陵發潮州白粥 (已結業)

在豪華戲院睇完戲散場，又唔想出旺角鬧市同人迫或等位，想起附近有間叫陵發既潮州食肆，我一直都未有機會去試，今次有機會喇!坐低睇餐牌，吓....點解冇價錢既?選擇也不多，諗都未諗到，家人已經落單，又係既，反正潮州嘢，食嚟食去都係果幾樣。食物上檯，先試韮菜豬紅，平平無奇。再試滷水鵝，肉厚又夠嫩，唔錯噃，食埋蠔仔蛋，很香脆呢！而蠔仔肉碎粥的蠔仔都唔細隻，也洗得很乾淨，味道也很好。我們平時叫開的紅腸，這兒的樓面稱呼它為香腸，很搞笑。紅腸，墨魚及豬腸，因內臟不是我杯茶，所以，冇試到，但淋了滷水的墨魚唔韌，紅腸都好好味，而鳳爪都炆得好淋，正! 總括而言，這兒除了冇價錢的餐牌，有少少驚赫外，食物都比想像中出色。我們一行三人，叫了五餸一粥，3枝可樂，1枝啤酒，埋單600有找，拉平均數每款食物大約80元左右，價錢都唔算貴。

晚市叫左一鍋蠔仔粥，一碟鵝片同蛋。上菜速度正常。蠔仔粥味道ok, 但碟鵝片就少得黎唔入味。其實黎得依d地方都預左店員服務差，埋單等找錢時情況十分混亂，反被店員破口大罵。試過一次就夠...

朋友介紹食，因本人都幾鍾意食潮州打冷。第一次來這店舖，發現店舖環境唔錯，而且都好大間，不會太擠迫，正。看見很多美味食品，眼花繚亂，都是叫打冷必食先，因始終第一次試食，無謂坐車。我們4個人點選了滷水鵝片，韮菜豬紅， 鹹菜門鱔，炆鳳爪，炒蜆，蠔仔肉碎粥和白粥一碗。炒蜆唔錯，都挺多肉，所通常都係多殼少肉韮菜豬紅，完全大size豬紅，笑死。好少可咁巨型 ，不過好食，豬紅多韮菜多。鹹菜門鱔就比軟小了點門鱔，但足夠有足夠鹹菜餸白粥，唔錯。炆雞腳好夠淋，而且好入味，正滷水鵝片超正，好入味蠔仔肉碎粥，啲蠔仔無偷工減料，啲蠔仔絕對大隻新鮮，而且唔會太多肉碎，絕對夠多蠔仔，肥美又大隻白粥餸鹹菜更唔小得基本上這間店舖每碟餸都好夠份量，而且材料很新鮮，味道都不會太鹹，食物炆得夠火喉，環境又舒適，如果說食潮州打冷，我想暫時首選非他莫屬，如果可以加入螄蚶做菜單，更加滿足。4個人起初以為食唔晒，但都可以清碟，吃得飽飽的，滿足一餐。4個人食埋單連5枝可樂，都係620元正，每人都係155元，可以食那麽多款式，真夠晒開心。最美中不足，就是沒有螄蚶，希望店舖可以增加這菜式

打冷啦。呢間同事話好味的，6點多來到，冇咩人的！我們叫左中的蠔仔粥，好大窩，好多香葱，芫茜，仲有肉碎，鮮甜呀，好正的煎蠔餅，蠔仔好大粒，炸到金黄色，好香脆好味豬血勁大件，好好味，吸了辣味好正，又爽口，唔會有酥味，仲有d韮菜呀紅腸拼墨魚，墨魚爽口彈牙，紅腸也好爽口大眼雞加黃豆醬好味呀，啖啖肉的，正啊腐乳通菜好大碟，夠嫰，好多腐乳呀，都好好味。我們坐到7點幾已經好多人，坐滿晒人了。我們食到好飽呀。好滿足了

打冷 係男人都鍾意 食幾味再加杯冰啤人生一大樂事 今晚四五知己潮洲大排檔 無野多 麻甩佬最多呢碟鵝片 基本上每枱都會叫 話哂地道野菜豬紅 大大碗滷水鵝腸拼盤新鮮炸蠔餅 脆卜卜凍食既烏頭 大大條🐠🐠

陵發。呢個名字，是從很多人口中得知。香港打冷必定要到 陵發。聽從那麽多人都訴說這裡，讓我不禁對這個地方充滿幻想，滿著期待。早幾天終有機會一試這間傳說中的餐館。滿帶著興奮與好奇去之前當然要做好功課，看看各位兄弟姊妹意見，看看有什麼東西好吃，不竟今次只有2個人食，當然要食得精，重質不重量。我們約6點去到，我們是第一枱食客吧…哈哈！菜式也上得快。後來也越來越多人來食。蠔仔粥方面，可以叫一碗 或 一鍋。2個人當然一碗已經好足夠，因還要試其他菜式。味道方面我覺得沒太大驚喜，正常水準。味道夠，但如果可以味道更濃更重會更加好。(但意思不是要咸) 所以只有3粒煎蠔餅，聽說是混合了鴨蛋加雞蛋。出來味道與別不同，有獨特風味。所以有4個鵝片，開頭想叫個拼盤要鵝片+腸 或其他。但不能，只能獨立單份叫。沒關係，那就試試究竟為何。鵝片比較薄片，入口有種像溶化的感覺，肉質很嫩，味道均衡。真的是必試菜式有5粒腐乳通菜，有肉當然也要有菜。腐乳通菜雖然簡單，但也不是每間都做得出色。越是簡單的菜式要做得出色越是困難，這間也不例外。沒有多大驚喜，不入味。只有3粒總結，食物質素滿意，可再翻食。但不是那種人人說得那麼瘋狂的好吃

不嬲都想食潮州野，但成日朋友都話打邊爐，今日朋友話好耐冇食就話不如今晚去，我地去左太子7點鐘去到吾多人，好快就可以就得坐，最好仲要有強勁冷氣。我地最後叫左3樣野加2枝汽水，我地2個每人$140都合理而且勁飽肚。但這裡好特別，餐牌係冇價錢，所以吾知究竟每款餸幾多錢。大約10分鐘都不用全部野黎晒勁快手，九菜豬紅：豬紅有口感又勁入味，微辣又野味，九菜吸晒味吾錯，但偏油。勁大片蠔餅：蠔勁大隻而且又多，反而蛋吾叫十分多，蛋味吾係太香，中間可能因為油軟晒就一般，如果下面加張紙會更好。一碟大約有6片鵝片而且下面仲有豆腐同少少花生，花生勁淋身又入味好味喎，豆腐有口感應該係雪冰左再整所以口感保持到。鵝片大片又有鵝香少少膏十分香！～好快我地2個都食晒。我地當然叫返2枝汽水：仲以為罐裝，點知係細樽裝而且勁多氣，夠凍好味道～！其實仲有吾少選擇，希望下次黎再試其他野食先！～不過講真係整體好好，但如果有返少少價錢就算係做參考會好點，始終除左啤酒我知幾錢之外，全部價錢都係一個謎。

常聽朋友s說太子一帶有一間不錯的老字號潮州打冷店，可借一直只聞其名，未試其味。等呀等…等呀等…終於等到今晚，可以有幸一試。仲有，大家坐底點菜時，不用驚訝，點解餐牌只有菜名，但冇價錢嘅？？可能呢啲就係隱世食店的風格。韮菜豬紅，上枱時，嘩！！啲豬紅好大舊呀！！入口時，嘩！！舊豬紅好入味，又有咬感呀！！而且咁高質素的嘢，既然仲份量十足，由開場食到結尾。滷水鵝片，鵝片貴就大家都知，不過呢度一碟鵝片，都可以有12片左右，仲要塊塊都有咁上吓長闊，就真係唔話得。鵝片入味不在話下，仲有配角啲豆腐和花生，質量也維持於高水準，絕對要清碟。炆春菜，食潮州嘢，點乜菜好，有得揀，就緊係點春菜喇！！大眼雞，食得潮州菜，點會漏咗大眼雞。魚肉結實，味道鮮美，配上普寧豆醬，只容喺口，唔容喺枱。蠔仔肉碎粥，嘩！！上枱時的第一反應，駛唔駛咁大兜呀，唔駛錢咩！！而且唔係蠔仔，係蠔仔啲大佬，係咪傻㗎？？邊有人用咁大隻蠔㗎！！粥內更配有大地魚乾、芹菜、芫茜，味道冇4.5粒星星。不過，都要彈一下，就係啲蠔有啲還有蠔殼，清潔做得唔夠好，要改善。

今晚朋友帶領之下，我第一次光顧「陵發」，店舖都算企企理理(我有少少潔癖），有部份枱已被列"留座"，幸好我地六點幾就到，仲有枱可以即時入座。朋友點左:炸蠔餅蠔仔肉碎粥 (必食推介）鵝片豆腐底墨魚拼紅腸韮菜豬紅2枝啤酒5樣嘢全部都有讚無彈，炸蠔餅外脆內嫩，蠔仔肉碎粥，啲蠔仔好大隻又無砂又滑，湯底鮮甜，必食首選，鵝片唔揩口豆腐微硬，墨魚拼紅腸，雖然普通但勝在份量足，枸菜豬紅，韮菜入哂味，豬紅滑溜兼大舊呢餐埋單盛惠$490合理啦溫馨提示:＊ 打算晚上七點之後光顧，最後預早訂定枱＊ 人多光顧可試埋凍蟹、大眼雞、筍菜

今日心血來潮想打冷，朋友就推介係佢屋企附近既陵發，所以就黎試一坐低見到menu冇價錢，朋友就話係舖頭特色我地只得3個人，所以伙記叫我地叫細窩的蠔仔肉碎粥（其實細窩都超好多,每人食到2-3碗），d蠔仔勁大隻，隻隻都仲要勁肥都幾新鮮，唔錯韭菜豬紅，豬紅質地好好，唔會太硬身，非常入味，但韭菜太少豉椒灼蜆，汁唔夠重豆豉味，蜆冇沙，不過太瘦仲有勁細隻鹵水鵝腸，非常爽口，不過鹵水汁同辣椒油唔夠香腐乳通菜，菜都好幼嫩，但太油食完都幾口渴

住左太子兩年 今日第一次去食呢間野菜單唔寫價錢 已經知唔會太平 今日專登去挑機入去坐低落單時第一句就問佢蠔仔粥係唔係一窩窩咁叫 佢話係一碗碗咁叫的 話兩個人一碗就夠 咁我地兩個人就叫左一碗 加一份蠔餅食食下見到根本就有一窩窩我問返個阿姐 蠔仔粥有一窩咩 佢話有 90蚊我話 咁你做乜一開始話冇佢話 咬呀 唔夠咪叫多碗囉 多10蚊之嘛我即刻火起第1 我做乜因為你亂俾資訊我 要蝕10蚊俾你 1蚊我都唔會俾第2 一窩絕對大過兩碗我話咁唔使喇 個阿姐仲眼厲厲 好似覺得我10蚊同佢計較呢間野已經好巴閉咁唔寫價錢 唔寫冇問題 我自己問 問你又亂答 食到火都黎蠔仔粥就唔錯 蠔餅好屎 80蚊 大把整得好過佢唔 會 再 食

打冷一向都係我嘅最愛，尤其是蠔餅，呢一間我食過好多次，都好推介俾朋友。而間鋪頭好得意，餐牌淨係得個菜名，冇價錢，所以大家食嘅時候可以問清楚先落單，我因為一早就食過好多次，所以就知價錢。今次我哋叫咗個大蠔餅，大蠔仔粥，韭菜豬同紅滷水拼盤，另外在叫左幾支汽水。先講豪餅裏面嘅好非常新鮮又大隻，配埋個汁一齊去食好香口，蠔仔粥一樣大量蠔仔,有時覺得仲多過粥水呢，好明顯係貨真價實，韭菜朱紅好入味，另外個滷水拼盤同樣都好出色，尤其是生腸非常爽口又彈牙！

三個傻人放下午去行街食野，到晚餐時間行左成個鐘，都未決定到食乜。突然我諗起食蠔仔粥，大家就由旺角行到太子搵食。呢間我未食過，即刻叫鍋蠔仔粥，炸蠔餅，豬紅韮菜。嘩！唔知原來佢一鍋咁大鍋，仲要入面好多蠔仔，隻隻大大隻，如果d米再爛一點就更好蠔餅好大碟，粉少，炸得酥脆，啖啖蠔，大大粒豬紅韮菜，好大碗，味道一般般沒什麼特別三個人食三樣已經好飽，我地咁大食都食唔晒。但點解睇晒所以餐牌都搵唔到價錢🙄🙄🙄

間唔中就會好想去食下潮州大排檔，陵發係我其中一個選擇。佢哋嘅生蠔係不錯，星期五嘅唯一缺點係要六點鐘左右就要座，否則嘅話就要差唔多排半個鐘先入到去。仲有一個好得意嘅地方，就係佢哋嘅餐牌上面係唔會有價錢，要問店員先至會知，個晚我哋五個人去食，每人食咗＄130左右，都係一個合理價錢。蠔仔肉碎粥啲蠔真係幾大粒，唔似外面煮完都縮埋一粒勁細，非常足料，飯量都非常多，但我覺得有味精重咗一啲鹹咗少少。煎蠔餅食親潮州嘢一定會點，蠔仔都係好大粒，有咬口，炸得不錯。韭菜豬紅一上菜就覺得好大舊，本人對豬紅就麻麻哋，所以冇食到，但朋友覺得唔錯，比外面餐廳實淨。

現今打冷店，水準參次，所以，很久沒有食打冷呢！放工後，馬上趕去，因為不設訂位，先到先得！可幸到達時，時間尚早，馬上有枱！鹵水鵝片 - 夠大件，柔軟，入味，正煎蠔仔喀 - 旦將香脆，蠔仔鮮甜，正，正大腸豬腸 - 乾淨，無異味，夠林，近年吃過最佳的大腸，正，正，正九菜豬紅 - 豬紅結實，彈牙，好味道！全部都是高脂，高膽固醇食物，但美食當前，理不了！6人合共＄650 ! 價格合理！水凖高！值得推薦！