陶源中菜

营业中

休息中

二人世界想飲茶的話通常很難叫點心，不過陶源酒家推出了花鳥聚陶源的點心套餐， $268 一份，賣相吸引之餘還可以一次過品嚐到多款精緻點心～ 茗茶有六款選擇，分別是法國粉紅玫瑰🌹、安溪鐵觀音王、極品白牡丹、陳年貢品普洱、人蔘烏龍和茉莉花香片。我們點了壺茉莉花香片，底下會有小蠟燭一直把茶暖著，happy tea time 🫖 🔸花鳥聚陶源🌿歐陸鳥籠的造型非常IGable🫶🏻 可以和閏蜜來吃個中式的 High Tea😆 最底是原隻鮑魚燒賣、嫩滑鮮蝦菜苗餃、姬松茸遼參粉果和金箔原隻鮮蝦餃 ，熱騰騰蒸好岀爐，要襯熱食呢。經典的蝦餃燒賣都很真材實料，菜苗餃很好食，軟嫩又鮮甜 ！中層是安格斯和牛天鵝酥和小梨子咸水角 ，賣相和味道同樣一流👍🏻頂層是甜點朱古力鴛鴦奶皇包和養顏紅棗糕。包點內餡是奶皇，外皮軟熟並帶朱古力香味，又幾夾🍫🔹碳燒西班牙黑豚腩叉點心套餐之外也點了其他食物，這個黑豚腩叉肥瘦適中🐷 蜜汁甜美又有肉香🔸鮑汁鳳爪鳳爪燜煨得軟淋入味，喜歡吮指的必點🔹楊枝甘露這裡的甜品做得挺岀色的👍🏻 幼滑奶香，滿滿的柚子肉、芒果粒和西米，消暑之選✨

2022年8月24日午市時間傳菜員送錯食物仲大聲夾惡，扮聾聽唔到！該名扎長邊女傳菜員，送錯一碟炒粉去另一枱客人，該枱客人好心告知該名傳菜員一聲、二聲、三四聲，該傳菜員直情一於小理，客照叫佢照行，錯放食品照舊放低，隔離枱的客人也對佢講食物是她的，但該名不知所謂傳菜員的態度依然不採不理！直至該枱好心的客人大大聲叫佢才回應，仲大大聲話聽唔到，不知做錯當然連道歉也沒有！仲一路駁咀話聽唔到，仲話客人咁大聲，這些態度跟本要不得。極損陶源酒家聲譽！酒家管理層應了解事件，對這位不知所謂傳菜員處罰！

康城嘅食肆同配套真係越嚟越多，今日係家庭聚餐，揀咗呢度飲茶，由於假期都比較多人等位，等咗一陣就安排咗座位比我哋。食肆裝修好新又乾淨，座位之間有少少逼，不過枱同枱之間有好高嘅防疫板。食物方面點心賣相精美，味道都唔錯，但係係冷氣開到好大，下次嚟食嘢一定要帶外套。筍尖原隻鮮蝦餃，粒粒都好飽滿，蝦肉爽彈。沙巴鮮蝦燒賣，新鮮大粒。陶源點拼，每款點心有兩件，好精緻。第一層有金箔原隻鮮蝦餃，極品原隻鮑魚燒賣，姬松茸遼參粉果，嫩滑鮮蝦菜苗餃。蝦餃比上面嗰籠更大隻，粉果，菜苗餃都好晶瑩。第二層有安格斯和牛天鵝酥，小梨子鹹水角，朱古力鴛鴦奶皇包。酥做得唔錯，擺咗一段時間都無滲油，奶皇包一咬開裏面嘅奶皇湧晒出嚟。奶皇千層糕，香滑鬆軟。別有洞天鴛鴦腸，好特別，裏面好多層次，白色同黑色分別有脆米網包蝦肉同牛柳粒，雖然好快就唔脆，但係師傅做得用心。養顏紅棗糕，食落唔膠嘅紅棗糕唔係周圍搵到，呢間係口感煙韌，唔錯。金獅脆麻花，原本以係炸到好大件鬆化嗰種，原來係呢款脆身嘅，都唔錯，新魚唔會係硬脆。蒜香魷魚鬚，份量都幾多。碳燒西班牙黑豚腩叉燒(肥D)，叉燒做得好好，有少少爽，一啲都唔鞋，好味。我哋仲另加一碗白飯潔。

經常都有係呢間飲茶，覺得環境和食物都還好。但從來冇諗過外賣的服務態度和食物質會如此差。訂左七點取餐，七點三話整緊，七點半話pack緊，之後再問一路話整緊，查實冇人幫手跟過，又話冇得取消，等到就嚟九點先有。

一早book好檯六點食飯，準時去到門口已經排晒長龍，知客姐姐會特登請啲熟客入去先 知客文化無計啦入到去其實都坐唔滿，母親節都係得七成檯有人坐。因為八點前要交檯，咁我地就拿拿臨叫個套餐快快手食完走人啦第一道就係鮑魚啦，正常酒樓都應該係廚房攞出嚟分，呢度就特別啲擺咗張長檯係門口位，攞個gas爐將幾十隻鮑魚擺落煲煮返熱就算，全程無閂蓋架，有客叫鮑魚先現場分幾碟。嘩，就算疫情好返啲，周圍啲食客唔通戴住口罩食飯咩，你至少都幫兜鮑魚閂返個蓋啦！雖然係有gas爐，但埋到檯碟鮑魚都係凍嘅，算！ 個套餐得五六道菜，鮑魚之後竟然係碟大蝦伊麵嚟先，下？碟麵仲要唔知擺咗幾耐，啲汁凍到凝住咗一pat嘢咁，個麵底直程凍到食冷麵咁，算喇都食咗就廢事換！其他嘢食中規中矩啦，全程無咩人serve，去到最後嗰度壽包等咗40分鐘催極都無人理無餸到康城獨市生意啫，都唔洗做到咁差掛，絕對無下次

經過幾次見到個門面幾靚又多人等位諗住去試一試，點知一試就知龍與鳳。等咗一陣我們被安排入一間近大門口有四張枱嘅細房。一坐低就已經見到白色嘅枱布上有一撻茶漬。心知不妙，但一心諗住試一試呢度啲點心就算數。Order咗六個點心。然後有個阿姐接咗我哋張點心紙就問我哋幾多號枱同埋問我哋落咗幾多樣點心，我哋覆咗佢之後佢隔咗一陣入返嚟再問第二次然後細細聲話我哋點解唔寫枱號（因為睇唔到寫邊個位）都算啦，第一樣上台係鮑汁鳳爪，完全唔熱feel到係走曬全場最後先攞到過嚟，啲鳳爪仲要係瘀瘀黑黑。味道就唔使講啦😒之後仲精彩，傳菜嘅阿姐原來都唔清楚枱號，拎住碟攞咗乜乜金獎「別有洞天鴛鴦腸」過隔離枱問有冇叫過，來回問咗幾句（隔籬枱食客係冇戴口罩），之後發現係我哋嘅，仲要扮冇事即刻放低淋鼓油。最重要係傳菜車上面除咗蒸籠有蓋蓋住D蒸點心之外其他廚點係冇蓋蓋住😳呢啲咁嘅時勢作為一間咁大型嘅食肆完全冇衛生意識，真係難得一見。其他點心嘅味道就見仁見智啦。如果真係好想食點心的話佢唔會係唯一選擇。

對陶源的印象與質素一向不錯，但恕在下孤陋寡聞，未曾見過食過用雞翼造的棉花雞，在下明白何謂同心抗疫，但亦知道甚麼是童叟無欺。商品說明條例或未有違反，那何不用雞頸或雞翼尖呢？雞翼棉花雞的味道當然比傳統用雞嫩肉差劣得多，不是棉花雞應有的口感味道，本人大為失望。又或在點心紙說明，是為棉花雞中翼或棉花雞頸子。陶源一向食品與服務，無論早茶、午市，晚飯皆給本人良好印象，值得推崇。希望陶源集團接納客戶善意提醒，認真檢討。

因疫情關係，政府宣佈好多地方都唔開，如facial、按摩等的亦無法做，只好去行山。行完山後，大概三點幾，便行去日出康城，順便食個下午茶，見到有一間淘源酒家，疫情關係冇乜人，然後試下中式下午茶啦。下午茶時段比較平叫咗個孖寶，蘿蔔糕、素鵝、鴨胸、叉燒包及灼生菜。素鵝好美觀、又多、又脆、不油膩，正。叉燒包又鬆軟、又香、又好味。蘿蔔糕一般喇，唔夠姐夫做得好食。鴨胸沒有騷味，鴨皮和鴨肉肥瘦分明，好味。我們等咗好耐牛肉腸都未黎，追問後，原來師傅已經收咗工，因為下午茶，一柯打完要收咗我哋錢先，結果回番碟牛肉腸粉啲錢畀我們。舖頭裝修好新、好靚、好光猛，坐得坐位好舒服。服務都唔錯。因康城商場全新，所以啲舖頭，戲院都好新。整體嚟講我都再會去陶源飲茶。

今天行完山後，行去日出康城食下午茶，大家想飲茶，所以去左陶源中菜酒樓。共有4款超值下午茶自選组合，只需係每個组合中選其中2款或以上，就可以用特價食下午茶。如果3:30入座，就可以用特價吃晚餐，6時前可以埋單離開酒樓。我地叫左香滑蓮蓉包、香滑牛肉腸和香煎蘿蔔糕，每碟只要20元，只是到左芝麻包和蘿蔔糕，這2個點心都好好食。又叫左煙燻鴨胸、上湯灼生菜和水晶肴肉，每碟只要30元，鸭胸肉肥美味，肴肉美味。大约5點，侍應叫我地埋單，我地比左錢後，牛肉腸仍未到，最後侍應同我地講廚房已沒有腸粉，退番22元比我地。

只是四碟點心、個半鐘頭出唔到、查詢俾人鬧、燒賣咸到條利都白埋、侍應態度要有心理準備、超級價錢、劣質服務、食物質素普通！區內選擇不多、沒有競爭沒有改善、應該冇希望！

想起上次入去呢間酒樓飲茶時點咗一碟小梨子🍐鹹水角點心造型好特別，今次就專登過去叫碟返屋企再次品嚐，我行入去要拎點餐紙來睇時，門口接待員好有禮貌地同我打招呼🙋和拎份點餐紙俾我，我見到點餐紙上除咗呢個之外，仲有另外一個名都好突別，個名叫百香果凍，佢嘅造型係一隻小白兔🐰，返到屋企一打開望住呢兩個點心真係好唔捨得食，小白兔🐰食落去淡淡清香的椰子味，味道好清甜；而小梨子🍐鹹水角，咬落去好軟綿綿，入邊啲肉碎餡有多又香，呢兩碟小點心外觀已經好吸引😍，食落口都好美味😋

好少寫食評，放假諗住附近嘆茶，一早入到一肚氣，叫完點心，d侍應姐姐每次行過都推介蟹粉小籠包，我已叫左嘞姐姐，唔好再一分鐘問一次🙄⋯⋯第一碟义燒腸，多餡唔一定好食，皮厚又包唔到腸粉，食咗一啖，重要唔熱，經理拎入廚房，2分鐘後原碟拎反出黎，嘩….唔該哂🙄🙄。酒樓用蠟燭熱住壺茶，好似好細心，但叫左無限次加水，侍應姐姐應完就算。極度唔明，侍應姐姐咁多時間周圍叫人order蟹粉小籠包，點解會冇時間加水🤔 最後食完一輪就埋單，唔敢試其他野😓

周不時都會黎陶源食下晚飯 環境認真唔錯，野食水準都ok 不過可惜今次點菜點咩無咩，似乎想主打最近出既大閘蟹放題 同套餐價既鮮魚。好多都無入貨平時最推介38蚊隻蟶子 大大隻新鮮又爽口今日都係無前菜點左滷水豬蹄 一睇色水 又唔入味 但較既汁都爽口易入 可以小試主食叫左廚皇炒飯 火侯夠 粒粒有口感 隱陣轉左煎米粉底 加幾十蚊 因為經常食到 呢個唔算好特別 味道普通 性價比低呢個魚腩煲 就夠晒味 魚肉唔散 唔會漿口 但又嫩口推介開邊6隻乳鴿 買一送一 肉多唔老正雜菜煲就不過不失最可惜係佢隻招牌熏雞，香味夠 雞嫩滑。但係 本來原隻上既雞，經理問要唔要分埋甘梗係話好 唔該晒啦，但無諗到會係面前即刻手撕囉嚇到大家無聲出，但經理做我地又食開 默默接受啦🤣服務真係要睇人，上次係切好靚靚仔仔最大既問題係環境大 人數少且集中 但樓面無人個個都要去前台 而且服務質素參差

一年一度大閘蟹放題，上年唔錯，今年再嚟，同上年有啲唔同嘅係上年食乳豬，今年食片皮鴨。唔一定要網上單位，打電話去訂位都有九五折。座位寬敞，枱同枱之間亦都有透明膠版。由於係限時放題，一入去，我哋當然即刻一人三隻蟹，有三種食法，包括清蒸，太雕蒸，油鹽焗。所以我哋一人一隻，每樣都試吓。唔知太雕係唔係酒嚟嘅，總之蒸出嚟就同清蒸冇乜分別。油鹽焗好香好熱。坐低發現枱面已經準備好食蟹嘅工具，唔錯。過咗冇耐就一次過嚟咗個鮑魚，金湯遼參同豆苗。鮑魚唔熱，只係䁔，但係味道唔錯。豆苖分量都非常多。大閘蟹係冇得揀公乸的。不過我哋食嘅全部都係公。質量中上之選。全部都有羔，沒有壞，有一半以上爆羔，間中仲有驚喜。片皮鴨，紅棗糕，千層糕，奶皇包都係自己任攞任食。一路用過爐蒸住，所以熱辣辣，唔錯。我哋試左紅棗糕，千層糕，薑汁湯圓，脆麻花，大壽包同糯米飯，都好得。陶源啲嘢向來都OK，食物方面好有水準。碗碟都好頻密，要求攞extra濕紙巾同手套都有比。

上年食過幾次後，今年再接再厲，大閘蟹放題包每人一份鮑魚，一份遼參，一份豆苗，任食片皮鴨，薑茶湯圓，楊枝甘露，蛋白杏仁茶，糯米飯⋯⋯等。服務員好勤力咁幫我哋換碟，有好主動遞上濕紙巾俾我哋抹手，抵讚👍網上訂位有九五折，埋單每人$550，就係鍾意舒舒服服咁食陶源鮑魚好香好滑👍蟹粉豆苗又滑又甜👍遼參👍清蒸大閘蟹，今年用個籠裝蟹，可以保到溫度👍👍👍油鹽焗大閘蟹，好香，不過太油膩，都係清蒸或者花雕蒸好味啲隻隻爆膏😋叫咁多嚟咁多，絕無欺場😋😋