陶源中菜

营业中

休息中

【母親節飯局│陶源中菜酒樓】今日係母親節，一家人齊齊整整去咗康城嘅陶源中菜酒樓慶祝節日。酒樓環境寬敞企理，服務到位，氣氛靜中帶旺，幾適合家庭聚餐。今次揀咗四道菜式：首先上場係賣相超吸睛嘅花膠瑤柱燉雞配海皇雙耳冬瓜盅，冬瓜雕成花邊圓圈，中間盛滿清湯，內有翠綠瓜粒，面鋪蝦仁、蟹肉、蓮子，材料豐富，滋味清甜，一上枱已經令人讚嘆。之後係原隻老虎蝦煮遼參（上湯煨），蝦身厚肉、鮮味十足，配埋彈牙遼參，口感層次豐富。再來係北京紅燒豆腐，色香味俱全，豆腐外脆內滑，醬汁鹹香開胃。最後壓軸登場係龍蝦伊麵，龍蝦煮得剛好，肉質爽彈，麵條吸收晒醬汁精華，整體味道濃郁，非常滿足。四餸一餐加茶位共 $1,236，以菜式級數嚟講價錢合理。媽媽食得開心，我哋都滿足，係一次值得紀念嘅溫馨母親節晚餐。

昨天一行五人專程去日出康城陶源食主打煙燻雞因有朋友來自遠方我們在這裏已食了六年煙燻雞，每次有朋友來我們也會替他光顧，好可惜今次完全大失所望完全一點煙燻都沒有，只是一隻普通的燒雞又乾又嚡，便叫女侍應過來他說剛換了師傅，所以應該忘記落煙燻，後來他再找另一個所謂較高級的男職員過來拿起我們碟雞把鼻近放嗅，不是，不是便說有少少煙熏味有少少跟住就放低！簡直完全強詞奪理不負責任的行為以為這樣是解決問題強行指鹿為馬！不是不想留港。 消費但今時今日這樣的服務態度，這樣的食物質素真令人惋惜我們只是有朋友在場不想掃興，所以繼續完成所謂冇煙熏味的煙燻雞！真的好可惜，其實只要講句對不起給我換過一隻有煙熏味的雞大家開心又解決問題，將功補過，我下次還會幫襯，不是這樣擘大眼講大話！真的不是不想留港消費。

餐廳位於康城商場內，港鐵站直達。環境寬敞明亮，適合家庭聚餐或朋友聚會。今次同屋企人一齊，終於可以放開肚皮嗌多d食多d啦 * 挪威長腳蟹：蟹肉鮮甜飽滿口感紮實，每一啖都是大海個feel。烹調方式恰保留了長腳蟹的原汁原味。上菜時，長腳蟹的擺盤也很吸引人。* 好好味嘅叉燒呀：叉燒肥瘦均勻，外皮焦香內裡肉質軟嫩，蜜汁調味啱啱好。 * 京式片皮鴨二食：片皮鴨鴨皮酥脆，肉就鮮嫩多汁。配上薄餅、青瓜絲和甜麵醬，口感豐富有layer。第二食鴨肉，廚師也處理的很好，不會過於乾柴。整體來說，片皮鴨的表現有feel。服務人員態度幾好。價格方面都抵食，以食材品質和用餐體驗來說，物有所值。將軍澳附近難得適合家庭聚會的好酒樓呀。

同家人到康城睇電影 開場前先到陶源中菜食晚餐因為佢就係戲院附近 我地就隨心選擇左呢間中菜 貪佢近近地又坐得舒服第一次幫襯 入到去環境都幾四正 大門口有個大酒櫃存放好多唔同既紅酒店內環境舒服整潔 加分當日可能係平日關係 店內人客唔多 所以環境都唔嘈好岩慢慢坐下嘆茶坐低見到佢個片皮鴨優惠勁吸引 $118就有得食 二話不說叫左份片皮鴨先另外試左叉燒 姬松茸遼參豆腐煲,  蒜蓉菜心京式片皮鴨 $118上枱時仲係熱辣辣 十份滿意皮係脆口 皮與肉之間恰到好處既一層薄薄油脂 真係皮脆肉香呢一刻我已經覺得$118呢個份量真係好抵食!!至於白色餅皮都值得一讚喎厚薄適中又唔會太干 (由於以前食過其他店干到不得了 正所謂無對比無傷害)所以成餐飯食到呢個片皮鴨真係好滿足叉燒賣相好靚 食落就普普通通冇咩特別 平時酒樓一般水準姬松茸遼參豆腐煲就係我呢晚幾有驚喜既一道菜豆腐非常之滑 外香內嫩 個個都話正 有驚喜!!遼參唔係一整條 係切片上 口感亦都唔錯睇到好足料 香噴噴 下次都會再叫呢道最後就食埋個炒菜 有鑊氣炒出黎果然係唔同D 都好好味菜新鮮 蒜香夠濃 

【 團年蟹嚐鮮。相約在康城「陶源·中菜」 】 🪭新春佳節又到喇！團年飯、開年飯、公司晚宴聚餐大家book咗枱未呀？我哋一家人最鍾意就係齊齊整整坐埋一齊食飯傾偈，上年冬至飯係「陶源酒家」個個都食到舔舔脷！🍵新春團年飯我哋當然會再去啦！今次揀選康城分店的「陶源·中菜」，因為好鍾意酒樓的設計風格，環境清幽雅緻，用餐環境悠閒舒適，好啱家庭朋友茶聚呢！而且酒樓位於The LOHAS 商場內，地鐵站直到，可以行完街先去食飯，好方便。🦀我哋今次訂咗一圍 #團年蟹嚐鮮，係長腳蟹團年餐，勁正呀！主打係呢隻足足有四斤重的 #原隻白烚挪威長腳蟹 ，原隻蒸更能保留蟹的原汁原味，蟹肉鮮甜美味，啖啖肉非常滿足。🥙 #即燒脆皮乳豬 十分香脆，#紅燒蟹肉生翅帶有香濃蟹香氣，每啖都有湯水鮮美。 #黃金蒜香雞 肉質軟嫩，雞皮薄脆，蒜香香味突出，味道豐富。最後飲番碗又香又滑的 #蛋白杏仁茶 ，潤肺養顏，最啱冬天食用。10道中菜份量都好足料，食材矜貴又高級，大人小朋友都食得好滿足，好開心呢！ #團年蟹嚐鮮鴻運乳豬襯金衣原隻白烚挪威長腳蟹（約四斤）發財好市大利碧綠珊瑚遼參生拆蟹粉扒豆苗紅燒蟹肉生翅地中海鹽蝴蝶沙巴黃金蒜香雞臘味

同過屋企人一齊去呢一度食飯, 佢嗰個位置就比較偏個角落, 所以有時候真係要搵一搵先見到！入面地方都算大, 一般酒樓有嘅嘢佢都有,個人手好似唔算多, 有時如果你要叫個服務員過嚟嘅話都要啲時間..味道中規中矩, 正正常常.

今年聖誕大餐無去食西餐，而去咗陶源食中菜因為聽講最近除咗買一送一位每位小朋友仲送 西班牙黑毛豬叉燒飯 同小禮物🎁平均都係$284一位，就可以一家大細坐得舒舒服服嘆 鮑魚燕窩豪華餐🥢🔹冰燒五層肉拼黑醋高山木耳開胃冷盤前菜🔹五頭鮑魚伴百靈菇豪華五頭鮑魚配 大大隻冬菇🔹野竹笙鳳風燴燕窩食得到睇得到，啖啖燕窩🔹鹽酥小黃魚炸得香脆可口🔹秘制妙齡乳鴿外脆內嫩好Juicy🔹濃湯珍菌泡菜苗上湯浸嘅豆苗好清甜🔹紅米小珍珠健康嘅紅米版本珍珠雞🔹生磨蛋白杏仁茶滋潤養顏糖水仲有果汁🍹紅酒🍷除夕到新年前都有做推廣

秋冬🍂又係食大閘蟹嘅好時機，最近輪到蟹公當造啦⋯ 食一兩隻唔夠爽，咁如果一個價錢可以任食大閘蟹🦀片皮鴨🦆中菜、小食、糖水、甜品係咪正到爆😍呢個 <大閘蟹放題> 兩小時⏱️任點任食🥢無限追加三款大閘蟹 ：🧡清蒸🧡油鹽焗🧡太雕蒸今期係白膏多口感濃郁👍🏻仲有片皮鴨任食，兩個仔就最鍾意，不停包不停包，脆卜卜外皮，有皮有肉、肥瘦均勻唔會太油更送贈每位顧客，金湯小米燴遼參、鮑汁扣原隻鮑魚、蟹粉扒豆苗真材實料，高質食材！自助區更有多款小菜點心糖水，仲有小朋友最鍾意嘅楊枝甘露、芒果布甸🤣follow佢哋社交平台 更即時贈送蟹粉小籠包或乳鴿

康城區內獨一無二酒樓餐廳裝修豪華，環境寬敞舒適，適合一家大小，有老有嫩的家庭聚會。小菜的選擇多樣，各有特色最近有兩小時大閘蟹放題蟹新鮮美味，肉質鮮嫩，蟹黃醇厚，搭配醬油別具風味，有三種煮法配合食客喜好，性價比高，值得一試！片皮鴨都係任叫任食，外皮酥脆，肉質嫩滑，搭配京蔥、青瓜和甜醬，風味獨特甜品方面，有凍有熱，芒果布甸，楊枝甘露足料多芒果，薑汁湯丸餡夠多，食完大閘蟹飲一碗暖身。店長娜姐服務好好，會照顧小朋友需要

糯米卷皮厚冇味QR code 叫餐不能用又凍 唔好食座位唔好坐 椅子太小服務其怪 員工服務一般成日大聲叫 問其他枱飲乜茶台上收嘢又唔出聲冇笑容餐具衞生有問題 送錯餐又當我錯重用蠟燭煲茶 蠟燭味好臭應該轉用電什麼大集團？

好耐冇去日出康城商場，同屋企人去行下，一行4大1小，見西餐好多都要等位，但見陶源中菜有位及晚飯優惠精選就試下！😌見個晚飯優惠精選有六個餸，都只係優惠價$498 (原價$708) 都幾抵食，大家唔想諗就揀四人餐，雖然唔知大唔大碟，打算唔夠先再加餸。平時去食中餐都怕點普洱茶，因為飲親都比較苦澀，但估唔到今次家人叫普洱，飲落好香醇及有少少回甘，一點都唔苦，下次可以再叫！上菜見四人餐其實都幾大碟，仲越上越有，食極都未食完…四人餐包括鮮人參燉水鴨湯、蘚茄粒粒泡菜苗、香煎一夜情馬友、柚子蜜蝦球、秘製樟茶鴨(半隻)及菠蘿雞粒炒飯六個餸。個人比較喜歡柚子蜜蝦球、秘製樟茶 鴨(半隻) 及菠蘿雞粒炒飯。蝦球層皮雖然唔脆，但上枱時入面仲係熱及彈牙，感覺新鮮，加上柚子蜜酸酸甜甜好開胃！秘製樟茶鴨覺得幾特別，個人比較少食到呢種味道，層皮估唔到有少少脆，而肉質係算幾嫩，下次可以再食！而水鴨湯、香煎馬友本人覺得比較鹹，但馬友可以煎到咁香脆都值得一讚！而蘚茄粒粒泡菜苗都鮮甜，食得出材料新鮮！而菠蘿雞粒炒飯其實都幾開胃，小朋友都好鍾意食！由於唔係本人叫餐，而且侍應落左餐後就攞埋張餐紙走左，一路上菜一路食都冇為意其實四人

很差的體驗 ，很差的服務首先食物等得很耐 ，我大概7:30去到叫野食 ，啲野食8:30先到 ，期間都催過幾次 ，一直都係話就得就得 ，然後野都未食完差唔多9:15就要我地埋單。咁我對一對單 ，發現個冬瓜盅落左正價(佢做梗優惠) ，問個短頭髮女職員 ，佢大大聲話落單哦個係替工 佢冇幫你寫優惠就冇 。我話但你地張餐牌寫到明做梗優惠點解收我正價 ？同埋我之前叫都係收我優惠價，佢又唔出聲 。咁既處理方式令到我覺得咁大間連小小錢都要呃 ，唔會再去

又到食大閘蟹🦀嘅季節啦！今年我就率先去咗陶源酒家任食大閘蟹🩷我會揀喺度食嘅原因係呢度嘅食物種類好多！除咗3款任食蟹（清蒸、太雕、鹽焗），仲有片皮鴨🦆、鮑魚、金湯小米燴遼參、蟹粉扒豆苗；任食甜品🍮（楊枝甘露、布甸等）；主食（壽包、糯米飯等）；小食（避風塘雞中翼、手拍青瓜🥒）我多數喺屋企都係食清蒸大閘蟹，估唔到原來鹽焗都咁好食㗎，鹹鹹地咁！而其他小食都好夠滋味，椒鹽海中蝦、香辣萵筍絲等，送啤酒就一流啦❗️而甜品方面，楊枝甘露、杏仁茶、紅棗糕嘅質素都好高，我全部都好鍾意食❤️我今次淨係得兩個人嚟，下次我要約埋其他屋企人嚟先得，咁先可以再食得多啲，同埋有人生日嘅話（4位以上），仲有得升級啤酒汽水任飲添😋

已經踏入了秋天，是大閘蟹當造的季節，搶先去了「陶源酒家」食大閘蟹放題$528/位，2小時任飲任食，無限追加大閘蟹、北京片皮鴨、多款小菜主食和甜品😋大閘蟹有三款煮法可選 - 清蒸、太雕蒸和油鹽焗，每款點了4隻，味道各有特色，仲送埋薑茶湯圓驅驅寒，片皮鴨水準都唔錯。另外，每位顧客仲送一份特盛三式：1.鮑汁扣原隻鮑魚伴椎茸 - 醬汁唔錯，鮑魚幾鮮甜。2.金湯小米燴遼參 - 色澤金黃，好香南瓜味道，遼參切成細混在湯中，爽滑有嚼勁。3.蟹粉扒豆苗 - 蟹粉鋪滿了整碟豆苗，食到薑蒜嘅香味，味道唔錯。主食：生炒糯米飯 小菜：點了椒鹽豬小排和椒鹽海中蝦，兩款都非常惹味。甜品：點了楊枝甘露和生磨蛋白杏仁茶，楊枝甘露非常足料，芒果味道香甜；杏仁茶就滑溜，杏仁味道濃厚。📍🎂生日優惠當月生日者可享全枱免費升級啤酒汽水任飲 (*四位或以上適用)

大閘蟹季節開始喇！陶源酒家推出兩小時大閘蟹放題，最年最期待當然要第一時間去食！😍🦀大閘蟹放題(週一至四 $528/位；週五至日及假期 $588/位) (另收茶芥$15及原價加一服務費)大閘蟹放題有三款煮法，分別係清蒸、太雕蒸、油鹽焗，隻隻都黃脥膏鮮✨今批全部蟹乸 (個人最愛😍)，質量不錯，雖然大細約3-4兩但隻隻都多膏～先食清蒸，最食到蟹嘅鮮甜味；而太雕蒸嘅酒香更能突出鮮味；最後油鹽焗鹹香十足好有風味～除咗大閘蟹任食之外，仲有京式片皮鴨同多款主菜、小食、甜品都係任叫😍一定可以食到回本🤣每位更奉送一份特盛三式，非常豐富！Btw有手套提供唔使驚整污糟手～🥢特盛三式⟐ 鮑汁扣原隻鮑魚伴椎茸鮑魚都有返咁上下大細，爽口彈牙，鮑汁味香濃🥰⟐ 金湯小米燴遼參味道甜甜地，有少少似南瓜西米露，有啲小米咬下好似西米咁🤣口感幾特別，配埋切粒遼參一齊食幾爽口～⟐ 蟹粉扒豆苗蟹粉多到瀑布咁好豐富，食落蟹黃味濃 (可能因為冇豆苗，俾咗白菜仔，但都一樣好夾)，清甜得嚟又有啲蟹黃調味幾正～🥢京式片皮鴨片皮鴨任食，呢個價錢有大閘蟹又有片皮鴨，都幾抵食🤣一份嘅份量算幾多，只要你唔係眼闊肚窄，其實都值得一試～片皮鴨新鮮出爐