陵發潮州白粥 (已結業)

我咁大個女第一次聽滷水鵝跟醋要加三十蚊😡仲要係不知情底下啵😪我真係覺得好無奈如果唔係趕時間一定同佢理論到底，唔係錢問題係加錢係米應該講聲呀？真係好離譜😡好喇咁叫左牙帶魚問清楚係九十蚊，到最後埋單係一百個侍應答我因為大碟左😡😡😡唯一值得讚係個蠔仔粥，夠料，嘩呢間野真係過份😡😡😡唔好再有下次

突然想打冷.... 九龍太多選擇, 但沒有什麼特別好選擇遇見朋友介紹了這間.....一坐底...餐牌沒有價錢既?? 算吧...見到隔離2人台都叫一碗粥,3-4個餸我地2個都叫3餸1粥鹵水鵝,例牌 $140, 有半碟好滑, 又林, 但一半好咸....沒有預期中特別好味....埋單 $360, 實在有點驚訝伙計見我們2個人, 落單時叫蠔仔粥, 居然係給我們小窩, 還好可以換一碗... 

自從一年前試過這裡的蠔仔粥，在外面吃其他餐廳的，都總覺得不是那回事。這裡的蠔仔粥，粥底濃郁鮮甜，又有大地魚香，蠔仔更是粒粒豐腴飽滿，每羹粥都吃到兩三粒，完全吃不停口。重點是，吃完完全不會口渴，證明味精不多（如果有落），是真材實料的味道！這裡的鵝件比鵝片出色，柔潤美味。（鵝片吃過幾次也無甚印象）至於韮菜豬紅也是每次必點，豬紅嫩滑入味。雖然炸蠔餅不是我杯茶，但也香脆可口兼大大份，蠔仔份量也給得極大方，絕不手軟，十分抵食。

唔係第一次去lu，第二次去覺得野食仲好食左！其實唔係因為好食返去，因為第一次覺得好唔抵食，第二次都係因為咁岩經過哈哈。本身我都幾中意去d大排擋feel既地方食飯，咁就fit o fit喇。食呢d緊係要叫支啤酒啦，係呢道食飯你係唔會知價錢，除非你問啦都應該係海鮮價架啦，但又吹佢唔漲。食物叫左炸蠔餅、鹵水鵝同碗潮州粥。炸蠔餅炸得好好食蠔係鮮架，仲要超大份，兩個人完全食唔哂。鹵水鵝都大份，d汁完全岩岩好，幾貴都抵返。

同一班好兄弟吃開年飯，選了九龍太子打冷王陵發。食物方面不用多講，鵝片的肉質很鮮，鹵水膽亦剛剛好不太濃。招牌蜆仔肉，椒醬肉都係咁好食！再加上極重男人味，你係男人，和朋友一聚一定要到陵發！綜合評價: 食物> 環境>員工*抵! (不代表平) 超乎想像的驚喜 (嘩! 無論怎樣一定要再來! 抵啊)*性價比1. 抵! (不代表平) 超乎想像的驚喜 (嘩! 無論怎樣一定要再來! 抵啊)2. Wow! 物超所值(幾好啊! 唔錯, 有機會一定再來)3. 正常, (可以, 但這個價錢坊間有很多選擇)4. 物次價高 (都不是太差, 但這個價錢坊間有質量更好的)5. 有比較大的改善空間 (填胞肚算, 失望)

年尾當然係要辦年貨啦 喺太子買完一輪野都已經夜晚黑八點了 唯有上openrice睇下有啲咩可以醫肚下晝食滯咗，都仲係胃頂頂，所以想睇下有冇一啲傳統嘅粥店。見到openrice有好多哈哈笑，仲有好多正評讚依家潮州粥鋪，所以諗都冇諗就去試啦開頭以為係一啲好細嘅粥舖，去到先知道原來佢哋有三間鋪，其實我都唔知道當中嘅分別，係咩淨係知道好中間嗰個應該係廚房，因為我見啲侍應喺嗰度出菜。我哋兩個人入咗去最左手邊嗰間鋪入邊嘅環境就好似平時啲打冷舖頭，可以揀嘅送餸菜唔算多，我哋兩個人就叫左一盤細嘅蠔仔粥，一叠滷水拼盤，一碟椒絲腐乳通菜。佢個粥係潮州粥，所以你會見到一粒粒嘅米粒，而蠔仔粥入邊有蔥 芫西 芹菜 蠔仔 肉碎同埋一啲好似魷魚乾 ，芹菜同芫西味道好夾，仲可以將蠔仔嘅鮮味帶出，蠔仔隻隻都好大件，絕對冇偷工減料，同埋佢個湯底辣辣地，既可以刺激味蕾又可以暖身。至於滷水拼盤可以揀三個餸，我哋就揀咗墨魚 生腸 豬耳。豬耳係三個餸入邊最入味幾一個，淋淋嘅豬耳加埋有咬口嘅豬耳骨再配合特製嘅滷水汁，令人回味無窮😋。相對地墨魚同生腸冇咁夠味，不過唔緊要，如果大家食辣，可以點距佢供嘅辣椒油，辣椒油好似潮州辣椒油嘅味道

行花市之夜太子宵夜今晚去嚐鮮-朋友們特別介紹的打冷名店，韭菜豬紅 口感比一般的紮實一筷子下去不會散，必定一試 囧囧-要退貨的-枝竹火腩，店家話是因為己經買完到底，所以有這樣的情況，最終我地是沒有要到，大家睇到都冇胃口去試，還好服務不差，要退貨沒有黑面拼盤-生腸加墨魚生腸我就不敢去試，墨魚口感彈牙（必試）打冷-名品蠔仔粥 鮮味還好，但略嫌過鹹一般的大眼雞蠔餅-水準一般有一點點腥味鵝片-食完想再翻call總括而言-還可以再來第二次

太子區不多潮州菜的選擇，所以陵發通常成為首選。真心來說，陵發實屬一般，只不過家住附近，來過過口癮而已，反之近西環的金興潮州飯店才是我的最愛。即叫即炸的蠔餅，炸得金黃香脆而且十分厚和大份，但比較熱氣，我食一兩啖就會收手。雖然蠔仔大粒飽滿，粒粒都有蠔汁，但個人比較喜歡舊式的蠔仔煎蛋。陵發菜單內必點的是蠔仔粥，粥內的材料豐富，有大量蠔仔、柴魚、冬菜、芫茜和葱，再加上胡椒粉調味減去蠔腥味。每啖粥都鮮甜可口，是我最欣賞的菜式。滷水分別點了鵝骨，生腸和墨魚雙併。鵝骨一定比鵝片好味，連骨位較多鵝油香，但陸發的滷水不見得出色，所以一般吧。最失色算是生腸和墨魚，滷的時間不夠，既不入味而且食材不新鮮，毫不彈牙。燘春菜，菜芯燜得淋身，以腩肉和蒜粒烹煮，菜芯非常入味。不過比較油，我寧願食炒菜。陸發，我想只是人氣比較大，但菜式只屬一般，出色的潮州菜還是要跑到香港區吧。

呢兩日突然之間好想食下打冷，於是朋友提議不妨去太子陵發潮式打冷食，諗諗下對上一次泥陵發食潮州打冷都已經係3,4年前了，想當年第一次去陵發捧場既時候佢都係得一間鋪，而家生意越做越好舖位越開越多。有陣時覺得香港人真係好奇怪，呢間打冷餐牌從來唔標價錢但係又有一大堆人走去食，咁又無啦啦畀佢做出左D噱頭出黎。不過如果你想知幾錢都可以問店員既，佢地都會樂意話比你地聽的。不過老實講我覺得佢呢到打冷都幾貴，間唔時食一次半次我就覺得都ok既。首先我地點左個生腸大腸拼豬耳鹵水拼盤，味道適中唔會太鹹蓋曬食物既原有味道。大腸不會太肥一舊舊肥膏，令人較易接受，而且炆得好腍好入味。生腸和豬耳十分爽脆，食左也不會覺得有肥膩感。鵝片同鹵水鵝比我選擇我一般都會揀番鹵水鵝，一黎比較平D，二黎我本人比較鍾意食下骨位，有點口感。因為間間餐廳跟既都唔同，我多數會講明跟豆腐底，貪佢咁樣又多個餸食下😂。佢地個鹵水鵝做得都幾出色，肉質彈牙，唔會霉林林或者韌到痴哂牙。就是略嫌太多碎骨，食既時候可要小心哦。食完滷味當然要食返條大眼雞啦，簡直係缺一不可，唔食魚既朋友都可以不妨一試因為佢唔會太大腥味，而且都冇乜細骨，啖啖肉唔識食魚既朋友都可

天氣凍冰冰，最好當然係打冷啦！陵發係好多網友推介的打冷店，係時候要朝聖一下！間鋪距離地鐵站較遠，所以我哋選擇坐的士去。地方好有風味，好大排檔feel。我地點左一鍋蠔仔粥，超surprise！ 啲蠔粒粒都超肥美，超大粒！兩個人唔覺意食晒一大鍋！另外叫咗碟鵝腸拼墨魚，鵝腸大大條又乾淨！大眼雞出乎意料的好味！雖然凍食但肉質仍保持嫩滑，唔似其他打冷店咁鞋口同霉 不過最搞笑係餐牌冇價錢，收幾多錢就由夥計話事（雖然我知道唔係）如果餐牌有埋價錢就好啦！一定會再返嚟食！

朋友知我中意食蠔，所以經常係我面前話陵發果度既蠔餅唔止蠔大而且仲好大份終於，我受唔住佢既誘惑...黎見下佢既盧山真面目兩個人，叫左蠔餅同鵝片，再加兩碗飯等食物上枱果陣，我望一望附近既人會叫乜幾乎每枱都會叫蠔餅；另外仲有潮洲粥，真係大大碗，感覺似好多料。不過我唔中意食粥所以無試等左十分鐘左右，先上鵝片。鵝片下面有豆腐同花生墊住，岩哂我，可以一次過食到幾樣唔同既野。鵝片切得好薄，而且唔係肥鵝，再點埋個酸酸地既汁，開胃又唔膩，食哂成碟都得，讚!!終於，蠔餅熱辣辣送上!! 等到頸都長埋真係大大份，而且D蠔真係好大粒，有手指公咁大粒好有蠔味!讚!!個蠔餅炸到金黃香脆，真係食唔停口..兩個人食左二百蚊，只係每人一百蚊就可以食到咁好食既蠔餅，可以加入Encore食店呢度唯一既缺點就係所有食物都唔寫價錢，雖然佢個餐牌寫住歡迎問價，但講真邊好意思問架...如果唔係朋友帶我黎既話, 我真係唔敢行入去

每次想食蠔仔粥一定諗起陵發，佢個粥啲蠔又肥又新鮮，大大粒，次次食完都好滿足。今次叫埋鵝片，一碟得幾片，真係唔夠喉。最後食埋韮菜豬紅，夠晒入味，係啲韮菜老啲，可能唔係時候喇。

陵發小妹的浪漫啤酒加打冷自從上次摸門釘後小妹便一直寄掛著陪米飯班主到旺角交收難得在附近自然要去碰碰運氣見到有開那當然是要食八點來到即使是閒日陵發都非常旺場滿場不得止已且仲要等位不過陵發有兩個鋪位加上樓一層所以很快便有位置餐牌精而簡一般潮州打冷菜式而且最特別的便是餐牌無價錢不過可以問店員他們也會很樂意回答最後我們點了蠔餅，蠔仔粥，韮菜豬紅當然少不了啤一啤韮菜豬紅欣賞它的豬紅韮菜不會太油豬紅頗大粒且結實無臭味調味加入了蒜蓉和少少辣椒蒜味香濃十分惹味蠔餅蠔餅份量不少而且厚身蠔餅炸得非常香脆而且不油膩不用沾魚露也十分夠味平時外面通常食得到都是粉量較多這裹的明顯是餡比例比粉要多能清清楚楚見到每粒蠔仔最重要是蠔仔鮮甜而且粒粒都大大粒這是小妹食過最大粒蠔仔既蠔餅蠔仔粥（細）蠔仔粥份量也不少可以盛到大概五到六碗蠔仔亦粒粒都大大粒，非常足料蠔仔粥調味適中且加入了大量芹菜莞茜增加其香氣不過小妹略嫌方魚味可以更重一點就更完美總括而言，兩個人埋單230雖說不是很便宜便就一定不貴且最重要是味道好用料好小妹一定會再encore

當日有朋友來香港旅遊，就決定帶朋友去聞名已久的陵發潮州打冷試試，點左個蠔仔粥、蠔餅$70、滷水鵝掌翅、冷花蟹$558、腐乳通菜，覺得花蟹一般般，其他菜色都很正。

好多年前食過 今天再去 水準不变 ～ 保持倒～ 平日入座時間好快 ~ 不用等 ! 經典鹵水拼盤 $90 好入味 送啤酒最正 ， 𧐢仔粥 好多𧐢 好足料，大眼雞 ,豬紅 同 𧐢餅 外脆內軟 ...... 最唔好 唔种意佢 就系餐牌無價錢 !！ 其他野都好 3人 5枝可樂 5碟野 1枝啤酒 埋单$520 !