陵發潮州白粥 (已結業)

常言道，女士們愛飲High tea食cake，而我們男士就最愛打冷街邊大排檔。究其原因無不是貪其地道有風味， 環境氣氛完全不須拘束，可以毫無顧忌地豪飲豪食，大講大笑天南地北。之前跟兩個朋友食晚飯，一提到打冷，大家的麻甩基因立即發作，朋友推薦一間位於太子新填地街的潮州打冷舖，當初見到店面寫著潮州白粥，還以為是粥店，入到店內見到D餸菜先知是真·打冷店。該店佔了幾間舖位，據朋友説這裡晚晚都爆場，就算一早去都要等一等先有位。店舖採用傳統舊式潮州食店裝修，座位坐得親密熱鬧，雖説是街坊地道菜館形式，但顧客當中亦不乏女性，可見食物質素應有一定水準。店內員工叔叔十分熱情，不停推介他們的招牌菜，我們三個都是愛吃之人，一坐埋當然抵受不了邪惡食品的招手，暫時向健康飲食説不啦。先來的是鹵水併盤，內有墨魚、豬耳、豬腩肉同豬大腸，齋睇色澤就知鹵得入味，鹵水完全滲透其中！墨魚鮮味Q軟，豬耳爽口彈牙，腩肉味美無渣，豬腸肥美酥香，大家食到唔停口，一個拼盤同時滿足晒四個願望，爽！之後是韮菜豬紅，還記得小時候的我從不吃豬紅的，感覺很核突唔知點解要放D血入口，到年紀漸長踏入麻甩年華，一眾朋友聚餐有時都會叫這味餸，一試下發覺原

女人愛cafe, 我哋麻甩佬就愛大排檔. 不過而家cafe總有一間喺左近, 大排檔就誇幾區先搵到檔仲要未必掂. 要就腳方便又有風味, 我就推介太子既陵發, 主食打冷, 環境嘈雜, 個個隊住啤酒un un腳粗豪地大講大笑, 係一個室內大排檔, 其實現場都不乏有女性, 無他既, 全因食物有水準.  雖有3間鋪位, 但晚晚都旺場, 早去都要等一等先有位座得好親密好熱鬧主要食打冷佐酒食物, 喺度食嘢真係唔好問價錢, 總之埋單伙計話幾錢就幾錢, 餐牌上除啤酒有價錢外, 其他係得個餸名.煎蠔餅, 炸得卜卜脆又大件, 蠔仔夠大粒乾淨.南乳豬手, 夠稔夠骨膠軟, 南乳味香, 連花生都入晒味韭菜豬紅, 豬紅大件夾起無散開, 一定要配潮州辣椒油, 個汁仲可撈潮州粥食鵝片, 厚切滷水汁入晒味, 唔沾白醋都夠味

補祝朋友生日，可能呢段時間都不停食生日飯，所以有Style既佢~話唔食西餐唔食日本野呢D死GUGU既生日選擇，揀左去食打冷~!另一為食朋友即刻比左3間佢揀，最後因為想食鵝腸而揀左呢到~哇~去到個條街唔怕搵唔到~得佢一檔~(3連舖位?)企0係門口既人龍排到長一長~~好彩老娘醒目~!訂左枱!但都唔係大哂架﹗都要等~BUT快D囉﹗叫打尖下張到你~講真如果要我等咁耐，我會寧願食第二間~~訂左既我地都算快有位~餐牌沒有價錢~~如果唔係朋友推介我又會起身走左~HAHAH~由推介人發板~聽到佢叫ABCDE，咩都執D~真係個心離一離~~打冷怎能不啤啤佢~~~飲勝~!韭菜豬紅~ 老娘飛佛﹗熱辣辣5粒星﹗真心推介煎牙帶﹗4粒星 – 魚有魚味﹗一個字﹗好味! (扣掉一粒皆因老娘怕LUR骨)特登黎試佢既鵝腸~但唔係我口味~2粒半星~(老娘偏愛爽脆的)反而下面晚鴨腎好好味﹗4粒星打冷鹵味~ 3粒星﹗唔叫鹵味點算打冷~ 無咩特別~ 亦唔太差等位既時間見到個炸物好吸引~點名要食佢~~煎蠔餅~ 4粒半星﹗炸到好脆﹗蛋粉漿岩岩好，唔會成舊粉呃秤﹗YUMMY!見隔離台食得咁開心~又跟住叫多碟腐乳炒通菜~好味道!但朋友仔話

陵發嗚啊～～～～～～一提到打冷，即刻有種麻甩基因大解放嘅衝動！ 朋友大力推薦陵發，果然！食完呢餐，有種相逢恨晚嘅感覺！ | 鹵水拼盤 |豬耳、豬腩肉同豬大腸，齋睇色澤就知，啲鹵水經已完完全全滲透到骨髓之中！豬耳爽口，腩肉肥美，豬腸騷香，食唔停口，一個拼盤滿足晒三個願望，冇得頂！ | 肉碎蠔仔粥 |第一印象係 - 「嘩！超多蠔仔啊！」，幾乎每啖都有蠔仔，個粥底係用魚骨（唔知咩魚，但食到一排魚骨）熬出嚟，有好濃郁嘅海鮮咸香！ | 煎蠔餅 |夠鑊氣同火候，個蛋鬆香唔老，完美包裹住蠔仔，入口同個粥一樣，啖啖蠔仔，香口不油！

好朋友終於係瑞士番黎，臨時臨急約食飯，又話想食中餐，問我有乜好地方介紹，我就比左兩間佢揀，最後佢揀左食陵發。陵發位於太子，係地鐵站行去5分鐘內到。去到時見到勁多人係門口都怕要等好耐，點知轉個頭就有位！我地點左3個餸，炒蜆仔，凍烏頭同埋炸蠔餅。蜆仔有少少咸，但配白粥簡直一流，淨係食蜆仔已經可以餸完一碗白粥。烏頭係我唯一中意食嘅魚，無論泰式明爐烏頭還是潮式凍烏頭，烏頭唔腥，啲肉仲好結實，唔會一夾就碎哂，點豆板醬食可以吊出烏頭鮮味。啲肉凍凍地同粥好夾，一凍一熱，舒緩下。炸蠔餅簡直係打冷必食item！佢個份量都幾大件，同埋都見到有好多蠔仔，絶對無偷工減料，點魚露食又係超正。整體來講，呢餐飯我地幾滿意，環境光猛，枱同枱之間有一定的距離，唔會太嘈，而且待應亦都好好人，唔會催你落單，幾好幾好。

老公話想食潮州打冷，就來這裡了，他的白粥系我一直都覺得好有家鄉味道，我真是好愛呢到的白粥，打冷對我來講不是太喜愛，但老公還不錯，老公話他d滷水同豬紅好食，你們可以參考下haha

是日一行五人跟朋友到太子的陵發潮州白粥打冷, 地點都算方便, 位於太子新填地街. 店舖較舊式, 當初見到店面真的以為是粥店, 但朋友又說是打冷大家都是愛吃之人, 人多的好處, 可以點多一點, 店內員工叔叔非常的熱情呢!好的!! 先上的是滷水併盤 - 墨魚, 生腸, 豬耳: 豬耳都算爽口的, 跟生腸一樣不夠入味, 但墨魚就很好味, 可以一試! 鹹菜門鱔: 門鱔不錯, 可惜鹹菜太多, 門鱔太少, 略略扣分吧! 門鱔味度頗香, 如果門鱔是多春的話就好了!! 韮菜豬紅: 以前的我是不吃豬紅的, 每次只吃韮菜, 男友吃豬紅, 但之前男友帶過我去鵝紅之後就覺得原來鵝紅豬紅都幾好吃! 今次的韮菜豬紅是我暫時吃過最好吃的豬紅!!! 豬紅非常的入味, 亦非常的滑, 豬紅浸得脹卜卜的! 極度的惹味! 份量亦好多! 其實韮菜都很好吃, 惹味! 但豬紅已經令我忘記韮菜的存在, 哈哈!!滷水鵝: 鵝的皮跟鵝肉都有淡淡的鵝香, 滷水的味道跟鵝好配, 吃起來不太覺得是滷水的味道, 但又覺得汁的味道好棒! 鵝肉不算肥有時候在外面吃的滷水鵝鵝皮下方都有很厚的脂肪, 今次沒有, 所以沒有比外面的膩, 我就喜歡蘸醋吃, 感

我又食陵發啦，實在太掛住大大粒雲吞咁大隻既蠔仔粥，排隊等位是常識了，等左約25分鐘，有位坐，叫左大蠔仔粥，豬紅同滷拼，四個人都夠晒食，等左廿十几分鐘，有粥食啦，睇下大大隻新鮮蠔仔，肥美肉厚，食落蠔味濃，好豐富既鮮味，加埋個粥同湯水都好入味，咸咸鮮鮮好開胃，如是者，兩碗落肚已經好飽，再黎另外兩味餸豬紅唔會有腥味，入口軟滑，九菜好嫩，唔會老到痴晒牙，而滷拼好多花款選擇，鵝腸墨魚都好爽口清甜，配埋酸辣汁，妙妙妙!

My friend told me here is one of the best Chiu Chou Food restaurant in Hong Kong. Come over to give a try. One-woman-band....Can't order much even for dinner. And they do not have English menu! I point to the same dish next table just serve and the waiter say this is HO PAN. HO mean oyster I learnt. This crispy oyster cake used many little oyster, I guess they are same size as the buffet one before cook. Very fresh and juicy! the PAN part, which should be mixture of egg and starch, is full with

宵夜忽發其想想食打冷, 去左出名的"陵發"鹵水三拼大腸, 生腸, 墨魚, 有咬感之餘滷氷不會太鹹, 不錯鵝片有十多塊係面，個底就擺左好厚的豆腐乾, 份量十足，鵝肉滑，味道ok韮菜豬紅口感滑嫩不會一夾即散韮菜吸左汁醬, 十分香口了, 水準之作腐乳通菜落了重油所以上台顯得光澤, 但食落不覺太膩, 腐乳香而且通菜爽脆蠔仔粥蠔肚漲卜卜的, 加上有肉碎, 蔥花, 方魚粒等材料豐富, 粥底亦鮮味十足, 每人都分到2-3碗煎蠔餅金黃色一塊很靚仔, 加上恰度好處嘅粉漿, 炸得好脆, 食落有聲真係太好食, 就算是大排檔格局我都十分歡喜

真係睇唔過眼，爸爸鍾意食打冷，所以搵打冷食，又見好多卓越，新晉，見習食評家讚正嘅打冷，就去食啦，叫左1.通菜腐乳 2. 滷味豆腐鵝 3. 支竹火腩 4.大眼雞 5. 滷味大腸魷魚腩肉 6.蠔仔粥 7. 煎蠔餅 8.竹筍，一碗白粥 4支 汽水 共$780 5個人食。其實開頭我諗啲餸係賣相可怕，但食落去真係中蕉，我開始形容啦，腐乳通啲菜過冧，滷味豆腐鵝，乾而唔入味，支竹火腩，支竹超多但亁火腩又收收埋埋得三片於柴皮，大眼雞都正常，滷味大腸魷魚豬腩，滷味唔入味，豬腩外貌似白色擦字膠，啡色醋好似混左水。八樣餸菜得蠔仔粥正常，煎蠔餅都正常，啲魚露啖而無味又混左水，竹筍太過冧。失望，價錢上咁嘅質素真係唔值。

老公友人說在太子有間潮洲打冷很特別，我倆都是愛打冷之人，當下就約定找天試試。到花墟行花市，一行四人就趁此一起打冷去。陵發位處新填地街，舊區中的老鋪，饒有風味。鋪面由兩間地鋪組成，格局地踎，門前吊着一隻隻鹵水鵝，一貫打冷鋪格局。雖然店面算大，但向隅的食客眾多，我們站在門前待了很久，打冷來說要等位是少有。終於入座了，只見全場滿座，真旺場。早聽說這兒的侍應態度一般，這也領教了。幸而友人光顧過幾次，早就很熟這兒的運作，這兒只有簡單餐牌，沒有標示價錢的，埋單價就是侍應說了算。因此只要想好了吃甚麼下單就行了，點了六個打冷小菜，很快就有得食了。韮菜豬紅總是先上，大大的一塊，口感滑嫩，不會一夾即散，有點韌性，韮菜吸盡了汁醬，蒜蓉辣椒下得豪爽，也就十分香口了，水準之作。隨後是鹵水三拼，分別是豬腩肉、豬腸、墨魚。五花腩脂香豐腴，鹵水略嫌不夠入味，豬腸的鹵水很香，但肥美得過了頭。墨魚鮮美非常，鹵水十分入味，是三拼當中最美味的。鹵水鵝片雖是例牌，鵝件卻不少呢。伴碟的鹵炸豆腐香嫩，鵝件略肥但可接受，肉嫩有鵝香，但鹵水味較為薄弱，在鵝皮部分點到即止，鵝肉就只有單純的鵝香了，與近日在澄海老四嚐到的有點距離。鹽焗烏頭

來到年廿四晚, 抱着即管來試試看的心態, 始終對她的評語,好壞參半, 而友人Uncle Ben對她更有些微言! 平日的週末晚更經常見二十人左右在門口排入去, 在沒有任何期望嘅情況底下去到二樓, 太座已經就座, 現場所見當晚客人不多, 招呼嘅待應大概有四個, 態度一般啦,食物方面: 鹵水單拼$80, 三拼是$90, 味濃是特色, 鹵水的豉油味頗出, 但被鹵的食物則色淺, 這可能是鹵水時間短的證明, 鵝件並非太肥膩, 肉質尚算嫩滑, 蠔餅則是超級的大size, 選用的蠔亦是頗大隻的, 所以整件蛋餅炸通透後, 大蠔的肉質還留有相當多的水份, 但同樣地本人感覺這樣也是有機會由蠔內滲出水令炸蛋餅變淋身的其中一個因素, 所以吃這蛋餅是越快食完越得到好效果,粥則是好大碗的米粥, 都市人可能吃半碗已經是一個晚餐份量了,儘管Uncle Ben告介過這店有點胡亂收費但我們今次倒合理的收費, 可能店方餐牌不標價, 埋單又只靠目測心算, 忙中難免有錯嘅!其實這種小販式埋單的方式, 當生意做得大增時理應隨時代步伐買番部收銀機了, 對客人,店方都會有保障一點吧!

小妹自從兩年前同朋友一行十幾人來吃過一次後，打後差不多每個月都會麻甩毒癮發作，要走黎呢度打打泠醫一醫麻甩毒癮才可以，這間的滷水鵝實在是太令人回味，大大讚!!!還有豬手，炆得好入味，好淋，真係好正!!!仲有滷水拼盤，唔記得手機食先已經吃光光了!小妹真係有點覺得來這裡是醫毒癮，不是來吃飯的，這間打泠還有豬紅和蠔餅，每樣都很好味!!!只可惜人同行只有兩人，小妹的胃沒那麼大。T_T

生腸是這樣子的嗎?!!今晚朋友十分肚餓, 經過附近又有咪錶泊車, 兩人便入內, 叫了生腸拼鵝腸, 花生豬生, 鹵水鵝, 三碗白粥, 總數275元。看見這碟生腸拼鵝腸已沒胃口, 顏色是深啡色及瘀色, 生腸及鵝腸並不爽脆, 是"林" 的, 同朋友吃了兩塊生腸便沒吃了, 鹵水鵝麻麻地, 只有豬手是較好吃。每晚飯市很多人等位, 以為會不錯呢, 但實在是兩回事。這店20年前是不錯的, 那時間中會幫襯, 但店舖出名後....... 變差了......拍這照片給朋友看, 朋友說好像人客食剩似的, 我在想究竟這生腸擺放了多久?