陶源中菜

营业中

休息中

食物味道正常但係態度真係好一般 唔講以為啲經理餐廳經理全部都有俑收。點解我咁講？因為由我拶坐低嗰一刻個經理就係咁不停sell我哋去食佢哋個套餐，甚至企喺度好似比壓力我哋咁樣話說啱啱我哋出去嗰陣仲喺度睇緊個餐牌，然後個經理就係咁不停叫我哋去照個套餐。我哋話諗多陣先啦，佢就話你哋食套餐好抵㗎一定食到餐好啲啦。跟住我朋友就想叫兩杯橙汁飲，佢就話叫兩杯不如叫一查啦咁樣睇好多。跟住先知道原來一炸橙汁係差唔多$200 ，但係都橙汁其實都不過係$30一杯😑跟住明明我哋好啊我想飲杯橙汁先，佢都唔肯就係都要我哋叫咗餐先，最後忍唔住話佢，佢先至過去Order左先之後就係啲傳餸員，就咁將個啲餸放咗喺我張枱度😑明明有個轉盤佢都唔放😑仲有一個完全唔接受就係個員工就咁將個餸，係個小朋友頭上放落張枱度😑有冇常識嫁！最後講一講啲食物，其實都OK不過味道就偏濃同鹹。

10月1號去飲茶，都諗住一定會好多人，所以朝頭早一早就打去book位。Confirm完時間同人數，問接電話嘅姐姐有冇BB櫈，佢態度已經唔係話太好，同我講「你嚟到有就有，冇就冇」。Ok⋯去到酒樓，攞位坐低，被安排在收銀處旁的小房間。明顯之前嗰檯啱啱走，枱面啱啱先鋪咗張新枱布，地下仲有一堆垃圾。咁呢個時候，一位黑面姨姨入嚟擺低碗碟筷子，咁我就同佢講地下有好多垃圾，佢話轉頭會有掃地姨姨嚟清。咁我就順便同佢講，麻煩佢攞張BB櫈，佢就好晦氣咁話「唉，我啱啱先攞走咗」大佬呀，我點知你之前嗰檯有啲咩人，又唔係我叫你攞走嘅 佢好瀟灑地將啲碗碟筷子就咁‘pet’咗喺枱面就走咗。等咗一陣，仲未有人嚟清，咁我再提一提黑面姨姨。過多10分鐘，仲係未有人嚟，我就出咗去收銀枱嗰度同嗰位姐姐講麻煩佢叫人入嚟清一清。跟住，當然係冇人嚟啦。我再出去搵經理，麻煩佢入嚟清一清啲垃圾，順便將我將點心紙交俾佢。我唔知呢個經理係唔係啞嘅，但係佢全程係冇望過我，兼且冇回應。我嬲咗，大聲同佢講麻煩你即刻入嚟清一清垃圾，佢先好似突然回過神來，發覺原來佢應該係返緊工嘅。跟住好快，終於有一位清潔姨姨入嚟掃走啲垃圾。要讚一讚呢位掃地姨姨，佢

屋企樓下得一間茶樓有日飲完茶，俾staff sell 我join member，諗住都有機會食，就join咗適逢九月生日，原來有$200消費卷可以係到用返，早兩日就去咗啦～其實應該飲下午茶先嚟，因為晚飯時間價錢都比較貴，呢日只係叫咗2個小菜、1個白飯$15，由於計埋茶錢$15一位，埋單都要$270左右，好彩原來會員有即時9折，扣埋$200生日禮遇，只係補返$50 左右，2個人食，都當幾抵啦～叫咗咕嚕骨、西檸雞，但味道真的很一般，怪不得咁少人啦咕嚕骨太多粉，食唔到肉，只食到厚厚嘅粉，食落又硬，冇肉咬到。西檸雞嘅雞好似冇醃過咁，好淡味，西檸汁又少，只得幾片西檸放喺面，冇乜質素總結，一啲都唔好食，唔需要再嚟。員工service 不是太好，開頭我哋落白飯，佢話不用咁早叫定，因為上菜會上埋白飯，好快出到。但我哋餸咗一陣都未有，就問佢啦，最後等咗10分鐘先有，等到餸都凍，咁佢就唔好話即刻有白飯上枱啦...

入康城飲茶，😋都係得兩間選擇🥲🥲🥲🥲🥲，成日聽人講陶園好好食，所以就試吓啦唔知係咪期望太高🤣🤣🤣🤣🤣🤣樣樣野都覺得還好之前食過佢嘅晚市，真係麻麻哋但係聽人講點心好好味所以特登試吓午市，假日冇下午茶優惠，兩個人埋單三百幾賣相係OK嘅，食物冇乜驚喜不過都算值得一試，但如果下次俾我揀，我會選擇隔離嘅個間😂😂😂😂特別嘅係佢有好多種唔同嘅茶，可以加錢轉不過性價比來講就真係唔高啦

正正下午茶時間，又心血來潮想食中餐點心，就到了陶源·中菜試其下午茶。首先，點了鮑汁鮮竹卷$24一籠有三件，點心籠身是黃色外型，也好特別，鮮竹卷也包得好紮實，入邊蝦肉也新鮮，豬肉都冧身，鮑汁味很濃，完全滲透了腐皮裏。再點了千島汁脆皮蘿蔔糕 $22.4，一碟四小件，聽名字已覺得好得意。蘿蔔糕被炸成金黃色，外面脆卜卜，蘿蔔糕好味，橙色千島汁被淋在蘿蔔糕上，味道想不到的配合，配上上面的柴魚片，豐富了整道點心的口感。主食方面，點了碟乾炒牛河$68，炒得好乾身，證明很有鑊氣，遠遠已聞到牛河的香味，牛肉也均勻的分佈，不錯。最後，再點了姫松茸遼參粉果$28，一籠三件，性價比也高。外表晶瑩通透，好好看。未食已看到裏面的餡足夠。翠玉瓜，冬菇，松茸，遼參都切成粒，口感爽口。而且全部素食，是好健康的點心。陶源．中菜地址：將軍澳康城商場4樓418號舖

服務態度非常惡劣，落去問嘢想訂枱，初時好似睇唔起人，一知道要訂多幾圍即刻比卡片，但係搵佢又叫人打落去問，打落去又係佢聽電話，之後訂枱轉左人又係一樣！獨市生意，d人好高竇🙈🙈

第一次試這餐廳。環境可以，食物一般，但服務態度極卑… 沒有一個職員達標。 人手不夠不在話下，但每一個職員的服務態度簡直卑劣，已訂了位進餐廳問是否朋友已到開了枱，他竟然叫我自己打電話問朋友，落單沒人理，問部長問題，沒問完他已經離開。食物裏面發現橡筋，職員沒有道歉，叫我們等人來，結果又沒有回來。不會再光顧。

寫點心紙寫左5樣，又唔覆一次單，等左45分鐘追單，跟單阿呀姐態度極差就咁印張單出黎放低走左去，再睇返張單先知落淨係落左4樣野，諗住再落返單但個阿姐仲要態度極差，語帶唔耐煩咁問“係咪落呀”，即刻唔夠膽再落單，快手食完走人冇下次

等位嘅時候，櫃檯姐姐正常招呼，叫帶位姐姐帶位，但帶位姐姐咩都冇講走左去，幾分鐘後先出返黎。坐低左之後叫野食，等左半個鐘黎左第一道腸粉，再等多15分鐘頂唔順叫樓面跟單，態度冷漠話會跟下，十秒後第二道點心燒賣到，跟單阿姐就咁印張單放低仲話「黎緊啦，即叫即到啦」，跟單阿姐連問都冇問過廚房仲態度惡劣，點心阿姐就咁放野食係枱邊。成餐飯我地叫左5樣野，落單淨係落左4樣，態度仲要串過碼頭古厘。

去年十一月初的時候，康城大型商場開幕，我們便駕車駛至日出康城，我和老公寶寶決定到陶源中菜喝個早茶，聽說是此處環境寬闊舒適且設計精緻。餐廳裝潢以搶眼多色的不規則圖案砌拼成地板，配搭上藍橙色座椅和多棧不規則吊燈，並再使用上數棵大盤紅色植物為客廳作點綴，整體感覺高貴大氣。而其窗邊落地大玻璃的設計，令整體視線更為廣闊，且於用膳同時亦可欣賞窗外景觀。入座後職員便先為我們奉上一壺熱茶以供飲用，並特意使用茶包分隔茶葉泡浸，底部亦使用上燃燒的小蠟燭保持溫度，可見服務相當細心。而且整套用具皆是透明玻璃設計，顯得格外精緻高級。飲用時清香潤喉，茶味濃郁。極品鮑魚燒賣鮑魚燒賣一籠兩顆，外觀可見餡料飽滿充足，且每件燒賣頂部均放置有原隻鮑魚和蟹籽作點綴，賣相甚為吸引。燒賣食用時肉嫩多汁，爽脆彈牙，鹹香鮮味。沙巴鮮蝦燒賣鮮蝦燒賣奉上時熱騰騰的，餡料同樣製得甚是飽滿，頂層用上來自沙巴的鮮蝦和蟹籽作配料，令味道增添清脆微鹹，鮮味十足，整體口感則是香嫩滑溜。筍尖原隻鮮蝦餃蝦餃外觀摺紋量多，色澤晶瑩剔透，幾乎看見內餡，賣相是甚為美觀。夾起時外層皮薄柔韌，不會輕易破爛，口感軟糯微黏，而內裏餡料是用上筍尖配搭原隻鮮蝦，咀嚼時清

我打电話想訂位,怎知對方說話太沒有禮貌,她說餐廳訂位是給VlP貴客預訂,每位VlP有自已知客電話所以至電是沒有預訂,我反問這電話用來有怎麼用途,她說公司資源富厚所以這電話是裝模作用,和它們知客打交道是貴客,如想得到VlP訂位不仿去1次作客然後打賞便有日後訂位便利(所以我個人認為桃園各位股東,你們要認真處理你們低級知客的文化,本人也是位商人)

中午飲茶，攞飛超過40分鐘，叫咗5張枱。但又有好多熟客自出自入。另有一本簿叫名叫電話，唔洗叫號碼。有人投訴，仲聲大夾惡！俾錢食飯，好似乞佢咁。睇番之前留言，原來服務一直都咁差。幸好商場有其他選擇。

枱布冇洗一樣，仲有食物係到，呀姐冇禮貌，仲覺得冇問題😂😂呀姐既衞生意識都幾差，枱腳頂腳呀姐又話佢冇依個問題，成餐飯頂住隻腳都話冇問題，唔會再有下次，希望服務多多改善

早茶價錢可以，環境也蠻好，食物很一般，但服務態度是真的差。比較值得一試的是小梨子鹹水角，其他東西味道都不能說好。服務員幾乎不聞不應，早上的出菜時間也稍慢。其中有個穿西裝的女士，服務態度惡劣，其他員工的態度也冷淡。

講真野食其實正常，但服務真係差到無人有！ 真係嬲到要特登黎開 acc. 寫差評。。。想埋單，無人理。自己走去搵人埋單，叫我番埋位等。 等左10分鐘唔對路，走出櫃面想正接埋單。櫃台阿姐黑住面話我做咩走出黎，叫我番埋位等。Ok 當你唔夠人手我又番埋位等多十分鐘都係無人。最後嬲左走出去同櫃台阿姐講叫佢即刻幫我埋單，阿姐係不停發脾氣同我嘈完先幫我埋單。。。真係痴線。。。 其實之前叫外賣，哩個櫃台阿姐已經試過落錯 order 收多過錢，跟住又係一句唔好意思都無。無咩事真係唔會再幫襯！