影片
更多
2018-07-17
1830 浏览
港島朋友約食飯，問我有咩好食，我就帶埋佢一齊去食隨心！佢既東南亞食物真係做得幾好！7 點去到，正值晚飯時間，食客滿滿，證明東南亞菜在香港都幾受歡迎！隨心係我喺香港食過能同時提供兩種口味肉骨茶俾客人選擇既餐廳，包括有星加坡既胡椒口味，同馬來西亞既藥材味，在香港嚟講實在難得，所以我一定要介紹埋朋友嚟食！餐廳亦保留 東南亞 餐廳叫 涼水既傳統，我叫左檸檬薏米水飲，清涼解渴唔太甜！海南雞(半隻) 率先上檯，份量ok! 皮滑肉嫩，點d黑鼓油嚟食，東南亞味道即刻返晒嚟！上次無食到佢既招牌喇沙，今次點都要食到！喇沙湯底蝦味出色，也有淡淡咖哩香味，我哋點左個帆立貝海鮮喇沙，份量都幾多，而且跟足東南亞做法，有兩種麵條組成，索埋d 湯汁嚟食就最正！帆立貝有3 隻，每隻都大大隻，啖啖肉，仲有彈牙既魚片都幾出色！白蘿蔔糕，係香港比較難食到既菜式，加入左雞蛋同香葱煎蘿蔔糕，甜甜既蛋香配上蘿蔔味濃郁既蘿蔔糕，係一個唔錯既組合！同檯既小朋友不停追住嚟食！上次試過佢哋既胡椒口味肉骨茶，今次點都試埋藥材味肉骨茶，用料十足，內有覺參，當歸，紅棗，冬姑等，淡淡中藥味，味道甘甜，大大條一字骨，煲得非常軟稔！芥蘭炒豬頸肉，
7 點去到，正值晚飯時間，食客滿滿，證明東南亞菜在香港都幾受歡迎！
隨心係我喺香港食過能同時提供兩種口味肉骨茶俾客人選擇既餐廳，包括有星加坡既胡椒口味，同馬來西亞既藥材味，在香港嚟講實在難得，所以我一定要介紹埋朋友嚟食！
餐廳亦保留 東南亞 餐廳叫 涼水既傳統，我叫左檸檬薏米水飲，清涼解渴唔太甜！
海南雞(半隻) 率先上檯，份量ok! 皮滑肉嫩，點d黑鼓油嚟食，東南亞味道即刻返晒嚟！
上次無食到佢既招牌喇沙，今次點都要食到！喇沙湯底蝦味出色，也有淡淡咖哩香味，我哋點左個帆立貝海鮮喇沙，份量都幾多，而且跟足東南亞做法，有兩種麵條組成，索埋d 湯汁嚟食就最正！帆立貝有3 隻，每隻都大大隻，啖啖肉，仲有彈牙既魚片都幾出色！
白蘿蔔糕，係香港比較難食到既菜式，加入左雞蛋同香葱煎蘿蔔糕，甜甜既蛋香配上蘿蔔味濃郁既蘿蔔糕，係一個唔錯既組合！同檯既小朋友不停追住嚟食！
上次試過佢哋既胡椒口味肉骨茶，今次點都試埋藥材味肉骨茶，用料十足，內有覺參，當歸，紅棗，冬姑等，淡淡中藥味，味道甘甜，大大條一字骨，煲得非常軟稔！
芥蘭炒豬頸肉，芥蘭同豬頸肉同樣爽口，炒得有鑊氣！
最後一道菜係啖啖肉既森巴脆皮牛腩，外皮炸得香脆乾身，重點係個醬汁，香辣味十足，令到平平無奇既牛腩變得惹味！
张贴
