串燒有墨魚丸同雞軟骨，個人覺得墨魚丸都係最好食。沸騰酸菜魚，二人份，今次味道同上次其實分別不大，但味道就淡咗少少。四色丸有貢丸、芝士丸、海膽丸、包心貢丸，四餃有芹菜木耳餃、韭菜餃、西洋菜餃。仲有餐飲，二人$168，值得來多一次。

居高臨下，咁靚環境下，享受了一頓美味午餐。中午沸騰酸菜魚套餐兩人套餐只$168，有此質素，認真推介。酸菜魚鍋非常吸引。滾下滾下，魚肉吸收到酸菜鍋的精華，滑溜。配菜有酸菜，芽菜，豆腐，材料豐富。響鈴應該是自家製，不油膩，滋味！四款丸各具特色，有三星蔥貢丸，芝士丸，海膽丸，芋頭泥包心貢丸。芋泥貢丸有驚喜。四款餃子餡料十足，有芹菜木耳餃，粟米蓮藕餃，韮菜餃，魚皮餃。另有冷盤蒜茸青瓜，清爽有嚼口。萵筍少少微辣，爽脆。還有成都出名小食冷串串。雞腎，萵筍，木耳，牛舌。另有兩款燒物，燒墨魚丸彈牙。雞軟骨有𡁻口。

呢排d鋪頭開番，當然係出銅鑼灣行街啦，但身為一個吃貨，一定係醫好肚仔先有力行嫁麻。😂由於早餐都未食，個肚餓到扁左，另一半話成隻牛都食行落，我即刻就捻起打邊爐，而佢竟然支持，就係甘，我地開始左中午打邊爐既旅程。上openrice 搵一搵，搵到呢間打邊爐，見環境好似唔錯，即上黎試下。一入到黎，見到全落地玻璃，望到海，淨係個景都值曬，後悔點解唔夜晚黎🤦🏻‍♂️一坐底，就即刻叫左叫個雞煲先，再加多碟牛丸同牛柏葉。雞煲一黎到打開已經好香，件雞食落口無冰鮮味，好滑好嫩，加埋個汁，係會食唔停口而牛丸同牛柏葉都好新鮮，牛丸彈牙，牛柏葉就爽脆，同個湯底都出奇地夾。最後仲有雪糕送，兩個人食到捧住個肚走。下次一定要試下夜晚黎🥰🥰

因為疫情好耐無番過大陸，好掛住酸菜魚味道🐟😌係同事介紹下黎到銅鑼灣V Point 23 樓出名食雞煲既「隨變火鍋🍲」，得知出左二人午市套餐，人均HKD 68 酸菜魚（2人份）當然要試下，懷念下風味。餐廳🍴光猛明亮，空間感十足，環境闊落，仲設有卡位雅座，絕對係一大班朋友聚腳點，火鍋🍲午餐好出名，所以不乏附近上班💼族到來用膳。酸菜魚套餐（二人份）包曬前菜、小食、酸菜魚、白飯、飲品、甜品🍮都係HKD 168 ，免收+1。前菜：蒜蓉青瓜 ：青瓜爽脆清甜，食落咔咔聲，毫不吝嗇蒜蓉，吊起青瓜清新程度，好開胃，芥末牛舌：好多舊牛舌粒，但無咩調味、比較啖口，沙律醬同爽脆蟹子好夾，但反而同牛舌就一般。小食：燒墨魚丸：好有去左台灣既感覺，燒得色澤均勻，呈金黃色外皮，咬落彈牙，食落仲有墨魚🦑顆粒，仲灑上適量辣椒粉調味，熱辣辣好過癮。雞軟骨：餐廳🍴設有開放式燒烤爐，可以望到員工即席烹調，雞軟骨外焦內脆，軟骨有點適量鹽粒孜然粉，輕鬆KO。沸騰酸菜魚：一路滾一路食係最入味的方法，酸菜魚用上鱸魚🐟，肉質嫩滑，食落吾多骨，份量十足，酸菜吾會太酸，配合麻辣味，整體集酸、麻、辣一身，食落吾會濃到咳，加埋凍豆腐吸曬酸菜魚湯

同事約一齊食午餐。大家仲諗緊食乜嘢嘅時候，就不知不覺行到去登龍街，V Point。我立即提議食酸菜魚， 在23樓隨變火鍋推出咗又好食又抵嘅酸菜魚二人套餐。之前和朋友食過一次，今次真係要推介比我同事。餐前小食係絕不馬虎推廣期內，贈送冷串串，非常開胃嘩⋯⋯上菜啦、上菜啦！好豐富嘅二人套餐熱辣辣足料酸菜魚，味道啱啱好！唔太辣，酸度剛剛好！跟餐有四色丸及四款不同口味餃！仲有炸響鈴仲有、仲有串燒，而且非常美味！還有甜品送再加送窗前美景，今餐真係冇得輸！

如果想中午時份想以百元內chill住咁食個酸菜魚，呢度絕對係個好介紹！！！！呢度環境舒適，空間感十足，仲有落地玻璃可以望出去街景添～最近午市有個好抵食既酸菜魚套餐，分為二人或四人:）套餐有齊前菜、冷串、串燒、酸菜魚、主食、火鍋配料、飲品同甜品，平均每人都只係八十多元！！！前菜有清爽既拍青瓜同芥末牛舌～冷串份量不多，一口一串：）味道微辣，食落涼浸浸，好岩夏天食黎開開胃xpp串燒就有墨魚丸同雞軟骨：）串燒既辣度比冷串強，十分惹味～主菜有一鍋酸菜魚，份量適中！有十多片無骨嫩滑既魚塊之外，仲有不少大豆芽添～主食配以白飯，加上酸菜魚湯特感醒胃！！！食到中段，更可加入高湯變成鍋底～放進套餐中既火鍋配料！！除左丸類，仲有兩款肉餃添～炸至金黃既響鈴都不容忽視啊：）餐飲有汽水跟凍檸/奶茶可選～最後仲有雪米糍做甜品，正！！！

位於佐敦的隨變火鍋名氣不小，好幾年前和朋友去吃過，訂位、等位毫不容易，人太多，吃一次夠了。直至最近，方發現品牌在銅鑼灣開了分店，分散了人流之餘，居高臨下更是擁有無敵靚景。這天中午來到，發現有一個酸菜魚套餐，二人分量才不過$168，而且還不加一，由前菜、酸菜魚鍋、火鍋、白飯、飲品等一應俱全，抵食又飽肚，還可以打個靚卡，這價錢，夫復何求！分店位於V Point 23樓，全落地玻璃窗，看到樓景、海景，還有車水馬龍的銅鑼灣街道，在這裡悠閒地吃個lunch，心情真的很舒暢。中午沸騰酸菜魚套餐 $168/二人份翻看餐牌，看中了這個酸菜魚套餐，非常豐富，一同看看有甚麼吃吧。芥末牛舌蒜蓉青瓜冷串串牛舌冷串串有萵荀、木耳、雞腎、牛舌，我見杯子裡面有不少辣椒粒，以為會很辣，結果又不是喎，味道較清淡，竟然有點失望。燒墨魚丸、雞軟骨這個燒墨丸超好吃，外面烤得香脆，灑上了七味粉，頗辣，裡面有粒粒墨魚，夠彈牙。沸騰酸菜魚然後要吃今天的主角 -- 酸菜魚了。這時保持細火慢慢滾，就能吃到滑溜的魚肉了，分量比我想像的多，有十多塊魚肉，還有大豆芽菜、冰豆腐等。四色丸、四餃、響鈴韭菜餃芋泥包心貢丸響鈴吃完魚之後，就可以開大

周日中午去左銅鑼灣vpoint 食隨變火鍋，不過今次黎就唔係中午打邊爐！而係主要望住個海景食個悠閒lunch!時間尚早嘅關係，卡座任君選擇，就選了對正最大嘅海景位置坐底喇！今次就望住海景試下佢地新推出嘅隨變撈起！包兩杯飲品，意外驚喜是凍奶茶竟然是泰式奶茶，口感濃郁順滑。同老公叫左兩款撈起牛肉撈起 配麻辣汁$88（麻辣牛肉碎、海帶絲、青瓜絲、蟹柳絲、紅蘿蔔絲、粟米、榨菜、雞蛋、隨變粉）雞絲撈起 配麻醬汁 $88（麻醬、雞絲海帶絲、青瓜絲、蟹柳絲、紅蘿蔔絲、粟米、榨菜、雞蛋、隨變粉）上碟超大盤，岩晒打卡影相，超豐富！兩款均是招牌隨變粉，同一碗冬瓜湯都幾清甜。隨變粉非常特別，第二度食唔到。有着烏冬嘅外貌，紅薯粉嘅口感！加醬汁拌勻之前，先加入青檸汁味道更清新。麻辣汁香料味重，唔會死辣，非常惹味。值得一讚係大蝦應該係用新鮮蝦肉脫殼，爽口彈牙。

和朋友去了銅鑼灣登龍街18號V Point 23樓的隨變火鍋食飯，雖然這是一間專食火鍋的餐廳，但最近推出了撈起麵，所以過來試下。餐廳裝修得非常光猛，通透，一入到餐廳已經望到落地玻璃窗外的風景，由於位處高位，所以戶外景點非常開揚和舒服。店員服務亦都相當殷勤有禮，而且很主動，讓人感覺舒服。我們點了兩款撈起套餐，牛肉撈起，雞絲撈起。套餐包一杯飲品或一罐汽水，而且有一碗清湯，可以加在撈起麵食。這裡的撈起非常大碟，配菜有蘿蔔絲，青瓜絲，海帶絲，蟹柳絲，雞絲和蝦仁等，相當足料。牛肉撈起，將雞絲改了牛肉碎外，其他配菜大致相同。蝦仁相當結實彈牙，而且雞絲也很嫩滑，加上麻辣汁，相當惹味，另外值得一提，這裡的撈起並不是一般的烏冬或者麵食，而是餐廳特製的隨變粉，我還是第一次食，口感相當爽滑彈牙。值得一提是，撈起麵的份量真的很大，如果是比較細食的女生，可以兩人叫一份，之後再點其他小食，這樣可以試到更多食物😉👍

約左好姊妹食麻辣火鍋，但多心嘅我又想食雞煲，我地不約而同book左銅鑼灣隨變雞煲，呢間地點係V Point，即登龍街果邊，原本食雞煲覺得好地踎，呢間就完全唔同，靚view靚裝同service好好！怕辣到胃痛所以點左小麻辣雞，啲雞入口幾滑，醃得好惹味，真係落足晒多種香料，食入口先辣後麻，仲有茴香、花椒、八角唔同層次嘅香料，不過我略嫌佢嘅雞件斬得太細，骨件比較多，食過兩次呢間斬雞都係比較細件。食完雞煲，即刻轉打邊爐煲，新嘗試點左酸辣湯底，酸辣湯底偏酸，辣味十足，如果鍾意傳統啲就點返豬骨湯、蕃茄湯，佢湯底都幾多選擇，配料方面選擇好多，唔少得一定要點鴨血，唔係度度都有得食，仲有本地肥牛，呢個超正，雖然貴少少，肉味十足，啲料好新鮮唔係比cheap野！仲有點左D丸、菜、薯粉，同樣新鮮正！兩個人慢慢食，我地食左兩個幾鐘，冇人趕service好好👍🏼，仲有tempo送，所以話一分錢一分貨！

佐敦嘅隨變雞煲，食過無數咁多次，還記得以前排隊隨時排個幾兩個鐘，雖然而家人潮冇咁強烈，但水準依然，一年前去過吃完還是非常滿足。 銅鑼灣嘅分店反而冇去過，睇見啲相都唔敢相信以前一間小小嘅地舖，而家竟然變成一間又有靚景又舒適嘅大雅之堂。 兩個人去食午餐，聽聞佢嘅火鍋午餐非常出名，唔試唔得，碰巧有人推介食新嘅酸菜魚午餐，個人又鍾意食酸菜魚，唔使諗，即食。 每位$100唔使有前菜，飯，串燒，火鍋料同酸菜魚，時光倒流一句話，真係唔講得笑。 坦言前菜真係較為普通，蒜蓉拍青瓜同牛脷沙律，配搭就普通啲，牛脷同沙律亦都唔係好夾，但係以夏天來講非常清新。 兩吋串燒，一串雞軟骨，一串炸墨魚丸，完全還原佐敦分店嘅水準，我立刻想嗌一串佢嘅手本名菜，吃過嘅一定有感覺。 酸菜魚辣度尚可，有椒香有麻香，爐魚每啖肉質都鮮甜，平時單點一個酸菜魚都最少$300，你話係唔係非常過分。 到最後可以開始打邊爐，加點湯就可以淥佢嘅四寶丸同餃，質素高，最好係爆醬丸同雲呑，特別一定要加我最喜歡嘅紅薯寬粉作結。 星期日嘅下午可以係一個咁舒適嘅地方以一個咁平嘅價錢打邊爐，實屬離奇，我諗真